അമ്മ മരിച്ച് ഒരു വർഷം കഴിഞ്ഞപ്പോൾ അച്ഛനും മരിച്ചു; നൊമ്പരമായി അമ്മു

ലണ്ടൻ ∙ അമ്മ മരിച്ച് ഒരു വർഷം കഴിഞ്ഞപ്പോൾ അച്ഛനും മരിച്ചതോടെ തനിച്ചായിരിക്കുകയാണ് അമ്മു. ചിചെസ്റ്ററിലെ മലയാളി ദമ്പതികളായ ജോണിയുടെയും റെജിയുടെയും മകളാണ് അമ്മു. ഞായറാഴ്ച ഉച്ചഭക്ഷണം കഴിച്ച് പതിവുപോലെ ഉറങ്ങാൻ പോയ ജോണിയെ ഏറെ വൈകിയും പുറത്തു കാണാതിരുന്നതോടെ അന്വേഷിച്ച മകളാണ് ചലനമറ്റ നിലയിൽ അച്ഛനെ കണ്ടെത്തിയത്. കഴിഞ്ഞ ഏപ്രിൽ മാസത്തിലാണ് ജോണിയുടെ ഭാര്യ റെജി മരിച്ചത്. നഴ്സായിരുന്ന റെജി കാൻസർ രോഗത്തെത്തുടർന്നാണ് മരിച്ചത്. ആ ആഘാതത്തിൽ നിന്ന് മോചിതയാക്കുന്നിന് മുൻപേയാണ് അമ്മുവിന് അച്ഛനെയും നഷ്ടമായിരിക്കുന്നത്.