ഈ മികവു തുടർന്നാൽ ഇന്ത്യ ഉറപ്പായും ലോകകപ്പ് നേടും; പ്രതീക്ഷയുണ്ടെന്നു സൗരവ് ഗാംഗുലി

കൊച്ചി∙ ‘ഈ മികവു തുടർന്നാൽ തീർച്ചയായും ഇന്ത്യ കിരീടം നേടും’ മുൻ ഇന്ത്യൻ ക്യാപ്റ്റനും ബിസിസിഐ മുൻ പ്രസിഡന്റുമായ സൗരവ് ഗാംഗുലി പറയുന്നു. സെമി ഫൈനലും ഫൈനലും വളരെ നിർണായകമാണ്. ഇപ്പോഴത്തെ മികവു തുടർന്നാൽ കിരീടപ്രതീക്ഷയുണ്ട്– കുമരകത്തേക്കു പോകാൻ കൊച്ചി വിമാനത്താവളത്തിലിറങ്ങിയ ഗാംഗുലി പറഞ്ഞു. 

തുടർച്ചയായ 8 വിജയങ്ങൾ. സ്പിന്നർമാരും പേസർമാരും ബാറ്റർമാരും ഒരുപോലെ മികവു പുലർത്തി.  മികച്ച പ്രകടനമാണു വിരാട് കോലിയുടേത്. കൊൽക്കത്തയിലെ പ്രകടനം മികവുറ്റതായിരുന്നു. ക്യാപ്റ്റൻ രോഹിത് ശർമ, ശ്രേയസ് അയ്യർ തുടങ്ങിയവരും മികച്ച ഫോമിലാണ്. രാഹുൽ ദ്രാവിഡിന്റെ കൂടി മികവാണ് ഈ ജയം– ഗാംഗുലി പറഞ്ഞു.