മത്തങ്ങയും ഉണക്ക പയറും കൊണ്ട് നൊസ്റ്റാൾജിയ ഉണർത്തും മധുരം

ഉണക്ക പയറും മത്തങ്ങയും ചേർത്തൊരു നാടൻ മധുര പലഹാര രുചിക്കൂട്ട് തയാറാക്കാം.

ചേരുവകൾ

• ഉണക്കപ്പയർ - 1 കപ്പ് 
• മത്തൻ - മുക്കാൽ കിലോ
• ശർക്കര - 2 കഷ്ണം 
• തേങ്ങാ - 1 കപ്പ് 
• ഏലക്കാപ്പൊടി - അരടീസ്പൂൺ 
• റാഗിപ്പൊടി - കാൽകപ്പ് 

തയാറാക്കുന്ന വിധം 

• പയർ 4 മണിക്കൂർ വെള്ളത്തിൽ കുതിർത്തു വയ്ക്കുക. 
• ശേഷം കുക്കറിലേക്കിട്ടു കൊടുക്കുക. ഇതിന്റെ  മുകളിലായി മത്തൻ കഷ്ണങ്ങളാക്കിയത് ഇടുക. 
• കുറച്ച് ഉപ്പ് ആവശ്യത്തിന് വെള്ളം ചേർത്ത് 4 അല്ലെങ്കിൽ 5 വിസിൽ വരുന്നത് വരെ വേവിക്കുക. 
• ശർക്കര വെള്ളം ചേർത്ത് ഉരുക്കുക. 
• പയറും മത്തങ്ങയും നന്നായി യോജിപ്പിക്കുക. ഇതിലേക്കു ശർക്കര ഉരുക്കിയത് ചേർത്ത് തിളപ്പിക്കുക. 
• ശേഷം തേങ്ങാ ചിരകിയത് ചേർത്തിളക്കുക. ഇതിലേക്കു റാഗിപ്പൊടി ചേർത്ത് കുറഞ്ഞ തീയിലിട്ട് വേവിക്കുക. ഏലക്കാപ്പൊടി ചേർത്ത് ചൂടോടെ ചായയുടെ കൂടെ വിളമ്പാം.

English Summary : Red beans Pumpkin, traditional Recipe.