മരുന്നുകളോട് കുട്ടി പ്രതികരിക്കുന്നില്ല; ഏഴുവയസ്സുകാരനെ മുഖ്യമന്ത്രി സന്ദർശിച്ചു

കോലഞ്ചേരി∙തൊടുപുഴയിൽ അമ്മയുടെ ആൺസുഹൃത്തിന്റെ ക്രൂരമർദനത്തിനിരയായ ഏഴുവയസ്സുകാരനെ മുഖ്യമന്ത്രി പിണറായി വിജയൻ സന്ദർശിച്ചു. കുട്ടിയുടെ നില അതീവഗുരുതരമാണെന്നു മുഖ്യമന്ത്രി മാധ്യമങ്ങളോട് പറഞ്ഞു.  കോലഞ്ചേരി മെഡിക്കൽ കോളേജിൽ ചികിത്സയിൽ കഴിയുന്ന കുട്ടിയെയാണ് മുഖ്യമന്ത്രി സന്ദർശിച്ചത്. യന്ത്രസഹായത്തിലാണ് കുട്ടിയുടെ ജീവൻ നിലനിർത്തുന്നത്. മരുന്നുകളോട് കുട്ടി ഇപ്പോൾ പ്രതികരിക്കുന്നില്ലന്നും മുഖ്യമന്ത്രി പറഞ്ഞു. ഇന്നലെ ദ്രവരൂപത്തിലുള്ള ഭക്ഷണം കുട്ടിക്ക് നൽകിയിരുന്നു.