ഇഷ്ടമുള്ള ഏത് പഴങ്ങളും ചേർത്തൊരു ഫ്രൂട്ട് കസ്റ്റഡ്

കുട്ടികൾക്കും വലിയവർക്കും ഒരേ പോലെ ഇഷ്ട്ടപ്പെടുന്ന  ഫ്രൂട്ട് കസ്റ്റഡ് വളരെ എളുപ്പത്തിൽ തയാറാക്കാം.

ചേരുവകൾ

• പാൽ - 2 കപ്പ്
• കസ്റ്റഡ് പൗഡർ - 2 ടേബിൾസ്പൂൺ
• പഞ്ചസാര - 1/2 കപ്പ്
• ആപ്പിൾ - 1/4  കപ്പ് അരിഞ്ഞത്
• മുന്തിരിങ്ങ - 1/4 കപ്പ്
• മാതളം - 1/2 കപ്പ്
• കിവി -  1 അരിഞ്ഞത്
• പഴം - 1 അരിഞ്ഞത്

തയാറാക്കുന്ന വിധം

• ഒരു ബൗളിൽ കാൽ കപ്പ്   പാൽ ഒഴിച്ച് കസ്റ്റഡ് പൗഡർ കട്ടയില്ലാതെ കലക്കി വയ്ക്കുക .
• ഒരു സോസ് പാനിൽ ബാക്കി പാലൊഴിച്ചു തിളപ്പിക്കുക. ഇതിലേക്ക് കസ്റ്റഡ് മിക്സ് കുറേശ്ശേ ചേർത്ത് ഇളക്കി യോജിപ്പിക്കുക. ശേഷം
• പഞ്ചസാര ചേർത്ത്  നല്ലതുപോലെ ഇളക്കി പഞ്ചസാര അലിയിക്കുക.  കുറുകി തുടങ്ങുമ്പോൾ തീ ഓഫ്‌ ചെയ്യുക. നന്നായി തണുക്കാൻ വയ്ക്കുക.
• തണുത്തു കഴിയുമ്പോൾ കുറച്ചുകൂടി കുറുകി വരും . നന്നായി അടിച്ചെടുക്കുക. ഇതിലേക്ക് മുറിച്ച പഴങ്ങൾ ഓരോന്നായി ചേർത്ത് മിക്സ് ചെയ്യുക. ശേഷം ഫ്രിഡ്ജിൽ രണ്ട് മണിക്കൂർ തണുക്കാൻ വയ്ക്കുക. 
• രണ്ട് മണിക്കൂറിന് ശേഷം ഫ്രിഡ്ജിൽ നിന്ന് എടുത്ത് ഉപയോഗിക്കാം. രുചികരമായ ഫ്രൂട്ട് കസ്റ്റഡ് റെഡി ആയി.

ശ്രദ്ധിക്കാൻ : ഇഷ്ടമുള്ള ഏത് പഴങ്ങളും ഫ്രൂട്ട് കസ്റ്റഡിൽ  ചേർക്കാവുന്നതാണ്.

കസ്റ്റഡ് മിക്സ് നന്നായി തണുത്തതിന് ശേഷം മാത്രം പഴങ്ങൾ ചേർക്കുക.