രോഗിയുമായി പോയ ഓട്ടോ കത്തിനശിച്ചു; അദ്ഭുതകരമായി രക്ഷപ്പെട്ട് യാത്രക്കാർ: വിഡിയോ

കോഴിക്കോട്∙ രോഗിയുമായി മെഡിക്കൽ കോളജ് ആശുപത്രിയിലേക്ക് പോവുകയായിരുന്ന ഓട്ടോറിക്ഷ പൂർണമായും കത്തിനശിച്ചു. ഇന്ന് രാവിലെ ഏഴുമണിയോടെ ഇരിങ്ങാടൻ പള്ളി ബൈപാസിലാണ് അപകടം ഉണ്ടായത്.

യാത്രക്കാരായ കൊയിലാണ്ടി സ്വദേശികളായ ഗിരീഷ്, ഭാര്യ മിനി, മകൾ അനഘ എന്നിവരും ഡ്രൈവർ സുബൈറുമാണ് ഓട്ടോറിക്ഷയിലുണ്ടായിരുന്നത്. ഇവർ അദ്ഭുതകരമായി രക്ഷപ്പെട്ടു. ഗിരീഷിനെ മെഡിക്കൽ കോളജിൽ കൊണ്ടുപോകുന്ന വഴിയാണ് അപകടം ഉണ്ടായത്. ഉടനെ നാട്ടുകാർ ഫയർ സ്റ്റേഷനിൽ വിവരമറിയിച്ചു. സ്ഥലത്തെത്തിയ ഫയർഫോഴ്സ് തീയണക്കുകയായിരുന്നു.

English summary: Auto Rickshaw sets on fire