യുഎസ് തലസ്ഥാനമായ വാഷിങ്ടൻ ഡിസിയിൽനിന്ന് ഏതാനും കിലോമീറ്റർ മാത്രമകലെ ജോർജ് ടൗൺ എന്ന പതിനേഴാം നൂറ്റാണ്ടിലെ പുരാതന പട്ടണം. പോട്ടോമാക് നദിക്കരയിൽ ചതുരക്കല്ലുകൾ പാകിയ തെരുവുകളും ജോർജ് ടൗൺ സർവകലാശാലയിലെ വിദ്യാർഥികൾ ബീയർ കുടിക്കുന്ന പഴയ ടാവേണുകളും നിറഞ്ഞയിടം. അവിടെ ഒരു ടാവേണിൽ സന്ധിക്കാൻ പോവുകയാണ് ഇന്ത്യൻ ചാര ഏജൻസി റോയുടെ ഏജന്റും ഖലിസ്ഥാൻ ഭീകരനും. കാണണം എന്ന് ആവശ്യപ്പെട്ടിരിക്കുന്നത് ഭീകരനായ സച്ചാ സിങ്. എന്തിനെന്ന് പിടികിട്ടുന്നില്ല. റോയിലെ തന്നെ മറ്റൊരു ഓപറേറ്റിവ് സർതാജ് സിങ്ങിനോടാണ് സച്ചാ സിങ് വാഷിങ്ടനിലെ റോ മേധാവി ദിനേഷ് മാഥൂറിനെ കാണണം എന്ന് ആവശ്യപ്പെട്ടിരിക്കുന്നത്.