ഓക്സ്ഫഡ് വാക്സീന് വില 200 രൂപ; ഓർഡർ നൽകി
Mail This Article
ന്യൂഡല്ഹി∙ കോവിഡിനെതിരായ ഓക്സ്ഫഡ് വാക്സീൻ ഒരു ചെറിയ കുപ്പിക്ക് 200 രൂപ വില വരുമെന്നു റിപ്പോർട്ട്. കേന്ദ്രസർക്കാർ വാക്സീനു വേണ്ടി ഓർഡർ നൽകിയതായി മുഖ്യമന്ത്രിമാരുമായുള്ള യോഗത്തിൽ പ്രധാനമന്ത്രി അറിയിച്ചു. കോവിഷീൽഡ് വാക്സീനുകൾ വാങ്ങുന്നതിനുള്ള ഓർഡർ തിങ്കളാഴ്ചയോ ചൊവ്വാഴ്ചയോ കേന്ദ്രസർക്കാരിൽനിന്നു ലഭിക്കുമെന്നും വിവരമുണ്ട്.
എല്ലാ ആഴ്ചകളിലും ദശലക്ഷക്കണക്കിന് ഡോസ് വാക്സീനുകളായിരിക്കും വിതരണം ചെയ്യുക. തുടക്കത്തിൽ 11 ദശലക്ഷം വാക്സീൻ ആയിരിക്കും നൽകുക. ജനുവരി 16ന് വാക്സീൻ പുറത്തിറക്കാൻ സാധിക്കുമെന്ന് കേന്ദ്രസർക്കാർ നേരത്തേ പ്രതികരിച്ചിരുന്നു. കോവിഷീൽഡ് വാക്സീനും കോവാക്സീനുമാണ് അടിയന്തര ഉപയോഗത്തിനായി അനുമതി നൽകിയിരിക്കുന്നത്.
English Summary: Oxford Vaccine Costs ₹ 200 A Vial, Purchase Order Likely Today: Sources