ഇടുക്കി ഡാമിൽ ബ്ലൂ അലർട്ട്; കക്കി– ആനത്തോട് ഡാമിന്റെ 2 ഷട്ടർ തുറന്നു
Mail This Article
തൊടുപുഴ∙ ഇടുക്കി ഡാമിൽ ബ്ലൂ അലർട്ട് പ്രഖ്യാപിച്ചു. രാവിലെ 10 മണിക്ക് ജലനിരപ്പ് 2388.08 അടിയായി. 7 അടി കൂടി വെള്ളം ഉയർന്നാൽ റെഡ് അലർട്ട് പ്രഖ്യാപിക്കും. ജലനിരപ്പ് 2395.98 അടി ആയാലാണ് ഡാം തുറക്കുക. ജലനിരപ്പ് ക്രമീകരിക്കാൻ മൂലമറ്റത്ത് വൈദ്യുത ഉൽപാദനം ഉയർത്തി.
കക്കി-ആനത്തോട് ഡാമിന്റെ രണ്ടു ഷട്ടറുകള് തുറന്നു
കക്കി-ആനത്തോട് ഡാമിന്റെ രണ്ടു ഷട്ടറുകള് ഇന്ന് രാവിലെ 10 മണിക്ക് തുറന്നതായി ജില്ലാ കലക്ടര് പി.ബി.നൂഹ് അറിയിച്ചു. ഡാമിന്റെ രണ്ടു ഷട്ടറുകള് 25 സെന്റീമീറ്റര് വീതമാണ് ഉയര്ത്തി അധികജലം പമ്പാ നദിയിലേക്ക് ഒഴുക്കി വിടുന്നത്. ഷട്ടറുകള് ഉയര്ത്തിയതു മൂലം പമ്പയാറിലെ ജലനിരപ്പ് 10 സെന്റീമീറ്റര് ഉയര്ന്നേക്കാമെന്നുള്ള സാഹചര്യത്തില് നദിയുടെ തീരത്ത് താമസിക്കുന്നവരും പൊതുജനങ്ങളും സുരക്ഷ ഉറപ്പുവരുത്തണം. നദിയില് ഇറങ്ങുന്നത് ഒഴിവാക്കണമെന്നും ജില്ലാ കലക്ടര് അറിയിച്ചു.
English Summary: Blue Alert in Idukki Dam, Kakki-Anathode dam shutters opened