ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: സുഹൃത‌്സഹായത്താൽ പുതിയ ഉദ്യോഗത്തിന് അവസരം ലഭിക്കും. സംഘടനാ പ്രവർത്തനങ്ങൾക്ക് സാരഥ്യം വഹിക്കുവാനിടവരും. വാക്കും പ്രവൃത്തിയും ഫലപ്രദമാകും.
ഭരണി: പ്രയത്നങ്ങൾക്ക് അന്തിമമായി അനുഭവ ഫലമുണ്ടാകും. ആധ്യാത്മിക പ്രഭാഷണങ്ങൾ മനസ്സമാധാനത്തിന് കാരണമാകും. വാക്കും പ്രവൃത്തിയും ഫലപ്രദമാകും. ലാഭോദ്ദേശ്യം മനസ്സിൽ കരുതി ഭൂമി വാങ്ങും.
കാർത്തിക: സമന്വയ സമീപനം സർവർക്കും സ്വീകാര്യമാകും. ശ്രമിച്ചു വരുന്ന വിവാഹത്തിന് തീരുമാനമാകും. സന്ധി സംഭാഷണത്തിൽ വിജയം കൈവരിക്കും. ഉദ്ദിഷ്ടകാര്യസിദ്ധിക്ക് കഠിനപ്രയത്നവും അത്യധ്വാനവും വേണ്ടിവരും.
രോഹിണി: സംസർഗ ഗുണത്താൽ സദ്ചിന്തകൾ വർധിക്കും. വിവിധങ്ങളായ പ്രവർത്തന മേഖലകളിൽ പ്രവർത്തിക്കുവാൻ അവസരം വന്നുചേരും. അർഹമായ പൂർവികസ്വത്ത് രേഖാപരമായി ലഭിക്കും. ആഗ്രഹിക്കുന്ന കാര്യങ്ങൾ ബന്ധുസഹായത്താൽ സാധ്യമാകും.
മകയിരം: പ്രവർത്തനമേഖലയിൽ നേരിയ പുരോഗതിയുണ്ടാകും. പുത്രനോടൊപ്പം താമസിക്കുവാൻ അന്യദേശയാത്ര പുറപ്പെടും.
തിരുവാതിര: സുവ്യക്തമായ കർമപദ്ധതികൾക്ക് വിദഗ്ധോപദേശം തേടി പണം മുടക്കും. ചിന്തിച്ചു പ്രവർത്തിക്കുന്നതിനാൽ സാമ്പത്തിക നീക്കിയിരിപ്പ് ഉണ്ടാകും.
പുണർതം: ഉൾഭയം ഉപേക്ഷിക്കണം. മാതാപിതാക്കളുടെ ആവശ്യങ്ങൾ നിർവഹിക്കുന്നതിൽ ആത്മസംതൃപ്തി തോന്നും.
പൂയം: ധർമപ്രവൃത്തികൾക്കും പുണ്യപ്രവൃത്തികൾക്കും സർവാത്മനാ സഹകരിക്കും. സന്താന സംരക്ഷണം ആശ്വാസത്തിന് വഴിയൊരുക്കും.
ആയില്യം: സമാന ചിന്താഗതിയിലുള്ളവരുമായി സൗഹൃദ ബന്ധത്തിലേർപ്പെടുവാൻ അവസരമുണ്ടാകും. സർവർക്കും തൃപ്തിയായ വിധത്തിൽ പദ്ധതി സമർപ്പണത്തിന് സാധിക്കും.
മകം: ഏറ്റെടുത്ത ദൗത്യം മനസ്സംതൃപ്തിയോടു കൂടി പൂർത്തീകരിക്കുവാൻ സാധിക്കും. പാരമ്പര്യ പ്രവൃത്തികളിൽ താൽപര്യം വർധിക്കും.
പൂരം: നീതിയുക്തമായ സമീപനവും പ്രവർത്തനവും ലക്ഷ്യപ്രാപ്തി കൈവരിക്കുവാൻ ഉപകരിക്കും. വിദഗ്ധ ചികിത്സകളാൽ ഗർഭം ധരിക്കുവാനിടവരും.
ഉത്രം: ബൃഹത് പദ്ധതികൾ തുടങ്ങുന്നതിന്റെ പ്രാരംഭ തല ചർച്ചയിൽ പങ്കെടുക്കും. പുത്രപൗത്രാദി സംരക്ഷണത്തിനായി അന്യദേശയാത്ര പുറപ്പെടും.
അത്തം: അനവസങ്ങളിലുള്ള വാക്കുകൾ തിരുത്തുവാൻ ജീവിതപങ്കാളിയുടെ യുക്തമായ സമീപനം സഹായകമാകും. ആധ്യാത്മികാത്മീയ ചിന്തകളാൽ മനസ്സമാധാനമുണ്ടാകും.
