News +

ഉടനെ മായില്ല വോട്ടിട്ട 'വിരൽ വര'; പക്ഷേ മാറും സുമലതയുടെ തലവര? രണ്ട് കൊക്കോയുണ്ടേല്‍ കോളടിച്ചു!

രണ്ട് ദിവസം മുൻപ് വോട്ടിട്ടപ്പോൾ നമ്മുടെ കൈ വിരലി‍ൽ പോളിങ് ഉദ്യോഗസ്ഥൻ വരച്ച ആ വര ഇപ്പോഴും മാഞ്ഞില്ല. ജൂൺ 4ന് ഫലം വരുമ്പോഴും അത് പൂർണമായും മാഞ്ഞ് തീരില്ല. അപ്പോൾ എന്താവും ഈ ‘മായാ മഷി’യുടെ രഹസ്യം? ആരാണ് ഈ രഹസ്യക്കൂട്ട് കണ്ടെത്തിയത്? ഇതൊക്കെ നിങ്ങൾ ഒരിക്കലെങ്കിലും ഓർത്തുകാണില്ലേ? മനോരമ ഓൺലൈൻ പ്രീമിയം സന്ദർശിച്ച പതിനായിരങ്ങൾക്ക് ഇപ്പോൾ ഈ രഹസ്യമറിയാം. അതുപോലെ ഇപ്പോഴത്തെ ഈ കൊടും ചൂടിനെ പറ്റിയും ആശ്വസിക്കാവുന്ന ഒരു കാര്യമുണ്ട്... മാസങ്ങളായി നമ്മളെ ബുദ്ധിമുട്ടിക്കുന്ന ചൂടിന്റെ കാഠിന്യം അവസാനിക്കാൻ പോകുന്നു, ഒപ്പം വരാൻ പോകുന്ന മഴ വിശേഷവും. എൽ നിനോ’ ‘ലാ നിന’ പ്രതിഭാസം എന്നൊക്കെ പലകുറി നാം കേട്ടിട്ടുണ്ടെങ്കിലും ഇതെല്ലാം സാധാരണക്കാരന് മനസ്സിലാവുന്ന രീതിയിലാണ് കുസാറ്റിലെ അഡ്വാൻസ്ഡ് സെന്റർ ഫോർ അറ്റ്മോസ്ഫറിക് റഡാർ ഡയറക്ടർ ഡോ. എസ്. അഭിലാഷ് വിവരിച്ചത്. യുഎഇ വെള്ളപ്പൊക്കത്തിന് ശേഷം തുടർച്ചയായി രണ്ടാം ആഴ്ചയും കാലാവസ്ഥയെ കുറിച്ചുള്ള പ്രീമിയം റിപോർട്ട് പോയവാരത്തെ ടോപ് 5ൽ ഇടം നേടി.
കാശ് വേണോ, കേന്ദ്രം പറയുന്നത് കേരളം കേൾക്കണം! കുട്ടികളുടെ പഠനം വച്ചു വേണോ ഇത്? അഞ്ചാം വയസ്സിൽ ഇനി ഒന്നിൽ ചേർക്കാനാവില്ലേ!

ഒന്നാം ക്ലാസ് പ്രവേശനത്തിനുള്ള പ്രായപരിധി സംസ്ഥാനത്ത് അഞ്ച് വയസ്സായി തന്നെ തുടരുമോ? അടുത്ത അധ്യയനവർഷം പുതിയ തീരുമാനങ്ങൾ വന്നാൽ ഒരു വർഷം നഷ്ടപ്പെടുമോ? വീണ്ടും ക്ലാസുകൾ ആരംഭിക്കാൻ 2 മാസം ശേഷിക്കെ സംസ്ഥാനത്തെ ഒരു കൂട്ടം മാതാപിതാക്കളുടെ ആധിയാണിത്. ദേശീയ വിദ്യാഭ്യാസ നയം 2020 അനുസരിച്ച് ഒന്നാം ക്ലാസ് പ്രവേശനത്തിനുള്ള പ്രായപരിധി 6 വയസ്സ് ആക്കണം എന്നാണ് കേന്ദ്രസർക്കാർ പറയുന്നത്. സംസ്ഥാനത്ത് അത് നടപ്പാക്കില്ല എന്ന് സർക്കാർ പറയുന്നുണ്ടെങ്കിലും കേന്ദ്രസർക്കാരിന്റെ സമ്മർദം തുടർന്നാൽ 5 വയസ്സിൽ ഒന്നാം ക്ലാസ് പ്രവേശനം നിഷേധിക്കപ്പെടുമോ എന്നാണ് ആശങ്ക. ദേശീയ വിദ്യാഭ്യാസ നയം പൂർണമായും സംസ്ഥാനത്ത് നടപ്പാക്കേണ്ടി വരുമോ? 5 വയസ്സിൽ തന്നെ പഠനം തുടരാൻ സാധ്യതകളുണ്ടോ? എന്തുകൊണ്ടാണ് കേന്ദ്രം ഇക്കാര്യത്തില്‍ നിർബന്ധം പിടിക്കുന്നത്? കേരളത്തിലെ സാഹചര്യങ്ങളിൽ ഇത് എത്രത്തോളം പ്രാവർത്തികമാണ്?
സ്വന്തമായി സ്വർണഖനികൾ, രാജാവിന്റെ ജോലിക്കാർക്ക് റോൾസ് റോയ്സ്: ആ ‘മായാ മഷി’യുടെ രഹസ്യം ഇന്നും അറിയുക 2 പേർക്ക്!

കോടീശ്വരനായ ഒരു രാജാവ്. അദ്ദേഹത്തിനു കീഴിലുള്ള സ്വർണഖനികളിൽനിന്നുള്ള വരുമാനം തന്നെ എണ്ണിയാലൊടുങ്ങില്ല. റോൾസ് റോയ്സ് കാറുകളോടായിരുന്നു പ്രിയം. അവ വിദേശത്തുനിന്ന് ഇറക്കുമതി ചെയ്ത് കൊട്ടാരത്തിലെ ജീവനക്കാർക്കു യാത്രയ്ക്കു വേണ്ടി നൽകുന്നതും രാജാവിന്റെ ‘ഹോബി’യായിരുന്നു. മൈസൂരു പ്രവിശ്യയിലെ നാൽവഡി കൃഷ്ണരാജ വൊഡയാർ നാലാമനെപ്പറ്റിയാണ് (1884–1940) ഈ പറയുന്നത്. മൈസൂരുവിന്റെ ഇരുപത്തിനാലാമത്തെ രാജാവായിരുന്നു കൃഷ്ണരാജ വൊഡയാർ. 1902ൽ രാജകിരീടം ഏറ്റുവാങ്ങുമ്പോൾ അദ്ദേഹത്തിനു പ്രായം വെറും 18. പിന്നീട് അൻപത്തിയാറാമത്തെ വയസ്സിൽ വിട പറയുമ്പോഴേക്കും മൈസൂരുവിന്റെ മുഖച്ഛായ തന്നെ മാറ്റിയിരുന്നു കൃഷ്ണരാജ. അതിനാൽത്തന്നെ അദ്ദേഹം അറിയപ്പെടുന്നതാകട്ടെ ആധുനിക മൈസൂരുവിന്റെ പിതാവ് എന്നും. സ്റ്റേറ്റ് ബാങ്ക് ഓഫ് മൈസൂർ ഉൾപ്പെടെ ഒട്ടേറെ സ്ഥാപനങ്ങൾ ഇദ്ദേഹത്തിന്റെ കാലത്താണ് ആരംഭിക്കുന്നത്. വികസന നയങ്ങളാലും ജനത്തിനോടുള്ള സ്നേഹത്താലും എല്ലാവരും അദ്ദേഹത്തെ വിശേഷിപ്പിച്ചിരുന്നത് ‘സാത്വികനായ രാജാവ്’ എന്നായിരുന്നു. മഹാത്മാഗാന്ധിയുടെ വരെ പ്രീതി പിടിച്ചുപറ്റിയ കൃഷ്ണരാജ ഇന്നും നമ്മുടെയെല്ലാം മനസ്സിൽ ഒരിക്കലും മായാത്ത മഷി പോലെ പറ്റിച്ചേർന്നിരിപ്പുണ്ട്. അതിനു കാരണമായതും ഒരു മഷിയാണ്. പറഞ്ഞുവരുന്നത് കൃഷ്ണരാജ ആരംഭിച്ച മൈസൂർ പെയിന്റ്സ് ആൻഡ് വാർണിഷ് ലിമിറ്റഡിനെപ്പറ്റിയാണ് (എംപിവിഎൽ). 1937ലാണ് ഈ കമ്പനിയുടെ തുടക്കം. ആരംഭത്തിലെ പേര് മൈസൂർ ലാക് ആൻഡ് പെയിന്റ് വർക്സ് ലിമിറ്റഡ്. ലാക് എന്നാൽ അരക്ക്. അന്ന് മൈസൂരുവിലെ കാടുകളിൽനിന്ന് വൻതോതിൽ പല തരത്തിലുള്ള ഉൽപന്നങ്ങള്‍ ശേഖരിച്ചിരുന്നു. ഇവയ്ക്ക് മികച്ച വില ലഭ്യമാക്കി ജനങ്ങളുടെ ജീവിതനിലവാരം മെച്ചപ്പെടുത്താനുള്ള ശ്രമത്തിലായിരുന്നു രാജാവ്. അതിനു വേണ്ടിയാണ് കമ്പനി സ്ഥാപിച്ചതും.
ഇവിഎമ്മിൽ നമ്മളിട്ട വോട്ടിന്റെ ‘ലൈഫ്’ എത്ര? കറന്റ് പോയാൽ യന്ത്രത്തിലെ വോട്ടും മായുമോ?

