തിരുവനന്തപുരം∙ സംസ്ഥാന ശിശുക്ഷേമ സമിതിയുടെ അച്ചടിമാധ്യമ വിഭാഗത്തിലെ പ്രത്യേക പുരസ്കാരങ്ങൾ മലയാള മനോരമയ്ക്ക്. വാർത്താവിഭാഗത്തിൽ മഹേഷ് ഗുപ്തൻ (ചീഫ് റിപ്പോർട്ടർ, തിരുവനന്തപുരം), വാർത്താചിത്ര വിഭാഗത്തിൽ വി.റിങ്കുരാജ് മട്ടാഞ്ചേരിയിൽ (സീനിയർ ഫൊട്ടോഗ്രഫർ, തിരുവനന്തപുരം) എന്നിവർക്കാണു പുരസ്കാരം.
മറ്റു പുരസ്കാര ജേതാക്കൾ: പത്രറിപ്പോർട്ടിങ്– ലിൻസി ഫിലിപ് (കേരള ഭൂഷണം), ഫൊട്ടോഗ്രഫർ– മനു വിശ്വനാഥ് (ദേശാഭിമാനി). പ്രത്യേക പുരസ്കാരം– സി.ബിജു (മാതൃഭൂമി), വാർത്താധിഷ്ഠിത പരിപാടി– പി.കെ.ശ്യാംകൃഷ്ണൻ (മീഡിയ വൺ), പ്രത്യേക പുരസ്കാരം– എസ്.ബിനുരാജ് (ഏഷ്യാനെറ്റ് ന്യൂസ്). വിദ്യാർഥികൾക്കുള്ള മലയാളം സാഹിത്യ പുരസ്കാരങ്ങൾ കെ.അനാമിക (കോഴിക്കോട് ഫറൂക്ക് എച്ച്എസ്എസ്), എലിയ ബൗദ്ധ് (കായംകുളം ഗവ. യുപിഎസ്), മാളവിക (കവടിയാർ ക്രൈസ്റ്റ് നഗർ സെൻട്രൽ സ്കൂൾ) എന്നിവർക്കും ഇംഗ്ലിഷ് സാഹിത്യ പുരസ്കാരം ദിയ എസ്.ഹരീഷിനും (പാങ്ങോട് ആർമി പബ്ലിക് സ്കൂൾ) ലഭിച്ചു. 16നു മുഖ്യമന്ത്രി പിണറായി വിജയൻ പുരസ്കാരങ്ങൾ സമർപ്പിക്കും.
