ഹാങ്ചോ ഏഷ്യൻ ഗെയിംസും കഴിഞ്ഞു സുവർണ മെഡലും അണിഞ്ഞു ജന്മനാട്ടിൽ പറന്നിറങ്ങിയതിനു പിന്നാലെ ഹോക്കി താരം പി.ആർ.ശ്രീജേഷ് വാട്സാപ്പിലൊരു സ്റ്റാറ്റസ് ഇട്ടു– ഉറ്റസുഹൃത്തായ സഹതാരം അമിത് രോഹിദാസ് ഒഡീഷ മുഖ്യമന്ത്രിയിൽനിന്ന് ഒന്നരക്കോടി രൂപയുടെ പാരിതോഷികം ഏറ്റുവാങ്ങുന്ന ചിത്രം. സുഹൃത്തിന്റെ അഭിമാനനിമിഷം ഒരു ഓർമപ്പെടുത്തൽ എന്ന നിലയ്ക്കു കൂടിയാണു സ്റ്റാറ്റസ് അപ്ഡേറ്റ് ചെയ്യുന്ന ശീലമില്ലാത്ത താൻ വാട്സാപ്പിൽ ഇട്ടതെന്നു ശ്രീജേഷ്. ഒരു ഒളിംപിക് വെങ്കലവും രണ്ട് ഏഷ്യൻ ഗെയിംസ് സ്വർണവുമുൾപ്പെടെ എണ്ണിയാൽ തീരാൻ ഏറെ സമയമെടുക്കുന്ന മെഡൽ ശേഖരത്തിനു മുന്നിലിരുന്ന് ഇന്ത്യൻ ഹോക്കിയുടെ കാവലാളായ പി.ആർ.ശ്രീജേഷ് ‘മനോരമ ഓൺലൈനി’ൽ മനസ്സ് തുറക്കുന്നു.