പിസിആര്‍ പരിശോധനയ്ക്ക് ബദലുമായി ഒമാനി ഗവേഷകര്‍
Mail This Article
മസ്‌കത്ത്∙ കോവിഡ് കണ്ടെത്താനുള്ള ആർടി പിസിആര്‍ പരിശോധനയെക്കാൾ എളുപ്പത്തിലും ചെലവു കുറഞ്ഞ രീതിയിലുമുള്ള ബദൽ മാർഗവുമായി സുല്‍ത്താന്‍ ഖാബൂസ് യൂണിവേഴ്‌സിറ്റി ഗവേഷകര്‍.
റിവേഴ്സ് ട്രാന്‍സ്‌ക്രിപ്ഷന്‍ ലൂപ് മീഡിയേറ്റഡ് ഐസോതെര്‍മല്‍ ആംപ്ലിഫിക്കേഷന്‍ (ആര്‍ടി- ലാംപ്) അടിസ്ഥാനത്തിലുള്ള സംവിധാനമാണ് ഡോ. ഹൈതം അലിയുടെ നേതൃത്വത്തിലുള്ള സംഘം കണ്ടെത്തിയത്. 20– 30 മിനിറ്റിനകം ഫലമറിയാമെന്നും അദ്ദേഹം അവകാശപ്പെട്ടു. വേഗത്തില്‍ പരിശോധനാ ഫലം ലഭിക്കുകയെന്ന ചിന്തയിലാണ് ഈ സംവിധാനം രൂപപ്പെട്ടത്. കോവിഡിന് കാരണമാകുന്ന വൈറസിന്റെ 41 വകഭേദങ്ങളുടെ സമ്പൂര്‍ണ ജനിതക ശ്രേണിയെ ഉൾപ്പെടുത്തിയാണു പരിശോധനാ കിറ്റ് തയാറാക്കിയത്.
എസ് ക്യു യു ആശുപത്രിയില്‍ നിന്നുള്ള 19 സാമ്പിളുകള്‍ പരിശോധിച്ചാണ് ഈ കിറ്റിന്റെ ക്ഷമത നിർണയിച്ചത്.
ആര്‍ടിപിസിആറുമായി താരതമ്യം ചെയ്യുമ്പോള്‍ 96.9 ശതമാനം സെന്‍സിറ്റിവിറ്റിയും 94.7 ശതമാനം കൃത്യതയും ഇതില്‍ ലഭിക്കുന്നതായും അറിയിച്ചു.
