വാഷിങ്ടനിലും ന്യൂയോർക്കിലും ഉൾപ്പെടെ യുഎസിന്റെ വിവിധ ഭാഗങ്ങളിൽ ഭൂചലനം: 4.8 തീവ്രത, നാശനഷ്ടങ്ങളില്ല

ന്യൂയോർക്ക്∙ യുഎസിന്റെ വടക്കുകിഴക്കൻ പ്രദേശങ്ങളിൽ നേരിയ ഭൂചലനം. വാഷിങ്ടൻ, ന്യൂയോർക്ക് സിറ്റി, ന്യൂ ഇംഗ്ലണ്ട് എന്നിവിടങ്ങളില്‍ ഉൾപ്പെടെ ഭൂചലനം അനുഭവപ്പെട്ടതായി യുഎസ് ജിയോളജിക്കൽ സർവേ അറിയിച്ചു.

പ്രാദേശിക സമയം വെള്ളിയാഴ്ച രാവിലെ പത്തരയോടെയാണ്  4.8 തീവ്രതയുള്ള ഭൂചലനം അനുഭവപ്പെട്ടത്. ന്യൂ ജഴ്സിയാണ് ഭൂചലനത്തിന്റെ പ്രഭവകേന്ദ്രം. നാശനഷ്ടങ്ങൾ ഇതുവരെ റിപ്പോർട്ട് ചെയ്തിട്ടില്ല.

ഭൂചലനം അനുഭവപ്പെട്ടതിനെ തുടർന്ന് ന്യൂയോർക്കിലെ യുഎൻ ആസ്ഥാനത്ത് നടന്ന സുരക്ഷാ കൗൺസിൽ യോഗം നിർത്തിവച്ചു. ഗാസ വിഷയം ചർച്ച ചെയ്യാനായിരുന്നു യോഗം.