Manoramaonline.com no longer supports Internet Explorer 8 or earlier. Please upgrade your browser.  Learn more »

പുതുവർഷം രുചികരമാക്കാൻ കോക്കനട്ട് ലൈം ചിക്കൻ സാലഡ്

അനുപമ പ്രേം

സാലഡ്സ് ഏറെ രുചികരവും ആരോഗ്യകരവും ആളുകൾക്ക് ഏറെ പ്രിയങ്കരവുമാണിപ്പോൾ. വ്യത്യസ്തമായ സാലഡ് കൂട്ട് പരിചയപ്പെടുത്തുകയാണ് ഓൺമനോരമ ഹോംഷെഫ്  വിജയി അനുപമ പ്രേം. തൃശ്ശൂർ സ്വദേശിയാണ് , പാചകം ഏറെ ഇഷ്ടമാണ്. പാചകം ഇഷ്ടപ്പെട്ടാൽ അതൊരു മെഡിറ്റേഷൻ പോലെയാണെന്നാണ് അനുപമ പറയുന്നത്. പാചകത്തെ ഇത്ര സ്നേഹിക്കുന്ന അനുപമയ്ക്ക് കരിയറിൽ മറ്റൊന്നും ആലോചിക്കേണ്ടി വന്നില്ല , ഷെഫ് ആയി തന്നെ കരിയർ തുടങ്ങി, ഒപ്പം ഫുഡ് ഫൊട്ടോഗ്രഫിയും സ്റ്റൈയിലിങ്ങിലും ഇപ്പോൾ ശ്രദ്ധിക്കുന്നു. Wandering pickles എന്ന ഇന്സ്്റ്റാഗ്രാം പേജിൽ കൂടുതൽ ചിത്രങ്ങൾ കാണാം. പോഷക സമ്പുഷ്ടമായ ഈ സാലഡ് നിങ്ങൾക്കും പരീക്ഷിച്ചു നോക്കാം.

Click here to Read this in English

ചേരുവകൾ

മാരിനേറ്റ് ചെയ്യാൻ

home-chef-salad

എല്ലില്ലാത്ത ചിക്കൻ – 2
ഡബിൾ ഹോഴ്സ് കോക്കനട്ട് മിൽക്ക് – 200 മില്ലി ലിറ്റർ
ലെമൺഗ്രാസ് – 1
കാന്താരിമുളക് – 5
നാരങ്ങാ നീര് – 1
വെളുത്തുള്ളി അല്ലി – 5
ഉപ്പ് – ആവശ്യത്തിന്

സാലഡ് ഡ്രസിങ് തയാറാക്കാൻ

∙വെളുത്തുള്ളി, കാന്താരിമുളക്,ലെമൺ ഗ്രാസ് എന്നിവ നന്നായി ചതച്ച് എടുക്കുക. ഒരു ബൗളിലേക്ക് ഈ കൂട്ട് മാറ്റുക. ഇതിലേക്ക് ഡബിൾ ഹോഴ്സ് കോക്കനട്ട് മിൽക്ക് ചേർത്ത് നന്നായി യോജിപ്പിക്കുക. ആവശ്യത്തിന് ഉപ്പും കുറച്ച് നാരങ്ങാനീരും ഈ കൂട്ടിലേക്കു ചേർക്കണം. ചിക്കനും ചേർത്ത് നന്നായി യോജിപ്പിച്ചെടുക്കാം. ചിക്കൻ അര മണിക്കൂർ വയ്ക്കണം.

സാലഡ് ഡ്രസിങ്

ഒറഞ്ച് – 1
ഒലിവ് ഓയിൽ – അര കപ്പ്
മസ്റ്റാഡ് സോസ് – 2 ടീസ്പൂൺ
തേൻ – 2 ടീസ്പൂൺ
നാരങ്ങാനീര് – പകുതി
ഉപ്പും കുരുമുളകും – ആവശ്യത്തിന്

∙ ഒരു ബൗളിൽ ഒലിവ് ഓയിൽ, നാരങ്ങനീര്, ഓറഞ്ച് ജ്യൂസ്, മസ്റ്റഡ് പേസ്റ്റ്, തേൻ,ഉപ്പ്,കുരുമുളകുപൊടി എന്നിവ ചേർത്തു നന്നായി മിക്സ് ചെയ്തെടുക്കുക.

സാലഡ് തയാറാക്കാൻ

സാലഡ് ഗ്രീൻസ് – 4 കപ്പ് (ലെറ്റ്യൂസ്, ലൊലോ റോസൊ, കോസ് ലെറ്റ്യൂസ്,മൈക്രോഗ്രീൻസ് ഏതു വേണമെങ്കലും ചേർക്കാം)
ഒരു ഓറഞ്ച് കുരുവും തൊലിയും കളഞ്ഞത്
പ്ലം – 2
ചെറി ടുമാറ്റോ – 6
മഞ്ഞ കാപ്സിക്കം – 1
ഓറഞ്ച് കാപ്സിക്കം – 1
പംപ്കിൻ സീഡ്സ് – അലങ്കരിക്കാൻ ആവശ്യത്തിന്

തയാറാക്കുന്ന വിധം

∙മാരിനേറ്റ് ചെയ്ത ചിക്കൻ ഇരുവശവും മൊരിച്ചെടുക്കുക. തണുത്ത ശേഷം ചെറുതായി മുറിച്ചെടുക്കാം.

∙ സാലഡ് വയ്ക്കുന്ന പ്ലെയിറ്റിൽ പ്ലം, ചെറി ടുമാറ്റോ, മഞ്ഞ കാപ്സിക്കം, ഓറഞ്ച്, ഓറഞ്ച് കാപ്സിക്കം ഇട്ട് ഡ്രസിങ് ആവശ്യത്തിന് ഒഴിച്ചു കൊടുക്കാം. നന്നായി മിക്സ് ചെയ്യാം.

∙ഒരു ബൗളിൽ സാലഡിൽ വേണ്ട പച്ചിലകൾ നിരത്തുക. ഇതിലേക്കും ആവശ്യത്തിന് ഡ്രസിങ് ഒഴിച്ച് പതിയെ മിക്സ് ചെയ്യുക. സാലഡ് വിളമ്പുന്ന പാത്രത്തിൽ പ്ലം കൂട്ട്, ഇലകൾ, ചിക്കൻ എന്നിവ നിരത്തി വിളമ്പാം, രുചികരവും വ്യത്യസ്തവുമായ സാലഡ് റെഡി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.