വേനൽമഴയ്ക്കൊപ്പം ആലിപ്പഴവും...!

എഴുകോൺ ∙ വേനൽമഴയ്ക്ക് ഒപ്പം ആലിപ്പഴം പൊഴിഞ്ഞത് കൗതുകമായി. മരുതൂർ, ചാമുണ്ടിമൂല, കാരുവേലിൽ, പരുത്തുംപാറ തുടങ്ങിയ ഭാഗങ്ങളിലാണ് ഇന്നലെ വൈകിട്ട് നാലോടെ മഴയ്ക്കും ഇടിക്കും ഒപ്പം ആലിപ്പഴം പൊഴിഞ്ഞത്. വീടിനു മുകളിൽ ചരൽ പതിക്കുന്നതു പോലെ ശബ്ദം കേട്ടു ശ്രദ്ധിച്ചവരാണ് മുറ്റത്തും റോഡിലും മറ്റും ചെറിയ മഞ്ഞുകട്ടകൾ വീണു ചിതറുന്നത് കണ്ടത്.  എടുത്തപ്പോഴേക്കും പലതും അലിഞ്ഞു. ചിലർ കൈവെള്ളയിൽ വച്ചു ഫോട്ടോ എടുത്തു.  ഗോലിയേക്കാൾ വലിപ്പമുള്ളവയായിരുന്നു മഞ്ഞുകട്ടകൾ.