എസ്എസ്എൽസി ഫലം 8ന്; പ്ലസ്ടു 9ന്

തിരുവനന്തപുരം ∙ എസ്എസ്എൽസി പരീക്ഷാ ഫലം മേയ് 8 നും പ്ലസ്ടു ഫലം മേയ് 9 നും ഉച്ചകഴിഞ്ഞു മൂന്നിനു പ്രഖ്യാപിക്കും. 4,27,105 വിദ്യാർഥികളാണ് എസ്എസ്എൽസി ഫലം കാത്തിരിക്കുന്നത്. ഇതിനൊപ്പം ടിഎച്ച്എസ്എൽസി, എഎച്ച്എസ്എൽസി ഫലങ്ങളും പ്രഖ്യാപിക്കും. 4,41,120 വിദ്യാർഥികളാണ് പ്ലസ്ടു പരീക്ഷ എഴുതിയത്. 29,300 പേരെഴുതിയ വിഎച്ച്എസ്ഇ പരീക്ഷാ ഫല പ്രഖ്യാപനവും 9ന് ആണ്.

ഇക്കൊല്ലം നേരത്തേയാണു ഫലപ്രഖ്യാപനമെന്നും പ്ലസ് വൺ പ്രവേശന നടപടികളും അതനുസരിച്ചു വൈകാതെ ആരംഭിക്കുമെന്നും മന്ത്രി വി.ശിവൻകുട്ടി അറിയിച്ചു. പ്ലസ് വണിന് ആവശ്യമായ സീറ്റുകളും ബാച്ചുകളും ഉറപ്പാക്കുമെന്നും 25 കുട്ടികളില്ലാത്ത ബാച്ചുകൾ തൽക്കാലം ഒഴിവാക്കില്ലെന്നും മന്ത്രി വ്യക്തമാക്കി.