കോടതികളിൽ സിവിൽ ജഡ്ജ് നിയമനം; എൻസിഎ, റഗുലർ വിഭാഗങ്ങളിൽ 14 ഒഴിവ്, അപേക്ഷ ഫെബ്രുവരി 25 വരെ
Mail This Article
കേരള ജുഡീഷ്യൽ സർവീസിൽ സിവിൽ ജഡ്ജ് (ജൂനിയർ ഡിവിഷൻ) അവസരം. എൻസിഎ, റഗുലർ വിഭാഗങ്ങളിലായി 7 ഒഴിവുകൾ വീതമാണുള്ളത്. ഫെബ്രുവരി 25 വരെ ഒാൺലൈനായി അപേക്ഷിക്കാം.
∙എൻസിഎ ഒഴിവ് (7): നേരിട്ടുള്ള നിയമനം: എസ്ടി (4), ക്രിസ്തുമതത്തിലേക്കു പരിവർത്തനം ചെയ്ത പട്ടികജാതിക്കാർ (1), ഹിന്ദു നാടാർ (1), ലാറ്റിൻ കത്തോലിക്/ ആഗ്ലോ ഇന്ത്യൻ (1). എൻസിഎ ഒഴിവിൽ അപേക്ഷിക്കുന്നവർക്ക് റഗുലർ ഒഴിവിലേക്കും അപേക്ഷിക്കാം.
∙റഗുലർ ഒഴിവ് (7): നേരിട്ടുള്ള നിയമനം, തസ്തികമാറ്റം വഴി.
∙ഡയറക്ട് റിക്രൂട്മെന്റ് യോഗ്യത: അഭിഭാഷകരായി എൻറോൾ ചെയ്യാൻ ബാർ കൗൺസിൽ ഓഫ് ഇന്ത്യ അംഗീകരിച്ചിരിക്കുന്ന നിയമ ബിരുദം. അപേക്ഷകർ മാതൃകാ സ്വഭാവവും മികച്ച ആരോഗ്യമുള്ളവരാകണം. (തസ്തികമാറ്റം വഴി നിയമനം ആഗ്രഹിക്കുന്നവർ സൈറ്റ് കാണുക).
∙പ്രായം: 2024 ജനുവരി ഒന്നിന് 35 കവിയരുത്. അർഹർക്ക് ഇളവ്.
∙ശമ്പളം: 77,840-1,36,520.