കുട്ടികൾക്ക് പൊതുവെ പഴം കഴിക്കുക എന്ന് പറഞ്ഞാൽ മടിയുള്ള കാര്യമാണ്. എങ്കിൽ ക്രീമും പാലും ഒന്നും ചേർക്കാതെ പഴം കൊണ്ട് എളുപ്പത്തിൽ ഒരു ചോക്ലേറ് ഐസ്ക്രീം ഉണ്ടാക്കി കൊടുത്താൽ കഴിക്കാതിരിക്കുമോ?... ഒന്ന് പരീക്ഷിച്ചു നോക്കൂ
ചേരുവകൾ
പഴുത്ത നേന്ത്രപ്പഴം -3
കൊക്കോ പൗഡർ - 3 ടേബിൾസ്പൂൺ
ശർക്കരപ്പൊടി - 2 ടേബിൾസ്പൂൺ
ചൂടുവെള്ളം - 2 ടേബിൾസ്പൂൺ
ഇൻസ്റ്റന്റ് കാപ്പിപ്പൊടി- 1 ടീസ്പൂൺ
ഉണ്ടാക്കുന്ന വിധം
∙ പഴുത്ത നേന്ത്രപ്പഴങ്ങൾ 3 എണ്ണം ചെറിയ കഷണങ്ങളായി അരിഞ്ഞു ഒരു രാത്രിമുഴുവൻ ഫ്രീസറിൽ വെച്ച് തണുപ്പിച്ചു എടുക്കുക.
∙ ഐസ്ക്രീം ഉണ്ടാക്കുന്നതിനായി തണുത്ത പഴക്കഷ്ണങ്ങൾ മിക്സിയുടെ ജാറിൽ നന്നായി അടിച്ചെടുക്കുക.വേണമെങ്കിൽ ചൂടുവെള്ളത്തിൽ ഇൻസ്റ്റന്റ് കാപ്പിപ്പൊടി ചേർത്ത് നന്നായി ഇളക്കി പഴത്തിലേക്കു ചേർക്കാവുന്നതാണ് .
∙ ഇനി കൊക്കോ പൗഡറും ശർക്കരപ്പൊടിയും ചേർത്ത് പഴം ഒന്നുകൂടി അടിച്ചെടുക്കുക.നന്നായി അടിച്ചെടുത്ത മിശ്രിതം ഒരു പാത്രത്തിലേക്ക് മാറ്റുക .
∙ അലങ്കാരത്തിന് വേണമെങ്കിൽ മുകളിൽ ചെറുതായി അരിഞ്ഞ ഡ്രൈ ഫ്രൂട്ട്സ്‌ ചേർക്കാവുന്നതാണ്.
∙ അതിനു ശേഷം പാത്രമടച്ചു ഫ്രീസറിൽ 3 -4 മണിക്കൂർ വെച്ച് സെറ്റ് ചെയ്‌തു എടുത്താൽ ഹെൽത്തി ഐസ്ക്രീം റെഡി.
∙ ശർക്കര ഇഷ്ടമല്ലാത്തവർക്ക് മധുരത്തിന് ഇഷ്ടമുള്ളത് ചേർക്കാവുന്നതാണ്.
