വൊളന്റിയർമാരുടെ ആരോഗ്യ സുരക്ഷയ്ക്ക് പിപിഇ കിറ്റ് വിതരണം

ഷാർജ ∙ പ്രളയ മേഖലകളിൽ സഹായം എത്തിക്കുന്ന വൊളന്റിയർമാരുടെ ആരോഗ്യസുരക്ഷ ഉറപ്പാക്കുന്നതിന് പിപിഇ കിറ്റ് വിതരണം ചെയ്തു. മേഖലയിൽ വയറിളക്കം, ഛർദി, പനി തുടങ്ങിയ രോഗങ്ങൾ റിപ്പോർട്ട് ചെയ്ത പശ്ചാത്തലത്തിലാണ് നടപടി. പിപിഇ കിറ്റ് ധരിച്ചാണ് പ്രവർത്തകർ അവശ്യ സാധനങ്ങൾ വിതരണം ചെയ്യുന്നത്.  മർക്കസ് ജബൽ അലി, ഹോട്പാക് എന്നിവ സംഭാവന ചെയ്ത പിപിഇ കിറ്റ് ശേഖരിച്ച് ഇന്ത്യൻ കൾചറൽ ഫോറം (ഐസിഎഫ്) വൊളന്റിയർമാർക്ക് നൽകി. റെയ്ൻ സപ്പോർട്ട് ഗ്രൂപ്പ് ഉൾപ്പെടെ വിവിധ സംഘടനകളുടെ പ്രവർത്തകർക്കും വിതരണം ചെയ്യുന്നു.