India

അശ്ലീല വിഡിയോ കേസ്: പ്രചരിച്ചത് 2976 വിഡിയോകൾ; പ്രജ്വലിനുവേണ്ടി മോദി എത്തിയത് വിവാദമാക്കി കോൺഗ്രസ്

ന്യൂഡൽഹി ∙ ‘നാരീശക്തി’ സംരക്ഷണം മുദ്രാവാക്യമായി ഉയർത്തിയ ബിജെപിക്ക് കർണാടകയിലെ ജെഡി(എസ്) എംപിയും മുൻ പ്രധാനമന്ത്രി ദേവെഗൗഡയുടെ പൗത്രനുമായ പ്രജ്വൽ രേവണ്ണയുടെ ലൈംഗിക പീഡനക്കേസ് തലവേദനയാകുന്നു. കേസിനെക്കുറിച്ചു പ്രാദേശിക ബിജെപി നേതൃത്വം മുന്നറിയിപ്പു നൽകിയിട്ടും പ്രജ്വലിന്റെ തിരഞ്ഞെടുപ്പു പരിപാടിയിൽ പ്രധാനമന്ത്രി നരേന്ദ്ര മോദി പങ്കെടുത്തത് കോൺഗ്രസ് ആയുധമാക്കിയിരിക്കുകയാണ്.
നല്ല സമയം നോക്കി ബാസുരിയുടെ വരവ്

ന്യൂഡൽഹി ∙ സമയം രാവിലെ 11.27.നാമനിർദേശ പത്രിക സ്വീകരിച്ചതിന്റെ രസീത് നൽകാൻ കലക്ടർ എഴുന്നേറ്റപ്പോൾ മുൻ കേന്ദ്രമന്ത്രി സുഷമ സ്വരാജിന്റെ മകളും ന്യൂഡൽഹി മണ്ഡലത്തിലെ സ്ഥാനാർഥിയുമായ ബാസുരി സ്വരാജ് കൈ നീട്ടി. ഒരു മിനിറ്റ് കൂടി കഴിയട്ടെ എന്നു പറഞ്ഞ് അടുത്തിരുന്ന കേന്ദ്രമന്ത്രി ഹർദീപ് സിങ് പുരി പിടിച്ചിരുത്തി.
ഹൈദരാബാദിലെ സർപ്രൈസ് പോര്; ഉവൈസിയുടെ കുത്തക മണ്ഡലത്തിൽ മത്സരമുയർത്തി മാധവി ലത

പെരുമ്പറയുടെ താളത്തിലാണു മാധവി ലതയുടെ വരവ്. പെരുമ്പറ കൊട്ടിവിയർത്ത് ഏതാനും ചെറുപ്പക്കാർ. ഷാലിവാഹന നഗറിലെ ദിൽസുഖ് നഗർ. സമയം വൈകിട്ട് 5.30. പദയാത്രയാണെങ്കിലും നടപ്പല്ല, ഓട്ടമാണ് ! അത്ര വേഗത്തിലാണു മാധവി ലതയും സംഘവും തെരുവുകളിലൂടെ വോട്ടു തേടി നീങ്ങുന്നത്. മിറർ വർക്ക് ചെയ്ത വെളുത്ത പ്രിന്റഡ് സാരി. കൂപ്പിയ കൈകളിൽ ചുറ്റിയ രുദ്രാക്ഷമാല. ‘‘പൊതിഞ്ഞുനിൽക്കല്ലേ, സ്ഥാനാർഥിക്കു വോട്ടു ചോദിക്കണ്ടേ?’’– അണികൾക്കു നേരെ മുതിർന്ന ബിജെപി നേതാവിന്റെ ശാസന.
വൃക്ക നൽകിയ മകൾക്ക് മണ്ഡലം നൽകി ലാലു; നാടിളക്കി അരങ്ങേറ്റം

പട്ന ∙ ലാലു യാദവിനു വൃക്കദാനം ചെയ്ത പുത്രി രോഹിണി ആചാര്യയ്ക്ക് ആവേശകരമായ വരവേൽപാണു സാരൻ ലോക്സഭാ മണ്ഡലത്തിലെങ്ങും. ആർജെഡി സ്ഥാനാർഥിയായി നാമനിർദേശ പത്രിക നൽകിയശേഷം ചപ്ര രാജേന്ദ്ര സ്റ്റേഡിയത്തിൽ സംഘടിപ്പിച്ച റാലിയിൽ രോഹിണിയെ നേരിൽ കാണാൻ നാടിളകിയെത്തി. ലാലു കുടുംബത്തിൽ നിന്നുള്ള പുതുമുഖത്തിന്റെ അരങ്ങേറ്റത്തിനു സാക്ഷിയാകാൻ ലാലു യാദവ്, പത്നി റാബ്റി ദേവി, മക്കളായ തേജസ്വി യാദവ്, തേജ് പ്രതാപ് യാദവ്, മിസ ഭാരതി എന്നിവരുമുണ്ടായിരുന്നു.
അശ്ലീല വിഡിയോ കേസ്: പ്രജ്വലിന് സസ്പെൻഷൻ; ജർമനിയിൽ നിന്ന് തിരിച്ചെത്തിക്കാൻ ഉടൻ സമൻസ്

ബെംഗളൂരു∙ ലൈംഗിക പീഡനക്കേസിൽ ഉൾപ്പെട്ട ഹാസനിലെ എൻഡിഎ സ്ഥാനാർഥി പ്രജ്വൽ രേവണ്ണയെ ജനതാദൾ (എസ്) സസ്പെൻഡ് ചെയ്തു. ഒട്ടേറെ സ്ത്രീകൾ ഉൾപ്പെട്ട ആയിരക്കണക്കിനു അശ്ലീല വിഡിയോകൾ പുറത്തു വന്നതോടെയാണ് ദേശീയ അധ്യക്ഷൻ ദേവെഗൗഡയുടെ കൊച്ചുമകനും നിലവിലെ എംപിയുമായ പ്രജ്വലിനെതിരെ അച്ചടക്കനടപടി സ്വീകരിക്കാൻ പാർട്ടി നിർബന്ധിതമായത്.
ADVERTISEMENT
ഷിൻഡെ ഓടുന്നു; മകളിലൂടെ മണ്ഡലം തിരിച്ചെടുക്കാൻ

രണ്ടുതവണ നഷ്ടപ്പെട്ട സോലാപുർ മണ്ഡലം മകൾ പ്രണിതിയിലൂടെ തിരിച്ചുപിടിക്കാനുള്ള പോരാട്ടത്തിലാണു സുശീൽകുമാർ ഷിൻഡെ. മഹാരാഷ്ട്രയുടെ ആദ്യ ദലിത് മുഖ്യമന്ത്രിയും മുൻ കേന്ദ്ര ആഭ്യന്തരമന്ത്രിയുമായ അദ്ദേഹം 83–ാം വയസ്സിൽ മകൾക്കായി വോട്ട് പിടിക്കാൻ ഓടിനടക്കുന്നു. സോലാപുരിൽ നിന്നുള്ള എംഎൽഎയായ പ്രണിതി ഷിൻഡെ മഹാരാഷ്ട്ര കോൺഗ്രസ് വർക്കിങ് പ്രസിഡന്റ് കൂടിയാണ്.
സ്ഥാനാർഥിയുടെ കൂറുമാറ്റം: വധശ്രമക്കേസ് ചുമത്തി; പിന്നാലെ ബിജെപിയിൽ

ന്യൂഡൽഹി ∙ മധ്യപ്രദേശിലെ ഇൻഡോറിൽ കോൺഗ്രസ് സ്ഥാനാർഥി പത്രിക പിൻവലിച്ച് ബിജെപിയിൽ ചേർന്നതു വധശ്രമക്കേസ് ചുമത്തപ്പെട്ടു ദിവസങ്ങൾക്കകം. ഭൂമിയിടപാടുമായി ബന്ധപ്പെട്ട് 17 വർഷം പഴക്കമുള്ള കേസിൽ അക്ഷയ് കാന്തി ബമിനെതിരെ വധശ്രമക്കുറ്റം കൂടി ചുമത്താൻ കഴിഞ്ഞ മാസം 24ന് ഇൻഡോർ സെഷൻസ് കോടതി ഉത്തരവിട്ടിരുന്നു. അതിന്റെ അഞ്ചാം ദിവസമാണ് അദ്ദേഹം ബിജെപിയിലേക്കു കൂറുമാറിയത്.
ന്യൂസ്ക്ലിക് കേസ്: ഡൽഹി പൊലീസിനെ കുടഞ്ഞ് സുപ്രീം കോടതി

ന്യൂഡൽഹി ∙ ന്യൂസ്ക്ലിക് സ്ഥാപകൻ പ്രബീർ പുർകായസ്ഥയെ അറസ്റ്റ് ചെയ്ത വിഷയത്തിൽ ഡൽഹി പൊലീസിന്റെ നടപടികൾ സുപ്രീം കോടതി ചോദ്യം ചെയ്തു. അറസ്റ്റിനു ശേഷം പ്രബീർ പുർകായസ്ഥയുടെ അഭിഭാഷകനെ അറിയിക്കാതെ അദ്ദേഹത്തെ മജിസ്ട്രേട്ടിനു മുന്നിൽ ഹാജരാക്കിയതിന്റെ സാഹചര്യം വ്യക്തമാക്കാൻ ജഡ്ജിമാരായ ബി.ആർ. ഗവായ്, സന്ദീപ് മേത്ത എന്നിവരുടെ ബെഞ്ച് ആവശ്യപ്പെട്ടു. നിയമവിരുദ്ധ പ്രവർത്തന നിരോധന നിയമം (യുഎപിഎ) ചുമത്തി അറസ്റ്റ് ചെയ്തതു ചോദ്യം ചെയ്തു പ്രബീർ നൽകിയ ഹർജി പരിഗണിക്കുകയായിരുന്നു കോടതി. അഭിഭാഷകനു റിമാൻഡ് അപേക്ഷയുടെ പകർപ്പു കൈമാറുന്നതിനു മുൻപ് റിമാൻഡ് ഉത്തരവു പുറപ്പെടുവിച്ചതിലും കോടതി ആശ്ചര്യം രേഖപ്പെടുത്തി. വാദം പൂർത്തിയാക്കിയ കോടതി ഹർജി വിധി പറയാൻ മാറ്റി.
അമിത് ഷായുടെ വ്യാജ വിഡിയോ: ജിഗ്നേഷ് മേവാനിയുടെ പിഎയും ആം ആദ്മി നേതാവും അറസ്റ്റിൽ

ന്യൂ‍ഡൽഹി ∙ സംവരണവുമായി ബന്ധപ്പെട്ട് അമിത് ഷായുടെ വ്യാജ വിഡിയോ പ്രചരിപ്പിച്ച സംഭവത്തിൽ 2 പേർ കൂടി അറസ്റ്റിൽ. ഗുജറാത്തിലെ കോൺഗ്രസ് എംഎൽഎ ജിഗ്നേഷ് മേവാനിയുടെ പിഎയും പ്രാദേശിക കോൺഗ്രസ് നേതാവുമായ സതീഷ് വൻസോല, ആം ആദ്മി പാർട്ടി ദാഹോദ് ജില്ലാ പ്രസിഡന്റ് രാകേഷ് ബരിയ എന്നിവരെയാണ് ഗുജറാത്ത് സൈബർ ക്രൈം സെൽ അറസ്റ്റ് ചെയ്തത്. ഇരുവരും അമിത് ഷായുടെ വിഡിയോ ഫെയ്സ്ബുക് പേജുകളിൽ പോസ്റ്റ് ചെയ്തിരുന്നു.
ഒന്നും രണ്ടും ഘട്ടങ്ങളിലെ പോളിങ്: ഒടുവിൽ കണക്കായി; വിവരങ്ങളുമായി കമ്മിഷൻ

ന്യൂഡൽഹി ∙ ലോക്സഭാ തിരഞ്ഞെടുപ്പിന്റെ ആദ്യ ഘട്ടത്തിൽ 66.14% വോട്ടും രണ്ടാം ഘട്ടത്തിൽ 66.71% വോട്ടും രേഖപ്പെടുത്തിയതായി തിരഞ്ഞെടുപ്പു കമ്മിഷൻ വ്യക്തമാക്കി. ആദ്യഘട്ടത്തിൽ 66.22% പുരുഷന്മാരും 66.07% സ്ത്രീകളും 31.32% ട്രാൻസ്ജെൻഡറുകളും വോട്ടു ചെയ്തു. രണ്ടാംഘട്ടത്തിൽ ഇത് യഥാക്രമം 66.99%, 66.42%, 23.86% എന്നിങ്ങനെയാണ്.
സിസോദിയയുടെ ജാമ്യാപേക്ഷ വീണ്ടും തള്ളി

ന്യൂഡൽഹി ∙ മദ്യനയക്കേസിൽ അറസ്റ്റിലായി ജയിലിൽ കഴിയുന്ന മുൻ ഉപമുഖ്യമന്ത്രി മനീഷ് സിസോദിയയുടെ ജാമ്യാപേക്ഷ ഡൽഹി കോടതി രണ്ടാം തവണയും തള്ളി. ജാമ്യം നൽകാൻ അനുകൂലമായ സാഹചര്യമല്ലെന്നു വ്യക്തമാക്കിയാണു റൗസ് അവന്യൂ കോടതി സ്പെഷൽ ജഡ്ജി കാവേരി ബവേജ ഹർജി തള്ളിയത്. വിധിക്കെതിരെ ഡൽഹി ഹൈക്കോടതിയെ സമീപിക്കാനുള്ള തീരുമാനത്തിലാണ് ആംആദ്മി പാർട്ടി നേതൃത്വം.
കേജ്‍രിവാളിന്റെ അറസ്റ്റ്: വ്യക്തിസ്വാതന്ത്ര്യം പരമപ്രധാനം, നിഷേധിക്കാനാവില്ല: സുപ്രീം കോടതി

ന്യൂഡൽഹി ∙ വ്യക്തിസ്വാതന്ത്ര്യം പരമപ്രധാനമാണെന്നും അതു നിഷേധിക്കാൻ ആർക്കുമാകില്ലെന്ന് ഓർമപ്പെടുത്തിയ സുപ്രീം കോടതി, ലോക്സഭാ തിരഞ്ഞെടുപ്പിനു തൊട്ടു മുൻപ് ഡൽഹി മുഖ്യമന്ത്രി അരവിന്ദ് കേജ്‍രിവാളിനെ അറസ്റ്റ് ചെയ്തത് എന്തുകൊണ്ടാണെന്ന് വിശദീകരിക്കാൻ എൻഫോഴ്സ്മെന്റ് ഡയറക്ടറേറ്റിനോടു നിർദേശിച്ചു.
നാവികസേനാ മേധാവി അഡ്മിറൽ ഹരികുമാർ പടിയിറങ്ങി

