മൂന്നാമത് വി.വി പ്രകാശ് സദ്ഭാവനാ പുരസ്കാരം രമേഷ് പിഷാരടിക്ക്

തിരുവനന്തപുരം∙ അന്തരിച്ച കോൺഗ്രസ്സ് നേതാവും,മുൻ മലപ്പുറം ഡിസിസി പ്രസിഡന്റുമായിരുന്ന  വി.വി പ്രകാശിന്റെ ഓർമയ്ക്കായി ചർക്ക ഏർപ്പെടുത്തിയ സദ്ഭാവനാ പുരസ്കാരം ഈ വർഷം പ്രശസ്ത സിനിമാ താരവും എഴുത്തുകാരനുമായ രമേഷ് പിഷാരടിക്ക് നൽകുമെന്ന് ചർക്ക ചെയർമാൻ റിയാസ് മുക്കോളി അറിയിച്ചു.

ഫലകവും പ്രശസ്തി പത്രവും അടങ്ങുന്നതാണ് പുരസ്കാരം. ഈ വർഷം മുതൽ ഇരുപത്തിഅയ്യായിരം രൂപയും പുരസ്കാരത്തോടൊപ്പം നൽകുന്നുണ്ട് എന്ന് ചർക്ക ഭാരവാഹികൾ അറിയിച്ചു. ചർക്ക സംഘടിപ്പിക്കുന്ന മൂന്നാമത് വി.വി. പ്രകാശ് അനുസ്മരണ യോഗത്തിൽ വെച്ച് പുരസ്കാരം കൈമാറും. ആദ്യ പുരസ്കാരം നജീബ് കാന്തപുരം എംഎൽഎയ്ക്കും രണ്ടാമത് എഴുത്തുകാരിയും സാമൂഹിക പ്രവർത്തകയുമായ സുധാ മേനോനുമാണ് നൽകിയത്.