രാജ്യത്ത് ഓരോ തിരഞ്ഞെടുപ്പ് വരുമ്പോഴും ഇലക്ട്രോണിക് വോട്ടിങ് യന്ത്രം (ഇവിഎം) വലിയ ചർച്ചാ വിഷയമാകാറുണ്ട്. ഇതുമായി ബന്ധപ്പെട്ട സാങ്കേതിക കാര്യങ്ങളിലുള്ള ആശങ്ക പല പാർട്ടികളും വ്യക്തികളും ഉന്നയിക്കാറുമുണ്ട്. ഇത്തവണ വിഷയം സുപ്രീംകോടതി കയറുകയും ചെയ്തു. എന്നാൽ സംശയങ്ങൾക്കെല്ലാം തിരഞ്ഞെടുപ്പ് കമ്മിഷന്റെ ഔദ്യോഗിക വെബ്സൈറ്റ് വഴി വിശദീകരണം നൽകിയിട്ടുണ്ട്. അപ്പോഴും, ചില വിഷയങ്ങളിൽ വിശദീകരണം ലഭ്യമായിട്ടില്ലെന്നാണ് കോടതിയിൽ ഫയൽ ചെയ്ത കേസുകളിൽനിന്ന് വ്യക്തമാകുന്നത്. ഇവിഎമ്മിനെ കുറിച്ച് പതിവായി ചോദിക്കുന്ന ചോദ്യങ്ങൾക്ക് തിരഞ്ഞെടുപ്പു കമ്മിഷൻ 2024ൽതന്നെ രണ്ടു തവണ മറുപടി നൽകിയിരുന്നു. തിരഞ്ഞെടുപ്പുമായി ബന്ധപ്പെട്ട പുതിയ ചോദ്യങ്ങൾ ഉൾപ്പെടെയായി ഫെബ്രുവരി 7നാണ് കമ്മിഷന്റെ ഔദ്യോഗിക വെബ്‌സൈറ്റിൽ അവസാനമായി അപ്‌ഡേറ്റും ചെയ്തു. എങ്ങനെയാണ് ഇവിഎമ്മിന്റെ പ്രവർത്തനം? ഇതിൽ സ്ഥാനാർഥിയുടെ പേരും ചിഹ്നവും ഉൾപ്പെടെ ചേർക്കുന്നത് എങ്ങനെയാണ്? ഇവിഎമ്മിനെ പുറത്തുനിന്ന് നിയന്ത്രിക്കാനാകുമോ?
‘മത്സരിക്കാതിരുന്നാൽ മന്ത്രിയാക്കാം’: ഒടുവിൽ പിന്മാറ്റം; ‘ഇനി മോദിക്കൊപ്പം’; സുമലത സഹായിച്ചാൽ മാണ്ഡ്യയിൽ രക്ഷ

സുമലത എന്നാൽ മലയാളികൾക്ക് മഴ തോർന്നൊലിക്കും പോലെ കണ്മുന്നിൽനിന്ന് യാത്ര പറഞ്ഞകന്ന, പത്മരാജന്റെ ക്ലാരയാണ്. 1980ൽ പുറത്തിറങ്ങിയ ‘മൂർഖൻ’ എന്ന ജയൻ ചിത്രത്തിൽ തുടങ്ങി പത്ത് വർഷക്കാലം മലയാള സിനിമയുടെ അവിഭാജ്യഘടകമായിരുന്നു അവർ. ഇന്നും മലയാളികൾ ഓർത്തിരിക്കുന്ന ഒരു പിടി ചിത്രങ്ങളെടുത്താൽ അതിലുണ്ടാകും തൂവാനത്തുമ്പികളിലെ ക്ലാരയും ന്യൂഡൽഹിയിലെ മരിയ ഫെർണാണ്ടസുമെല്ലാം. ഇസബെല്ല എന്ന ചിത്രത്തിലെ ടൂർ ഗൈഡ്, ‘ഇടവേളയ്ക്കു ശേഷ’ത്തിലെ സിന്ധു, ‘തേനും വയമ്പും’ ചിത്രത്തിലെ ശ്രീദേവി എന്നിങ്ങനെ പിന്നെയും എത്രയെത്ര കഥാപാത്രങ്ങള്‍. 1990ല്‍ താഴ്‌വാരം, പുറപ്പാട്, ഈ തണുത്ത വെളുപ്പാൻ കാലത്ത്, പരമ്പര, നമ്പർ 20 മദ്രാസ് മെയിൽ എന്നീ ചിത്രങ്ങളിലൂടെ മലയാള സിനിമയിൽ കത്തി നിൽക്കുന്ന സമയത്താണ് പെട്ടെന്ന് അവർ അപ്രത്യക്ഷയായത്. പിന്നീട് ചുരുക്കം ചില കന്നഡ സിനിമകളും തെലുങ്ക് സിനിമകളുമായി ചുരുങ്ങിക്കൂടി. അതിനിടെ കന്നഡ താരം അംബരീഷിനെ വിവാഹം ചെയ്തു. കന്നഡ, തെലുങ്ക്, മലയാളം, തമിഴ്, ഹിന്ദി ഭാഷകളിലായി ഇരുനൂറിലേറെ ചിത്രങ്ങളിൽ അഭിനയിച്ച സുമലത പക്ഷേ വീണ്ടും തലക്കെട്ടുകളിൽ നിറഞ്ഞത് സിനിമയുടെ പേരിലായിരുന്നില്ല, കഴിഞ്ഞ ലോക്സഭാ തിരഞ്ഞെടുപ്പ് കാലത്തായിരുന്നു.
ADVERTISEMENT
വഴിയിലെമ്പാടും വണ്ടി പരിശോധന; പക്ഷേ, ജോഷിയുടെ വജ്രവും സ്വർണവും പോയത് കണ്ടില്ല! ‘കാറ്റിന്’ 90 രൂപ, കാടുവെട്ടാൻ 310!

തിരഞ്ഞെടുപ്പ് പ്രഖ്യാപനത്തിനു പിന്നാലെ കേരളത്തിൽ ഹിറ്റായ ഒരു ട്രോൾ ഉണ്ട്. കാറിന്റെ ഡിക്കി തുറന്നുവച്ചുകൊണ്ട് പോകുന്ന ഒരാൾ. എന്താണു സംഗതിയെന്നു ചോദിച്ചാൽ മറുപടി ഉടനെത്തി: ‘‘രാവിലെ വണ്ടിയെടുത്ത് പുറത്തിറങ്ങിയാൽ വഴിനീളെ പരിശോധനയാണ്. ഒരു പത്തുനൂറിടത്തെയെങ്കിലും പരിശോധന കഴിഞ്ഞിട്ടേ യാത്ര അവസാനിപ്പിക്കാനാകുകയുള്ളൂ. ഓരോ തവണയും വണ്ടി നിർത്തി പുറത്തിറങ്ങി ഡിക്കി തുറന്നുകൊടുക്കുന്നതിനേക്കാൾ നല്ലതല്ലേ അത് തുറന്നിട്ട് യാത്ര ചെയ്യുന്നത്..?’’ തിരഞ്ഞെടുപ്പു കാലത്തെ ഈ പരിശോധനയിൽ പെടാത്തവർ അപൂർവമായിരിക്കുമെന്ന് നിസ്സംശയം പറയാം. പക്ഷേ ഒന്നും ചെയ്യാനാകില്ല, കാരണം തിരഞ്ഞെടുപ്പുചെലവിൽ അനിയന്ത്രിതമായി പണമൊഴുകുന്നുണ്ടോയെന്നു പരിശോധിക്കാൻ അത്രയേറെ സുരക്ഷാ ഉദ്യോഗസ്ഥരെയാണ് സംസ്ഥാനത്ത് നിയോഗിച്ചിരിക്കുന്നത്. അപ്പോഴും ഒരു ചോദ്യം ബാക്കി; സംവിധായകൻ ജോഷിയുടെ വീട്ടിൽ മോഷണം നടത്തി ഒരു കോടിയോളം വില വരുന്ന സ്വർണ, വജ്രാഭരണങ്ങളുമായി മോഷ്‌ടാവ് കൊച്ചിയിൽനിന്ന് കർണാടകയിലെ ഉഡുപ്പി വരെ വണ്ടിയോടിച്ചു പോയപ്പോൾ ആരും പരിശോധിച്ചില്ലേ?
ജാതി സെൻസസ്, ജനസംഖ്യാനുപാതിക സംവരണം: കോൺഗ്രസിനെ അവഗണിച്ച് ബിജെപി; ഇന്ത്യാ സഖ്യത്തിലും മുറുമുറുപ്പ്

ഒന്നാംഘട്ട വോട്ടെടുപ്പു തുടങ്ങാൻ നാലു ദിവസം മാത്രം ശേഷിക്കെ, നിലവിൽ അധികാരത്തിലുള്ള ഭാരതീയ ജനതാ പാർട്ടി (ബിജെപി) ഏപ്രിൽ 15ന് പുറത്തിറക്കിയ പ്രകടനപത്രിക ശ്രദ്ധേയമാകുന്നത് ബോധപൂർവമുള്ള മറവിയുടെ പേരിലാണ്. അതിന് 10 ദിവസം മുൻപ് ഏപ്രിൽ 5ന് മുഖ്യ പ്രതിപക്ഷ പാർട്ടിയായ കോൺഗ്രസ് പ്രകടനപത്രിക പ്രസിദ്ധീകരിച്ചിരുന്നു. യുവാക്കൾക്കും വനിതകൾക്കും സാമൂഹികമായി പിന്നാക്കം നിൽക്കുന്ന വിഭാഗങ്ങൾക്കും നിരവധി വാഗ്ദാനങ്ങൾ ലോഭംകൂടാതെ നൽകിയ കോൺഗ്രസിനുള്ള മറുപടിയാവും ബിജെപിയുടെ പ്രഖ്യാപനം എന്നു കരുതിയവർ നിരാശരായി. 2019ൽ നടന്ന ലോക്സഭാ തിരഞ്ഞെടുപ്പിൽ, ഫ്രഞ്ച് സാമ്പത്തിക വിദഗ്ധൻ തോമസ് പിക്കറ്റിയുമായി ചർച്ച ചെയ്ത് കോൺഗ്രസ് മുന്നോട്ടുവച്ച ‘മിനിമം വരുമാനം ഉറപ്പു നൽകുന്ന പദ്ധതി’ ഉൾപ്പെടെ പിന്നീട് ബിജെപി പ്രസിദ്ധീകരിച്ച പത്രികയിലെ വാഗ്ദാന പ്രഭയിൽ മങ്ങിപ്പോയിരുന്നു. ഇത്തവണ ബിജെപി വിട്ടുകളഞ്ഞതോ അവഗണിച്ചതോ ആയ വിഷയങ്ങളിൽ പ്രധാനം ജാതി സെൻസസും അതിന്റെ അടിസ്ഥാനത്തിലുള്ള ജനസംഖ്യാനുപാതിക സംവരണവുമാണ്. 2023 അവസാനം 5 സംസ്ഥാന നിയമസഭകളിലേക്കു നടന്ന തിരഞ്ഞെടുപ്പിൽത്തന്നെ ജാതി സെൻസസ് മുഖ്യ അജൻഡയാക്കാൻ രാഹുൽ ഗാന്ധി ശ്രമിച്ചിരുന്നു.
‘വടേരേന്റെ ഷാഫി’യും ‘നാട്യങ്ങളില്ലാതെ ടീച്ചറമ്മ’യും ‘മോദി ഗാരന്റി’യും: വടകരയിലെ ആ വോട്ടുകളിലാണ് എല്ലാ കണ്ണും

