Manoramaonline.com no longer supports Internet Explorer 8 or earlier. Please upgrade your browser.  Learn more »

ഗുജറാത്ത് ക്ലാർക്ക് പരീക്ഷയില്‍ ചോദ്യം: ആരാണു ഹാർദിക് പട്ടേലിന് വെള്ളം കൊടുത്തത്?

Hardik Patel ഹാർദിക് പട്ടേൽ

അഹമ്മദാബാദ് ∙ഗാന്ധിനഗർ നഗരസഭയിലെ ക്ലാർക്ക് ഒഴിവുകളിലേക്കു നടന്ന മൽസര പരീക്ഷയിലെ ചോദ്യങ്ങളിൽ പട്ടേൽ സംവരണസമര നേതാവ് ഹാർദിക് പട്ടേലും. പട്ടേൽ സമുദായത്തിനു ജോലിസംവരണം ആവശ്യപ്പെട്ടു ഹാർദിക് പട്ടേൽ (25) നടത്തിയ 19 ദിവസം നീണ്ട നിരാഹാരസമരം കഴിഞ്ഞ എട്ടിനാണ് അവസാനിച്ചത്.

എഴുത്തുപരീക്ഷയിലെ ചോദ്യമിതായിരുന്നു: ഹാർദിക് പട്ടേലിന്റെ നിരാഹാരം അവസാനിപ്പിക്കാൻ വെള്ളം നൽകിയ രാഷ്ട്രീയനേതാവ് ആര്? നാലു പേരുകളും നൽകിയിരുന്നു: ശരദ് യാദവ്, ശത്രുഘ്നൻ സിൻഹ, ലാലുപ്രസാദ്, വിജയ് രൂപാണി. ശരിയായ ഉത്തരം: ശരദ് യാദവ്. ചോദ്യക്കടലാസിൽ ഹാർദിക് പട്ടേൽ കടന്നുകൂടിയതെങ്ങനെ എന്നറിയില്ലെന്നു മേയർ പ്രവീൺഭായി പട്ടേൽ പറഞ്ഞു. പുറമേനിന്നുള്ള ഏജൻസിയാണു ചോദ്യക്കടലാസ് തയാറാക്കിയതെന്നും മേയർ വ്യക്തമാക്കി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.