ചപ്പാത്തിക്കൊപ്പം ഉരുളക്കിഴങ്ങുകറി ഇങ്ങനെ തയാറാക്കി നോക്കൂ

ഉരുളക്കിഴങ്ങുകൊണ്ട് വളരെ എളുപ്പത്തിൽ രുചികരമായൊരു കറി.

ചേരുവകൾ

• ഉരുളക്കിഴങ്ങ് - 200 ഗ്രാം 
• സവാള - 1 കപ്പ്
• പച്ചമുളക്- 1 
• വെളുത്തുള്ളി - 3 അല്ലി
• ഇഞ്ചി - 1 ടേബിൾസ്പൂൺ
• കറിവേപ്പില
• മല്ലിയില
• യോഗർട്ട് - 1.5 ടേബിൾസ്പൂൺ (തൈര്)
• മുളകുപൊടി - 1/2- 1 ടീസ്പൂൺ 
• മല്ലിപ്പൊടി - 1/2 ടീസ്പൂൺ
• പെരുംജീരകം പൊടിച്ചത് - 1 ടീസ്പൂൺ
• തക്കാളി –  1/2 കപ്പ്
• കടുക്  - 1/2 ടീസ്പൂൺ

തയാറാക്കുന്ന വിധം

പാനിൽ എണ്ണയൊഴിച്ചു കടുകുപൊട്ടിക്കുക. അതിൽ സവാളയും ഇഞ്ചിയും  വെളുത്തുള്ളിയും പച്ചമുളകും കാറിവേപ്പിലയും വഴറ്റുക. സവാള വഴന്നുകഴിഞ്ഞു അതിൽ മുളകുപൊടിയും മല്ലിപ്പൊടിയും പെരുജീരകപ്പൊടിയും മഞ്ഞൾപ്പൊടിയും ചേർത്ത് മൂപ്പിച്ചു തക്കാളി ചേർത്ത് പാത്രം അടച്ചു വച്ച് വേവിക്കുക. എണ്ണ തെളിഞ്ഞു കഴിഞ്ഞു ഉരുളക്കിഴങ്ങും ഉപ്പും ആവശ്യത്തിന് വെള്ളവും ചേർത്ത് പാത്രം അടച്ചുവച്ചു ചെറുതീയിൽ വേവിക്കുക. ഉരുളക്കിഴങ്ങു വെന്തു ചാറു കുറുകുമ്പോൾ തൈര് ചേർത്ത് തിള വന്നുകഴിഞ്ഞു മല്ലിയില ചേർത്തെടുക്കുക.