കേരളത്തിലെ വടക്കൻ ജില്ലകളിൽ മഴയ്ക്ക് സാധ്യത; വെള്ളിയാഴ്ച മൂന്നിടത്ത് യെലോ അലർട്ട്

തിരുവനന്തപുരം∙ കേരളത്തിന്റെ വടക്കൻ ജില്ലകൾക്ക് ആശ്വാസമായി വേനൽമഴയ്ക്ക് സാധ്യത. വെള്ളിയാഴ്ച കോഴിക്കോട്, വയനാട്, കണ്ണൂർ ജില്ലകളിൽ യെലോ അലർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.