20 മീറ്റർ നീളം 15.4 മീറ്റർ വീതി; തുണിയിൽ തുന്നിയത് ‘റെക്കോർഡ്’ മാസ്ക്
Mail This Article
×
കോതമംഗലം ∙ മാർ അത്തനേഷ്യസ് എൻജിനീയറിങ് വിദ്യാർഥികൾ നിർമിച്ച 308 ചതുരശ്രയടി വിസ്തീർണമുള്ള തുണി കൊണ്ടു നിർമിച്ച മാസ്ക് ഇന്ത്യ ബുക് ഓഫ് റെക്കോർഡ്സിലും ഏഷ്യ ബുക് ഓഫ് റെക്കോർഡ്സിലും ഇടം നേടി. 20 മീറ്റർ നീളവും 15.4 മീറ്റർ വീതിയും ഉള്ള മാസ്ക് തുണിയിൽ നിർമിച്ച ഏറ്റവും വലിയ മാസ്ക് ആയി രേഖപ്പെടുത്തി.
പ്രഫ. കിരൺ ബോബി, പ്രഫ. കെ. എൽ. അരുൺ എന്നിവരുടെ മേൽനോട്ടത്തിൽ മൂന്നാം വർഷ മെക്കാനിക്കൽ വിദ്യാർഥികളായ ജെയ്സൺ ജോൺസൺ, കാർത്തിക് രാധാകൃഷ്ണൻ, എസ്. മകരന്ദ്, എസ്.ഡാനൽ കെയ്ൻ എന്നിവരുടെ നേതൃത്വത്തിലാണ് ടെക്നിക്കൽ ഫെസ്റ്റായ തക്ഷക് 21 ന്റെ ഭാഗമായി മാസ്ക് നിർമിച്ചത്. ലിവ് വിത്ത് കൊറോണ എന്ന പേരിൽ സംഘടിപ്പിച്ച പരിപാടിയുടെ ഭാഗമായിട്ടാണ് മാസ്ക് നിർമിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
