മാരനെ വിറപ്പിച്ച ഭക്തവൽസലം; മോഹൻ ബാബുവിന് നന്ദി പറഞ്ഞ് സൂര്യ

സൂരരൈ പോട്ര് സിനിമയിൽ നെടുമാരനെ വിറപ്പിച്ച് നിർത്തുന്ന എയർഫോർസ് ഉദ്യോഗസ്ഥനായ ഭക്തവൽസലം നായിഡുവിനെ ഓർമയില്ലേ. തെലുങ്ക് സിനിമ ഹീറോ മോഹൻ ബാബുവാണ് ഈ കഥാപാത്രത്തെ അവതരിപ്പിച്ചിരിക്കുന്നത്. ഇപ്പോഴിതാ അദ്ദേഹത്തിനു നന്ദി പറഞ്ഞ് സൂരരൈ പോട്ര് ടീം ഒരുക്കിയ വിഡിയോ പ്രേക്ഷകർക്കിടയിൽ വൈറലാകുന്നു.

മഞ്ജു ഭക്തവൽസലം നായിഡു എന്നു തന്നെയാണ് മോഹൻ ബാബുവിന്റെ യഥാർഥ പേര്. സെറ്റിലെ അദ്ദേഹത്തിനൊപ്പമുള്ള അഭിനയം വലിയൊരു അനുഭവം തന്നെയായിരുന്നുവെന്ന് സൂര്യ പറയുന്നു. മകളും നടിയുമായ ലക്ഷ്മി മഞ്ജുവാണ് അച്ഛൻ മോഹന്റെ കാര്യം സുധ കൊങ്ങരയോടു പറയുന്നത്. കഥ കേട്ടതും അദ്ദേഹം അഭിനയിക്കാൻ സമ്മതം മൂളുകയായിരുന്നു.