ന്യൂഡൽഹി ∙ നാവികസേനയുടെ തലപ്പത്തുനിന്ന് മലയാളിയായ അഡ്മിറൽ ആർ.ഹരികുമാർ പടിയിറങ്ങി. പുതിയ മേധാവിയായി അഡ്മിറൽ ദിനേഷ് കെ.ത്രിപാഠി ചുമതലയേറ്റു. സേനാ ആസ്ഥാനത്തു നടന്ന ചടങ്ങിൽ അമ്മയുടെ കാൽതൊട്ടു വന്ദിച്ചാണ് നാവികസേനയുടെ സാരഥ്യം അദ്ദേഹം ഏറ്റെടുത്തത്. സാങ്കേതികവിദ്യയിലടക്കം സ്വയംപര്യാപ്തത കൈവരിക്കാനുള്ള സേനയുടെ ശ്രമങ്ങൾക്കു ശക്തി പകരുമെന്ന് ത്രിപാഠി പറഞ്ഞു.
കോവിഡ് വാക്സീൻ: ആരോഗ്യപ്രശ്നങ്ങൾ ചർച്ചയാകുന്നു; നഷ്ടപരിഹാരത്തിന് ഇന്ത്യയിൽ വ്യവസ്ഥയില്ല

ന്യൂഡൽഹി ∙ കോവിഡ് വാക്സീൻ മൂലം ആരോഗ്യപ്രശ്നമുണ്ടാകുന്നവർക്കു നഷ്ടപരിഹാരം നൽകാൻ ഇന്ത്യയിൽ വ്യവസ്ഥയില്ല. വാക്സീൻ സ്വീകരിച്ചതു സ്വമേധയാ ആയിരുന്നുവെന്നും നിർബന്ധിതമാക്കിയിരുന്നില്ലെന്നുമാണ് ആരോഗ്യമന്ത്രാലയത്തിന്റെ നിലപാട്. ഇന്ത്യയിൽ ഏറ്റവും കൂടുതൽ ആളുകൾ സ്വീകരിച്ച കോവിഷീൽഡ് വാക്സീനെതിരെ യുകെയിൽ നിയമയുദ്ധം മുറുകുമ്പോഴും ഇന്ത്യയിൽ ആരോഗ്യമന്ത്രാലയം അനങ്ങിയിട്ടില്ല.
വിദ്യാർഥിനികളെ വഴിതെറ്റിക്കാൻ ശ്രമിച്ച അധ്യാപികയ്ക്ക് 10 വർഷം തടവ്

ചെന്നൈ ∙ കോളജ് വിദ്യാർഥിനികളെ വഴിവിട്ട കാര്യങ്ങൾക്ക് നിർബന്ധിച്ചെന്ന കേസിൽ മുൻ അധ്യാപിക പ്രഫ.നിർമലാദേവിക്ക് (52) 10 വർഷം തടവും 2.45 ലക്ഷം രൂപ പിഴയും ശിക്ഷ വിധിച്ചു. 5 വകുപ്പുകളിലായി 25 വർഷം തടവു ശിക്ഷയുണ്ടെങ്കിലും പരോൾ ഇല്ലാതെ 10 വർഷത്തെ തടവ് അനുഭവിച്ചാൽ മതിയെന്ന് ശ്രീവില്ലിപുത്തൂർ ജില്ലാ ഫാസ്റ്റ് ട്രാക്ക് വനിതാ കോടതി വിധിച്ചു.
മണിപ്പുരിൽ സേനാവാഹനം തടഞ്ഞ് സ്ത്രീകൾ, വൻ പ്രതിഷേധം; ആകാശത്തേയ്ക്ക് വെടിവച്ച് സൈന്യം

ഇംഫാൽ∙ മണിപ്പുരിലെ ബിഷ്ണുപുർ ജില്ലയിൽ സൈനിക വാഹനം തടഞ്ഞ് മെയ്‌തെയ് വിഭാഗത്തിൽപ്പെട്ട സ്ത്രീകളുടെ സംഘം. കുമ്പി പ്രദേശത്ത് രാവിലെ പട്രോളിങ്ങിനിടെ
ലാലുവിനു വൃക്ക ദാനം ചെയ്തു, മകൾ രോഹിണി സാരനിൽ താരം; ഹിറ്റായി രാഷ്ട്രീയ അരങ്ങേറ്റം

പട്ന ∙ സാരനിൽ താരമായി രോഹിണി ആചാര്യയുടെ രാഷ്ട്രീയ അരങ്ങേറ്റം. ലാലു യാദവിനു വൃക്കദാനം ചെയ്ത പുത്രി രോഹിണിക്ക് ആവേശകരമായ വരവേൽപാണു സാരൻ ലോക്സഭാ
തിരഞ്ഞെടുപ്പിന് തൊട്ടുമുൻപ് കേ‍ജ്‍രിവാളിന്റെ അറസ്റ്റ് എന്തിന്? ഇ.ഡിയോട് സുപ്രീംകോടതി

ന്യൂഡൽഹി∙ മദ്യനയ അഴിമതി കേസിൽ മുഖ്യമന്ത്രി അരവിന്ദ് കേജ്‍രിവാളിനെ അറസ്റ്റ് ചെയ്തതിൽ എൻഫോഴ്‌സ്‌മെന്റ് ഡയറക്ടറേറ്റിനോട് (ഇ.ഡി) വിശദീകരണം തേടി സുപ്രീംകോടതി.
സംവരണം തട്ടിയെടുത്ത് മുസ്‌ലിംകൾക്കു നല്‍കാൻ ശ്രമം: കോൺഗ്രസിനും ഇന്ത്യ സഖ്യത്തിനുമെതിരെ മോദി

ന്യൂഡല്‍ഹി ∙ ലോക്‌സഭാ തിരഞ്ഞെടുപ്പിന്റെ മൂന്നാംഘട്ട വോട്ടെടുപ്പിനു മുന്നോടിയായി പ്രതിപക്ഷത്തിനെതിരെ ആക്രമണം രൂക്ഷമാക്കി പ്രധാനമന്ത്രി നരേന്ദ്ര മോദി. എസ‌്സി/എസ്ടി, ഒബിസി വിഭാഗക്കാരില്‍നിന്നു സംവരണം
‘ദൃശ്യങ്ങൾ അടങ്ങിയ പെൻഡ്രൈവ് ബിജെപി നേതാവിന് നൽകി’: വെളിപ്പെടുത്തലുമായി പ്രജ്വലിന്റെ മുൻ ഡ്രൈവർ

ന്യൂഡൽഹി ∙ ലൈംഗിക പീഡന കേസിൽ ഉൾപ്പെട്ട ജെഡിഎസ് എംപിയും സ്ഥാനാർഥിയുമായ പ്രജ്വൽ രേവണ്ണയുടെ അശ്ലീല ദൃശ്യങ്ങൾ പുറത്തുവന്നതിനു പിന്നാലെ കൂടുതൽ വെളിപ്പെടുത്തലുമായി മുൻ ഡ്രൈവർ കാർത്തിക്. പ്രജ്വലിന്റെ വിഡിയോ ദൃശ്യങ്ങൾ അടങ്ങിയ
ഛത്തീസ്ഗഡിൽ സുരക്ഷാസേനയുമായി ഏറ്റുമുട്ടൽ; 7 മാവോയിസ്റ്റുകള്‍ കൊല്ലപ്പെട്ടു

റായ്പുർ ∙ ഛത്തീസ്ഗഡിൽ സുരക്ഷാസേനയുമായുണ്ടായ ഏറ്റുമുട്ടലിൽ ഏഴ് മാവോയിസ്റ്റുകള്‍ കൊല്ലപ്പെട്ടു. നാരായൺപുർ, കങ്കർ ജില്ലാതിർത്തിയിലാണ് ഏറ്റുമുട്ടലുണ്ടായത്. മഹാരാഷ്ട്ര അതിർത്തിയോടു ചേർന്ന തെക്മെട്ട വനമേഖലയില്‍ പ്രത്യേക ദൗത്യ സംഘവും റിസര്‍വ് ഗാർഡും ചേർന്ന് നടത്തിയ സംയുക്ത തിരിച്ചടിയിലാണ് മാവോയിസ്റ്റുകൾ
ബാലാക്കോട്ട് ആക്രമണം: ലോകത്തെ അറിയിക്കും മുന്‍പ് പാക്കിസ്ഥാനെ അറിയിച്ചെന്ന് മോദി

ന്യൂഡല്‍ഹി∙ 2019ലെ ബാലാക്കോട്ട് വ്യോമാക്രമണത്തെക്കുറിച്ച് ലോകത്തെ അറിയിക്കും മുന്‍പ് താന്‍ പാക്കിസ്ഥാനെ അറിയിച്ചിരുന്നുവെന്ന് പ്രധാനമന്ത്രി നരേന്ദ്ര മോദി. ഇതു പുതിയ ഭാരതമാണെന്നും നിരപരാധികളെ കൊല്ലാന്‍ ശ്രമിക്കുന്നവരെ അവരുടെ മടയില്‍ കയറി കൊല്ലുമെന്നും മോദി പറഞ്ഞു. കര്‍ണാടകയിലെ ബഗല്‍കോട്ടില്‍
ലോക്സഭാ തിരഞ്ഞെടുപ്പിൽ പ്രിയങ്ക ഗാന്ധി മത്സരിച്ചേക്കില്ല; പ്രചരണത്തിൽ ശ്രദ്ധ കേന്ദ്രീകരിക്കും

ന്യൂഡൽഹി∙ കോൺഗ്രസ് നേതാവും എഐസിസി ജനറൽ സെക്രട്ടറിയുമായ പ്രിയങ്ക ഗാന്ധി ലോക്സഭാ തിരഞ്ഞെടുപ്പിൽ മത്സരിച്ചേക്കില്ലെന്ന്സൂചന. ഉത്തർപ്രദേശിലെ അമേഠി, റായ്ബറേലി ലോക്സഭാ സീറ്റുകളിലേക്കുള്ള സ്ഥാനാർഥി പ്രഖ്യാപനം നീണ്ടുപോവുന്നതിനിടെയാണ് പ്രിയങ്കഗാന്ധി മത്സര രംഗത്തേക്കില്ലെന്ന വാർത്തകൾ പുറത്തുവരുന്നത്.
ലൈംഗിക ആരോപണം; പ്രജ്വൽ രേവണ്ണയെ സസ്പെൻഡ് ചെയ്ത് ജെഡിഎസ്

ബെംഗളൂരു∙ ലൈംഗിക ആരോപണം നേരിടുന്ന എംപി പ്രജ്വൽ രേവണ്ണയെ ജെഡിഎസ് സസ്പെൻഡ് ചെയ്തു. എസ്ഐടി അന്വേഷണത്തെ സ്വാഗതം ചെയ്താണ് പ്രജ്വലിനെ ജെഡ‍ിഎസ് സസ്പെൻഡ് ചെയ്തിരിക്കുന്നത്.
കഞ്ചാവു പൊതിയുമായി എം.കെ.സ്റ്റാലിനെ കാണാൻ ശ്രമിച്ച ബിജെപി പ്രവർത്തകൻ അറസ്റ്റിൽ

ചെന്നൈ∙ കഞ്ചാവു പൊതിയുമായി എത്തി മുഖ്യമന്ത്രി എം.കെ.സ്റ്റാലിനെ കണ്ട് നിവേദനം കൊടുക്കാൻ ശ്രമിച്ച ബിജെപി പ്രവർത്തകനെപൊലീസ് പിടികൂടി. കൊടൈക്കനാലിൽ വിശ്രമത്തിനായി പോയ മുഖ്യമന്ത്രി ചെന്നൈയിൽ നിന്നു മധുര വരെ വിമാനത്തിലാണു പോയത്. മധുരവിമാനത്താവളത്തിലിറങ്ങി റോഡ് മാർഗം കൊടൈക്കനാലിലേക്ക് പോകാനൊരുങ്ങവേയാണു
കാവേരി നദിയിൽ കുളിക്കാനിറങ്ങിയ 5 എൻജിനീയറിങ് വിദ്യാർഥികൾ മുങ്ങിമരിച്ചു

ബെംഗളൂരു∙ കനക്പുര മേക്കെദാട്ടു അണക്കെട്ടിന് സമീപം കാവേരി നദിയിൽ കുളിക്കാനിറങ്ങിയ 5 എൻജിനീയറിങ് കോളജ് വിദ്യാർഥികൾമുങ്ങിമരിച്ചു. മരിച്ചവരിൽ 3 പേർ പെൺകുട്ടികളാണ്. ഹർഷിത, വർഷ, സ്നേഹ, അഭിഷേക്, തേജസ്സ് എന്നിവരാണ് മരിച്ചത്. ബെംഗളൂരുവിലെസ്വകാര്യ എൻജിനീയറിങ് കോളജിലെ 11 പേരടങ്ങിയ സംഘമാണ് ഇന്നലെ രാവിലെ
വേനൽച്ചൂടിനൊപ്പം കുതിച്ചുയർന്ന് ബീയർ വിൽപന; ഈ വർഷം ഇതുവരെ 20% വർധന

ബെംഗളൂരു∙ നഗരത്തിൽ വേനൽച്ചൂടിനൊപ്പം ബീയർ വിൽപന കുതിക്കുന്നു. ഈ വർഷം ഇതുവരെ ബീയർ വിൽപന 20% വർധിച്ചതായിനാഷനൽ റസ്റ്ററന്റ്സ് അസോസിയേഷൻ ഓഫ് ഇന്ത്യ ബെംഗളൂരു ഘടകം തലവൻ ചേതൻ ഹെഗ്ഡേ പറഞ്ഞു. ഫെബ്രുവരിക്കു ശേഷം മുൻ വർഷത്തെ അപേക്ഷിച്ച് ഇരട്ടിയിലേറെ വിൽപനയാണ് നഗരത്തിലെ ബാറുകളിലുണ്ടായത്. ചൂടു കൂടിയതോടെ പലരും
ജാമ്യം തേടാത്തത് അറസ്റ്റ് നിയമവിരുദ്ധം ആയതിനാൽ: കേജ്രിവാൾ

