എറണാകുളത്തേയ്ക്കും തിരുവനന്തപുരത്തേയ്ക്കും സ്പെഷൽ ട്രെയിനുകൾ
Mail This Article
കൊച്ചി∙ തിരുച്ചിറപ്പളളിയിൽ നിന്നു ചെന്നൈ എഗ്മൂർ വഴി എറണാകുളത്തേക്കു അവധിക്കാല സ്പെഷൽ (06026) ട്രെയിൻ. ഏപ്രിൽ 6 മുതൽ മേയ് 25 വരെയാണു പ്രതിവാര സ്പെഷൽ സർവീസ്. തിരുച്ചിറപ്പളളിയിൽ നിന്നു ഉച്ചയ്ക്കു 2.20ന് പുറപ്പെടുന്ന ട്രെയിൻ 7.45ന് ചെന്നൈ എഗ്മൂറിലും പിറ്റേദിവസം രാവിലെ 8.45ന് എറണാകുളത്തും എത്തും.
കേരളത്തിലെ സ്റ്റോപ്പുകൾ: പാലക്കാട്, തൃശൂർ, ആലുവ, എറണാകുളം ടൗൺ.
തിരുവനന്തപുരം ചെന്നൈ അവധിക്കാല സ്പെഷൽ (06060) ഏപ്രിൽ 3 മുതൽ മേയ് 29 വരെ ബുധനാഴ്ചകളിൽ 3.45ന് പുറപ്പെട്ട് പിറ്റേ ദിവസം രാവിലെ 9.45ന് ചെന്നൈയിലെത്തും. മടക്ക ട്രെയിൻ (06059) വ്യാഴാഴ്ചകളിൽ രാത്രി 7ന് ചെന്നൈ സെൻട്രലിൽ നിന്നു പുറപ്പെട്ടു പിറ്റേ ദിവസം രാവിലെ 11.45ന് തിരുവനന്തപുരത്ത് എത്തും.
കേരളത്തിലെ സ്റ്റോപ്പുകൾ: കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട്.