ഇവിടെ നേർക്കുനേർ പോരാട്ടം; കണ്ണൂരിൽ ‘രണ്ടിലയ്ക്ക്’ മീതെ ‘ചെണ്ട’മേളം
Mail This Article
കണ്ണൂർ ∙ കേരള കോൺഗ്രസുകളുടെ നേർക്കുനേർ പോരാട്ടത്തിൽ ജില്ലയിൽ ചെണ്ടയിൽ തട്ടി രണ്ടില വീണു. ഇടതു മുന്നണിയിലേക്കു പോയ കേരള കോൺഗ്രസ് (എം), യുഡിഎഫിലെ കേരള കോൺഗ്രസ്(ജോസഫ്) വിഭാഗവുമായി ജില്ലയിൽ നേർക്കുനേർ വന്നത് 3 സ്ഥലങ്ങളിൽ. ഒരു ബ്ലോക്ക് ഡിവിഷനിലും 2 ഗ്രാമ പഞ്ചായത്ത് വാർഡുകളിലുമാണു ജോസഫ് വിഭാഗത്തിന്റെ വിജയം.
∙ ഇരിട്ടി അങ്ങാടിക്കടവ് ബ്ലോക്ക് ഡിവിഷനിൽ യുഡിഎഫ് സ്ഥാനാർഥി ജോളി കുന്നപ്പള്ളി ഇടതുപക്ഷത്തിനായി മത്സരിച്ച റെജി മാത്യു മേച്ചേരിക്കുന്നേലിനെ 1033 വോട്ടുകൾക്ക് പരാജയപ്പെടുത്തി.
∙ അയ്യൻകുന്ന് പഞ്ചായത്ത് വാർഡ് 15 മുടയിരഞ്ഞി വാർഡിൽ ജോസഫ് ഗ്രൂപ്പിലെ ഫിലോമിനാ മാണി കണ്ണംകുളത്ത്, കേരള കോൺഗ്രസ് എമ്മിലെ നിഷ ഫ്രാൻസിസ് കൊല്ലിത്തടത്തിനെ 40 വോട്ടുകൾക്കു പരാജയപ്പെടുത്തി.
∙ പയ്യാവൂർ പഞ്ചായത്തിലെ 14–ാം വാർഡായ പൈസക്കരിയിൽ കേരള കോൺഗ്രസ്(ജോസഫ്) സ്ഥാനാർഥി ഡെൻസൻ ജോർജ് കണ്ടത്തിങ്കര 191 വോട്ടുകൾക്ക് കേരള കോൺഗ്രസ് (എം) സ്ഥാനാർഥി ബിനു മണ്ഡപത്തിലിനെ പരാജയപ്പെടുത്തി.
∙ ചെറുപുഴ പഞ്ചായത്ത് വാർഡ് 7 ജോസഫ് ഗ്രൂപ്പിനു മത്സരിക്കാൻ നൽകിയെങ്കിലും ഇവിടെ യുഡിഎഫ് സ്വതന്ത്രയാണ് മത്സരിച്ചത്. ഇവിടെ എൽഡിഎഫ് വിജയിച്ചു.