Manoramaonline.com no longer supports Internet Explorer 8 or earlier. Please upgrade your browser.  Learn more »

ശത്രുക്കളെ സഹായിക്കാനില്ലെന്ന് ഹാർദിക് പട്ടേൽ; നിരാഹാര സമരം അവസാനിപ്പിച്ചു

Hardik Patel ഹാര്‍ദിക് പട്ടേൽ

അഹമ്മദാബാദ്∙ കാർഷിക കടാശ്വാസവും പട്ടേല്‍ വിഭാഗക്കാർക്കു സംവരണവും ആവശ്യപ്പെട്ടു പട്ടേൽ സമര നേതാവ് ഹാർദിക് പട്ടേൽ നടത്തിവന്ന നിരാഹാര സമരം അവസാനിപ്പിച്ചു. തന്നെ ഇല്ലാതാക്കാൻ ശ്രമിക്കുന്നവർക്കായി ഉപകാരം ചെയ്യാനില്ലെന്നു  പ്രഖ്യാപിച്ചാണ് 19–ാം ദിവസം ഹാർദിക് സമരം അവസാനിപ്പിച്ചത്.

ആവശ്യങ്ങൾ കേന്ദ്ര സർക്കാര്‍ അംഗീകരിക്കാൻ തയാറാകാത്ത സാഹചര്യത്തില്‍ അനുയായികളുടെ നിർബന്ധത്തിനു വഴങ്ങി സമരം നിര്‍ത്തുകയാണെന്ന് അദ്ദേഹം പറഞ്ഞു. എന്നെ ഇഷ്ടപ്പെടുന്നവർക്കുവേണ്ടി മരിക്കാൻ എനിക്കു സാധിക്കും. എന്നാൽ എന്നെ ഇല്ലാതാക്കാൻ ശ്രമിക്കുന്നവർക്ക് ഉപകാരം ചെയ്യാൻ എനിക്കാവില്ല– ഹാർദിക് വ്യക്തമാക്കി.

ഓഗസ്റ്റ് 25നാണ് 24–കാരനായ പട്ടേൽ അനിശ്ചിതകാല നിരാഹാര സമരം തുടങ്ങിയത്. സമരത്തിനിടെ ലോക്താന്ത്രിക് ജനതാദൾ നേതാവ് ശരദ് യാദവ്, മുന്‍ കേന്ദ്രമന്ത്രി എ.രാജ തുടങ്ങിയവർ ഹാർദിക്കിനെ സന്ദർശിച്ചിരുന്നു. ഹാർദിക്കിന്റെ നീക്കങ്ങൾ രാഷ്ട്രീയ ലക്ഷ്യത്തോടെയുള്ളതാണെന്നും കോൺഗ്രസ് ഇതിനു പിന്തുണ നൽകുന്നതായും സംസ്ഥാന സർക്കാർ ആരോപിച്ചു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.