ന്യൂഡൽഹി ∙ ഡൽഹി മുഖ്യമന്ത്രി കേജ്‌രിവാൾ ജാമ്യാപേക്ഷ നൽകാത്തത് എന്തുകൊണ്ടാണെന്ന് സുപ്രീം കോടതി ചോദിച്ചു. അറസ്റ്റ് തന്നെ നിയമവിരുദ്ധമാണെന്നും അതുകൊണ്ടാണ് ജാമ്യം തേടുന്നതിനു പകരം അതിനെ ചോദ്യം ചെയ്യുന്നതെന്നും കേജ്രിവാളിനു വേണ്ടി ഹാജരായ അഭിഭാഷകൻ അഭിഷേക് മനു സിങ്‌വി പറഞ്ഞു. ഇ.ഡി അറസ്റ്റിന്റെ നിയമസാധുത ചോദ്യം ചെയ്ത് നൽകിയ ഹർജിയിലെ വാദത്തിനിടയിലാണ് കേജ്രിവാൾ ഇക്കാര്യം അറിയിച്ചത്. ജസ്റ്റിസ് സഞ്ജീവ് ഖന്ന അധ്യക്ഷനായ ബെഞ്ചിൽ വാദം ഇന്നും തുടരും.
അഖിലേഷും കളത്തിൽ; ബിജെപി വോട്ട്ബാങ്ക് പൊളിക്കാൻ ശ്രമം

ന്യൂഡൽഹി ∙ തിരഞ്ഞെടുപ്പു കളത്തിലേക്കുള്ള സമാജ്‌വാദി പാർട്ടി (എസ്പി) നേതാവ് അഖിലേഷ് യാദവിന്റെ വരവു യുപിയിൽ പ്രതിപക്ഷ നിരയ്ക്കു കരുത്തേകുമെന്ന് ഇന്ത്യാസഖ്യം പ്രതീക്ഷിക്കുന്നു. അധികാരം നിലനിർത്താൻ ബിജെപി ഏറ്റവുമധികം പ്രതീക്ഷയർപ്പിക്കുന്ന സംസ്ഥാനത്ത് അവരുടെ സീറ്റ് പരമാവധി കുറയ്ക്കുക എന്ന ലക്ഷ്യത്തോടെയാണ് കനൗജിൽ സ്ഥാനാർഥിയാകാൻ അവസാനനിമിഷം അഖിലേഷ് തീരുമാനിച്ചത്.
അട്ടിമറി ഭയം, ഗുണ വിടാതെ സിന്ധ്യ; വാശിയിൽ കോൺഗ്രസ്

അമ്പലവും ആൽത്തറയും കാലികളും കുറച്ചാളും മാത്രമായിരുന്നു ആദ്യം. ഉച്ചതിരിഞ്ഞ് കച്ചൗവിലെ ജനസഭയിൽ കാണാമെന്നു പറഞ്ഞിരുന്നതിനാൽ അവിടെ തണലു പറ്റി നിന്നു. വേദിയിൽ ഒരൊറ്റ കസേര മാത്രം. പിന്നെല്ലാം പെട്ടന്നായിരുന്നു. ഞൊടിയിടയിൽ സദസ്സു നിറഞ്ഞു. ‘മഹാരാജാവ് എത്തുകയാണെ’ന്ന് അനൗൺസ്മെന്റ് മുഴങ്ങി. ബിജെപി സ്ഥാനാർഥിയും കേന്ദ്ര വ്യോമയാന മന്ത്രിയുമായ ജ്യോതിരാദിത്യ സിന്ധ്യയുടെ വാഹനവ്യൂഹത്തിന്റെ ‘ക്രാഷ് ലാൻഡിങ്ങിൽ’ അവിടമാകെ പൊടിപറന്നു.
അമേഠി, റായ്ബറേലി തീരുമാനം നീട്ടി കോൺഗ്രസ്; രാഹുൽ, പ്രിയങ്ക വരുമോ?

ന്യൂഡൽഹി ∙ യുപിയിലെ അമേഠി, റായ്ബറേലി മണ്ഡലങ്ങളിൽ പത്രികാ സമർപ്പണത്തിനുള്ള സമയം അവസാനിക്കാൻ 4 ദിവസം മാത്രം ബാക്കിനിൽക്കെ, സ്ഥാനാർഥികളെ സംബന്ധിച്ചു കോൺഗ്രസിന്റെ തീരുമാനം നീളുന്നു. ഏതെങ്കിലുമൊരു മണ്ഡലത്തിൽ രാഹുൽ ഗാന്ധി നിർബന്ധമായും മത്സരിക്കണമെന്ന ആവശ്യം പാർട്ടിക്കുള്ളിൽ ശക്തമാണ്. മത്സരിക്കാനില്ലെന്നാണു പാർട്ടി നേതൃത്വത്തെ പ്രിയങ്ക അറിയിച്ചിരിക്കുന്നത്.
മുസ്‌ലിം സംവരണം: ആരോപണം ആവർത്തിച്ച് മോദി

ബെംഗളൂരു , മുംബൈ ∙ മതാധിഷ്ഠിത സംവരണം നടപ്പിലാക്കാൻ കോൺഗ്രസ് ആസൂത്രണം നടത്തുകയാണെന്നും താനത് അനുവദിക്കില്ലെന്നും പ്രധാനമന്ത്രി നരേന്ദ്ര മോദി പറഞ്ഞു. വോട്ട്ബാങ്ക് ലക്ഷ്യമിട്ട് ന്യൂനപക്ഷങ്ങളെ പ്രീണിപ്പിക്കാനാണു കോൺഗ്രസ് ശ്രമിക്കുന്നതെന്നും കർണാടകയിലെ ബാഗൽക്കോട്ടിൽ അദ്ദേഹം ആരോപിച്ചു.
‘സൂറത്ത് കെണി’ ഇൻഡോറിലും; കോൺഗ്രസ് സ്ഥാനാർഥി പത്രിക പിൻവലിച്ച് ബിജെപിയിൽ

ന്യൂഡൽഹി ∙ കോൺഗ്രസിനു കനത്ത പ്രഹരമേൽപിച്ച് മധ്യപ്രദേശിലെ ഇൻഡോർ ലോക്സഭാ സീറ്റിലെ പാർട്ടി സ്ഥാനാർഥി പത്രിക പിൻവലിച്ച് ബിജെപിയിൽ ചേർന്നു. പത്രിക പിൻവലിക്കാനുള്ള അവസാനദിനമാണ് യുവനേതാവ് അക്ഷയ് കാന്തി ബം മറുകണ്ടം ചാടിയത്. കോൺഗ്രസിന്റെ ഡമ്മി സ്ഥാനാർഥി മോത്തി സിങ്ങിന്റെ പത്രിക കഴിഞ്ഞദിവസം തള്ളിപ്പോയിരുന്നു.
ഇൻഡോർ നൽകുന്ന പാഠം: സൂറത്ത് ഒറ്റപ്പെട്ട സംഭവമല്ല

ന്യൂഡൽഹി ∙ സൂറത്തിൽ കഴിഞ്ഞയാഴ്ച സംഭവിച്ചത് ഒറ്റപ്പെട്ടതല്ലെന്നും കരുതിയിരുന്നില്ലെങ്കിൽ തിരഞ്ഞെടുപ്പു തന്നെ പ്രഹസനമാക്കുന്ന അട്ടിമറികൾ എവിടെയും സംഭവിക്കാമെന്നുമാണ് ഇൻഡോറിലെ സ്ഥാനാർഥിയുടെ കൂറുമാറ്റം കോൺഗ്രസിനു നൽകുന്ന മുന്നറിയിപ്പ്. സൂറത്തിലേതു പോലെ മറ്റു സ്ഥാനാർഥികളെ പിൻവലിപ്പിച്ച് വോട്ടെടുപ്പ് ഒഴിവാക്കുന്ന സാഹചര്യമുണ്ടാകുമോ എന്നാണ് ഇൻഡോറിൽ ഇനി അറിയാനുള്ളത്. ആകെ 33 സ്ഥാനാർഥികളാണ് ഇവിടെ പത്രിക സമർപ്പിച്ചത്. 4 പേരുടേതു തള്ളിപ്പോയി. ബിഎസ്പി സ്ഥാനാർഥി അടക്കം 29 പേരുടേതു സ്വീകരിച്ചു. അവസാനനിമിഷം പത്രിക പിൻവലിച്ചവരുടെ പട്ടിക വന്നിട്ടില്ല. സിറ്റിങ് എംപി ശങ്കർ ലാൽവാനിയാണ് ബിജെപി സ്ഥാനാർഥി.
അമിത് ഷായുടെ വ്യാജ വിഡിയോ: തെലങ്കാന മുഖ്യമന്ത്രിക്ക് ഡൽഹി പൊലീസ് സമൻസ്

ന്യൂഡൽഹി ∙ സംവരണവുമായി ബന്ധപ്പെട്ടു കേന്ദ്ര ആഭ്യന്തരമന്ത്രി അമിത് ഷായുടെ വ്യാജ വിഡിയോ പ്രചരിപ്പിച്ചതിന്റെ പേരിൽ തെലങ്കാന മുഖ്യമന്ത്രിയും കോൺഗ്രസ് നേതാവുമായ രേവന്ത് റെഡ്ഡിക്ക് ഡൽഹി പൊലീസ് സമൻസ് നൽകി. മേയ് ഒന്നിനു ഹാജരാകാനാണു നിർദേശം. തെലങ്കാന കോൺഗ്രസിന്റെ ഔദ്യോഗിക ‘എക്സ്’ പേജിൽ വിഡിയോ പ്രസിദ്ധീകരിച്ചതിന്റെ പേരിലാണ് പിസിസി പ്രസിഡന്റ് എന്ന നിലയിൽ രേവന്തിന് സമൻസ് നൽകിയത്. രേവന്തിനു പുറമേ തെലങ്കാന കോൺഗ്രസ് വക്താവ് അസ്മ തസ്‍ലീം അടക്കം 4 പേർക്കുകൂടി നോട്ടിസ് നൽകിയിട്ടുണ്ട്.
ആശുപത്രികളുടെ ചികിത്സാനിരക്ക് ഏകീകരിക്കുന്നത് എങ്ങനെ?: സുപ്രീം കോടതി

ന്യൂഡൽഹി ∙ ശസ്ത്രക്രിയകളടക്കം ചികിത്സയ്ക്ക് വിവിധ ആശുപത്രികൾ ഈടാക്കുന്ന നിരക്ക് ഏകീകരിക്കുന്നത് അപ്രായോഗികമെന്നു സുപ്രീം കോടതി സൂചിപ്പിച്ചു. കേന്ദ്രസർക്കാരിന് എങ്ങനെയാണ് ആശുപത്രികൾക്കെല്ലാം ഒരേ നിരക്ക് നിശ്ചയിക്കാൻ കഴിയുകയെന്നും വിപണി അതിൽ ഘടകമാകില്ലേയെന്നും ജഡ്ജിമാരായ ബി.ആർ.ഗവായ്, സന്ദീപ് മേത്ത എന്നിവരുടെ ബെഞ്ച് ചോദിച്ചു. സർക്കാരിന്റെ നിരക്ക് ഏകീകരണ നീക്കത്തിനെതിരായ ഹർജി വിശദമായി പരിശോധിക്കുമെന്നു വ്യക്തമാക്കിയ ബെഞ്ച് ആരോഗ്യമന്ത്രാലയത്തിന് നോട്ടിസയച്ചു.
അമിത് ഷായുടെ ഹെലികോപ്റ്റർ അപകടത്തിൽനിന്ന് രക്ഷപ്പെട്ടു

പട്ന ∙ കേന്ദ്ര ആഭ്യന്തര മന്ത്രി അമിത് ഷാ സഞ്ചരിച്ച ഹെലികോപ്റ്റർ ടേക്ക് ഓഫിനിടെ നിയന്ത്രണം വിട്ടതു പരിഭ്രാന്തി സൃഷ്ടിച്ചു. ബിഹാറിലെ ബേഗുസരായിയിൽ തിരഞ്ഞെടുപ്പു റാലിക്കു ശേഷം മടങ്ങവേയായിരുന്നു സംഭവം. ടേക്ക് ഓഫിനു ശേഷം ഹെലികോപ്റ്റർ ഒരു വശത്തേക്കു ചരിഞ്ഞു പറക്കാൻ തുടങ്ങി.
പുറത്തുവന്നത് ആയിരക്കണക്കിനു ലൈംഗിക ദൃശ്യങ്ങൾ, പഴയ വിഡിയോകളെന്ന് പിതാവ്; പ്രജ്വലിനെ കൈവിട്ട് ജനതാദളും

ബെംഗളൂരു ∙ ലൈംഗിക പീഡന കേസിൽ ഉൾപ്പെട്ട ഹാസൻ എംപിയും സ്ഥാനാർഥിയുമായ പ്രജ്വൽ രേവണ്ണയെ പാർട്ടിയിൽ നിന്നു സസ്പെൻഡ് ചെയ്യുമെന്ന് ജനതാദൾ (എസ്) കർണാടക അധ്യക്ഷൻ കുമാരസ്വാമി അറിയിച്ചു. ഇന്നു സംസ്ഥാന നിർവാഹക സമിതിക്കു ശേഷം തീരുമാനം പ്രഖ്യാപിക്കും. പ്രജ്വൽ സ്വയം ചിത്രീകരിച്ച, ഒട്ടേറെ സ്ത്രീകൾ ഉൾപ്പെട്ട ആയിരക്കണക്കിനു ലൈംഗിക ദൃശ്യങ്ങൾ പുറത്തുവന്ന സാഹചര്യത്തിൽ എംപിയെ പുറത്താക്കണമെന്ന് പാർട്ടി എംഎൽഎമാരായ ശരണ ഗൗഡ കണ്ടക്കൂർ, സമൃദ്ധി വി.മഞ്ജുനാഥ് എന്നിവർ ആവശ്യപ്പെട്ടു.
ചില പ്രത്യേക അതിഥികളെ സന്തോഷിപ്പിക്കുംവിധം ഇടപഴകാൻ വിദ്യാർഥിനികളെ പ്രേരിപ്പിച്ച അധ്യാപിക കുറ്റക്കാരി

