യുഎസിൽ അപകടം: മലയാളികളുടെ സംസ്കാരം ഇന്ന്

ചെന്നൈ ∙ യുഎസിലെ കലിഫോർണിയയിൽ കാർ മരത്തിലിടിച്ചുണ്ടായ അപകടത്തിൽ മരിച്ച മലയാളി കുടുംബത്തിന്റെ സംസ്കാരം ഇന്ന് അവിടെ നടക്കും. കലിഫോർണിയ ഫ്രമോണ്ട് ചാപ്പൽ ഓഫ് റോസസിൽ യുഎസ് സമയം വൈകിട്ട് മൂന്നിനാണ് സംസ്കാര ചടങ്ങുകൾ. സൗത്ത് ബേ ടെക് കമ്പനി ഉദ്യോഗസ്ഥനായ പത്തനംതിട്ട കൊടുമൺ ചെറുകര തരുൺ ജോർജ് (42), ഭാര്യ റിൻസി (41), മക്കളായ റൊവാൻ (13), ആരോൺ (8) എന്നിവരാണ്  24ന് അലമീഡ കൗണ്ടിയിലെ പ്ലസന്റൻ നഗരത്തിലുണ്ടായ അപകടത്തിൽ മരിച്ചത്. കോട്ടയം ചാലുകുന്ന് ഇലഞ്ഞിക്കൽ വില്ല കുടുംബാംഗമാണു റിൻസി.