2021 നിയമസഭാ തിരഞ്ഞെടുപ്പിൽ സംസ്ഥാനത്ത് ഏറ്റവും അധികം ഭൂരിപക്ഷം നേടിയ കെ.കെ.ശൈലജ ഒരു വശത്ത്, കേരളത്തെ മുഴുവൻ ആകാംക്ഷയുടെ മുൾമുനയിൽ നിർത്തി അവസാന ലാപ്പിൽ പാലക്കാട് ജയിച്ചു കയറിയ ഷാഫി പറമ്പിൽ മറുവശത്ത്. പോരാട്ടത്തിന്റെ കനൽക്കാറ്റ് വീശുന്ന വടകരയിൽ ആര് ജയിക്കുമെന്നത് പ്രവചനാതീതം. തിരഞ്ഞെടുപ്പ് പ്രചാരണങ്ങൾക്ക് മുന്‍പ് തന്നെ ആരോപണ പ്രത്യാരോപണങ്ങൾ കൊണ്ട് ചൂടുപിടിച്ച മണ്ഡലമായി മാറിക്കഴിഞ്ഞിരുന്നു വടകര. ജനവിധിക്ക് ദിവസങ്ങൾ ബാക്കിനിൽക്കെയും വിവാദങ്ങൾക്ക് വടകരയിൽ പഞ്ഞമില്ല. വടകര തിരിച്ചുപിടിക്കാനുള്ള അഭിമാനപ്പോരാട്ടത്തിന് എൽഡിഎഫും സീറ്റ് നിലനിർത്തുക എന്ന വാശിയിൽ യുഡിഎഫും ഇറങ്ങുമ്പോൾ മണ്ഡലം ആരെ പിന്തുണയ്ക്കും? കോഴിക്കോടും കണ്ണൂരുമായി നീണ്ടുനിവർന്നു കിടക്കുന്ന വടകര ലോക്സഭാ മണ്ഡലത്തിൽ എംപിയാകാൻ, എംഎൽഎമാർ തമ്മിലുള്ള നേർക്കുനേർ പോരാട്ടമാണ് നടക്കുന്നത്. ജനം തിരഞ്ഞെടുക്കുന്ന ‘വിജയ ഫോർമുല’യെ സ്വാധീനിക്കുന്ന ഘടകങ്ങളിൽ ടിപി മുതല്‍ പാനൂരിലെ കുഴിബോംബും സിഎഎയും വിവാദ ചിത്രങ്ങളും വിഡിയോയും വരെയുണ്ട്. അടിമുടി രാഷ്ട്രീയം പറയുന്ന വടകരയില്‍ ചരിത്രമെഴുതുന്നത് ആരാകും?
Top Five

ദക്ഷിണേന്ത്യ വിടാതെ മോദിയും രാഹുലും; ചിത്ര പറഞ്ഞു അപൂർവ പ്രണയ കഥ; ആ രാത്രി സംഭവിച്ചത്

രാജ്യം കാത്തിരുന്ന ലോക്സഭാ തിരഞ്ഞെടുപ്പിന്റെ ആദ്യഘട്ടത്തിന്റെ വോട്ട് പെട്ടിയിലായിരിക്കുന്നു. ഇനി ആറ് ഘട്ടമാണ് ബാക്കിയുള്ളത്. കേരളം പോളിങ് ബൂത്തിലേക്ക് മാർച്ച് ചെയ്യുന്ന ദിനം അടുത്തിരിക്കെ മനോരമ ഓൺലൈൻ പ്രീമിയം ഒട്ടേറെ തിരഞ്ഞെടുപ്പ് റിപ്പോർട്ടുകളാണ് പോയവാരം പ്രിയ വായനക്കാരിലേക്ക് എത്തിച്ചത്. തിരഞ്ഞെടുപ്പ് വാർത്തകളിൽ ഏറെ ശ്രദ്ധേയമായത് ദക്ഷിണേന്ത്യയിൽ നരേന്ദ്ര മോദി പ്രചാരണത്തിനായി സ്ഥിരമായി വരുന്നതിനും രാഹുൽ ഗാന്ധി വയനാട്ടിൽ മത്സരിക്കുന്നതിനും പിന്നിലെ കാരണം വിവരിച്ച റിപ്പോർട്ടായിരുന്നു. എന്തു കൊണ്ടാണ് വോട്ട് തേടി എല്ലാ കണ്ണുകളും ദക്ഷിണേന്ത്യയിലേക്ക് വരുന്നത് എന്നതിന്റെ കാരണമറിയാൻ മലയാളി ഏറെ താത്പര്യം കാട്ടി.
അത് കൃത്രിമ മഴയല്ല; ദുബായിലെ പെരുമഴയ്ക്കും മുംബൈയിലെ കൊടുംചൂടിനും കാരണം ഒന്ന് ! ഇത് കേരളത്തിന് മുന്നറിയിപ്പ്

ഈ ഡിസംബറിൽ ലോക കാലാവസ്ഥാ ഉച്ചകോടിയുടെ 28–ാം സമ്മേളനത്തിന് (കോപ്–28) ആതിഥേയത്വം വഹിച്ച് നാലു മാസം കഴിയുന്നതിനു മുൻപേ ആഗോള താപനഫലമായ തീവ്രമഴയിൽ ദുബായ് മുങ്ങി എന്നത് ചരിത്രത്തിനു നേരിട്ടു പ്രകൃതി നൽകിയ ഒരു മുന്നറിയിപ്പാകാം. യുഎഇയിൽ കാലാവസ്ഥാ നിരീക്ഷണം ആരംഭിച്ചതിന്റെ പ്ലാറ്റിനം ജൂബിലി വർഷമാണ് ഇത് എന്നതാണ് മറ്റൊരു പ്രത്യേകത. മഴ കുറവുള്ള ഇവിടെ വല്ലപ്പോഴും പെയ്യുന്ന മഴ അടയാളപ്പെടുത്തി വയ്ക്കാൻ തുടങ്ങിയത് 1949 ലാണ്. ബ്രിട്ടീഷ് പാരമ്പര്യം പിന്തുടരുന്നതിനാൽ ഇത്തരം വിവരങ്ങൾ രേഖപ്പെടുത്തുന്ന പതിവ് നേരത്തെ തുടങ്ങാനായി. യുഎഇ നിലവിൽ വരുന്നത് 1971 ൽ ആണെങ്കിലും പെട്രോളിയം ഖനനം ആരംഭിക്കുന്നതിനും മുൻപേ ഈ മേഖലയിൽ കാലാവസ്ഥാ നിരീക്ഷണത്തിനു തുടക്കമിട്ടിരുന്നതായി കാണാം. യുഎഇയുടെ ഒമാൻ അതിർത്തിയോടു ചേർന്നുള്ള അൽ ഐൻ നഗരത്തിൽ ഈ ചൊവ്വാഴ്ച 24 മണിക്കൂറിൽ രേഖപ്പെടുത്തിയ 254 മില്ലീമീറ്റർ മഴയാണ് സർവകാല റെക്കോഡുകളെ ഭേദിച്ച് കാലാവസ്ഥാ നിരീക്ഷണത്തിന്റെ 75–ാം വർഷത്തെ സംഭവബഹുലമാക്കിയത്. ഒന്നര വർഷം കൊണ്ടു കിട്ടേണ്ട മഴ ഏതാനും മണിക്കൂറുകൾക്കുള്ളിൽ പെയ്തിറങ്ങി. ഇന്ത്യൻ കാലാവസ്ഥാ വകുപ്പിന് 150 വർഷം തികയുന്ന വേളയുമാണിത്.
ഒരിറ്റു ചോര വീണില്ല! നടുക്കടലിൽ 40 മണിക്കൂർ യുദ്ധം; ലോകത്തെ ഞെട്ടിച്ച് ഇന്ത്യൻ നാവികസേനയും ‘മാർക്കോസും’

2023 ഡിസംബർ 14നാണ് മാൾട്ട റജിസ്ട്രേഷനുള്ള എംവി റുവൻ എന്ന വാണിജ്യ കപ്പലിൽ നിന്ന് ഇന്ത്യൻ നാവികസേനയ്ക്ക് സഹായത്തിനായി ഒരു കോൾ ലഭിക്കുന്നത്. സൊമാലിയൻ കടൽക്കൊള്ളക്കാരുടെ വെടിയേറ്റ് പരുക്കേറ്റ കപ്പൽ ജീവനക്കാരനെ രക്ഷിക്കണമെന്നായിരുന്നു ആ ഫോൺ സന്ദേശം. തൊട്ടുപിന്നാലെ, പരുക്കേറ്റ ജീവനക്കാരനെ നാവികസേനയുടെ ഐഎൻഎസ് കൊച്ചി പടക്കപ്പലെത്തി രക്ഷിക്കുകയും ചെയ്തു. കടൽക്കൊള്ളക്കാരുമായി നടന്ന ചർച്ചകൾക്ക് ശേഷമാണ് ജീവനക്കാരനെ രക്ഷിച്ച് ചികിത്സയ്ക്കായി ഒമാനിലെത്തിക്കാൻ ഇന്ത്യൻ നാവികസേനയ്ക്ക് സാധിച്ചത്. കപ്പൽ മോചിപ്പിക്കാണോ മറ്റു ജീവനക്കാരെ രക്ഷിക്കാനോ അന്ന് സാധിച്ചില്ല. പക്ഷേ മൂന്നു മാസങ്ങൾക്കിപ്പുറം എംവി റുവൻ കപ്പലിനെയും അതിലെ ജീവനക്കാരെയും പ്രത്യേക ദൗത്യത്തിലൂടെ ഇന്ത്യൻ നാവിക സേന രക്ഷിച്ചു. എന്തായിരുന്നു ആ ദൗത്യത്തിൽ സംഭവിച്ചത്? കടൽക്കൊള്ളക്കാരെ നേരിടാൻ എന്തൊക്കെ സംവിധാനങ്ങളും ഒരുക്കങ്ങളുമാണ് ഇന്ത്യൻ നാവികസേന സജ്ജീകരിച്ചത്? പരിശോധിക്കാം. ലോകത്തിലെ ഏറ്റവും മികച്ച സേനകളിൽ ഒന്നാണ് ഇന്ത്യൻ നാവികസേന. ചൈനയേയും പാക്കിസ്ഥാനെയും നിലയ്ക്കു നിർത്താൻ അത്യാധുനിക പടക്കപ്പലുകളും ആയുധങ്ങളുമായി കടലിൽ പ്രതിരോധം ശക്തമാക്കിയിട്ടുള്ള ഇന്ത്യൻ നാവികസേന കടൽക്കൊള്ളക്കാരുടെയും പേടിസ്വപ്നമാണ്. വാണിജ്യ കപ്പലുകളെയും വ്യാപാര പാതകളെയും സംരക്ഷിക്കുന്നതിൽ നാവികസേന പ്രധാന പങ്ക് വഹിക്കുന്നു. നിരീക്ഷണം, പട്രോളിങ്, പ്രത്യാക്രമണങ്ങൾ എന്നിവ വഴി കടൽക്കൊള്ളക്കാരുടെ ഭീഷണികളെ ഫലപ്രദമായി തടയുന്നതിനായും ഇന്ത്യൻ നാവിക സേന സജീവമായി പ്രവർത്തിക്കുന്നുണ്ട്.
‘ആ സിനിമകള്‍ക്കായി ഇറക്കുന്നത് ‘ടൺ കണക്കിന്’ പണം: ഷഹലയും കനയ്യയും മാത്രമല്ല ജെഎൻയുവിലെ ഇടതുപക്ഷം’

