എറണാകുളം ജില്ലയിൽ ഇന്ന് (29-04-2024); അറിയാൻ, ഓർക്കാൻ
Mail This Article
ജലവിതരണം മുടങ്ങും: അറ്റകുറ്റപ്പണികൾ നടക്കുന്നതിനാൽ 30, മേയ് 1 ദിവസങ്ങളിൽ കോട്ടുവള്ളി, ചേന്ദമംഗലം, ഏഴിക്കര, പറവൂർ നഗരസഭ എന്നീ പഞ്ചായത്തുകളിൽ പൂർണമായും പള്ളിപ്പുറം, കുഴുപ്പിള്ളി, എടവനക്കാട്, നായരമ്പലം, ഞാറയ്ക്കൽ എന്നീ പഞ്ചായത്തുകളിൽ ഭാഗികമായും ജലവിതരണം മുടങ്ങും.
കായിക പരിശീലന ക്യാംപ്
ഏലൂർ ∙ നഗരസഭയുടെ നേതൃത്വത്തിൽ നടത്തുന്ന കായിക പരിശീലന ക്യാംപ് ഏലൂർ ഗവ.ഹയർസെക്കൻഡറി സ്കൂൾ മൈതാനത്ത് ആരംഭിച്ചു. മേയ് 20 വരെയാണ് ക്യാംപ്. ഫുട്ബോൾ, ക്രിക്കറ്റ്, കബഡി, വോളിബോൾ, വടംവലി എന്നിവയിലാണു പരിശീലനം. 18 വയസ്സിനു താഴെയുള്ളവർക്കാണ് അവസരം.
മെഡിക്കൽ ക്യാംപ് നാളെ
കോതമംഗലം∙ മാർ ബസേലിയോസ് നഴ്സിങ് കോളജും നെല്ലിക്കുഴി പഞ്ചായത്തും ചേർന്നു നാളെ 9 മുതൽ 1 വരെ നെല്ലിക്കുഴി ചിറപ്പടി കമ്യൂണിറ്റി ഹാളിൽ സൗജന്യ മെഡിക്കൽ ക്യാംപ് നടത്തും. പ്രമേഹം, രക്തസമ്മർദം, ദന്ത പരിശോധനയുണ്ടാകും.
ഫുട്ബോൾ കോച്ചിങ്
കൂത്താട്ടുകുളം∙ പാലക്കുഴ ഗവ. മോഡൽ ഹയർ സെക്കൻഡറി സ്കൂളിൽ ഇന്ന് വൈകിട്ട് 3 മുതൽ അവധിക്കാല ഫുട്ബോൾ കോച്ചിങ് ക്യാംപ്, ഗെയിംസ്, അത്ലറ്റിക്സ് പരിശീലനം എന്നിവ ആരംഭിക്കും. 97476 10330.
തെരുവുനായ ആക്രമണം: നഷ്ടപരിഹാരത്തിന് ജനസേവ ഹെൽപ്ലൈൻ
കളമശേരി ∙ തെരുവുനായ്ക്കളുടെ ആക്രമണത്തിൽ പരുക്കേൽക്കുന്നവർക്കു സർക്കാരിൽ നിന്നു നഷ്ടപരിഹാരം വാങ്ങി നൽകാൻ ജനസേവ ഹെൽപ് ലൈൻ പദ്ധതി ആരംഭിക്കും. ജനസേവ തെരുവുനായ വിമുക്ത കേരള സംഘത്തിന്റെ നേതൃത്വത്തിലാണ് ഈ പദ്ധതി ആരംഭിക്കുന്നത്.
രാവിലെ 10 മുതൽ വൈകിട്ട് 6 മണി വരെ 96333 61101 എന്ന ഫോൺ നമ്പറിൽ ബന്ധപ്പെടുന്നവർക്കു വേണ്ട നിയമസഹായവും മറ്റും സൗജന്യമായി ലഭിക്കുമെന്നു ജനസേവ തെരുവുനായ വിമുക്ത കേരള സംഘം മുഖ്യ രക്ഷാധികാരി ഡോ. ടോണി ഫെർണാണ്ടസ്, ചെയർമാൻ ജോസ് മാവേലി എന്നിവർ അറിയിച്ചു.