ബിറ്റ്കോയിൻ മൂല്യം റെക്കോർഡ് ഉയരത്തിൽ

സർവകാല റെക്കോർഡ് ഭേദിച്ച് ക്രിപ്റ്റോകറൻസിയായ ബിറ്റ്കോയിൻ വില കുതിക്കുന്നു. ബിറ്റ്കോയിൻ 2009ൽ ആരംഭിച്ച ശേഷം ആദ്യമായി വില ഇന്നലെ 71700ഡോളർ(59 ലക്ഷം രൂപ) കടന്നു. 2021നവംബറിലാണ് ഇതിനു മുൻപ് റെക്കോർഡ് നിലവാരത്തിൽ എത്തിയത്; 69000 ഡോളർ(57 ലക്ഷം രൂപ). 24 മണിക്കൂറിനിടെ ബിറ്റ്കോയിൻ 4.5 ശതമാനത്തിലേറെ നേട്ടമുണ്ടാക്കി. ബിറ്റ്കോയിൻ വില  കുതിച്ചതോടെ മറ്റു ക്രിപ്റ്റോ കറൻസികളും നിക്ഷേപകർക്ക് ലാഭം നൽകി. ബിറ്റ്കോയിൻ എക്സ്ചേഞ്ച് ട്രേഡഡ് ഫണ്ടുകൾക്ക്(ETF) അനുമതി ലഭിച്ചതോടെ യുഎസിൽ ധനകാര്യസ്ഥാപനങ്ങൾക്കിടയിൽ ക്രിപ്റ്റോകറൻസിക്ക് പ്രിയമേറുന്നതാണ് വില ഉയരാൻ കാരണം.

ക്രിപ്റ്റോ വിപണിയിലെ രണ്ടാമത്ത പ്രമുഖ കറൻസിയായ എതേറിയത്തിന്റെ വില 5.4 ശതമാനം കൂടി 4,043 ഡോളർ(3.90 ലക്ഷം രൂപ) നിലവാരത്തിലാണ്. ടെതർ, സൊളാന, റിപ്പിൾ, യുഎസ്ഡി കോയിൻ, കാർഡാനോ, ഷിബ ഇനു എന്നിവയും മികച്ച മുന്നേറ്റമാണ് നടത്തുന്നത്. ഇതോടെ ആകെ ക്രിപ്റ്റോ വിപണിയുടെ മൂല്യം 2.71 ലക്ഷം കോടി ഡോളറിലെത്തി.(2,24,25,141 കോടി രൂപ). ഇതും സർവകാല റെക്കോർഡ് ആണ്. 

(മുന്നറിയിപ്പ്: ക്രിപ്റ്റോകറൻസിക്ക് നിയമപരമായ പിന്തുണയില്ല.  ഈ വാർത്ത നിക്ഷേപം നടത്തുന്നതിനുള്ള ഉപദേശമല്ല.)