‘ഒരു വിദ്യാഭ്യാസ സ്ഥാപനത്തിനു രാജ്യത്തെ പിളർത്താനാവുമോ’ എന്ന ചോദ്യം ഉന്നയിച്ചുകൊണ്ടായിരുന്നു ജെഎൻയു എന്ന സിനിമയുടെ പ്രഖ്യാപനം. പക്ഷേ സിനിമയിലെ ‘ജെഎൻയു’വിന് നൽകിയ മുഴുവൻ പേര് ‘ജഹാംഗിർ നാഷനൽ യൂണിവേഴ്സിറ്റി’ എന്നായിരുന്നു. ചിത്രത്തിന്റെ പ്രഖ്യാപനത്തിനു തൊട്ടുപിന്നാലെ ഡൽഹി ജവാഹർലാൽ നെഹ്‌റു യൂണിവേഴ്സിറ്റി സ്റ്റുഡന്റ് യൂണിയനിലേക്ക് തിരഞ്ഞെടുപ്പു നടന്നു. ആ ക്യാംപസിലെ യഥാർഥ സംഭവവികാസങ്ങളെ ആസ്പദമാക്കിയാണ് സിനിമ ഒരുക്കിയതെന്ന് പിന്നാമ്പുറ സംസാരമുണ്ടെങ്കിലും, ജെഎൻയുവിൽ പഠിക്കുന്നവരും പഠിച്ചിറങ്ങിയവരും ഒരേസ്വരത്തിൽ അതിനെ എതിര്‍ക്കും. ആ ക്യാംപസിന്റെ ചുമരുകളിൽ ആ ശബ്ദം പ്രതിധ്വനിക്കും. അതാണ് ജെഎൻയു. ഇത്തവണ ജെഎൻയു സ്റ്റുഡന്റ്സ് യൂണിയൻ സെൻട്രൽ പാനലിലുള്ള നാല് സീറ്റുകളിലും എബിവിപിയെ പൂർണമായും തൂത്തെറിഞ്ഞ് വമ്പിച്ച ഭൂരിപക്ഷത്തോടെയാണ് ഇടതുപക്ഷ പാർട്ടികൾ ഭരണം നേടിയത്. നാല് വർഷത്തെ നീണ്ട കാലയളവിന് ശേഷം നടക്കുന്ന തിരഞ്ഞെടുപ്പ് ചരിത്രം കുറിച്ചത് ഭൂരിപക്ഷത്തിനപ്പുറം നിലപാടുകളിലെ കടുംപിടിത്തങ്ങളിലൂടെയും പ്രതിരോധ പ്രവർത്തനങ്ങളിലൂടെയുമായിരുന്നു. 27 വർഷങ്ങൾക്ക് ശേഷം സ്റ്റുഡന്റ് യൂണിയൻ പ്രസിഡന്റായി ഒരു ദലിത് വിദ്യാർഥി എത്തുന്നുവെന്ന പ്രത്യേകതയുമുണ്ടായിരുന്നു- ഓൾ ഇന്ത്യ സ്റ്റുഡന്റ് അസോസിയേഷൻ അംഗം ധനഞ്ജയ് സങ്വാരി.
ഇന്ധനവില കുതിക്കുമോ? സ്വർണവിലയും ഞെട്ടലിലേക്ക്? ആ രാത്രി സംഭവിച്ചതെന്ത്? നെഞ്ചിടിപ്പോടെ കേന്ദ്ര സർക്കാരും

ഏപ്രിൽ 13ന് രാത്രി, ഇസ്രയേലിലുടനീളം സൈറണുകൾ മുഴങ്ങി, രാജ്യം വലിയൊരു പ്രതിസന്ധിയെ നേരിടാൻ പോകുകയാണെന്ന് മനസ്സിലുറപ്പിച്ച് ജനം പുറത്തിറങ്ങാതെ സുരക്ഷിത താവളങ്ങളിലേക്ക് ഓടി. ഇസ്രയേലിന്റെ തെക്ക്, വടക്ക് പ്രദേശങ്ങളിലുള്ള സൈനിക താവളങ്ങൾക്ക് സമീപവും ജറുസലേമിനു പരിസരത്തുമാണ് സൈറൻ മുഴങ്ങിയത്. ഇറാൻ ഇസ്രയേലിനെ ആക്രമിക്കാൻ പദ്ധതിയിടുന്നതായി ദിവസങ്ങൾക്ക് മുൻപേ മുന്നറിയിപ്പ് ലഭിച്ചിരുന്നു. ഇതിനാൽ തന്നെ എല്ലാ ഒരുക്കങ്ങളും രാജ്യം നടത്തിയിട്ടുണ്ടാകുമെന്ന വിശ്വാസം ജനങ്ങൾക്കുണ്ടായിരുന്നു, ആ വിശ്വാസത്തോടെയാണ് പലരും ഉറങ്ങാൻ പോയത്. രാജ്യത്തെ പൗരൻമാരുടെ ആ വിശ്വാസം സംരക്ഷിക്കാൻ ഇസ്രയേൽ സൈന്യത്തിന് സാധിക്കുകയും ചെയ്തു. യുഎസ് സൈന്യത്തിന്റെ ശക്തമായ പിന്തുണയാണ് ഇസ്രയേലിനെ രക്ഷിച്ചതെന്നാണ് റിപ്പോർട്ടുകൾ. ഇറാന്റെ അത്യാധുനിക സായുധ ഡ്രോണുകളും മിസൈലുകളുമാണ് ഇസ്രയേലിലേക്ക് പറന്നതെത്തിയത്. എന്നാൽ എല്ലാം ഭംഗിയായി, കൃത്യമായ സമയത്ത് നേരിടാൻ സാധിച്ചുവെന്ന് തന്നെയാണ് രാജ്യാന്തര മാധ്യമങ്ങൾ റിപ്പോർട്ട് ചെയ്യുന്നത്. അതേസമയം, ഇറാനെതിരെ ഇസ്രയേലിന്റെ തിരിച്ചടി എങ്ങനെയായിരിക്കുമെന്ന് നിരീക്ഷിക്കുകയാണ് ലോകം. ഇതിനിടെ ഇസ്രയേലിന്റെ ചരക്കുകപ്പൽ ഇറാന്റെ നാവിക സേന പിടിച്ചെടുത്തതോടെ സംഘർഷം രൂക്ഷമാകുകയാണ്. ഇറാൻ–ഇസ്രയേൽ സംഘർഷം ജിസിസി രാജ്യങ്ങൾക്കും രാജ്യന്തര വിപണികൾക്കും വലിയ ആശങ്കയാണ് സൃഷ്ടിക്കുന്നത്. സംഘര്‍ഷം ശക്തമായാൽ ഇറാൻ–ഇസ്രയേൽ മിസൈലിന്റെ ചൂട് ഇങ്ങ് കേരളീയരുടെ അടുക്കളയിൽ വരെ അനുഭവിക്കേണ്ടിവരും. എന്താണ് കഴിഞ്ഞ ദിവസങ്ങളിൽ ഇസ്രയേലിൽ സംഭവിച്ചത്? പരിശോധിക്കാം.
മോദി ‘വിടില്ല’ ദക്ഷിണേന്ത്യ, രാഹുല്‍ വയനാടും, ഇതാണ് കാരണം: ആ ‘വ്യവസ്ഥ’ കേന്ദ്രം നടപ്പാക്കുമോ? കേരളം കൈവിടും 8 ലോക്സഭാ സീറ്റ്!

ലോക്സഭാ തിരഞ്ഞെടുപ്പു പ്രചാരണം നിർണായക ഘട്ടത്തിലേക്കു കടക്കുമ്പോൾ രാജ്യം ഭരിക്കുന്ന ബിജെപി മുന്നണിയും (എൻഡിഎ) പ്രതിപക്ഷമായ കോൺഗ്രസ് മുന്നണിയും (ഇന്ത്യാസഖ്യം) കൂടുതൽ ശ്രദ്ധകേന്ദ്രീകരിക്കുന്നത് ദക്ഷിണേന്ത്യയിലാണ്. പ്രധാനമന്ത്രി നരേന്ദ്ര മോദി 10 ആഴ്ചയ്ക്കിടെ 7 തവണ തമിഴ്നാട്ടിലും 5 തവണ കേരളത്തിലും പ്രചാരണത്തിന് എത്തിയത് ബിജെപി ദക്ഷിണേന്ത്യയ്ക്കു നൽകുന്ന പ്രാധാന്യം വ്യക്തമാക്കുന്നു. കേരളം, തമിഴ്നാട്, കർണാടക, തെലങ്കാന, ആന്ധ്രപ്രദേശ്, പോണ്ടിച്ചേരി എന്നീ സംസ്ഥാനങ്ങളിലെ 130 മണ്ഡലങ്ങളിൽ ഇപ്പോൾ ഇന്ത്യാസഖ്യത്തിലുള്ള പാർട്ടികൾ 2019 ൽ 64 സീറ്റ് നേടി. എൻഡിഎ സഖ്യകക്ഷികൾക്ക് ഇതിൽ 34 സീറ്റേ ലഭിച്ചുള്ളൂ. ഉത്തരേന്ത്യയിലെ ശക്തികേന്ദ്രങ്ങളായ യുപി, മധ്യപ്രദേശ്, രാജസ്ഥാൻ, ഗുജറാത്ത് എന്നീ സംസ്ഥാനങ്ങളിൽ ഇത്തവണ കൂടുതൽ സീറ്റ് നേടാൻ സാധ്യതയില്ലെന്നിരിക്കെ, ദക്ഷിണേന്ത്യയിൽ നിന്നു കൂടുതൽ സീറ്റുകൾ ലഭിച്ചാലേ രാഷ്ട്രീയപദ്ധതികൾ ഉദ്ദേശിച്ചവിധം നടപ്പാക്കാൻ കഴിയൂ എന്ന് ബിജെപി കരുതുന്നു. ഇതേസമയം, ദക്ഷിണേന്ത്യൻ സംസ്ഥാനങ്ങൾ ഈവിധം പ്രസക്തമാകുന്ന അവസാനത്തെ ലോക്സഭാ തിരഞ്ഞെടുപ്പായിരിക്കും ഇതെന്ന സന്ദേഹം ഉയരുന്നു. ബിജെപി നേതൃത്വത്തിന്റെ ഉള്ളിലിരിപ്പറിയാവുന്ന സ്വതന്ത്രനിരീക്ഷകരും ഈ ആശങ്ക പങ്കുവയ്ക്കുന്നുണ്ട്. ഓരോ ജനസംഖ്യാകണക്കെടുപ്പിന് (സെൻസസ്) ശേഷവും ലോക്സഭാ മണ്ഡലങ്ങളും സംസ്ഥാനങ്ങളിലെ നിയമസഭാ മണ്ഡലങ്ങളും ജനസംഖ്യാനുപാതികമായി പുനർനിർണയിക്കണമെന്ന ഭരണഘടനാവ്യവസ്ഥ അക്ഷരാർഥത്തിൽ നടപ്പാക്കിയാൽ ഈ ആശങ്ക യാഥാർഥ്യമാകും.
ജയിച്ചാൽ ഇത്രയും ലക്ഷം കോടി കോണ്‍ഗ്രസ് എങ്ങനെയുണ്ടാക്കും? ഇന്ത്യയിലെ ഓരോ വീട്ടിലും ‘സ്വർണഖനി’; നിർമലയുടെ ‘നോ’ എന്തിന്?

