വ്യാജ ഡോക്ടർ പ്രസവമെടുത്ത‌ു; അമ്മയ്ക്കും കുഞ്ഞിനും ദാരുണാന്ത്യം

ന്യൂഡൽഹി∙ വ്യാജ ഡോക്ടറുടെ ചികിത്സയിൽ പൊലിഞ്ഞതു അമ്മയുടെയും നവജാത ശിശുവിന്റെയും ജീവൻ. നോയിഡ മമൂറയിലെ വ്യാജ ക്ലിനിക്കിലാണു യുവതി പ്രസവത്തിനിടെ മരിച്ചത്. അമ്മയുടെയും കുഞ്ഞിന്റെയും മൃതദേഹങ്ങൾ ക്ലിനിക്കിനു പുറത്ത് ഉപേക്ഷിച്ചു കടന്ന വ്യാജ ഡോക്ടറെ ഇതുവരെ കണ്ടെത്താനായിട്ടില്ല. തിങ്കളാഴ്ച രാവിലെയാണു നോയിഡയിലെ സ്വകാര്യ ക്ലിനിക്കിൽ സംഭവമുണ്ടായത്. ക്ലിനിക്കിനു റജിസ്ട്രേഷൻ പോലമുണ്ടായിരുന്നില്ലെന്നു പൊലീസ് പറഞ്ഞു. സെൻട്രൽ നോയിഡ പൊലീസ് കേസ് റജിസ്റ്റർ ചെയ്തു.

English Summary: Mother, baby die during quack-assisted delivery in Noida, bodies dumped