കേന്ദ്ര സർക്കാർ പദ്ധതികളില്ല; രാഹുലിനു മുന്നിൽ നിവേദനങ്ങളുമായി മാനന്തവാടി രൂപത

വയനാട്∙ വയനാട്ടിൽ തിരഞ്ഞെടുപ്പ് പ്രചാരണത്തിനെത്തിയ യുഡിഎഫ് സ്ഥാനാർഥി രാഹുൽ ഗാന്ധി മാനന്തവാടി ബിഷപ് ഹൗസിൽ സന്ദർശനം നടത്തി. രാഹുൽ ഗാന്ധിക്ക് മുന്നിൽ രൂപതയുടെ നേതൃത്വത്തിൽ നിവേദനങ്ങൾ സമർപ്പിച്ചു. 15 വർഷത്തിനിപ്പുറം കേന്ദ്ര സർക്കാർ പദ്ധതികളൊന്നും വയനാട്ടിൽ നടപ്പാക്കിയിട്ടില്ലെന്നാണ് നിവേദനത്തിൽ ചൂണ്ടിക്കാട്ടുന്നത്. ചികിത്സ, ഗതാഗത സൗകര്യങ്ങളുടെ അഭാവമുണ്ടെന്നും രൂപത സമർപ്പിച്ച നിവേദനത്തിൽ പറയുന്നു. മാർ ജോസ് പൊരുന്നേടം, മാർ വർഗീസ് ചക്കാലക്കൽ, മാർ അലക്സ് താരാമംഗലം എന്നിവരുമായി കൂടിക്കാഴ്ച നടത്തിയ ശേഷമാണ് രാഹുൽ രൂപതയിൽ നിന്നും മടങ്ങിയത്.