ലോക്സഭാ തിരഞ്ഞെടുപ്പിന് ഇനി ദിവസങ്ങൾ മാത്രമാണ് ശേഷിക്കുന്നത്. ഇതിനിടെ ചില പാർട്ടികളുടെ പ്രകടന പത്രികകൾ പുറത്തുവന്നു കഴിഞ്ഞു. അത്യാകർഷകമായ 25 വാഗ്ദാനങ്ങളുമായാണ് കോൺഗ്രസിന്റെ പ്രകടനപത്രിക പുറത്തിറങ്ങിയിരിക്കുന്നത്. കർഷകർ, തൊഴിലാളി, സ്ത്രീകൾ,യുവാക്കൾ എന്നിങ്ങനെ എല്ലാ വിഭാഗക്കാരെയും ലക്ഷ്യമിടുന്ന പദ്ധതികളും പ്രഖ്യാപിച്ചിട്ടുണ്ട്. എന്നാൽ ഇത്രയും പദ്ധതികൾ നടപ്പിലാക്കാൻ രാജ്യത്തിന് എത്ര ലക്ഷം കോടി രൂപ ചെലവ് വരുമെന്നും ഇത്രയും തുക എവിടെ നിന്ന് ലഭ്യമാക്കുമെന്ന കാര്യങ്ങൾ വിശദമായി പരിശോധിക്കുന്ന മനോരമ ഓൺലൈൻ പ്രീമിയം സ്റ്റോറിക്ക് മികച്ച സ്വീകാര്യതയാണ് ലഭിച്ചത്. പോയവാരത്തിൽ ട്രെന്റിങ് വിഷയമായിരുന്നു കുതിച്ചുയരുന്ന സ്വർണവില. സ്വർണവിലയിൽ വൻ വർധന കണ്ട മാസമായിരുന്നു 2024 മാർച്ച്. ഏറ്റവും കൂടുതൽ റെക്കോർഡുകളും പിറന്ന മാസം. മാർച്ചിൽ 8 തവണയാണ് സ്വർണവില റെക്കോർഡ് നിരക്ക് പുതുക്കിയത്. ഭാവിയിൽ സ്വർണ വിലയിൽ എന്തു സംഭവിക്കും? ഇപ്പോഴത്തെ വില കുതിപ്പിന് പിന്നിലെന്ത് ? തുടങ്ങി കാര്യങ്ങൾ വിശകലനം ചെയ്ത സ്റ്റോറിയും പ്രീമിയം പ്രസിദ്ധീകരിച്ചു. തിരഞ്ഞെടുപ്പിനോടനുബന്ധിച്ച് കള്ളപ്പണവും മദ്യവും വലിയ ചർച്ചയാകാറുണ്ട്. 2019 ലോക്സഭാ തിരഞ്ഞെടുപ്പിൽ മേയ് 20 വരെ രാജ്യത്താകമാനം പിടിച്ചെടുത്ത 3456 കോടിയുടെ മൂല്യമുള്ള പണം, ലഹരിമരുന്ന്, മദ്യം, സ്വർണം, വെള്ളി തുടങ്ങിയ വസ്തുക്കളാണ്. 2024 ലോക്സഭാ തിരഞ്ഞെടുപ്പിന് മുന്നോടിയായും പരിശോധനകള്‍ ശക്തമാക്കിയിട്ടുണ്ട്. പിടിച്ചെടുത്ത വസ്തുക്കളെ കണക്കുകളും ഇപ്പോഴത്തെ ചില പരിശോധനാ റിപ്പോർട്ടുകളും വിലയിരുത്തുന്ന പ്രീമിയം സ്റ്റോറി ട്രെന്റിങ്ങായിരുന്നു.
ജമ്മുവിൽ ബിജെപിക്ക് അണക്കെട്ടും ‘ആയുധം’: ഇന്ത്യയിലെ വെള്ളം കുടിച്ച് പാക്ക് തീവ്രവാദം വളർത്തേണ്ട! ഇത് മോദിയുടെ ‘ഡാം സ്ട്രൈക്ക്’

‘രക്തവും വെള്ളവും ഒരുമിച്ച് ഒഴുകില്ല’ രാജ്യതലസ്ഥാനത്ത് കേന്ദ്രജല മന്ത്രാലയത്തിലെ ഉന്നത ഉദ്യോഗസ്ഥരുമായുള്ള ചർച്ചയ്‌ക്കെത്തിയ പ്രധാനമന്ത്രി നരേന്ദ്ര മോദി ആമുഖമായി പറഞ്ഞ വാക്കുകൾ. 2016 സെപ്റ്റംബർ 26ന് യോഗത്തിലെത്തിയ ഉദ്യോഗസ്ഥർക്കെല്ലാം ഈ വാക്കുകളുടെ അർഥം വേഗത്തിൽ മനസ്സിലായി. കാരണം ജമ്മു കശ്മീരിലെ ഉറി ഭീകരാക്രമണത്തിൽ 19 ഇന്ത്യൻ സൈനികർ വീരമൃത്യു വരിച്ചിട്ട് പത്ത് ദിനങ്ങൾ തികയുന്ന ദിവസമാണ് പ്രധാനമന്ത്രി മോദി യോഗം വിളിച്ചത്. പ്രധാനമന്ത്രിക്കൊപ്പം ദേശീയ സുരക്ഷാ ഉപദേഷ്ടാവ് അജിത് ഡോവൽ, വിദേശകാര്യ സെക്രട്ടറി എസ്. ജയശങ്കർ എന്നിവരും പങ്കെടുത്തതോടെ പാക്കിസ്ഥാനുള്ള ഇന്ത്യയുടെ മറുപടി ജലം ഉപയോഗിച്ചാവും എന്ന അഭ്യൂഹം ഉയര്‍ന്നു. 1960ൽ ഇന്ത്യയും പാക്കിസ്ഥാനും ഒപ്പുവച്ച സിന്ധു നദീജല കരാറിൽനിന്ന് ഇന്ത്യ ഏകപക്ഷീയമായി പിന്മാറും എന്നായിരുന്നു പ്രചരിച്ച വാർത്തകൾ. ഭീകരതയില്ലാത്ത സമാധാന അന്തരീക്ഷത്തിൽ മാത്രമേ കരാറുകൾ പാലിക്കാനാവൂ എന്ന സന്ദേശം യോഗത്തില്‍ കൈക്കൊണ്ടുവെന്ന വാർത്ത പുറത്തുവന്നത് പ്രചാരണത്തിന് ബലം നൽകി. ഡൽ‍ഹിയിൽ ഈ യോഗം കഴിഞ്ഞു മൂന്ന് ദിവസങ്ങൾക്കകമായിരുന്നു ഇന്ത്യയുടെ സർജിക്കൽ സ്ട്രൈക്ക്. ഉറിയില്‍ ഇന്ത്യയ്‌ക്കേറ്റ മുറിവിനുള്ള മറുപടി അതിർത്തി കടന്നുള്ള തിരിച്ചടി എന്ന് ലോകം അറിഞ്ഞു. ഇതോടെ കേന്ദ്ര ജല മന്ത്രാലയത്തിലെ ചർച്ചയ്ക്കു നൽകിയ പരിഗണന മാധ്യമങ്ങളടക്കം അവസാനിപ്പിച്ചു. എന്നാൽ 2024 ഫെബ്രുവരി അവസാന വാരം, പാക്കിസ്ഥാനിലേക്ക് ഒഴുകുന്ന രവി നദിയിലെ ജലം ഇന്ത്യ പൂർണമായും തടഞ്ഞു എന്ന റിപ്പോർട്ട് പുറത്തുവന്നു. രവി നദിയിൽ ഇന്ത്യ നിർമിച്ച ഷാഹ്പുർകാണ്ടി അണക്കെട്ടിന്റെ നിർമാണം പൂർത്തിയായി എന്ന തലക്കെട്ടിലായിരുന്നു ആ റിപ്പോർട്ട്. പതിറ്റാണ്ടുകളായി ഇഴഞ്ഞു നീങ്ങിയ പദ്ധതിക്ക് കേന്ദ്രം ഇടപെട്ട് പുതുവേഗം നൽകിയതോടെയാണ് ഇത് സാധ്യമായതെന്നും അവകാശവാദമുയർന്നു. ഈ അണക്കെട്ടിന്റെ നിർമാണം ലോക്സഭാ തിരഞ്ഞെടുപ്പു പ്രചാരണത്തിലും ബിജെപി ആയുധമാക്കി.
പരീക്ഷിച്ചത് മീനുകളിൽ! കേന്ദ്രം കണ്ണടച്ചു, പ്രധാനമന്ത്രിക്ക് പരാതി നൽകിയിട്ടും രാംദേവ് ‘പരസ്യ’മായി രംഗത്ത്: ശിക്ഷയെന്ത്?