ചെന്നൈ ∙കോളജ് വിദ്യാർഥിനികളെ വഴിവിട്ട കാര്യങ്ങൾക്ക് നിർബന്ധിച്ചെന്ന കേസിൽ മുൻ അധ്യാപിക പ്രഫ. നിർമലാദേവി (52) കുറ്റക്കാരിയാണെന്നു കണ്ടെത്തിയ വിരുദുനഗർ കോടതി ശിക്ഷ ഇന്നു പ്രഖ്യാപിക്കും. അറുപ്പുക്കോട്ടയിലെ സ്വകാര്യ കോളജിലെത്തുന്ന ചില പ്രത്യേക അതിഥികളെ സന്തോഷിപ്പിക്കുംവിധം ഇടപഴകാൻ വിദ്യാർഥിനികളെ പ്രഫ.നിർമല നിർബന്ധിക്കുന്ന ശബ്ദസന്ദേശങ്ങൾ 2018 ലാണു പുറത്തുവന്നത്.
‘അപൂർവ സന്ദർഭങ്ങളിൽ രക്തം കട്ടപിടിക്കാം’: കോവിഷീൽഡിന് പാർശ്വഫലങ്ങൾ സമ്മതിച്ച് അസ്ട്രാസെനക

ന്യൂഡൽഹി∙ കമ്പനി ഉൽപാദിപ്പിച്ച കോവിഡ് വാക്സീൻ സ്വീകരിച്ചവരിൽ രക്തം കട്ടപിടിക്കുന്നതു പോലുള്ള പാർശ്വഫലങ്ങൾ ഉണ്ടാകുമെന്ന റിപ്പോർട്ടുകൾ കോടതിയിൽ ശരിവച്ച് യുകെ ഫാർമസ്യൂട്ടിക്കൽ കമ്പനിയായ അസ്ട്രാസെനക. ഓക്സ്ഫഡ് സർവകലാശാലയും അസ്ട്രാസെനകയും ചേർന്ന് വികസിപ്പിച്ച കോവിഷീൽഡ് വാക്സീനാണ്
സിപിഎം സ്ഥാനാർഥിയുടെ പോസ്റ്ററിൽ കാവിമയം; ചിഹ്നം നിലനിർത്താൻ ബിഹാറിൽ സകല അടവുകളും പയറ്റി പാർട്ടി

പട്ന ∙ ബജ്റംഗബലിയുടെ കൃപയിൽ അരിവാൾ ചുറ്റിക നക്ഷത്രത്തിലൊരു വോട്ട്– ഹനുമത് ജയന്തി ദിനത്തിൽ ഖഗഡിയ ലോക്സഭാ മണ്ഡലത്തിലെ സിപിഎം സ്ഥാനാർഥി സഞ്ജയ് കുമാറിനായി പുറത്തിറക്കിയ പോസ്റ്ററിലാകെ കാവിമയം. ഭക്തജനങ്ങളുടെ വിശ്വാസവും വികാരവും ഉൾക്കൊണ്ടാണു ബിഹാറിലെ തിരഞ്ഞെടുപ്പു പ്രവർത്തനം. ചിഹ്നം നിലനിർത്താനുള്ള ജീവന്മരണ പോരാട്ടത്തിൽ സിപിഎം അടവുനയങ്ങളെല്ലാം പുറത്തെടുത്തിട്ടുണ്ട്.
‘മേയ് 7 മുതൽ ഇ-പാസ് വേണം’: ഊട്ടി–കൊടൈക്കനാൽ യാത്രയ്ക്ക് നിയന്ത്രണം ഏർപ്പെടുത്തി മദ്രാസ് ഹൈക്കോടതി

ചെന്നൈ∙ ഊട്ടി–കൊടൈക്കനാൽ യാത്രയ്ക്ക് നിയന്ത്രണം ഏർപ്പെടുത്തി മദ്രാസ് ഹൈക്കോടതി. മേയ് 7 മുതൽ ജൂൺ 30 വരെ ഇ പാസ് ഏർപ്പെടുത്താനാണ് മദ്രാസ് ഹൈക്കോടതിയുടെ ഉത്തരവ്. പാരിസ്ഥിതിക പ്രശ്നങ്ങൾ കണക്കിലെടുത്താണ് ഉത്തരവ്.
അമിത് ഷാ സഞ്ചരിച്ച ഹെലികോപ്റ്ററിന് ടേക്ക് ഓഫിനിടെ നിയന്ത്രണം നഷ്ടപ്പെട്ടു; ഒഴിവായത് വൻ അപകടം– വിഡിയോ

പട്ന∙ കേന്ദ്ര ആഭ്യന്തര മന്ത്രി അമിത് ഷാ ഹെലികോപ്റ്റർ അപകടത്തിൽനിന്നു തലനാരിഴയ്ക്കു രക്ഷപ്പെട്ടു. തിങ്കളാഴ്ച, ബിഹാറിലെ ബേഗുസരായിയിൽ തിരഞ്ഞെടുപ്പു റാലിക്കു ശേഷം മടങ്ങുന്നതിനിടെയായിരുന്നു സംഭവം. പൈലറ്റിന്റെ സമയോചിത ഇടപെടൽ മൂലം വൻ അപകടം ഒഴിവായി.
മോദിയുടെയും അമിത് ഷായുടെയും ഗുജറാത്തിൽ സർവം ബിജെപി മയം; ഭാരത് ജോഡോ ന്യായ് യാത്ര ചലനമുണ്ടാക്കുമോ?

ആകെ 26 മണ്ഡലങ്ങള്‍. കഴിഞ്ഞ പത്തു വര്‍ഷമായി ബിജെപിയുടെ സര്‍വാധിപത്യം. പ്രധാനമന്ത്രി നരേന്ദ്ര മോദിയുടെ സ്വന്തം സംസ്ഥാനമായ ഗുജറാത്തിലെ നിലവിലെ സ്ഥിതി ഒറ്റയടിക്ക് ഇങ്ങനെ വിലയിരുത്താം. 2009ലെ പൊതു തിരഞ്ഞെടുപ്പില്‍ 11 സീറ്റ് സ്വന്തമാക്കിയ കോണ്‍ഗ്രസിന്റെ നിഴല്‍ മാത്രമേ ഇന്ന് ഗുജറാത്തിലുള്ളൂ. 2014ലും
വിദ്വേഷ പ്രസംഗം: തിരഞ്ഞെടുപ്പിൽ മത്സരിക്കുന്നതിൽ നിന്നും മോദിയെ അയോഗ്യനാക്കണമെന്ന് ഹർജി, കഴമ്പില്ലെന്ന് കോടതി

ന്യൂഡൽഹി∙ പ്രധാനമന്ത്രി നരേന്ദ്ര മോദിയെ ആറു വർഷത്തേക്ക് തിരഞ്ഞെടുപ്പിൽ മത്സരിക്കുന്നതിൽ നിന്നും അയോഗ്യനാക്കണമെന്ന ഹർജി ഡൽഹി ഹൈക്കോടതി തള്ളി. ഉത്തർപ്രദേശിലെ പിലിബിത്തിൽ മോദി നടത്തിയ പ്രസംഗം ചൂണ്ടിക്കാട്ടിയായിരുന്നു ഹർജി.
കോൺഗ്രസിന് കനത്ത തിരിച്ചടി; ഇൻഡോറിലെ സ്ഥാനാർഥി അക്ഷയ് കാന്തി പത്രിക പിൻവലിച്ചു, ബിജെപിയിൽ ചേർന്നേക്കും

ന്യൂഡൽഹി∙ ലോക്സഭാ തിരഞ്ഞെടുപ്പിനിടെ കോൺഗ്രസിന് വീണ്ടും കനത്ത തിരിച്ചടി. മധ്യപ്രദേശിലെ ഇൻഡോർ ലോക്സഭാ മണ്ഡലത്തിൽ കോൺഗ്രസ് സ്ഥാനാർഥി അക്ഷയ് കാന്തി ബം നാമനിർദേശ പത്രിക പിൻവലിച്ചു. ബിജെപി എംഎൽഎ രമേശ് മെൻഡോലയുടെ കൂടെ കലക്ടറേറ്റിലെത്തിയ അക്ഷയ്, സ്ഥാനാർഥിത്വം പിൻവലിക്കുന്നതായി അറിയിക്കുകയായിരുന്നു.
അരവിന്ദർ സിങ് ലവ്‌ലി ബിജെപിയിലേക്ക്?; ഈസ്റ്റ് ഡൽഹിയിലെ സ്ഥാനാർഥിയെ പിൻവലിച്ച് ലവ്‌ലിയെ നിർത്താൻ നീക്കം

ന്യൂഡൽഹി∙ ഡൽഹി കോൺഗ്രസ് അധ്യക്ഷ സ്ഥാനം രാജിവച്ച അരവിന്ദർ സിങ് ലവ്ലി ബിജെപിയിലേക്കെന്ന് സൂചന. ലവ്ലിയെ ഈസ്റ്റ് ഡൽഹിയിൽ സ്ഥാനാർഥിയാക്കാൻ ബിജെപി ചർച്ചകൾ നടത്തുന്നതായാണ് വിവരം. അതേസമയം, ബിജെപിയിൽ ചേരുമെന്ന അഭ്യൂഹങ്ങൾ നിഷേധിച്ച് അദ്ദേഹം രംഗത്തെത്തിയിരുന്നു. ലവ്ലി സമ്മതിക്കുകയാണെങ്കിൽ ഈസ്റ്റ് ഡൽഹിയിൽ നേരത്തേ പ്രഖ്യാപിച്ച സ്ഥാനാർഥിയെ പിൻവലിച്ച് അദ്ദേഹത്തെ സ്ഥാനാർഥിയാക്കാൻ ബിജെപി തയ്യാറാണെന്നാണ് സൂചന. ഹർഷ മൽഹോത്രയാണ് നിലവിൽ ഇവിടെ ബിജെപി സ്ഥാനാർഥി.
മത്സ്യമാർക്കറ്റിൽ വോട്ടുചോദിച്ചെത്തിയ മന്ത്രി മൂക്കു പൊത്തി, വിവാദം; വാർത്ത നൽകിയ മാധ്യമപ്രവർത്തകയ്ക്ക് ഭീഷണി, കേസെടുത്തു

മുംബൈ∙ മുംബൈ നോർത്തിലെ ബിജെപി സ്ഥാനാർഥിയും കേന്ദ്രമന്ത്രിയുമായ പിയുഷ് ഗോയലിനെതിരെ വാർത്ത നൽകിയതിന്റെ പേരിൽ രാത്രി വീടുകയറി ഭീഷണിപ്പെടുത്തിയെന്ന മാധ്യമപ്രവർത്തകയുടെ പരാതിയിൽ പൊലീസ് കേസെടുത്തു.
യുവതിയെ കൊലപ്പെടുത്തി ചാക്കിൽ കെട്ടി ഉപേക്ഷിച്ചു; ടാക്‌സി ഡ്രൈവറായ കാമുകൻ പിടിയിൽ

മുംബൈ∙ യുവതിയെ കൊലപ്പെടുത്തി ചാക്കിൽ കെട്ടി ഉപേക്ഷിച്ച നിലയിൽ കണ്ടെത്തിയ സംഭവത്തിൽ കാമുകനെ പൊലീസ് പിടി കൂടി.മാൻഖുർദിൽ നിന്ന് കാണാതായ പുനം ചന്ദ്രകാന്തെന്ന പെൺകുട്ടിയാണെന്ന് തിരിച്ചറിഞ്ഞതിനെ തുടർന്ന് പൊലീസ് നടത്തിയ അന്വേഷണത്തിലാണ് ടാക്സി ഡ്രൈവറായ നിസാമുദ്ദിൻ അലി പിടിയിലാകുന്നത്.
പാക്കിസ്ഥാൻകാരിയായ 19കാരിയുടെ ഹൃദയം മാറ്റിവയ്ക്കൽ ശസ്ത്രക്രിയ; അവയവ കച്ചവടമെന്ന ആരോപണം നിഷേധിച്ച് തമിഴ്‌നാട്

ചെന്നൈ ∙ നഗരത്തിലെ സ്വകാര്യ ആശുപത്രിയിൽ ഹൃദയം മാറ്റിവയ്ക്കൽ ശസ്ത്രക്രിയ നടത്തിയ പാക്കിസ്ഥാൻ യുവതിക്ക് അവയവം ലഭിച്ചത് വഴിവിട്ട സഹായങ്ങളിലൂടെയെന്ന ആരോപണം നിഷേധിച്ച് തമിഴ്നാട്. അവയവം ഇന്ത്യൻ പൗരന്മാർക്ക് ചേരാതെ വരുമ്പോൾ മാത്രമാണ് വിദേശികൾക്ക് അനുവദിക്കുന്നതെന്നു സർക്കാർ വ്യക്തമാക്കി. പാക്കിസ്ഥാനിയായ ആയിഷ റാഷൻ (19) ആണ് അഞ്ചു വർഷത്തെ കാത്തിരിപ്പിനൊടുവിൽ സൗജന്യ ഹൃദയ ശസ്ത്രക്രിയയ്ക്കു വിധേയയായത്.
ചെന്നൈയിൽ മലയാളി ദമ്പതികളെ കൊലപ്പെടുത്തി 100 പവൻ സ്വർണം കവർന്നു; രാജസ്ഥാൻ സ്വദേശി അറസ്റ്റിൽ

ചെന്നൈ∙ മുത്താപ്പുതുപ്പെട്ടിൽ മലയാളി ദമ്പതികളെ കഴുത്തറുത്ത് കൊലപ്പെടുത്തി വൻ കവർച്ച. സിദ്ധ ഡോക്ടറായ ശിവൻ നായർ, ഭാര്യ പ്രസന്നകുമാരി എന്നിവരാണ് കൊല്ലപ്പെട്ടത്. നൂറുപവൻ സ്വർണം ഇവരുടെ വീട്ടിൽ നിന്ന് കവർന്നിരുന്നു. സംഭവത്തിൽ രാജസ്ഥാൻ സ്വദേശിയെ പൊലീസ് അറസ്റ്റ് ചെയ്തു. കേസിൽ കൂടുതൽ പ്രതികൾ ഉൾപ്പെട്ടിരിക്കുന്നതായി സംശയമുണ്ടെന്ന് പൊലീസ് വ്യക്തമാക്കി.
കോൺഗ്രസ് പോപ്പുലർ ഫ്രണ്ടിന്റെ സഹായം തേടിയെന്ന് മോദി

ബെംഗളൂരു ∙ വയനാട്ടിൽ രാഹുൽ ഗാന്ധിയുടെ ജയം ഉറപ്പിക്കാൻ നിരോധിത സംഘടനയായ പോപ്പുലർ ഫ്രണ്ടിന്റെ സഹായം കോൺഗ്രസ് തേടിയതായി പ്രധാനമന്ത്രി നരേന്ദ്ര മോദി ആരോപിച്ചു. ബെളഗാവിയിൽ ബിജെപി പ്രചാരണറാലിയിലാണു വിദ്വേഷ പ്രസംഗങ്ങളുടെ തുടർച്ചയായി മോദിയുടെ പരാമർശങ്ങൾ.
‘സൂപ്പർമോൻ’: ചെന്നൈയിൽ നാലാം നിലയിൽനിന്നു താഴേക്കു വീണ 7 മാസം പ്രായമുള്ള കുഞ്ഞിന് അദ്ഭുതരക്ഷ – വിഡിയോ

