മൂടൽ മഞ്ഞ് വിനയായി; രാജധാനി എക്സ്പ്രസ് ഇടിച്ച് യുപിയിൽ 8 പശുക്കൾക്ക് ദാരുണാന്ത്യം
Mail This Article
പാഞ്ഞെത്തിയ രാജധാനി എക്സ്പ്രസിന്റെ മുന്നിൽപ്പെട്ട് ഉത്തർപ്രദേശിൽ എട്ട് പശുക്കൾക്ക് ദാരുണാന്ത്യം. ആറോളം പശുക്കൾക്ക് ഗുരുതരമായി പരുക്കേറ്റു. ഡൽഹി-ഹൗറ റൂട്ടിൽ ഓടുന്ന രാജധാനി എക്സ്പ്രസിനു മുന്നിലാണ് പശുക്കൾ അകപ്പെട്ടത്. യശ്വന്ത്നഗർ-ബൽറായ് റെയിൽവേ സ്റ്റേഷനുകൾക്കിടയിലാണ് സംഭവം നടന്നത്. ഗേറ്റ്മാനും നാട്ടുകാരുമാണ് സംഭവം ആദ്യം കണ്ടത്. ഉടൻ തന്നെ ജില്ലാ അധികാരികളെ വിവരം അറിയിച്ചു.
ട്രാക്കിന് സമീപം മേയുകയായിരുന്ന പശുക്കളാണ് അപകടത്തിൽപ്പെട്ടത്. പശുക്കൾ ട്രാക്കിലേക്ക് കയറി നിൽക്കുന്നത് മൂടൽ മഞ്ഞ് കാരണം ലോക്കോ പൈലറ്റിന് കാമാൻ സാധിച്ചില്ല. നാട്ടുകാരാണ് ഓടിയെത്തി രക്ഷാപ്രവർത്തനം നടത്തിയത്. പരുക്കേറ്റ പശുക്കളെ ചികിൽസ നൽകാനായി മാറ്റി. ഒട്ടേറെ കുടുംബങ്ങളുടെ വരുമാനമാർഗമാണ് ഇല്ലാതായതെന്നും നഷ്ടപരിഹാരം നൽകണമെന്നും നാട്ടുകാർ ആവശ്യപ്പെടുന്നുണ്ട്.
English Summary: 8 Cows Killed, 6 Injured By Speeding Rajdhani Express In UP