വളരെ എളുപ്പത്തിൽ ക്രിസ്പി വെജിറ്റബിൾ സ്പ്രിങ് റോൾ

ചൂടോടെ ചായയ്ക്കൊപ്പം കഴിക്കാം വെജിറ്റബിൾ സ്പ്രിങ് റോൾ.

ചേരുവകൾ 

• എണ്ണ - 2 ടേബിൾസ്പൂൺ 
• ഇഞ്ചി - 2 ടീസ്പൂൺ 
• വെളുത്തുള്ളി - 2 ടീസ്പൂൺ 
• സവാള - 1/2 കപ്പ് 
• കാരറ്റ് - 1/2 കപ്പ് 
• കാപ്‌സിക്കം - 1/2 കപ്പ് 
• കാബേജ് - 1/2 കപ്പ് 
• റെഡ് ചില്ലി സോസ് - 1 ടീസ്പൂൺ 
• സോയ സോസ് - 1 ടീസ്പൂൺ 
• കുരുമുളകുപൊടി - 1/4 ടീസ്പൂൺ
• സ്പ്രിങ് ഒനിയൻ 
• മൈദ - 2 ടീസ്പൂൺ
• വെള്ളം - 2 ടേബിൾസ്പൂൺ
• സ്പ്രിങ് റോൾ ഷീറ്റ്‌ - 8-10 എണ്ണം 

തയാറാക്കുന്ന വിധം : 

• പാനിൽ  എണ്ണ ചൂടാക്കി ഇഞ്ചിയും വെളുത്തുള്ളിയും പച്ച മണം മാറുന്നത് വരെ വഴറ്റുക. 
• ശേഷം സവാള ചേർത്ത് വഴറ്റുക. ഇനി കാരറ്റ്, പച്ചമുളക്, കാബേജ്, റെഡ് ചില്ലി സോസ്, സോയ സോസ്, കുരുമുളകുപൊടി, ഉപ്പ് എന്നിവ ചേർത്ത് നന്നായി വേവിക്കുക. തീ ഓഫ് ചെയ്ത് ഇത് നന്നായി തണുപ്പിക്കുക. 

• ഒരു പാത്രത്തിൽ മൈദയും വെള്ളവും മിക്സ് ചെയ്ത് മാറ്റി വയ്ക്കുക.
• ഇനി ഓരോ സ്പ്രിങ് റോൾ ഷീറ്റ്‌ എടുത്ത് ഫില്ലിങ് കോണിൽ വച്ച് ഒരു തവണ മടക്കുക. ശേഷം  വശങ്ങൾ ഉള്ളിലേക്ക് മടക്കി മൈദ പേസ്റ്റ് തൊട്ടു സൈഡ് ഒട്ടിച്ച് വീണ്ടും മടക്കുക.
• ഇനി എണ്ണയിൽ വറുത്തെടുക്കാം. ക്രിസ്പി സ്പ്രിങ് റോൾസ് ചൂടോടെ വിളമ്പാം.