പിക് അപ്പിന്റെ വാതിലടയ്ക്കുമ്പോൾ കാറിടിച്ചു; ഡ്രൈവറിന്റെ കാലൊടിഞ്ഞു തൂങ്ങി– വിഡിയോ

കോഴിക്കോട്∙ തിരുവോണ ദിവസം പറമ്പിൽ ബസാറിൽ പാൽ വിതരണത്തിനിടെ മിൽമയുടെ പിക് അപ് വണ്ടിയിൽ കാർ ഇടിച്ച് പിക് അപ് ഡ്രൈവർ പയമ്പ്ര പാലക്കൽ വിപിന് പരുക്കേറ്റു. രാവിലെ ഏഴരയോടെയാണ് അപകടം. 

ബേക്കറിയിലേക്ക് പാൽ കൊടുത്തു ട്രേ വാനിലേയ്ക്ക് വച്ചു വാതിൽ അടച്ച ഉടനെയാണ് കാർ ഇടിച്ചത്. ഇടിയുടെ ആഘാതത്തിൽ വിപിൻ ബോണറ്റിന് മുകളിലേക്ക് മറിഞ്ഞു വീണു. ചില്ല് തെറിച്ച് തലയ്ക്ക് മുറിവേറ്റു.

ഇടതുകാൽ മുട്ടിന് താഴെ പൊട്ടി തൂങ്ങിയിട്ടുണ്ട്. വലതുകാലിനും ക്ഷതമേറ്റു. വിപിനെ ജില്ലാ സഹകരണ ആശുപത്രിയിൽ പ്രവേശിപ്പിച്ചു

English Summary: Milma Pick Up Van Accident; CCTV Visual