ധ്യാൻ ശ്രീനിവാസൻ നായകനാകുന്ന ഒരേ മുഖം എന്ന ചിത്രത്തിലെ ആദ്യ ഗാനം പുറത്തിറങ്ങി. പഴയകാലത്തെ കോളെജ് കുമാരനായി കിടിലം ലുക്കിലാണ് ധ്യാന്‍. സഹോദരൻ വിനീത് ശ്രീനിവാസനാണു പാട്ടു പാടിയത്. ബിജിബാലിന്റേതാണു സംഗീതം. റഫീഖ് അഹമ്മദാണു പാട്ടെഴുതിയത്. നവാഗതനായ സജിത് ജഗന്നാഥൻ സംവിധാനം ചെയ്യുന്ന ചിത്രമാണിത്.
രസികനായ കൂട്ടുകാരനായി അജു വർഗീസും ധ്യാനിനൊപ്പമുണ്ട്. കുഞ്ഞി രാമായണത്തിനു ശേഷം ധ്യാനും അജുവും ഒന്നിക്കുന്ന ചിത്രം കൂടിയാണിത്. പ്രയാഗ മാർട്ടിനാണു നായിക, അഭിരാമി, ഗായത്രി സുരേഷ് എന്നിവരും ചിത്രത്തിലുണ്ട്. ഈ മാസം 11ന് ചിത്രം പുറത്തിറങ്ങും.