സുപ്രീംകോടതിയിൽനിന്ന് തുടരെത്തുടരെ പ്രഹരമേറ്റുവാങ്ങിക്കൊണ്ട് വാർത്തകളിൽ നിറയുകയാണ് ബാബാ രാംദേവും അദ്ദേഹത്തിന്റെ ഉടമസ്ഥതയിലുള്ള പതഞ്ജലി ആയുർവേദയും. തെറ്റിദ്ധരിപ്പിക്കുന്ന പരസ്യങ്ങൾ മാധ്യമങ്ങളിൽ പ്രസിദ്ധീകരിച്ചതുമായി ബന്ധപ്പെട്ട കേസിലാണ് രാംദേവിനെയും പതഞ്ജലി എംഡി ആചാര്യ ബാലകൃഷ്ണയെയും കോടതി വിമർശിച്ചിരിക്കുന്നത്. അതും രൂക്ഷമായ ഭാഷയിൽ. മാപ്പു പറഞ്ഞ് തടിയൂരാൻ രാംദേവും ബാലകൃഷ്ണയും ശ്രമിച്ചെങ്കിലും വിടാതെ പിടികൂടിയിരിക്കുകയാണ് കോടതി. യോഗ ഗുരുവെന്ന് ഇന്ത്യയൊട്ടാകെ സൃഷ്ടിച്ചെടുത്ത പ്രതിച്ഛായയിൽനിന്ന് രാംദേവ് പടുത്തുയർത്തിയ ‘പതഞ്ജലി’ എന്ന ബ്രാൻഡ് വിവാദത്തിൽപ്പെട്ടത് എങ്ങനെയാണ്? പതഞ്ജലിയും ഇന്ത്യൻ മെഡിക്കൽ അസോസിയേഷനും (ഐഎംഎ) തമ്മിലുള്ള പ്രശ്നമെന്താണ്? എന്തിനായിരുന്നു പതഞ്ജലിക്ക് സുപ്രീംകോടതിയുടെ രൂക്ഷവിമർശനമേറ്റത്? കേസ് തിരിച്ചടിച്ചാൽ എന്തു ശിക്ഷയാണ് ബാബാ രാംദേവിനെയും ബാലകൃഷ്ണയെയും കാത്തിരിക്കുന്നത്? വിശദമായിട്ടറിയാം.
നിർമലയുടെ ‘നോ’യും പിടിച്ചെടുത്ത 3,456,22,00,000 രൂപയും; മഞ്ജു വാരിയരെ തമിഴ്‍നാട്ടിൽ ‘വളഞ്ഞതും’ വെറുതെയല്ല!

തിരഞ്ഞെടുപ്പിൽ മത്സരിക്കാനുള്ള പാർട്ടി ടിക്കറ്റിന് നേതാക്കൾ പലവഴികൾ പയറ്റിനോക്കുമ്പോഴാണ് ധനമന്ത്രി നിർമല സീതാരാമനെ ബിജെപി ദേശീയ അധ്യക്ഷൻ ജെ.പി.നഡ്ഡ വിളിക്കുന്നത്. തമിഴ്നാട്, ആന്ധ്രപ്രദേശ് ഈ രണ്ട് സംസ്ഥാനങ്ങളിലെ ഏത് സീറ്റിൽ മത്സരിക്കാനാണ് ആഗ്രഹം എന്നായിരുന്നു ചോദ്യം. ഒരാഴ്ചയെടുത്ത് ആലോചിച്ച ശേഷം എവിടെ നിന്നും മത്സരിക്കാൻ താൽപര്യമില്ലെന്ന മറുപടിയാണ് നിർമല നൽകിയത്. എന്തുകൊണ്ട് ഇങ്ങനെ ഒരു തീരുമാനമെടുത്തത് എന്നതിനുള്ള മറുപടിയും കേന്ദ്ര ധനമന്ത്രി വൈകാതെ മാധ്യമങ്ങളോട് പറഞ്ഞു. തിരഞ്ഞെടുപ്പിൽ ചെലവഴിക്കാനുള്ള ഭാരിച്ച തുക തന്റെ കൈവശം ഇല്ലാത്തതാണ് മത്സരത്തിന് ഇറങ്ങാതിരിക്കാനുള്ള പ്രധാന കാരണം. തിരഞ്ഞെടുപ്പിലെ ജയപരാജയ സാധ്യതകൾക്കും മുകളിൽ കേന്ദ്ര ധനമന്ത്രിയുടെ കണ്ണുകൾ എന്തുകൊണ്ടാവും തിരഞ്ഞെടുപ്പ് ചെലവിൽ പതിഞ്ഞത്? ഒരുപക്ഷേ ഇതിനുള്ള ഉത്തരമാണ് 3456.22 കോടി രൂപയുടെ കണക്ക്. 2019ല്‍ ഇന്ത്യയിൽ നടന്ന പൊതു തിരഞ്ഞെടുപ്പിൽ കേന്ദ്ര തിരഞ്ഞെടുപ്പ് കമ്മിഷൻ നടത്തിയ പരിശോധനയിൽ രേഖകളില്ലാതെ കണ്ടെടുത്ത പണം, മദ്യം, ലഹരിമരുന്ന്, സ്വർണം തുടങ്ങിയവയുടെ മൊത്തം മൂല്യമാണിത്. ഇതിൽ മറ്റൊരു കൗതുകവുമുണ്ട്. 2014ൽ രാജ്യത്ത് പൊതു തിര‍ഞ്ഞെടുപ്പ് നടത്താൻ സർക്കാരിന് ചെലവായ തുകയുടെ 90 ശതമാനത്തിന് തുല്യമാണിത്. ഓരോ സ്ഥാനാർഥിയും തിരഞ്ഞെടുപ്പ് പ്രചാരണത്തിന് ചെലവഴിക്കേണ്ട തുകയ്ക്ക് മണ്ഡലങ്ങളുടെ അടിസ്ഥാനത്തിൽ മുൻകൂട്ടി പരിധി നിശ്ചയിച്ചിട്ടുണ്ടെങ്കിലും (95 ലക്ഷം രൂപ) ആ തുക ഒന്നിനും തികയില്ലെന്നത് ഏവർക്കും അറിയാവുന്ന രഹസ്യമാണ്.
മഞ്ഞളൊഴിച്ച് തെളിവ് മായ്ക്കാൻ പാർട്ടി റെഡി; ബോംബിനെ പടക്കമാക്കുന്ന കണ്ണൂരിലെ ‘പ്രത്യേക ആക്‌ഷൻ’

എത്ര നിർവീര്യമാക്കിയാലും പൊട്ടിത്തെറിക്കുകയാണു കണ്ണൂരിലെ നാടൻ ബോംബുകൾ. ചോറ്റുപാത്രങ്ങളിലും ഐസ്ക്രീം ബോളുകളിലും വരെ വെടിമരുന്നു കുത്തിനിറച്ചു പൊട്ടിച്ച കക്ഷിരാഷ്ട്രീയം ഇരകളാക്കിയവരിൽ, രക്തസാക്ഷികളെന്നു മലയാളത്തിൽ പറയാൻ പോലുമറിയാത്ത അതിഥിത്തൊഴിലാളികളുണ്ട്. കൈകാലുകൾ നഷ്ടപ്പെട്ടവരിലും കണ്ണു നഷ്ടപ്പെട്ടവരിലും പിഞ്ചു കുഞ്ഞുങ്ങളുണ്ട്. 1998 മുതൽ 2024 വരെയുള്ള കണക്കെടുത്താൽ, നിർമാണത്തിനിടെ നാടൻ ബോംബ് പൊട്ടിത്തെറിച്ച് 10 പേരാണു കണ്ണൂരിൽ കൊല്ലപ്പെട്ടത്. നിഷ്കളങ്കരുടെ ജീവനും ജീവിതവുമെടുത്ത്, സ്റ്റീൽ മൊന്തകളിലും ഐസ്ക്രീം ബോളുകളിലുമെല്ലാം ‘ഒളിച്ചിരുന്ന്’ പൊട്ടിത്തെറിക്കുകയാണ് നാടൻ ബോംബുകൾ. ആക്രി പെറുക്കി ജീവിച്ചവർ മുതൽ, പ്ലാസ്റ്റിക് ബോൾ പന്താണെന്നു കരുതി തട്ടിക്കളിച്ച പിഞ്ചു കുഞ്ഞുങ്ങൾ വരെ ഇരകളായിട്ടുമുണ്ട് ബോംബ് രാഷ്ട്രീയത്തിന്. 2021ൽ ഇരിട്ടിയിൽ പന്താണെന്നു കരുതി നാടൻ ബോംബ് തട്ടിക്കളിക്കുന്നതിനിടെ പൊട്ടിത്തെറിച്ചു സാരമായി പരുക്കേറ്റത് അന്ന് അഞ്ചും ഒന്നരയും വയസുള്ള 2 കുട്ടികൾക്കാണ്. അക്കൊല്ലം നവംബറിൽ പാലയാട് നരിവയലിനു സമീപം ‘ഡയറ്റ്’ ലേഡീസ് ഹോസ്റ്റൽ വളപ്പിൽ കളിക്കുന്നതിനിടയിൽ കിട്ടിയ ഐസ്ക്രീം ബോംബ് പന്ത് ആണെന്നു കരുതി എറിഞ്ഞപ്പോൾ പൊട്ടിത്തെറിച്ച് 12 വയസ്സുകാരനു പരുക്കേറ്റു. വിവാഹപ്പാർട്ടികളെയും ബോംബ് വിട്ടില്ല.
25,000 ടൺ! ഇന്ത്യൻ വീടുകളിൽ ‘സ്വർണഖനി’; ഇനിയും വില കൂടും; ‘കരുതലോടെ’ കേന്ദ്രവും; ആരാണീ വിലയിടുന്നത്?

