ചാംപ്യൻസ് ലീഗ്: പെനൽറ്റി ഗോൾ തുണച്ചു, ബയണിനെ സമനിലയിൽ തളച്ച് റയൽ മഡ്രിഡ്
Mail This Article
×
മ്യൂണിക്ക്∙ യുവേഫ ചാംപ്യൻസ് ലീഗ് സെമി ഫൈനലിലെ ആദ്യ പാദ മത്സരത്തിൽ ബയണ് മ്യൂണിക്കിനെ സമനിലയിൽ തളച്ച് റയൽ മഡ്രിഡ്. ബയണിന്റെ ഹോം ഗ്രൗണ്ടിൽ നടന്ന മത്സരത്തിൽ ഇരു ടീമുകളും രണ്ടു ഗോൾ വീതം നേടി. 83–ാം മിനിറ്റില് വിനീഷ്യസ് ജൂനിയർ നേടിയ പെനൽറ്റി ഗോളാണ് കളി സമനിലയിലാക്കിയത്.
ആദ്യ പകുതിയിൽ വിനീഷ്യസിന്റെ ഗോളിലൂടെ (24–ാം മിനിറ്റ്) റയൽ മുന്നിലെത്തിയിരുന്നെങ്കിലും രണ്ടാം പകുതിയില് രണ്ടു ഗോളുകൾ മടക്കി ബയൺ ലീഡെടുത്തിരുന്നു. ലെറോയ് സാനെ (53), ഹാരി കെയ്ൻ (57, പെനൽറ്റി) എന്നിവരാണ് ബയണിന്റെ സ്കോറർമാർ. കളി തീരാൻ മിനിറ്റുകൾ മാത്രം ശേഷിക്കെ റയൽ സമനില പിടിച്ചു. മേയ് ഒൻപതിനു റയലിന്റെ ഹോം ഗ്രൗണ്ടായ സാന്റിയാഗോ ബെർണബ്യൂവിലാണ് രണ്ടാം പാദ മത്സരം നടക്കുക.
English Summary:
UCL, Bayern vs Real Madrid Match Updates
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.