ബിജെപിയുടെ പ്രകടന പത്രിക: മാനന്തവാടി ബിഷപ്പിന് മലയാളം പതിപ്പ് നൽകി സുരേന്ദ്രൻ

മാനന്തവാടി∙ ബിജെപിയുടെ തിരഞ്ഞെടുപ്പ് പ്രകടന പത്രികയായ  സങ്കൽപ് പത്രത്തിന്റെ മലയാളം പതിപ്പ് മാനന്തവാടി ബിഷപ്പിന് നൽകി സംസ്ഥാന അധ്യക്ഷൻ കെ.സുരേന്ദ്രൻ പ്രകാശനം ചെയ്തു. ബിഷപ് ഹൗസിലെത്തിയാണു പ്രകടന പത്രിക ബിഷപ് മാർ ജോസ് പൊരുന്നേടത്തിന് നൽകിയത്. 

വയനാടൻ ജനതയുടെ ആവശ്യം പ്രകടനപത്രികയിൽ ഉൾപ്പെടുത്തിയത് സ്വാഗതാർഹമാണെന്ന് ബിഷപ് പറഞ്ഞു. വന്യജീവി ശല്യം പരിഹരിക്കണമെന്ന ബിഷപ്പിന്റെ ആവശ്യത്തോട് ബിജെപി ദേശീയ നേതൃത്വം പോസിറ്റീവായി പ്രതികരിച്ചതിന്റെ ഉദാഹരണമാണ് ഈ പ്രകടനപത്രികയെന്നു സുരേന്ദ്രൻ പറഞ്ഞു.

ജില്ലാ പ്രസിഡന്റ് പ്രശാന്ത് മലയിൽ, ഫാ.നോബിൾ തോമസ് പാറക്കൽ, കൂവണ വിജയൻ എന്നിവരും ഒപ്പമുണ്ടായിരുന്നു.