ചെന്നൈ ∙ ഫ്ലാറ്റിന്റെ നാലാം നിലയിൽനിന്നു താഴേക്കുവീണ 7 മാസം പ്രായമുള്ള കുഞ്ഞ് പോറൽ പോലുമില്ലാതെ അദ്ഭുതകരമായി രക്ഷപ്പെട്ടു. രണ്ടാംനിലയുടെ പാരപ്പെറ്റിനു മുകളിലെ തകിടിൽ 15 മിനിറ്റിലേറെ തങ്ങിനിന്ന കുഞ്ഞിനെ അയൽക്കാർ ചേർന്നു സാഹസികമായി രക്ഷപ്പെടുത്തുകയായിരുന്നു. ആവഡിക്കു സമീപം തിരുമുല്ലവയലിലുള്ള വിജിഎൻ സ്റ്റാഫോഡ് അപ്പാർട്മെന്റ് പി2 ബ്ലോക്കിന്റെ 4–ാം നിലയിലെ ബാൽക്കണിയിൽ ഇന്നലെ ഉച്ചയ്ക്കു ഭക്ഷണം കൊടുക്കുന്നതിനിടെയാണ് അമ്മയുടെ കയ്യിൽനിന്നു കുഞ്ഞു താഴേക്കു വീണത്.
ബംഗാൾ പോരാട്ടം: കൃഷ്ണനഗറിൽ വനിതകൾ ഏറ്റുമുട്ടുന്നു, മഹുവ എന്ന വിശ്വാസം

കൃഷ്ണനഗറിൽനിന്ന് 2 മണിക്കൂർ യാത്ര ചെയ്താൽ എത്താവുന്ന ബംഗ്ലദേശ് അതിർത്തി ഗ്രാമമായ സാദിപൂരിൽ മഹുവ മൊയ്ത്രയുടെ റോഡ് ഷോ ആരംഭിക്കുമ്പോൾ സമയം പത്തര. പൊള്ളുന്ന വെയിലിനെ അവഗണിച്ച് നൂറുകണക്കിന് ഇരുചക്രവാഹനങ്ങളിലായി ഗ്രാമീണർ റോഡ് ഷോ നടത്താൻ ഒരുങ്ങിനിൽക്കുന്നു. ബംഗാളി താത് സാരിയും സൺഗ്ലാസുമണിഞ്ഞ മഹുവ തുറന്ന
തിരഞ്ഞെടുപ്പ് കമ്മിഷൻ ഇടപെട്ടു; ആംആദ്മി ഗാനത്തിനും ‘കട്ട് ’

ന്യൂഡൽഹി∙ ആം ആദ്മി പാർട്ടിയുടെ തിരഞ്ഞെടുപ്പ് പ്രചാരണ ഗാനത്തിന്റെ ഉള്ളടക്കത്തിൽ മാറ്റം വരുത്താൻ ഡൽഹി മുഖ്യതിരഞ്ഞെടുപ്പ് ഓഫിസർ ഉത്തരവിട്ടു. 2 മിനിറ്റ് 5 സെക്കൻഡ് ദൈർഘ്യമുള്ള വിഡിയോയിൽ 8 മാറ്റങ്ങളാണ് നിർദേശിച്ചിരിക്കുന്നത്. ചില ഭാഗങ്ങൾ അക്രമത്തിനു പ്രേരണ നൽകുന്നതാണെന്ന് ഉത്തരവിൽ പറയുന്നു.
കനയ്യയുടെ സീറ്റ്, ആംആദ്മി സഖ്യം: രാജിവച്ച് ഡൽഹി പിസിസി അധ്യക്ഷൻ

ന്യൂഡൽഹി ∙ ഡൽഹിയിൽ തിരഞ്ഞെടുപ്പു നടക്കാൻ 28 ദിവസം മാത്രം ബാക്കി നിൽക്കെ സംസ്ഥാന കോൺഗ്രസ് അധ്യക്ഷൻ അർവിന്ദർ സിങ് ലവ്‍ലി രാജിവച്ചു. പാർട്ടി അംഗത്വം ഉപേക്ഷിച്ചിട്ടില്ല. ഡൽഹിയിലെ സ്ഥാനാർഥി നിർണയം, എഎപി–കോൺഗ്രസ് സഖ്യം, ഡൽഹിയുടെ ചുമതലയുള്ള എഐസിസി ജനറൽ സെക്രട്ടറി ദീപക് ബാബരിയയുമായുള്ള അഭിപ്രായവ്യത്യാസം തുടങ്ങിയ വിഷയങ്ങൾ ചൂണ്ടിക്കാട്ടിയാണു രാജി.
ലൈംഗിക പീഡനം: കർണാടകയിൽ രാഷ്ട്രീയ ചലനം, പീഡനക്കേസിൽ കുടുങ്ങി എച്ച്.ഡി.രേവണ്ണ, മകൻ പ്രജ്വൽ

ബെംഗളൂരു∙ തിരഞ്ഞെടുപ്പിനിടെ ലൈംഗിക പീഡന പരാതിയിൽ കേസെടുത്തത് കർണാടക രാഷ്ട്രീയത്തെ ചൂടുപിടിപ്പിക്കുന്നു. ജനതാദൾ (എസ്) ദേശീയ അധ്യക്ഷൻ ദേവെഗൗഡയുടെ മകനും എംഎൽഎയുമായ എച്ച്.ഡി.രേവണ്ണ, രേവണ്ണയുടെ മകനും ഹാസൻ എംപിയുമായ പ്രജ്വൽ രേവണ്ണ എന്നിവർക്കെതിരെയുള്ള കേസിൽ പ്രത്യേക അന്വേഷണ സംഘത്തെ നിയോഗിച്ചു. ഹാസനിലെ ദൾ സ്ഥാനാർഥിയായ പ്രജ്വൽ 26ന് വോട്ടെടുപ്പു കഴിഞ്ഞതിനു പിന്നാലെ ജർമനിയിലേക്ക് കടന്നതായാണ് വിവരം.
ട്രാഫിക് കേസ്: മോദിയെ വിമർശിച്ച ന്യൂനപക്ഷമോർച്ച നേതാവ് അറസ്റ്റിൽ

ന്യൂഡൽഹി ∙ രാജസ്ഥാനിൽ പ്രധാനമന്ത്രി നരേന്ദ്ര മോദി നടത്തി വിവാദപ്രസംഗത്തെ വിമർശിച്ചതിന്റെ പേരിൽ കഴിഞ്ഞദിവസം ബിജെപിയിൽനിന്നു പുറത്താക്കപ്പെട്ട മുൻ ന്യൂനപക്ഷമോർച്ച നേതാവിനെ പൊലീസ് അറസ്റ്റ് ചെയ്ത ശേഷം വിട്ടയച്ചു. ബിജെപി ന്യൂനപക്ഷമോർച്ച ബിക്കാനിർ ജില്ലാ പ്രസിഡന്റ് ഉസ്മാൻ ഗനിയെ ഏതാനും ദിവസം മുൻപാണ്
അജ്മേറിൽ പള്ളി ഇമാമിനെ അടിച്ചുകൊന്നു

ജയ്പുർ ∙ രാജസ്ഥാനിലെ അജ്‌മേറിൽ മൂന്നംഗസംഘം പള്ളി ഇമാമായ യുവാവിനെ അടിച്ചുകൊന്നു. ശനിയാഴ്ച പുലർച്ചെ 2ന് റാംഗഞ്ജിലെ കൻചൻ നഗറിലെ മസ്ജിദിൽ അതിക്രമിച്ചു കടന്ന സംഘം ഇമാം മുഹമ്മദ് താഹിറിനെ (30) കുറുവടികളുമായി ആക്രമിക്കുകയായിരുന്നു. പള്ളിയിൽ താമസിച്ചു പഠിക്കുന്ന 6 കുട്ടികളും അവിടെയുണ്ടായിരുന്നു.
‘സാമുദായിക വികാരം മോദി ആളിക്കത്തിക്കുന്നു’; രാഹുലിന്റെ പ്രസ്താവനകൾ വളച്ചൊടിക്കുന്നതായി കോൺഗ്രസ്

ന്യൂഡൽഹി/ബെംഗളൂരു∙ സാമുദായിക വികാരം ആളിക്കത്തിക്കുന്നതിനായി രാഹുൽ ഗാന്ധിയുടെ ഓരോ പ്രസ്താവനയും പ്രധാനമന്ത്രി നരേന്ദ്ര മോദി ദുരുദ്ദേശ്യത്തോടെ വളച്ചൊടിക്കുന്നെന്ന ആരോപണവുമായി കോൺഗ്രസ്. നരേന്ദ്ര മോദിയെ ജനം പുറത്താക്കുമെന്ന് ഉറപ്പാണെന്ന് കോൺഗ്രസ് മാധ്യമവിഭാഗം മേധാവി ജയറാം രമേശ് പറഞ്ഞു. അത് അദ്ദേഹത്തെ കൂടുതൽ നിരാശനാക്കുന്നു. അദ്ദേഹം തിരഞ്ഞെടുപ്പ് പ്രചാരണത്തിനായി നടത്തുന്ന പ്രസംഗങ്ങൾ ശരിക്കും ലജ്ജാകരമാണെന്നും ജയറാം രമേശ് കുറ്റപ്പെടുത്തി. ഒട്ടേറെ ക്ഷേത്രങ്ങൾ തകർത്ത മുഗൾ ഭരണാധികാരിയ ഔറംഗസീബിനെ മഹത്വവൽക്കരിക്കുന്ന പാർട്ടികളുമായി കോൺഗ്രസ് സഖ്യം ചേരുകയാണെന്ന് നരേന്ദ്രമോദി പറഞ്ഞിരുന്നു. ഇതിനായിരുന്നു കോൺഗ്രസിന്റെ മറുപടി. കർണാടകയിലെ ബെളഗാവിയിലായിരുന്നു മോദിയുടെ പ്രസംഗം.
ഗുജറാത്ത് തീരത്ത് വൻ ലഹരിവേട്ട; 600 കോടിയുടെ ലഹരിമരുന്നുമായി പാക്ക് ബോട്ട് പിടിച്ചു; 14 പേർ അറസ്റ്റിൽ

അഹമ്മദാബാദ് ∙ ഗുജറാത്ത് തീരത്ത് സംശയകരമായ സാഹചര്യത്തിൽ കണ്ട പാക്കിസ്ഥാൻ ബോട്ടിൽനിന്ന് തീരസംരക്ഷണ സേന 600 കോടി രൂപ വിലമതിക്കുന്ന 86 കിലോ ലഹരിമരുന്ന് പിടിച്ചെടുത്തു. ബോട്ടിലുണ്ടായിരുന്ന 14 പാക്കിസ്ഥാനികളെ അറസ്റ്റു െചയ്തു. തീരസംരക്ഷണ സേനയ്ക്കൊപ്പം ഭീകരവിരുദ്ധ സ്ക്വാഡും നർകോട്ടിക്സ് കൺട്രോൾ ബ്യൂറോയും
‘പ്രജ്വലും രേവണ്ണയും പലതവണ പീഡിപ്പിച്ചു’: പരാതിയുമായി വീട്ടു ജോലിക്കാരിയും രംഗത്ത്; കേസെടുത്ത് പൊലീസ്

ബെംഗളൂരു ∙ ജെഡിഎസ് അധ്യക്ഷൻ എച്ച്‌.ഡി.ദേവഗൗഡയുടെ ചെറുമകനും ഹാസനിലെ ജെഡിഎസ് സ്ഥാനാർഥിയുമായ പ്രജ്വൽ രേവണ്ണയ്ക്കെതിരെ ലൈംഗികാതിക്രമത്തിന് കേസ്. 2019 മുതൽ 2022 വരെ പ്രജ്വൽ പലതവണ പീഡിപ്പിച്ചെന്നുള്ള യുവതിയുടെ പരാതിയുടെ അടിസ്ഥാനത്തിലാണ് കേസെടുത്തത്. ഹാസൻ ജില്ലയിലെ ഹൊലെനരാസിപുർ പൊലീസ് സ്റ്റേഷനിലാണ് സിറ്റിങ് എംപി കൂടിയായ പ്രജ്വലിനെതിരെ എഫ്ഐആർ റജിസ്റ്റർ ചെയ്തത്.
‘ജയിലിനുള്ള മറുപടി വോട്ടിലൂടെ’ : എഎപിയുടെ പ്രചരണഗാനം മാറ്റണമെന്ന് തിര.കമ്മിഷൻ; നടപടി ബിജെപി പരാതിയെ തുടർന്ന്

ന്യൂഡല്‍ഹി∙ ആം ആദ്മി പാര്‍ട്ടിയുടെ (എഎപി) പ്രചരണ ഗാനത്തില്‍ മാറ്റംവരുത്താന്‍ ആവശ്യപ്പെട്ട് കേന്ദ്ര തിരഞ്ഞെടുപ്പ് കമ്മിഷന്‍. തിരഞ്ഞെടുപ്പ് ചട്ടങ്ങളും കമ്മിഷന്റെ മാര്‍ഗനിര്‍ദേശങ്ങളും ലംഘിച്ചുവെന്ന് ചൂണ്ടിക്കാട്ടിയാണ് നടപടി. ആം ആദ്മി പാര്‍ട്ടിയുടെ പ്രചരണഗാനം കേന്ദ്ര അന്വേഷണ ഏജന്‍സികള്‍ക്കും പാര്‍ട്ടിക്കും എതിരാണെന്ന് ആരോപിച്ച് ബിജെപി നേരത്തെ പരാതി നല്‍കിയിരുന്നു.
‘ഈ വേദന എന്റേത് മാത്രമല്ല, ഖർഗെയോട് എല്ലാം പറഞ്ഞിരുന്നു’: മറ്റൊരു പാർട്ടിയിലേക്കും ഇല്ലെന്ന് അരവിന്ദർ സിങ് ലവ്‍‍ലി