ചിത്തിര: ആരോഗ്യം തൃപ്തികരമായിരിക്കും. വിട്ടുവീഴ്ചാ മനോഭാവത്താൽ കുടുംബത്തിൽ സ്വസ്ഥതയും സമാധാനവും ഉണ്ടാകും.
ചോതി: ദാമ്പത്യ ഐക്യതയും കുടുംബത്തിൽ സമാധാനവും ഉണ്ടാകും. പൂർവികസ്വത്തിൽ ഗൃഹനിർമാണ പ്രവർത്തനങ്ങൾ തുടങ്ങിവയ്ക്കും.
വിശാഖം: ശാസ്ത്രീയ പ്രായോഗിക വശങ്ങൾ പരിഗണിച്ചു ചെയ്യുന്നതെല്ലാം അന്തിമമായി വിജയിക്കും.
അനിഴം: അനുചിത പ്രവൃത്തികളിൽ നിന്ന് ഒഴിഞ്ഞു മാറുവാൻ ഉൾപ്രേരണയുണ്ടാകും. സാമ്പത്തികാനുഭവങ്ങൾ കുറവാണെങ്കിലും നിലവിലുള്ള ഉദ്യോഗം ഉപേക്ഷിക്കരുത്.
തൃക്കേട്ട: നിലവിലുള്ളതിനേക്കാൾ വിസ്തൃതിയുള്ള ഗൃഹം വാങ്ങുവാൻ അന്വേഷണമാരംഭിക്കും. ആത്മസംയമനം പാലിച്ചാൽ ദാമ്പത്യ അനൈക്യതകൾ പരിഹരിക്കും.
മൂലം: പുതിയ സ്നേഹബന്ധങ്ങൾ ഉടലെടുക്കും. പൂർവികസ്വത്ത് ഭാഗം വയ്ക്കുവാൻ നിർബന്ധിതനാകും.
പൂരാടം: പൂർവികസ്വത്തിൽ ഗൃഹനിർമാണം ആരംഭിക്കും. ശത്രുതാ മനോഭാവത്തിലായിരുന്ന ബന്ധുക്കൾ അവരുടെ സ്വാർഥ താൽപര്യങ്ങൾക്കായി മിത്രങ്ങളായിത്തീരും.
ഉത്രാടം: ആത്മധൈര്യത്തോടു കൂടി പ്രവർത്തിച്ചാൽ ഉദ്ദിഷ്ട കാര്യങ്ങൾ സാധിക്കും. സാഹചര്യങ്ങൾക്കനുസരിച്ചു സ്വയംപര്യാപ്തത ആർജിക്കും.
തിരുവോണം: ആത്മധൈര്യത്തോടു കൂടി പ്രവർത്തിച്ചാൽ ഉദ്ദിഷ്ടകാര്യങ്ങൾ സാധിക്കും. സാഹചര്യങ്ങൾക്കനുസരിച്ച് സ്വയംപര്യാപ്തത ആർജിക്കും.
അവിട്ടം: സാമ്പത്തിക ക്രയവിക്രയങ്ങളിൽ വളരെ ശ്രദ്ധയും സൂക്ഷ്മതയും വേണം. അസാധ്യമെന്നു തോന്നുന്ന കാര്യങ്ങൾ സുഹൃത‌്സഹായത്താൽ സാധിക്കും.
ചതയം: പാരമ്പര്യപ്രവൃത്തികളുടെ പ്രാധാന്യം മനസ്സിലാക്കി പ്രവർത്തിക്കും. ആത്മാർഥമായ പ്രവർത്തനങ്ങളാൽ മാർഗതടസ്സങ്ങൾ നീങ്ങും.
പൂരുരുട്ടാതി: ജാമ്യം നിന്ന വകയിൽ പണം തിരിച്ചടയ്ക്കേണ്ടി വരും. പുതിയ കരാർ ജോലിയിൽ ഒപ്പു വയ്ക്കുവാനിടവരും.
ഉത്തൃട്ടാതി: ഏറ്റെടുത്ത ദൗത്യം നിർവഹിക്കുവാൻ അശ്രാന്ത പരിശ്രമം വേണ്ടിവരും. ആധ്യാത്മികാത്മീയ പ്രഭാഷണങ്ങൾ കേൾക്കുവാനിടവരും.
രേവതി: മാർഗതടസ്സങ്ങൾ നീങ്ങിയതിനാൽ ആശ്വാസമാകും. പുതിയ പ്രവർത്തനമേഖലയിൽ പ്രവർത്തിക്കുവാൻ അവസരം ലഭിക്കും.