സോണിയയും നഡ്ഡയും എതിരില്ലാതെ രാജ്യസഭയിലേക്ക്; 15 സീറ്റുകളിലേക്ക് വോട്ടെടുപ്പ് 27ന്

ന്യൂഡൽഹി ∙ കോൺഗ്രസ് നേതാവ് സോണിയ ഗാന്ധി, ബിജെപി ദേശീയ അധ്യക്ഷൻ ജെ.പി.നഡ്ഡ എന്നിവരടക്കം 41 പേർ രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ടു. സോണിയ രാജസ്ഥാനിൽനിന്നും നഡ്ഡ ഗുജറാത്തിൽനിന്നുമാണ് തിരഞ്ഞെടുക്കപ്പെട്ടത്.

കേന്ദ്രമന്ത്രിമാരായ അശ്വിനി വൈഷ്ണവ്, എൽ.മുരുഗൻ തുടങ്ങിയവരും എതിരില്ലാതെ വിജയിച്ചവരുടെ പട്ടികയിലുണ്ട്. 41 ൽ 20 എണ്ണം ബിജെപിക്കും 6 എണ്ണം കോൺഗ്രസിനുമാണ്. 15 സീറ്റുകൾ മറ്റു കക്ഷികൾ നേടി. രാജ്യസഭയിൽ ഒഴിവുവന്ന 56 സീറ്റിൽ ബാക്കി 15 എണ്ണത്തിലേക്ക് (യുപി, കർണാടക, ഹിമാചൽപ്രദേശ്) 27നു തിരഞ്ഞെടുപ്പ് നടക്കും.