ന്യൂഡൽഹി∙ മറ്റൊരു പാർട്ടിയിലും ചേരില്ലെന്ന് ഡൽഹി കോൺഗ്രസ് അധ്യക്ഷ സ്ഥാനം രാജിവച്ച അരവിന്ദർ സിങ് ലവ്‍‍ലി. ബിജെപിയിൽ ചേരുമെന്ന അഭ്യൂഹങ്ങൾക്കിടെയാണ് ലവ്‌ലിയുടെ പ്രതികരണം. കോൺഗ്രസിന്റെ പ്രാഥമിക അംഗത്വം രാജിവച്ചിട്ടില്ലെന്നും അരവിന്ദ് കേജ്‌രിവാളിന്റെ ആം ആദ്മി പാർട്ടിയുമായുള്ള കൂട്ടുകെട്ടിൽ പ്രതിഷേധിച്ചാണ് താൻ രാജിവച്ചതെന്നും ലവ്‌ലി പറഞ്ഞു.
ഡൽഹിയിൽ കോൺഗ്രസ് പ്രവർത്തകർ പരസ്പരം ഏറ്റുമുട്ടി; സംഘർഷം രാജിവച്ച പിസിസി അധ്യക്ഷന്റെ വസതിക്കു മുന്നിൽ

ന്യൂഡൽഹി ∙ പാർട്ടി നേതൃത്വവുമായുള്ള അഭിപ്രായ ഭിന്നതയെ തുടർന്ന് രാജിവച്ച ഡൽഹി പിസിസി അധ്യക്ഷൻ അരവിന്ദർ സിങ് ലവ്‌ലിയുടെ വീടിനു മുന്നിൽ കോൺഗ്രസ് പ്രവർത്തകർ പരസ്പരം ഏറ്റുമുട്ടുന്നതിന്റെ ദൃശ്യങ്ങള്‍ പുറത്ത്. മുൻ കോൺഗ്രസ് എംഎല്‍എ ആസിഫ് മുഹമ്മദ് ഖാന്റെ നേതൃത്വത്തിലുള്ള വിഭാഗവും ലവ്‌ലിക്കൊപ്പമുള്ള പാർട്ടി പ്രവർത്തകരുമാണ് വാഗ്വാദത്തിൽ ഏർപ്പെടുകയും പിന്നീട് അത് സംഘർ‍ഷത്തിൽ കലാശിക്കുകയും ചെയ്തത്.
ജെഡിഎസ് അശ്ലീല വിഡിയോ കുരുക്കിൽ; പ്രജ്വൽ ജർമനിയിലേക്ക് കടന്നെന്ന് സംശയം, തിരിച്ചെത്തിക്കുമെന്ന് കുമാരസ്വാമി

ബെംഗളൂരു∙ ജെഡിഎസ് അധ്യക്ഷൻ എച്ച്‌.ഡി.ദേവഗൗഡയുടെ ചെറുമകനും ഹാസനിലെ ജെഡിഎസ് സ്ഥാനാർഥിയുമായ പ്രജ്വൽ രേവണ്ണ ഉൾപ്പെട്ട അശ്ലീല വിഡിയോകൾ സമൂഹമാധ്യമങ്ങളിൽ പ്രചരിച്ചതോടെ പാർട്ടി പ്രതിരോധത്തിൽ. പ്രജ്വൽ ജർമനിയിലേക്ക് കടന്നതായി സൂചന വന്നതിനു പിന്നാലെ, അങ്ങനെ പോയിട്ടുണ്ടെങ്കിൽ സർക്കാർ രൂപീകരിച്ച പ്രത്യേക അന്വേഷണസംഘം അദ്ദേഹത്തെ തിരികെ കൊണ്ടുവരുമെന്ന് പ്രജ്വലിന്റെ പിതൃസഹോദരനും മുൻ മുഖ്യമന്ത്രിയുമായ എച്ച്.ഡി. കുമാരസ്വാമി വ്യക്തമാക്കി. പാർട്ടിക്ക് ഇതുമായി യാതൊരു ബന്ധവുമില്ലെന്നും അദ്ദേഹം പറഞ്ഞു.
വയനാട്ടിൽ രാഹുൽ ഗാന്ധിയെ ജയിപ്പിക്കാൻ കോൺഗ്രസ് പോപ്പുലർ ഫ്രണ്ടിന്റെ സഹായം തേടി: മോദി

ബെളഗാവി∙ രാഹുൽ ഗാന്ധി മത്സരിക്കുന്ന വയനാട് ലോക്സഭാ മണ്ഡലത്തിൽ വിജയം നേടാൻ, കോൺഗ്രസ് നിരോധിത സംഘടനയായ പോപ്പുലർ ഫ്രണ്ടിന്റെ സഹായം നേടിയതായി പ്രധാനമന്ത്രി നരേന്ദ്ര മോദിയുടെ ആരോപണം. കർണാടകയിലെ ബെളഗാവിയിൽ തിരഞ്ഞെടുപ്പ് പ്രചാരണ യോഗത്തിൽ സംസാരിക്കുമ്പോഴാണ് പ്രധാനമന്ത്രി ഇക്കാര്യം പറഞ്ഞത്. ഒട്ടേറെ
മഹാദേവ് ബെറ്റിങ് ആപ് തട്ടിപ്പ് കേസിൽ നടൻ സാഹിൽ ഖാൻ ഛത്തിസ്ഗഡിൽ അറസ്റ്റിൽ; മുംബൈയിലേക്ക് കൊണ്ടുവരും

മുംബൈ∙ മഹാദേവ് ബെറ്റിങ് ആപ് തട്ടിപ്പ് കേസിൽ നടൻ സാഹിൽ ഖാനെ മുംബൈ പൊലീസ് അറസ്റ്റ് ചെയ്തു. കേസിൽ ജാമ്യം തേടിയുള്ള സാഹിൽ ഖാന്റെ ഹർജി ബോംബെ ഹൈക്കോടതി പരിഗണിക്കാനിരിക്കെയാണ് അറസ്റ്റ്. മുംബൈ പൊലീസ് സൈബർ സെല്ലിന്റെ പ്രത്യേക അന്വേഷണ സംഘം ഛത്തിസ്ഗഡിൽ നിന്നാണ് നടനെ അറസ്റ്റ് ചെയ്തത്.
ലോക്സഭാ തിരഞ്ഞെടുപ്പിനിടെ കോൺഗ്രസിന് വൻ തിരിച്ചടി; ഡൽഹി പിസിസി അധ്യക്ഷൻ രാജിവച്ചു

ന്യൂഡൽഹി∙ ലോക്സഭാ തിരഞ്ഞെടുപ്പ് പുരോഗമിക്കുന്നതിനിടെ, കോൺഗ്രസിന് വീണ്ടും കനത്ത തിരിച്ചടി. ഡൽഹി പിസിസി അധ്യക്ഷൻ അരവിന്ദർ സിങ് ലവ്ലി പദവിയിൽ നിന്ന് രാജിവച്ചു. സംഘടനാതലത്തിലെ അതൃപ്തിയെ തുടർന്നാണ് രാജിയെന്നാണ് വിവരം. ഡൽഹിയിൽ ആംആദ്മി പാർട്ടിയുമായുള്ള സഖ്യം ഉൾപ്പെടെയുള്ള വിഷയങ്ങളിലെ എതിർപ്പും രാജിക്കു കാരണമായതായി സൂചനയുണ്ട്.
ആറു വർഷം മുൻപു നടത്തിയ വിധിപ്രസ്താവത്തിൽ എനിക്കു തെറ്റുപറ്റി, തിരുത്തണം: മദ്രാസ് ഹൈക്കോടതി ജഡ്ജി

ചെന്നൈ ∙ ആറു വർഷം മുൻപു താൻ നടത്തിയ വിധിപ്രസ്താവനയിൽ പിഴവുണ്ടായെന്നും അതു പുനഃപരിശോധിക്കപ്പെടണമെന്നും തുറന്നുപറഞ്ഞ് മദ്രാസ് ഹൈക്കോടതിയിലെ മുതിർന്ന ജഡ്ജി ജസ്റ്റിസ് എൻ.ആനന്ദ് വെങ്കിടേഷ്. പിഴവ് തിരിച്ചറിയുകയും അതു തിരുത്താൻ തയാറാകുകയും ചെയ്യുമ്പോഴാണ് യഥാർഥ മാറ്റം ഉണ്ടാകുകയെന്നും മദ്രാസ് ബാർ അസോസിയേഷൻ
അനധികൃതസ്വത്ത്: ആര്യൻ ഖാന് ക്ലീന്‌ ചിറ്റ് നൽകിയ സഞ്ജയ് കുമാർ സിങ്ങിനെതിരെ അന്വേഷണം

മുംബൈ∙ നടൻ ഷാറുഖ് ഖാന്റെ മകൻ ആര്യൻ ഖാന് ലഹരിമരുന്ന് കേസിൽ ക്ലീൻ ചിറ്റ് നൽകിയ നർകോട്ടിക്സ് കൺട്രോൾ ബ്യൂറോ ഡപ്യൂട്ടി ഡയറക്ടർ ജനറൽ സഞ്ജയ് കുമാർ സിങ്ങിന്റെ അനധികൃത സ്വത്ത് സംബന്ധിച്ച് അന്വേഷണത്തിന് കേന്ദ്രസർക്കാർ ഉത്തരവിട്ടു. 1996 ൽ ഒഡീഷ കേഡർ ഐപിഎസ് ഉദ്യോഗസ്ഥനായ ഇദ്ദേഹം വിആർഎസ് എടുത്തതിന് പിന്നാലെയാണ്
ഇ.ഡിയെ ദുരുപയോഗം ചെയ്യുന്നു; കേജ്‍രിവാളിന്റെ സത്യവാങ്മൂലം

ന്യൂഡൽഹി ∙ രാഷ്ട്രീയ എതിരാളിയെ തകർക്കാൻ ഇ.ഡിയെ സർക്കാർ ദുരുപയോഗം ചെയ്യുന്നതിന്റെ ഉദാഹരണമാണ് തന്റെ അറസ്റ്റെന്ന് ഡൽഹി മുഖ്യമന്ത്രി അരവിന്ദ് കേജ്‌രിവാൾ സുപ്രീം കോടതിയിലെ സത്യവാങ്മൂലത്തിൽ ആരോപിച്ചു. സ്വതന്ത്രവും നീതിയുക്തവുമായ തിരഞ്ഞെടുപ്പും ഫെഡറലിസവും അടിസ്ഥാനമാക്കിയുള്ള ജനാധിപത്യ തത്വങ്ങൾക്കു മേലുള്ള ആക്രമണമാണ് അറസ്റ്റെന്നും അതു നിയമവിരുദ്ധമാണെന്നും അദ്ദേഹം വ്യക്തമാക്കി.അറസ്റ്റ് നടപടി ചോദ്യം ചെയ്തുള്ള ഹർജിയെ എതിർത്ത് ഇ.ഡി. സത്യവാങ്മൂലം നൽകിയിരുന്നു. അതിനുള്ള മറുപടി സത്യവാങ്മൂലത്തിലാണ് കേജ്‌രിവാളിന്റെ ആരോപണം.
മോദി ‘വിലക്കയറ്റ മനുഷ്യൻ’: പ്രിയങ്ക

ന്യൂഡൽഹി ∙ തിരഞ്ഞെടുപ്പ് പ്രചാരണത്തിൽ പ്രധാനമന്ത്രി നരേന്ദ്ര മോദിയെ ലക്ഷ്യമിട്ടുള്ള പ്രിയങ്ക ഗാന്ധിയുടെ കടന്നാക്രമണം തുടരുന്നു. ഗുജറാത്തിലെ വൽസഡിൽ നടത്തിയ പ്രചാരണത്തിൽ മോദിയെ ‘വിലക്കയറ്റ മനുഷ്യൻ’ എന്ന് പ്രിയങ്ക വിളിച്ചു. രാജ്യത്ത് വിലക്കയറ്റം രൂക്ഷമായെന്നു ചൂണ്ടിക്കാട്ടിയായിരുന്നു പ്രിയങ്കയുടെ പരാമർശം.
മണിപ്പുർ ആക്രമണം: പിന്നിൽ കുക്കികളെന്ന് പൊലീസ്; മെയ്തെയ്കളെന്ന് കുക്കികൾ

കൊൽക്കത്ത ∙ മണിപ്പുരിലെ ബോംബ് ആക്രമണത്തിനു പിന്നിൽ കുക്കി ഭീകരരാണെന്ന് മണിപ്പുർ പൊലീസ് പറഞ്ഞു. എന്നാൽ, മെയ്തെയ് ഭീകരസംഘടനകളാണ് ആക്രമണത്തിന് പിന്നിലെന്നു കുക്കി സംഘടനകൾ ആരോപിച്ചു. പ്രദേശത്ത് കൂടുതൽ കേന്ദ്രസേനയെ വിന്യസിച്ചു. സമീപ ഗ്രാമങ്ങളിൽ കേന്ദ്രസേനയും മണിപ്പുർ കമാൻഡോകളും തിരച്ചിൽ ആരംഭിച്ചു. കുക്കി ഉപവിഭാഗമായ കോം വംശജരുടെ ഗ്രാമങ്ങളാണ് ഇവിടെയുള്ളത്. ബോക്സിങ് ഇതിഹാസം മേരി കോമിന്റെ കുടുംബവീടും ഇവിടെയാണ്.
ഇറാൻ പിടിച്ച കപ്പലിലെ ജീവനക്കാരെ ഉടൻ വിട്ടയച്ചേക്കും

ടെഹ്റാൻ ∙ ഈ മാസം 13ന് ഇറാൻ പിടിച്ചെടുത്ത ചരക്കുകപ്പലിലെ ഇന്ത്യക്കാരായ 17 ജീവനക്കാരെ കാണാൻ ഇന്ത്യൻ എംബസി ഉദ്യോഗസ്ഥരെ അനുവദിച്ചു. പോർച്ചുഗലിൽനിന്ന് യാത്ര ആരംഭിച്ച എംഎസ്‍സി ഏരീസ് എന്ന കപ്പൽ ഉടമകളുടെ ഇസ്രയേൽ ബന്ധം ആരോപിച്ചാണ് ഇറാൻ സൈന്യം പിടിച്ചെടുത്തത്. കപ്പൽ ജീവനക്കാരിലെ ഏക വനിതയായിരുന്ന മലയാളി ആൻ ടെസ ജോസഫിനെ 18ന് മോചിപ്പിച്ചിരുന്നു.
മണിപ്പുരിൽ 2 സിആർപിഎഫ് ജവാന്മാർക്ക് വീരമൃത്യു

