ഒറ്റശേഖരമംഗലത്തിന് മലനാട് മിൽക്കിന്റെ സഹായം
Mail This Article
വെള്ളറട∙ ദുരിതകാലത്ത് ഒറ്റശേഖരമംഗലം ഗ്രാമ പഞ്ചായത്തിലെ വീടുകളിൽ പാലും ബ്രെഡും എത്തിച്ച് മലനാട് മിൽക്കിന്റെ സഹായഹസ്തം. ഗ്രാമ പഞ്ചായത്ത് പ്രസിഡന്റ് ചെറുപുഷ്പം ഉദ്ഘാടനം ചെയ്തു. വൈസ് പ്രസിഡന്റ് ഷിബു ബാലകൃഷ്ണൻ, സ്ഥിരംസമിതി അധ്യക്ഷരായ മിനർവ സുകുമാരൻ, എസ്.ഉഷകുമാരി, ആർ.മഞ്ചു സുരേഷ്, അംഗങ്ങളായ സത്യനേശൻ, എസ്.ശിശുപാലൻ, ജോയ്സ്, ആർ.ബിന്ദു, മിനിവിജയൻ,ജി.ജി.ഗോകുൽ, ജി.ശ്രീകുമാരൻ, ആർ.എസ്.സിഞ്ചു, ജി.എസ്.ജയലക്ഷ്മി, മലനാട് മിൽക്സ് മാനേജർ അജീഷ് കടവൻ എന്നിവർ പങ്കെടുത്തു.
മലനാട് ഡവലപ്മെന്റ് സൊസൈറ്റി ഡയറക്ടർ ഫാ.തോമസ് മറ്റമുണ്ടയിലിന്റെ നേതൃത്വത്തിൽ പിപിഇ കിറ്റ് ഉൾപ്പെടെയുള്ള പ്രതിരോധ സാധനങ്ങളും കൈമാറി. ജില്ലയിൽ ഏറ്റവുമധികം പേർക്ക് വാക്സിനേഷൻ നൽകിയത് ഒറ്റശേഖരമംഗലം ഗ്രാമ പഞ്ചായത്തിലാണ്. 102 കോവിഡ് രോഗികൾ മാത്രമാണ് ഇപ്പോൾ പഞ്ചായത്ത് പരിധിയിലുള്ളത്. ഡിസിസിയിൽ കഴിയുന്നത് 3 പേർ മാത്രം.