‘എങ്ങോട്ടാ ഈ പോക്ക് എന്റെ പൊന്നേ!’ അടിക്കടി കയറുന്ന സ്വർണവില കണ്ട് മലയാളി തലയിൽ കൈവച്ചു ചോദിക്കുന്ന ചോദ്യമാണിത്. ഒരു പവൻ സ്വർണത്തിന് 52,000 രൂപയും കടന്നു കുതിക്കുകയാണ് സ്വർണവില. ഏപ്രിൽ 6ന് സ്വർണ നിരക്ക് ഗ്രാമിന് 6535 രൂപയും പവന് 52,280 രൂപയുമായിരുന്നു. ഏപ്രിൽ 8ന് ഗ്രാമിന് 6565 രൂപയായിരിക്കുന്നു, പവന് 52,520 രൂപയും. എന്തുകൊണ്ടാണ് സ്വർണത്തിന് പെട്ടെന്ന് ഇത്രയും കുതിപ്പ്? രാജ്യാന്തര വിപണിയിൽ സ്വർണവിലയിലുണ്ടാകുന്ന വർധനയാണ് അതിനു കാരണമായി പറയുന്നത്. രാജ്യാന്തര വിപണിയിൽ സ്വർണവില ട്രോയ് ഔൺസിന് 2328 ഡോളറിൽ എത്തിയപ്പോഴാണ് കേരളത്തിൽ പവന് 52,000 രൂപ കടന്നത്. കഴിഞ്ഞ ഒരു വർഷത്തിനിടെ സ്വർണവിലയിൽ 17% വർധനയാണുണ്ടായത്. 2023 ഏപ്രിൽ 6ന് ഗ്രാമിന് 5590 രൂപയും പവന് 44,720 രൂപയുമായിരുന്നു. ഒരു വർഷത്തിനിടെ വർധിച്ചത് പവന് 7560 രൂപയും ഗ്രാമിന് 945 രൂപയും. രാജ്യാന്തര സ്വർണവിലയിൽ ഇക്കാലയളവിൽ 350 ഡോളറിലധികം വർധനയുണ്ടായി. രൂപയുടെ വിനിമയ നിരക്കിലും ഒരു രൂപയ്ക്കടുത്ത് ഇടിവുണ്ടായി. എല്ലാ തരത്തിലും സുരക്ഷിത നിക്ഷേപമായി മാറുകയാണോ സ്വർണം? വില എത്ര വരെ കൂടാനാണ് സാധ്യത?
മോദി സർക്കാരിനെ വീഴ്ത്താൻ ‘5 ന്യായം’; ഇത്രയും ലക്ഷം കോടി കോണ്‍ഗ്രസ് എവിടെനിന്നുണ്ടാക്കും? മറന്നോ, മൻമോഹൻ പറഞ്ഞത്!

ലോക്സഭാ തിരഞ്ഞെടുപ്പിൽ ജയിച്ച് എങ്ങനെയും അധികാരം തിരിച്ചുപിടിക്കണമെന്നാഗ്രഹിക്കുന്ന കോൺഗ്രസിന്റെ പ്രകടനപത്രിക കഴിഞ്ഞദിവസം ഡൽഹിയിൽ പുറത്തിറക്കി. 10 വർഷമായി അധികാരത്തിനു പുറത്തുനിൽക്കുന്ന പാർട്ടിക്ക് ഭൂരിപക്ഷമോ, അതു പറ്റിയില്ലെങ്കിൽ ശക്തമായ പ്രതിപക്ഷമെന്ന നിലയിൽ നരേന്ദ്ര മോദിയുടെയും അമിത് ഷായുടെയും കടന്നാക്രമണത്തെ പ്രതിരോധിക്കാൻ വേണ്ടത്ര സീറ്റുകളോ കിട്ടിയേ തീരൂ. അതിനുവേണ്ടി പരമാവധി വോട്ടർമാരെ ആകർഷിക്കുന്നതിന് അൽപസ്വൽപം അതിരുവിട്ട വാഗ്ദാനങ്ങളും ക്ഷമിച്ചുകളയാം. പക്ഷേ, അതാണോ ഈ പ്രകടനപത്രികയിലുള്ളത്? രാജ്യത്തിന്റെ സാമ്പത്തികസ്ഥിതിയും വിഭവശേഷിയും കണക്കിലെടുത്താണോ രാഹുൽ ഗാന്ധിയും പാർട്ടി അധ്യക്ഷൻ മല്ലികാർജുൻ ഖർഗെയും മുൻ ധനമന്ത്രികൂടിയായ പി.ചിദംബരവും അത് വോട്ടർമാർക്കു മുന്നിൽ വയ്ക്കുന്നത്? അത്യാകർഷകങ്ങളായ 25 വാഗ്ദാനങ്ങളാണ് കോൺഗ്രസ് നേതൃത്വം വോട്ടർമാർക്ക് മുന്നിൽ വയ്ക്കുന്നത്. ഇവ കർഷക ന്യായം, തൊഴിലാളി ന്യായം, സമത്വ ന്യായം, യുവന്യായം, വനിതാ ന്യായം എന്നിങ്ങളെ 5 വിഭാഗങ്ങളിലായി സംഗ്രഹിച്ചിരിക്കുന്നു. ഹിന്ദിയിലെ ന്യായത്തിന് മലയാളത്തിൽ നീതി എന്ന് പറയാം. ഈ വിഭാഗങ്ങളോടു നീതിപുലർത്തി വോട്ടുപെട്ടി നിറച്ചാൽ അധികാരത്തിൽ തിരിച്ചെത്താമെന്ന് പാർട്ടി പ്രത്യാശിക്കുന്നു.
ബോണ്ടിൽ വീഴാത്ത ‘ഇടതൻമാർ’; മോദി പറഞ്ഞ രണ്ടക്കമെത്ര?; എങ്ങനെ മറക്കും ആ കുഞ്ഞെഴുതിയത്!

തിരഞ്ഞെടുപ്പിലേക്ക് അടുക്കുന്തോറും രാഷ്ട്രീയ ചർച്ചകൾ പുതിയ ഉയരം തേടുകയാണ്. രണ്ടുപേർ തമ്മിൽ കണ്ടാൽ പോലും ആദ്യം സംസാരിക്കുന്നത് ചൂടിനെ കുറിച്ചും നാട്ടിലെ രാഷ്ട്രീയത്തെ കുറിച്ചുമാവും. ഇതുകൊണ്ടാവാം വാർത്തകളുടെ വായനയിലും രാഷ്ട്രീയ വിഷയങ്ങൾ മുന്നിൽ നിൽക്കുന്നത്. ഇത്തരം വാർത്തകളിൽ അഭിപ്രായങ്ങൾ രേഖപ്പെടുത്തുന്നവരും അതിന് മറുപടി നൽകുന്നവരും ഏറെയാണ്. കഴിഞ്ഞയാഴ്ച മനോരമ ഓൺലൈൻ പ്രീമിയത്തിൽ ദേശീയ രാഷ്ട്രീയത്തെ കുറിച്ചും കേരളരാഷ്ട്രീയത്തെ കുറിച്ചുമുള്ള റിപ്പോർട്ടുകൾക്ക് മികച്ച സ്വീകാര്യതയാണ് ലഭിച്ചത്. ഇലക്ടറൽ ബോണ്ടിൽ എന്തുകൊണ്ടാണ് ഇടതുപാർട്ടികളുടെ പേരുകള്‍ വരാതിരുന്നത് മറ്റു വഴികളിലൂടെ സംഭാവനകൾ ഇടത് പാർട്ടികൾക്ക് ലഭിക്കുന്നുണ്ടോ എന്ന റിപ്പോർട്ടിന് വായനക്കാരുടെ ഭാഗത്ത് നിന്നും മികച്ച പ്രതികരണമാണുണ്ടായത്. ഇതുപോലെ വയനാട് മണ്ഡലത്തിൽ എൻഡിഎ സ്ഥാനാർഥിയായി എത്തിയ ബിജെപി സംസ്ഥാന അധ്യക്ഷനുമായി നടത്തിയ അഭിമുഖവും പ്രീമിയം പ്രസിദ്ധീകരിച്ചിരുന്നു. കേരളത്തിൽ ബിജെപി ലക്ഷ്യം വയ്ക്കുന്ന കാര്യങ്ങളിലേക്കും അഭിമുഖത്തിൽ കെ. സുരേന്ദ്രൻ മനസ്സുതുറന്നിരുന്നു.
‘ഭായി’മാരെ ഭയന്ന് ടിടിഇമാർ, പിഴപ്പണമെണ്ണി സന്തോഷിച്ച് റെയില്‍വേ; ശുചിമുറിയിൽ പലകയുമായി ഒരുമിച്ച് 5 പേർ!

തൃശൂരിൽ ഇതരസംസ്ഥാന തൊഴിലാളി ടിക്കറ്റ് പരിശോധകൻ (ടിടിഇ) കെ. വിനോദിനെ ട്രെയിനിൽനിന്ന് തള്ളിയിട്ട് കൊലപ്പെടുത്തിയത് അറിഞ്ഞപ്പോൾ ഞെട്ടാതിരുന്നത് ടിടിഇമാരാണെന്ന് പറഞ്ഞാൽ ആരെങ്കിലും വിശ്വസിക്കുമോ? ഇന്നല്ലെങ്കിൽ നാളെ ഈ അവസ്ഥയുണ്ടാവുമെന്ന് പ്രതീക്ഷിച്ചാണ് കഴിഞ്ഞ കുറച്ച് വർഷങ്ങളായി ഇവർ ജോലി ചെയ്യുന്നത്. 2000ത്തിന്റെ ആദ്യ നാളുകളിൽ ഭയന്ന കണ്ണുകളുമായി ട്രെയിനിൽ ആലുവ സ്റ്റേഷൻ ലക്ഷ്യമാക്കി എത്തിയ ‘ഭായി’മാരല്ല ഇന്നുള്ളത്. സംഘങ്ങളായി ലഹരിയിൽ മയങ്ങി എത്തുന്നവർ ട്രെയിനുകളിൽ ഉണ്ടാക്കുന്ന പ്രശ്നങ്ങൾ ചില്ലറയല്ല. എന്നാൽ ഇവർ ടിക്കറ്റ് എടുക്കാതെ യാത്ര ചെയ്യാൻ ആഗ്രഹിക്കുന്നവരല്ലെന്നും ഒരു വിഭാഗം ടിടിഇമാർ പറയുന്നു. ജനറൽ കോച്ചിലെ ടിക്കറ്റുമായി സ്ലീപ്പറിൽ കയറുന്ന ഭായിമാരെ പിഴ ഈടാക്കി പിഴിഞ്ഞെടുക്കുന്ന റെയിൽവേ ആ പണത്തിൽ കണ്ണുവയ്ക്കുമ്പോൾ മറക്കുന്ന ചിലതുണ്ട്. ആഴ്ചകൾക്കു മുൻപേതന്നെ ടിക്കറ്റെടുത്ത് സുഖയാത്ര പ്രതീക്ഷിച്ച് എത്തുന്ന യാത്രക്കാരെയും, അവർക്ക് മികച്ച സേവനം നൽകാൻ നിയോഗിച്ചിട്ടുള്ള ടിടിഇമാരെയും അവരുടെ സുരക്ഷയേയും.
മോദിയുടെ സന്ദർശനം, ബിജെപിയുടെ ‘മഹാ’ തന്ത്രം: ആ ചിഹ്നം പാർട്ടി മാറി: ഒരൊറ്റ സീറ്റിന് എന്തിനിത്ര പോര്?