കൊൽക്കത്ത ∙ മണിപ്പുരിൽ പോളിങ് പൂർത്തിയായതിനു തൊട്ടുപിന്നാലെ വ്യാപകമായ അക്രമം. ബിഷ്ണുപുരിൽ 2 സിആർപിഎഫ് ജവാന്മാർ ബോംബ് ആക്രമണത്തിൽ കൊല്ലപ്പെട്ടു. 2 പേർക്കു ഗുരുതരമായി പരുക്കേറ്റു. കാങ്പോക്പിയിൽ ഇരുവിഭാഗങ്ങൾ തമ്മിലുള്ള വെടിവയ്പിൽ മെയ്തെയ് വിഭാഗക്കാരൻ കൊല്ലപ്പെട്ടു. കഴിഞ്ഞ ദിവസം പുലർച്ചെ
കോൺഗ്രസ് തിരഞ്ഞെടുപ്പ് പത്രികയിൽ വിദേശ ശക്തികളുടെ കൈ: വർഗീയ പരാമർശവുമായി അനുരാഗ് ഠാക്കൂറും

ന്യൂഡൽഹി∙ പ്രധാനമന്ത്രി നരേന്ദ്ര മോദിയുടെ ചുവടുപിടിച്ച് പ്രതിപക്ഷത്തിനെതിരേ രൂക്ഷ വിമർശനവുമായി കേന്ദ്രമന്ത്രി അനുരാഗ് ഠാക്കൂറും രംഗത്ത്. കോൺഗ്രസിന്റെ പ്രകടന പത്രിക തയ്യാറാക്കിക്കൊടുത്തതിനു പിന്നിൽ വിദേശ ശക്തികൾക്ക് പങ്കുണ്ടെന്ന് ഠാക്കൂർ ആരോപിച്ചു. നിങ്ങളുടെ കുട്ടികളുടെ സ്വത്ത് അവരുടെ കൈവശം ഇരിക്കണോ അതോ മുസ്‌ലിംകളുടെ കൈകളിലേക്കു പോകണോ എന്ന കാര്യം നിങ്ങൾ തന്നെ തീരുമാനിക്കണമെന്നും ഠാക്കൂർ ചൂണ്ടിക്കാട്ടി. പ്രധാനമന്ത്രി നരേന്ദ്ര മോദിക്കു പിന്നാലെയാണ്, വിവാദ പരാമർശവുമായി അനുരാഗ് ഠാക്കൂർ രംഗത്തെത്തിയത്.
‘എന്റെ പിതാവിനെ കഷ്ണങ്ങളായാണ് ഏറ്റുവാങ്ങിയത്; മോദിയെപ്പോലെ നുണ പറയുന്ന ഒരു പ്രധാനമന്ത്രി ഉണ്ടായിട്ടില്ല’

അഹമ്മദാബാദ്∙ കോൺഗ്രസ് അധികാരത്തിൽ എത്തിയാൽ ജനങ്ങളുടെ സ്വത്ത് വിതരണം ചെയ്യുമെന്ന പ്രധാനമന്ത്രി നരേന്ദ്ര മോദിയുടെ പരാമർശത്തിനെതിരെ വീണ്ടും ആഞ്ഞടിച്ച് എഐസിസി ജനറൽ സെക്രട്ടറി പ്രിയങ്ക ഗാന്ധി. തന്റെ പിതാവിനെ അടക്കം നിരവധി പ്രധാനമന്ത്രിമാരെ കണ്ടിട്ടുണ്ടെന്നും എന്നാൽ ജനങ്ങളോട് ഇങ്ങനെ നുണ പറയുന്ന ഒരു
‘ഇന്ത്യാസഖ്യം അധികാരത്തിൽ വന്നാൽ 5 വർഷം 5 പ്രധാനമന്ത്രിമാർ; ദക്ഷിണേന്ത്യയെ പ്രത്യേക രാഷ്ട്രമാക്കുമെന്ന് പ്രസംഗിക്കുന്നു’

മുംബൈ∙ ഇന്ത്യാ സഖ്യം അധികാരത്തിൽ എത്തിയാൽ അഞ്ചു വർഷം കൊണ്ട് രാജ്യത്ത് അഞ്ചു പ്രധാനമന്ത്രിമാരുണ്ടാകുമെന്ന് പ്രധാനമന്ത്രി നരേന്ദ്ര മോദി. ദക്ഷിണേന്ത്യയെ ഒരു പ്രത്യേക രാഷ്ട്രമാക്കുമെന്നാണ് വിവിധ സ്ഥലങ്ങളിൽ ഇന്ത്യാ സഖ്യം പ്രസംഗിക്കുന്നതെന്ന് മോദി അവകാശപ്പെട്ടു. മഹാരാഷ്ട്രയിലെ കോലാപുരിൽ തിരഞ്ഞെടുപ്പു റാലിയെ അഭിസംബോധന ചെയ്യവേയാണ് മോദി പ്രതിപക്ഷത്തിനെതിരെ ആഞ്ഞടിച്ചത്.
‘ജനാധിപത്യത്തെ സംരക്ഷിക്കൂ’: ഡൽഹിയിൽ വൻ റോഡ് ഷോയുമായി സുനിത കേജ്‍രിവാളിന്റെ കന്നി പ്രചാരണം

ന്യൂഡൽഹി∙ തിഹാർ ജയിലിൽ കഴിയുന്ന ഡൽഹി മുഖ്യമന്ത്രി അരവിന്ദ് കേജ്‍രിവാളിന്റെ ‌അഭാവത്തിൽ, തിരഞ്ഞെടുപ്പ് പ്രചാരണത്തിനിറങ്ങി ഭാര്യ സുനിത കേജ്‍രിവാൾ. ഈസ്റ്റ് ‍ഡൽഹിയിലെ ആം ആദ്മി പാർട്ടി സ്ഥാനാർഥിക്ക് പിന്തുണ പ്രഖ്യാപിച്ചുള്ള റോഡ് ഷോയിലാണ് സുനിത കന്നി പ്രചാരണത്തിനിറങ്ങിയത്. ഈസ്റ്റ് ഡൽഹിയിലെ കോണ്ട്‍ലി മേഖലയിലെ വോട്ടർമാരെയാണ് സ്ഥാനാർഥിക്കൊപ്പം വാഹനത്തിൽനിന്ന് സുനിത അഭിവാദ്യം ചെയ്തത്.
പൂനം പുറത്ത്; മുംബൈ ഭീകരാക്രമണ കേസിലെ പ്രോസിക്യൂട്ടർ ഉജ്ജ്വൽ നിഗം മുംബൈ നോർത്ത് സെൻട്രലിൽ ബിജെപി സ്ഥാനാർഥി

ന്യൂഡൽഹി∙ മുംബൈ ഭീകരാക്രമണ കേസിൽ സ്പെഷൽ പബ്ലിക് പ്രോസിക്യൂട്ടർ ആയിരുന്നു ഉജ്ജ്വൽ നിഗത്തെ മുംബൈ നോർത്ത് സെൻട്രൽ ലോക്സഭാ മണ്ഡലത്തിൽ സ്ഥാനാർഥിയാക്കി ബിജെപി. സിറ്റിങ് എംപി പൂനം മഹാജനെ തഴഞ്ഞാണ് ഉജ്ജ്വല നിഗത്തിന് ബിജെപി സീറ്റ് നൽകിയത്. 2014ലും 2019ലും ഇതേ സീറ്റിൽ നിന്ന് മത്സരിച്ച് ജയിച്ചത് പൂനം ആയിരുന്നു.
ലാലു – ശരദ് യാദവപ്പോരിൽ ബിഹാറിലെ താരമണ്ഡലം; മധേപുരയിൽ ഇക്കുറി തിളക്കമില്ലാത്ത മൽസരം

പട്ന ∙ ലാലു – ശരദ് യാദവപ്പോരിൽ ബിഹാറിലെ താരമണ്ഡലമായിരുന്ന മധേപുരയിൽ ഇക്കുറി തിളക്കമില്ലാത്ത മൽസരം. ജെഡിയു സിറ്റിങ് എംപി ദിനേശ് ചന്ദ്ര യാദവും ആർജെഡിയുടെ കുമാർ ചന്ദ്രദീപുമാണു മധേപുരയിൽ ഏറ്റുമുട്ടുന്നത്. കഴിഞ്ഞ ലോക്സഭാ തിരഞ്ഞെടുപ്പിൽ ആർജെഡി ചിഹ്നത്തിൽ മൽസരിച്ച ശരദ് യാദവിനെയാണു ജെഡിയു സ്ഥാനാർഥി ദിനേശ്
അമേഠിയില്‍ രാഹുലും റായ്ബറേലിയില്‍ പ്രിയങ്കയും ഇറങ്ങുമോ?; തീരുമാനം ഖർഗെയ്ക്ക് വിട്ടു

ന്യൂഡല്‍ഹി∙ രാഹുല്‍ ഗാന്ധിയും പ്രിയങ്ക ഗാന്ധിയും യുപിയിലെ അമേഠിയിലും റായ്ബറേലിയിലും കളത്തിലിറങ്ങുമോ എന്ന് ഇന്നറിയാം. കോണ്‍ഗ്രസിന്റെ കേന്ദ്ര തിരഞ്ഞെടുപ്പ് സമിതി ശനിയാഴ്ച യോഗം ചേര്‍ന്ന് ഇക്കാര്യത്തില്‍ അന്തിമ തീരുമാനമെടുക്കുമെന്നാണ് റിപ്പോര്‍ട്ട്. രാഹുലും പ്രിയങ്കയും മല്‍സരിക്കണമെന്നാണ് പാര്‍ട്ടി
മണിപ്പുരിൽ ഭീകരാക്രമണം: 2 സിആർപിഎഫ് ജവാന്മാർ വീരമൃത്യു വരിച്ചു

ബിഷ്ണുപുർ∙ മണിപ്പുരിലെ ബിഷ്ണുപ്പുര്‍ ജില്ലയിലെ നരൻസേന മേഖലയിലുണ്ടായ ആക്രമണത്തിൽ രണ്ട് സിആർപിഎഫ് ജവാന്മാർ വീരമൃത്യു. രണ്ടുപേർക്കു പരുക്കേറ്റു. നരൻസേന ഗ്രാമത്തിലെ ഒരു കുന്നിൻമുകളിൽനിന്നും താഴ്‍വരയിലേക്ക് സുരക്ഷാ ഉദ്യോഗസ്ഥരുടെ കേന്ദ്രം ലക്ഷ്യമിട്ട് ഒരു സംഘം ഭീകരവാദികള്‍
‘സംവിധാനത്തെ മുഴുവൻ സംശയനിഴലിൽ നിർത്തരുത്’: വിവിപാറ്റ് സ്ലിപ് ഹർജിയിൽ സുപ്രീംകോടതി

ന്യൂഡൽഹി ∙ ഒരു സംവിധാനത്തെ മുഴുവൻ സംശയത്തിന്റെ നിഴലിൽ നിർത്താനാകില്ലെന്നും ജനാധിപത്യമെന്നതു എല്ലാവരെയും ഐക്യത്തിലും വിശ്വാസത്തിലും നിലനിർത്താനുള്ളതാണെന്നും സുപ്രീം കോടതി വ്യക്തമാക്കി. വോട്ടിങ് യന്ത്രത്തിലെ വിവിപാറ്റ് സ്ലിപ്പുകൾ മുഴുവൻ എണ്ണണം, പേപ്പർ ബാലറ്റ് തിരികെ കൊണ്ടുവരണം എന്നീ ആവശ്യങ്ങൾ ഉന്നയിച്ചുള്ള ഹർജികൾ തള്ളിക്കൊണ്ടാണ് കോടതിയുടെ ഈ നിരീക്ഷണം.
രണ്ടാം ഘട്ട വോട്ടെടുപ്പ്: 88 സീറ്റ്; 63.50% പോളിങ്

ന്യൂഡൽഹി ∙ ലോക്സഭാ തിരഞ്ഞെടുപ്പിന്റെ രണ്ടാം ഘട്ടത്തിൽ കേരളം ഉൾപ്പെടെ 13 സംസ്ഥാനങ്ങളിലെ 88 സീറ്റുകളിലേക്ക് ഇന്നലെ നടന്ന തിരഞ്ഞെടുപ്പിൽ ആകെ പോളിങ് 63.50%. കഴിഞ്ഞ തിരഞ്ഞെടുപ്പിൽ ഈ മണ്ഡലങ്ങളിലെ ആകെ പോളിങ് 70.09% ആയിരുന്നു. ∙ കേരളം, ത്രിപുര, രാജസ്ഥാൻ, മണിപ്പുർ എന്നിവിടങ്ങളിൽ പോളിങ് പൂർത്തിയായി. ∙ കേരളം (20), കർണാടക (14), രാജസ്ഥാൻ (13), യുപി, മഹാരാഷ്ട്ര (8 വീതം), മധ്യപ്രദേശ് (6), അസം, ബിഹാർ (5 വീതം), ബംഗാൾ, ഛത്തീസ്ഗഡ് (3 വീതം), ജമ്മുകശ്മീർ, ത്രിപുര, മണിപ്പുർ (ഒന്നു വീതം) സീറ്റുകളിലേക്കായിരുന്നു ഇന്നലെ തിരഞ്ഞെടുപ്പ്.
വിവിപാറ്റ് മുഴുവൻ എണ്ണേണ്ട: സുപ്രീം കോടതി; ബാലറ്റ് പേപ്പറിലേക്കു മടങ്ങണമെന്ന ആവശ്യവും തള്ളി

ന്യൂഡൽഹി ∙ വോട്ടിങ് യന്ത്രത്തിലെ വിവിപാറ്റ് സ്ലിപ്പുകൾ (വോട്ടർ വെരിഫൈഡ് പേപ്പർ ഓഡിറ്റ് ട്രെയ്ൽ) മുഴുവൻ എണ്ണണമെന്നാവശ്യപ്പെട്ടുള്ള ഹർജികൾ സുപ്രീം കോടതി തള്ളി. പേപ്പർ ബാലറ്റ് തിരികെ കൊണ്ടുവരണമെന്ന ആവശ്യവും ജഡ്ജിമാരായ സഞ്ജീവ് ഖന്ന, ദിപാങ്കർ ദത്ത എന്നിവരുടെ ബെഞ്ച് നിരാകരിച്ചു. ഇലക്ട്രോണിക് വോട്ടിങ് യന്ത്രത്തിൽ കൃത്രിമം നടത്താൻ സാധിക്കുമെന്ന സംശയങ്ങൾ അടിസ്ഥാനരഹിതമാണെന്നും ബാലറ്റ് പേപ്പർ സംവിധാനത്തിലേക്കു മടങ്ങിയാൽ വർഷങ്ങൾ കൊണ്ടു നടപ്പാക്കിയ പരിഷ്കാരങ്ങൾ പഴയ പടിയാകുമെന്നും നിരീക്ഷിച്ചാണ് ലോക്സഭാ തിരഞ്ഞെടുപ്പിന്റെ രണ്ടാം ഘട്ട പോളിങ് ദിനത്തിലെ വിധി.
മാറ്റമില്ലാതെ ദേശീയ ട്രെൻഡ്; രണ്ടാം ഘട്ടത്തിലും പോളിങ്ങിൽ ഇടിവ്

