ബെംഗളൂരു നഗരത്തിൽ വീണ്ടും പുലി

ബെംഗളൂരു ∙ ബെന്നാർഘട്ടെ കൊപ്പ-ബേഗൂർ റോഡിനു സമീപത്തെ അപാർട്മെന്റിൽ വീണ്ടും പുള്ളിപ്പുലി എത്തിയെന്ന് പൊലീസ്. ഇന്നലെ പുലർച്ചെ ഒന്നിന് എത്തിയ പുലി പിന്നീട് കാട്ടിൽ മറഞ്ഞു.

3 ദിവസത്തിനിടെ 3 തവണ പുലി എത്തിയെങ്കിലും പിടികൂടാനായിട്ടില്ല. കെണികൾ സ്ഥാപിച്ച വനപാലകർ ഡ്രോൺ ക്യാമറകൾ ഉപയോഗിച്ചും തിരച്ചിൽ നടത്തുന്നുണ്ട്. ബെന്നാർഘട്ടെ വനമേഖലയിൽ നിന്ന് 5 കിലോമീറ്റർ അകലെയാണ് അപാർട്മെന്റ് സ്ഥിതി ചെയ്യുന്നത്.