സിന്ധു സെമിയിൽ; പ്രണോയ്, സൈന പുറത്ത്

സിംഗപ്പുർ ∙ ചൈനീസ് താരം ഹാൻ യുയിയെ പൊരുതിക്കീഴടക്കിയ ഇന്ത്യൻ താരം പി.വി. സിന്ധു സിംഗപ്പുർ ഓപ്പൺ സൂപ്പർ 500 ബാഡ്മിന്റൻ സെമിഫൈനലിൽ. ഒരു മണിക്കൂറിലേറെ നീണ്ട പോരാട്ടത്തിലാണ് മൂന്നാം സീഡ് സിന്ധുവിന്റെ ഉജ്വലജയം. സ്കോർ: 17-21, 21-11, 21-19. സെമിയിൽ ജപ്പാന്റെ സീഡ് ചെയ്യപ്പെടാത്ത താരം സായിന കവകാമിയാണ് സിന്ധുവിന്റെ എതിരാളി. മുൻപു 2 വട്ടം സായിനയെ നേരിട്ടപ്പോഴും സിന്ധുവിനായിരുന്നു വിജയം.

അതേസമയം, അട്ടിമറി വിജയവുമായി ക്വാർട്ടറിലെത്തിയ സൈന നെഹ്‌വാളും പുരുഷ സിംഗിൾസിൽ എച്ച്.എസ്. പ്രണോയിയും തോറ്റു പുറത്തായി. ജപ്പാന്റെ അയാ ഒഹോറിയോടാണ് സൈന തോറ്റത് ( 13-21, 21-15, 20-21). പ്രണോയ് ജപ്പാന്റെ കോഡായ് നരയോക്കയോടും തോറ്റു. സ്കോർ: 12-21,21-14,21-18. പുരുഷ ഡബിൾസിൽ മലയാളി താരം എം.ആർ. അർജുൻ – ധ്രുവ് കപില സഖ്യവും തോറ്റു.