ന്യൂഡൽഹി ∙ കേരളത്തിലെന്നപോലെ മറ്റു സംസ്ഥാനങ്ങളിലും പോളിങ്ങിൽ ഇടിവ്. ദേശീയ തലത്തിൽ ആദ്യഘട്ട വോട്ടെടുപ്പിൽ 4.4% ആയിരുന്നു ഇടിവെങ്കിൽ ഇന്നലെ രണ്ടാം ഘട്ടത്തിൽ ഏകദേശം 6% ഇടിവുണ്ടെന്നാണ് ആദ്യ കണക്കുകൾ സൂചിപ്പിക്കുന്നത്.
രാഹുൽ അമേഠിയിൽ മത്സരിച്ചേക്കും; തിരഞ്ഞെടുപ്പ് 20ന്

ന്യൂഡൽഹി ∙ രാഹുൽ ഗാന്ധി യുപിയിലെ അമേഠിയിൽ മത്സരിച്ചേക്കുമെന്ന അഭ്യൂഹം ചൂടുപിടിക്കുന്നു. മേയ് ആദ്യം രാഹുൽ അമേഠിയിൽ നാമനിർദേശപത്രിക സമർപ്പിക്കുമെന്ന് മണ്ഡലത്തിലെ പ്രാദേശിക നേതാക്കൾ അവകാശപ്പെട്ടു. ഇക്കാര്യത്തിൽ അന്തിമ തീരുമാനമായിട്ടില്ലെന്നും വിഷയം ചർച്ച ചെയ്യാൻ വരും ദിവസങ്ങളിൽ യോഗം ചേരുമെന്നും കോൺഗ്രസ് ദേശീയ വൃത്തങ്ങൾ പറഞ്ഞു. വയനാട്ടിൽ തിരഞ്ഞെടുപ്പു കഴിഞ്ഞതോടെ അമേഠിയുടെ കാര്യത്തിൽ ഇനി തീരുമാനം വൈകില്ല. മേയ് 20നാണ് അവിടെ തിരഞ്ഞെടുപ്പ്.
പ്രിയങ്കയ്ക്ക് എതിരെ മത്സരിക്കണമെന്ന് നിർദേശം; മോദിയോട് ‘നോ’ പറഞ്ഞ് വരുൺ ഗാന്ധി

ന്യൂഡൽഹി ∙ പ്രിയങ്ക ഗാന്ധിക്കെതിരെ ബിജെപി ടിക്കറ്റിൽ റായ്ബറേലിയിൽ മത്സരിക്കാനില്ലെന്ന് ബിജെപി എംപി വരുൺ ഗാന്ധി. പിലിബിത്തിൽ ഇത്തവണ ടിക്കറ്റ് നിഷേധിക്കപ്പെട്ട വരുൺ തിരഞ്ഞെടുപ്പ് ‘രാഷ്ട്രീയ തമാശക്കളി’യല്ലെന്ന് പ്രധാനമന്ത്രി നരേന്ദ്ര മോദിയടക്കമുള്ള ദേശീയ നേതാക്കളോടു തുറന്നടിച്ചതായി പാർട്ടി വൃത്തങ്ങൾ പറഞ്ഞു. ഇതെക്കുറിച്ച് ചോദിച്ചപ്പോൾ ‘രഹസ്യമായി സംസാരിച്ച കാര്യങ്ങൾ പരസ്യമാക്കുന്നത് ധാർമികതയ്ക്കു നിരക്കുന്നതല്ല’ എന്നാണ് വരുൺ ഗാന്ധി ‘മനോരമ’യോടു പ്രതികരിച്ചത്.
താഴെത്തട്ടിൽ ഒന്നും നടക്കുന്നില്ല; ഡൽഹി സർക്കാരിനെതിരെ ഹൈക്കോടതി

ന്യൂഡൽഹി ∙ അധികാരം കൈവശം വയ്ക്കുന്നതിൽ മാത്രമാണു ഡൽഹി സർക്കാരിനു താൽപര്യമെന്നും താഴെത്തട്ടിൽ ഒന്നും നടക്കുന്നില്ലെന്നും ഡൽഹി ഹൈക്കോടതിയുടെ വിമർശനം. ദേശീയ തലസ്ഥാന മേഖലയിലെ വിവിധ പദ്ധതികൾ തടസ്സപ്പെട്ടിരിക്കുന്നതുൾപ്പെടെയുള്ള വിഷയങ്ങളിലാണ് ആക്ടിങ് ചീഫ് ജസ്റ്റിസ് മൻമോഹന്റെ നിരീക്ഷണം.
എംഎൽഎമാരുടെ നിസ്സഹകരണം കർണാടകയിൽ ബിജെപിക്ക് തലവേദന

ബെംഗളൂരു∙ ബീദറിലെ ബിജെപി സ്ഥാനാർഥിയും കേന്ദ്ര സഹമന്ത്രിയുമായ ഭഗവന്ത് ഖൂബയുടെ തിരഞ്ഞെടുപ്പ് പ്രചാരണത്തിൽ നിന്ന് 2 എംഎൽഎമാർ വിട്ടുനിൽക്കുന്നത് പാർട്ടിക്ക് തലവേദനയാകുന്നു. ഖൂബയ്ക്കു വീണ്ടും സീറ്റ് നൽകുന്നതിനെ തുടക്കം മുതൽ എതിർത്ത ശരണു സലഗർ, പ്രഭു ചൗഹാൻ എന്നിവരാണു പ്രചാരണത്തിനിറങ്ങാത്തത്.
വോട്ടർമാർക്ക് വിതരണം ചെയ്യാൻ 5 കോടി; ബിജെപി സ്ഥാനാർഥിക്ക് എതിരെ പൊലീസ് കേസ്

ബെംഗളൂരു∙ വോട്ടെടുപ്പിനു തലേന്ന് അനുയായികളിൽ നിന്ന് 4.8 കോടി രൂപ പിടിച്ചെടുത്തതിന് ചിക്കബെല്ലാപുരയിലെ ബിജെപി സ്ഥാനാർഥി ഡോ.കെ.സുധാകറിനെതിരെ പൊലീസ് കേസെടുത്തു. വോട്ടർമാർക്ക് വിതരണം ചെയ്യാനുള്ള പണമാണെന്നാണ് ആരോപണം.
അറസ്റ്റ് ചെറുത്തു; ‌ഇന്ത്യക്കാരനെ യുഎസിൽ പൊലീസ് വെടിവച്ചുകൊന്നു

ന്യൂയോർക്ക് ∙ യുഎസിൽ അറസ്റ്റ് ചെറുത്ത ഇന്ത്യൻ വംശജനെ പൊലീസ് വെടിവച്ചുകൊന്നു. കൂട്ടുകാരിയെ ആക്രമിച്ച കേസിൽ പ്രതിയായ സച്ചിൻ കുമാർ സാഹു ആണു കൊല്ലപ്പെട്ടത്. ടെക്സസ് നഗരത്തിലെ സാൻ അന്റോണിയോയിൽ ഈ മാസ് 21ന് ആണു സംഭവം. അറസ്റ്റിനെത്തിയ 2 പൊലീസ് ഓഫിസർമാരെ വാഹനമിടിപ്പിക്കാൻ ശ്രമിച്ചതോടെയാണു ഓഫിസർമാരിലൊരാൾ വെടിയുതിർത്തത്.
രണ്ടാംഘട്ട വോട്ടെടുപ്പിൽ രാജ്യത്ത് 61 ശതമാനം പോളിങ്; മഹാരാഷ്ട്രയിൽ പോളിങ് കുറവ്

ന്യൂഡൽഹി∙ 88 മണ്ഡലങ്ങളിലായി നടക്കുന്ന രണ്ടാംഘട്ട ലോക്സഭാ തിരഞ്ഞെടുപ്പിൽ 5 മണിവരെ 61 ശതമാനം പോളിങ്. 1200 സ്ഥാനാർഥികളാണ് തിരഞ്ഞെടുപ്പിൽ ജനവിധി തേടുന്നത്. മണിപ്പൂർ, ഛത്തീസ്ഗഡ്, ബംഗാൾ, അസം, ത്രിപുര എന്നിവിടങ്ങളിൽ 53% പോളിങ് രേഖപ്പെടുത്തിയപ്പോൾ മഹാരാഷ്ട്രയിലാണ് പോളിങ് ശതമാനം ഏറ്റ
വോട്ടുമിഠായിക്ക് ഏതു നിറം?; കർണാടകയിൽ കൊടി മാറ്റിക്കെട്ടാൻ കോൺഗ്രസ്, തരംഗം തുടരാൻ ബിജെപി

പഞ്ഞിമിഠായിയിൽ (കോട്ടൺ കാൻഡി) രാസപദാർഥങ്ങൾകൊണ്ടു കൃത്രിമമായി നിറം ചേർക്കുന്നത് അടുത്തിടെയാണു കർണാടക നിരോധിച്ചത്. എന്നാൽ, തടവും പിഴയും ലഭിക്കാതെ എങ്ങനെ നിറങ്ങൾ മാറ്റാം എന്നാലോചിക്കുകയാണ് കർണാടക, അതുപക്ഷേ രാഷ്ട്രീയ മിഠായിയിൽ ആണെന്നു മാത്രം. ദക്ഷിണേന്ത്യയിൽ കാവിക്കൊടി പാറിക്കാൻ ആഞ്ഞുശ്രമിക്കുന്ന
ഒടുവിൽ തിരഞ്ഞെടുപ്പു കമ്മിഷൻ നടപടി; മോദിയുടെ പ്രസംഗത്തിന് ബിജെപിക്ക് നോട്ടിസ്

ന്യൂഡൽഹി ∙ പ്രധാനമന്ത്രി നരേന്ദ്ര മോദി, കോൺഗ്രസ് നേതാക്കളായ രാഹുൽ ഗാന്ധി, മല്ലികാർജുൻ ഖർഗെ എന്നിവർ വിദ്വേഷ പ്രസംഗം നടത്തിയെന്ന പരാതിയിൽ ബിജെപിക്കും കോൺഗ്രസിനും തിരഞ്ഞെടുപ്പു കമ്മിഷൻ കാരണം കാണിക്കൽ നോട്ടിസയച്ചു. 29ന് രാവിലെ 11 മണിക്കകം വിശദീകരണം നൽകാനാണ് നിർദേശം, പറഞ്ഞതിന്റെ ഉത്തരവാദിത്തം പ്രസംഗിച്ചവർക്കാണെങ്കിലും ഓരോ കേസിന്റെയും സാഹചര്യം പരിഗണിച്ച് പാർട്ടികൾക്ക് നോട്ടിസ് അയയ്ക്കുമെന്നാണ് തിരഞ്ഞെടുപ്പു കമ്മിഷന്റെ വിശദീകരണം.
മുള്ളൻപന്നിയെ വേട്ടയാടി, കഴുത്തിൽ മുള്ളുകൾ തറച്ചു; കടുവ ചത്തത് ഭക്ഷണം കഴിക്കാനാവാതെ

നാഗർകോവിൽ ∙ മുള്ളൻപന്നിയെ പിടിക്കുന്നതിനിടെ മുഖത്തും കഴുത്തിലും ആഴത്തിൽ മുള്ളുകൾ തറച്ചതിനെ തുടർന്നു മുറിവേറ്റതും ഭക്ഷണം കഴിക്കാനാവാതെ വന്നതുമാണ് പേച്ചിപ്പാറയ്ക്ക് സമീപം കുലശേഖരത്ത് പെൺകടുവ ചത്തതിനു കാരണമെന്ന് വനംവകുപ്പ്. ഒരാഴ്ചയെങ്കിലും മുൻപാണ് കടുവയ്ക്ക് പരുക്കേറ്റതെന്നു കരുതുന്നു. അത്രയും ദിവസമായി ഭക്ഷണം കഴിക്കാനോ വെള്ളം കുടിക്കാനോ കഴിഞ്ഞിട്ടില്ലെന്നാണു പോസ്റ്റ്മോർട്ടത്തിലെ കണ്ടെത്തൽ.
നവീൻ പട്നായിക്: ‘ദേശീയപാത’ കയറാതെ യാത്ര!

ഒഡീഷയിലെ ഹിഞ്ചിലികട്ടിലെ തിരക്കുപിടിച്ച മാർക്കറ്റിലെത്തി ഇനിയെങ്ങോട്ട് എന്നു സംശയിച്ചു നിന്നപ്പോൾ നാൽക്കവലയ്ക്കു നടുക്കു നിന്ന് ബിജു പട്നായിക്കിന്റെ പ്രതിമ വിരൽ ചൂണ്ടി- ദാ അങ്ങോട്ട്! 10 മിനിറ്റ് മുന്നോട്ടു പോയി സമരജോളിലെത്തിയപ്പോൾ പാതയോരത്ത് പട്നായിക്കിന്റെ പുത്രനും ഒഡീഷ മുഖ്യമന്ത്രിയുമായ നവീന്റെ പടുകൂറ്റൻ ഫ്ലക്സുകൾ നിറഞ്ഞു നിൽക്കുന്ന വലിയ വേദി.
ഹേമന്ദ് സോറന്റെ ഭാര്യ രാഷ്ട്രീയത്തിലേക്ക്; ഗോണ്ഡേയ് ഉപതിരഞ്ഞെടുപ്പിൽ സ്ഥാനാർഥി

ന്യൂഡൽഹി ∙ ജാർഖണ്ഡ് മുൻ മുഖ്യമന്ത്രിയും ജെഎംഎം നേതാവുമായ ഹേമന്ദ് സോറന്റെ ഭാര്യ കൽപന സജീവരാഷ്ട്രീയത്തിലേക്ക്. ഗോണ്ഡേയ് മണ്ഡലത്തിൽ മേയ് 20നു നടക്കുന്ന ഉപതിരഞ്ഞെടുപ്പിൽ പാർട്ടി സ്ഥാനാർഥിയായി കൽപന മത്സരിക്കും.

Results 1-100 of 4733

Today's Epaper

MANORAMA APP

INDIA

our sites

about

QUICK LINKS

EXPERIENCE MANORAMA ONLINE PREMIUM

Our Sites