Manoramaonline.com no longer supports Internet Explorer 8 or earlier. Please upgrade your browser.  Learn more »

യുഎസ് ഇന്ത്യൻ ജനതയ്ക്കൊപ്പം: മുംബൈ ഭീകരാക്രമണ വാർഷികത്തിൽ ട്രംപ്

Donald Trump ഡോണൾഡ് ട്രംപ്

വാഷിങ്ടൻ∙ ഭീകരവാദത്തിനെതിരായ പോരാട്ടത്തിൽ ഇന്ത്യക്കു ശക്തമായ പിന്തുണ അറിയിച്ച് യുഎസ് പ്രസിഡന്റ് ഡോണൾഡ് ട്രംപ്. മുംബൈ ഭീകരാക്രമണത്തിന്റെ 10–ാം വാർഷികവേളയിലാണു ട്രംപിന്റെ പ്രസ്താവന.

‘മുംബൈ ഭീകരാക്രമണത്തിന്റെ വാർഷികവേളയിൽ, നീതിക്കായി ദാഹിക്കുന്ന ഇന്ത്യക്കാരോടൊപ്പമാണു യുഎസ്. 6 അമേരിക്കക്കാരുൾപ്പെടെ 166 നിരപരാധികളാണ് ആക്രമണത്തിൽ കൊല്ലപ്പെട്ടത്. ഭീകരവാദികൾ വിജയിക്കാനോ വിജയത്തിന്റെ അടുത്തെത്താനോ ഞങ്ങൾ സമ്മതിക്കില്ല’– രാവിലെ കുറിച്ച ട്വീറ്റിൽ ട്രംപ് വ്യക്തമാക്കി.

26/11 മുംബൈ ഭീകരാക്രമണത്തിന്റെ സൂത്രധാരന്മാരെ പിടികൂടാൻ സഹായിക്കുന്നവർക്കു യുഎസ് 5 മില്യൻ ഡോളർ ധനസഹായം പ്രഖ്യാപിച്ചിരുന്നു. നേരത്തേ, ലഷ്കറെ തയിബ സ്ഥാപകൻ ഹാഫിസ് മുഹമ്മദ് സയീദിനെ പിടിക്കുന്നവർക്ക് 10 മില്യൻ ഡോളറും ഹാഫിസ് അബ്ദുൽ റഹ്മാൻ മാക്കിയെ പിടിക്കാൻ 2 മില്യൻ ഡോളർ പ്രതിഫലവും യുഎസ് പ്രഖ്യാപിച്ചിരുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.