ലളിതപരിഹാരങ്ങൾ

കടൽത്തീരത്തു വൈകുന്നേരം ചാരുബഞ്ചിൽ കാറ്റുകൊണ്ടിരുന്ന വൃദ്ധനെ സമീപിച്ച് യുവാവ് ചോദിച്ചു, ‘സാറിനെന്നെ മനസ്സിലായോ?’ ‘ഇല്ല’ ‘അങ്ങയുടെ വിദ്യാർഥിയായിരുന്നു ഞാൻ. അങ്ങു കാണിച്ച മഹനീയമാതൃകയിൽ ആകൃഷ്ടനായി അദ്ധ്യാപകജോലിയിലേക്കു തിരിഞ്ഞു’ ‘ഞാൻ സാധാരണ അധ്യാപകൻ മാത്രമായിരുന്നു. വലിയ മാതൃകയൊന്നും കാണിച്ചിട്ടില്ല’ ‘എന്നു സാർ പറയുന്നു. ഞാൻ സത്യം ഇപ്പോൾ തുറന്നു പറയട്ടെ. അന്നു വാച്ച‌ു മോഷ്ടിച്ചതു ഞാനായിരുന്നു’ പഴയ അധ്യാപകൻ ഓർമ്മച്ചെപ്പ് കുലുക്കി. ക്ലാസിലെ വാച്ചുമോഷണം ഓർമ്മയിലെത്തി.