Manoramaonline.com no longer supports Internet Explorer 8 or earlier. Please upgrade your browser.  Learn more »

നാട്ടാനകളുടെ ‘ഒറ്റദിന’ കണക്കെടുപ്പ് 22 ന്

elephant

പാലക്കാട് ∙ സംസ്ഥാനത്തു നാട്ടാനകളുടെ ‘ഒറ്റദിന’ കണക്കെടുപ്പുമായി വനംവകുപ്പ്. 22 നു പകൽ 8 മുതൽ 5 വരെയാണു നാട്ടാന സെൻസസ്. സുപ്രീംകോടതി വിധിയുടെ അടിസ്ഥാനത്തിൽ ആനകളുടെ വിശദവിവരശേഖരമാണു ലക്ഷ്യം. നാട്ടാനകളെ സംബന്ധിച്ച വിവരങ്ങൾ വനംവകുപ്പിന്റെ കൈവശം ഉണ്ടെങ്കിലും അത് ഒന്നുകൂടി പരിശോധിച്ച് ഉറപ്പുവരുത്തും. ഇതിനായി ജില്ലകളിൽ വെറ്ററിനറി, വനംവകുപ്പ് ഉദ്യോഗസ്ഥരടങ്ങിയ സ്ക്വാഡുകൾ രൂപീകരിക്കും.

ആനയുടെ പൊക്കം, നീളം, മൈക്രോചിപ്പിന്റെ വിശദാംശങ്ങൾ, ഭക്ഷണ – ചികിത്സാ റജിസ്റ്ററുകൾ, ആരോഗ്യം തുടങ്ങിയവ പരിശോധിക്കും. 22 ന് ആനകൾ ഇതര ജില്ലകളിലാണെങ്കിൽ അവിടെ പരിശോധന നടത്തണം. ഇക്കാര്യം ആ ജില്ലയിലെ വനംവകുപ്പിനെ അറിയിക്കണം. ആനസംബന്ധമായ വിവരങ്ങൾ വനംവകുപ്പിനു കൈമാറാൻ നാട്ടുകാർക്കും അവസരമുണ്ട്. 0491 2555521.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.