രാസലഹരി: യുട്യൂബ് വ്ലോഗർ അറസ്റ്റിൽ

കാലടി∙ കോളജ് വിദ്യാർഥികൾക്കിടയിലും യുവാക്കൾക്കിടയിലും രാസലഹരി എത്തിച്ചു വിൽപന നടത്തി വന്നിരുന്ന യൂ ട്യൂബ് വ്ലോഗറായ യുവതിയെ എക്സൈസ് അറസ്റ്റ് ചെയ്തു. കാവുംപുറം വയനത്തറ സ്വാതികൃഷ്ണയാണ് (28) അറസ്റ്റിലായത്. 2.781 ഗ്രാം എംഡിഎംഎ, 20 ഗ്രാം കഞ്ചാവ് എന്നിവ പ്രതിയുടെ പക്കൽ നിന്നു കണ്ടെടുത്തു.

യുവതി കുറച്ചു ദിവസങ്ങളായി എക്സൈസിന്റെ നിരീക്ഷണത്തിലായിരുന്നു. മറ്റൂർ-ചെമ്പിശേരി റോഡിൽ വച്ചാണ് ഇവരെ പിടികൂടിയത്. കൈവശമുണ്ടായിരുന്ന രാസലഹരി ഇവർ വിൽപന നടത്താൻ കൊണ്ടുപോകുകയായിരുന്നുവെന്ന് എക്സൈസ് ഉദ്യോഗസ്ഥർ പറഞ്ഞു.