2024 ജനുവരി ആദ്യവാരം. അപ്രതീക്ഷിതമായി ലക്ഷദ്വീപിൽ പ്രധാനമന്ത്രി നരേന്ദ്ര മോദിയുടെ സന്ദര്‍ശനം. കടൽക്കാറ്റേറ്റ് ഇരിക്കുന്ന ഒരു ചിത്രത്തിനൊപ്പം അദ്ദേഹം ഏതാനും വരികളും സമൂഹമാധ്യമത്തിൽ കുറിച്ചു: ‘എന്തു മനോഹരമാണ് ഈ ദ്വീപസമൂഹം’! ലക്ഷദ്വീപിന്റെ മനോഹാരിതയിൽ മയങ്ങിയിരിക്കുന്ന മോദിയുടെ ചിത്രത്തിനു പിന്നാലെ വിവാദം പൊട്ടിപ്പുറപ്പെട്ടത് അങ്ങ് മാലദ്വീപിലായിരുന്നു. നയതന്ത്ര ബന്ധം ഉലഞ്ഞതോടെ ‘ഇനിയാരും മാലദ്വീപിലേക്കു പോകരുത് പകരം ലക്ഷദ്വീപിലേക്ക് വരൂ’ എന്ന് മോദി ഇന്ത്യക്കാരോട് പറയാതെ പറഞ്ഞതായിരുന്നു ആ പോസ്റ്റ് എന്ന അഭിപ്രായവും ഉയർന്നു. മോദിയെ വിമർശിച്ച മാലദ്വീപ് മന്ത്രിമാരുടെ സ്ഥാനം വരെ തെറിച്ചു. ഇത്തരത്തിൽ ലക്ഷദ്വീപിൽനിന്നുയര്‍ന്ന ‘തിര’ ആഞ്ഞടിച്ചത് മാലദ്വീപിലായിരുന്നെങ്കില്‍, മറ്റൊരു സൂനാമി ഈ ദ്വീപസമൂഹത്തിലെ ഒരു വിഭാഗത്തിനെ കാത്തിരിപ്പുണ്ടായിരുന്നു. ആ സൂനാമിയുടെ പ്രഭവ കേന്ദ്രം മഹാരാഷ്ട്രയായിരുന്നു. അതിനു ചുക്കാൻ പിടിച്ചതാകട്ടെ ബിജെപിയും. അവിടെ എന്‍സിപിയെ ബിജെപി പിളർത്തി ശരദ് പവാർ, അജിത് പവാർ വിഭാഗങ്ങളാക്കിയപ്പോൾ ഞെട്ടിയത് ലക്ഷദ്വീപിലെ എൻസിപി പ്രവർത്തകരായിരുന്നു. അവിടുത്തെ എൻസിപിയുടെ സിറ്റിങ് എംപിക്ക് സ്വന്തം ചിഹ്നം പോലും നഷ്ടമാകുന്ന വിധത്തിലായിരുന്നു മഹാരാഷ്ട്രയിലെ തിരിച്ചടി.
‘ആ പെൺകുട്ടിക്ക് മുന്നിൽ അയാളുടെ നോട്ടം മാറി’: എന്നവസാനിക്കും ‘ജനറൽ കോച്ച്’ ദുരന്തം? ടിടിഇക്കു പോലുമില്ല സുരക്ഷ

പതിമൂന്ന് വർഷങ്ങൾക്കു മുൻപൊരു വൈകുന്നേരം. കൃത്യമായി പറഞ്ഞാൽ 2011 ഫെബ്രുവരി ഒന്ന്. എറണാകുളത്തുനിന്നു സൗമ്യ എന്ന ഇരുപത്തിമൂന്നുകാരി എറണാകുളം - ഷൊർണൂർ പാസഞ്ചർ ട്രെയിനിൽ കയറി. പിറ്റേന്ന് നടക്കേണ്ട പെണ്ണുകാണൽ ചടങ്ങിനപ്പുറം ഭാവി ജീവിതം സ്വപ്നം കണ്ടൊരു യാത്ര. ആ യാത്രയ്ക്ക് ഒടുവിൽ ട്രെയിൻ ഷൊർണൂർ സ്റ്റേഷനിലേയ്ക്ക് എത്തുമ്പോൾ ആളൊഴിഞ്ഞ ലേഡീസ് കംപാർട്ട്‌മെന്റിൽ അവശേഷിച്ചത് അവളുടെ മുടിയിഴയിൽ നിന്ന് കൊഴിഞ്ഞുവീണ രണ്ടു ക്ലിപ്പുകൾ മാത്രം. നടുക്കത്തിന്റെ ആറു നാളുകൾക്കപ്പുറം അവൾ വീട്ടിലേക്കെത്തുമ്പോൾ ഉയർന്നത് കൂട്ടനിലവിളിയായിരുന്നു. മാസങ്ങൾക്കപ്പുറം കതിർമണ്ഡപത്തിലേയ്‌ക്കു കാലെടുത്ത വയ്‌ക്കേണ്ട അവൾ ചേതനയറ്റ് എത്തിയത് ഉറ്റവരോട് അവസാനയാത്ര പറയാനായിരുന്നു. കേരളത്തിൽ കോളിളക്കം സൃഷ്ടിച്ച സൗമ്യകേസിനു ശേഷം റെയിൽവേ പാഠം പഠിച്ചോ? പഠിച്ചിരുന്നെങ്കിൽ സമാനമായൊരു നിലവിളി മഞ്ഞുമ്മൽ മൈത്രി നഗറിൽ നിന്ന് ഇന്നലെ ഉയരില്ലായിരുന്നു. ടിക്കറ്റില്ലായാത്ര തടഞ്ഞപ്പോൾ യാത്രക്കാരൻ ട്രെയിനിൽ നിന്ന് തള്ളിയിട്ട് കൊലപ്പെടുത്തിയ ടിടിഇ കെ.വിനോദും ഒരു കുടുംബത്തിന്റെ അത്താണി ആയിരുന്നു. ഏപ്രിൽ രണ്ടിന് വൈകിട്ട് 6.45ന് എറണാകുളം– പട്ന എക്സ്പ്രസിലായിരുന്നു സംഭവം. ടിക്കറ്റ് ചോദിച്ച ടിടിഇയെ തൃശൂർ മുളങ്കുന്നത്തുകാവ് സ്റ്റേഷനു സമീപം പ്രതി ട്രെയിനിനു പുറത്തേയ്ക്കു തള്ളിയിടുകയായിരുന്നു. പ്രതി ഒഡീഷ ഗഞ്ചാം ബഡഗോച്ച സ്വദേശി രജനികാന്ത രണജിത്തിനെ (42) കസ്റ്റഡിയിലെടുത്തെങ്കിലും ബാക്കിയാകുന്ന ചോദ്യങ്ങൾ ഏറെ. യാത്രക്കാർക്കും സ്വന്തം ജീവനക്കാർക്കും പോലും സുരക്ഷ ഒരുക്കാനാകാത്ത നിലയിലാണോ റെയിൽവേ?
അരികിൽ നിന്ന് അരങ്ങത്തേയ്ക്ക് ‘സിഎം മാഡം’: അതിഷി ‘വെളിപ്പെടുത്തിയത്’ കേജ്‌രിവാളിന്റെ പിൻഗാമിയെ?

‘താങ്ക് യു സുനിത, ഫോർ ആൾവേയ്സ് ബീയിങ് ദേർ’– 2015 ഫെബ്രുവരി 10ന് ഇന്ന് എക്സ് ആയി മാറിയ അന്നത്തെ ട്വിറ്ററിൽ ഡൽഹി മുഖ്യമന്ത്രി അരവിന്ദ് കേജ്‌രിവാൾ കുറിച്ചു വച്ച വാക്കുകളാണിത്. ഡൽഹി നിയമസഭാ തിര‍ഞ്ഞെടുപ്പിൽ 70 സീറ്റുകളിൽ 67ഉം നേടിയ ആം ആദ്മി പാർട്ടിയുടെ വിജയത്തിന് ശേഷമായിരുന്നു ഭാര്യയോടുള്ള കേജ്‌രിവാളിന്റെ നന്ദി പ്രകടനം. ഡൽഹിയുടെ രാഷ്ട്രീയ ലോകത്തേക്ക് ഭാര്യ സുനിതയെ കേജ്‌രിവാൾ ഔദ്യോഗികമായി പരിചയപ്പെടുത്തിയതും അങ്ങനെയായിരുന്നു. ആ നന്ദിപ്രകാശനം നടത്തിയിട്ട് ഇന്ന് 9 വർഷം കഴിഞ്ഞിരിക്കുന്നു. ആം ആദ്മി പാർട്ടിയിലും മുഖ്യമന്ത്രിപദത്തിലും കേജ്‌രിവാളിനു പകരം പറഞ്ഞു കേൾക്കുന്ന പേരുകളിൽ ഇന്നു സുനിതയുമുണ്ട്. കേജ്‌രിവാളിനു ജയിലിൽനിന്നു ഭരണം സാധ്യമല്ല എന്ന് ഭരണഘടനപ്രകാരം ഒരു വിധി വന്നാൽ ഡൽഹിയുടെ അടുത്ത സാധ്യതകൾ നീണ്ടു ചെല്ലുന്നത് സുനിതയിലേക്കാണ്. ‘‘കേജ്‌രിവാൾ ഒരു സിംഹമാണ്. അദ്ദേഹത്തെ അധികകാലം ജയിലിൽ ഇടാനാകില്ല’’ എന്നാണ് സുനിത കേജ്‌രിവാൾ ഇന്ത്യ മുന്നണിയുടെ പ്രതിഷേധ യോഗത്തിൽ പ്രസംഗിച്ചത്.
ചങ്കിടിപ്പിച്ച് കേന്ദ്രത്തിന്റെ കത്ത്: നിങ്ങളുടെ വളർത്തു നായയെ ഉപേക്ഷിക്കേണ്ടി വരുമോ? വരുമാനവും ഇടിയും

‘‘എന്തിനു വേണ്ടിയാണ് ഇങ്ങനെയൊരു തീരുമാനം?’’ ആ വാർത്ത കേട്ട നായ പ്രേമികൾ ഉൾപ്പെടെ പരസ്പരം ചോദിച്ചത് ഇങ്ങനെയാണ്. റോട്ട്‌വെയ്‌ലർ, പിറ്റ്ബുൾ ടെറിയർ, അമേരിക്കൻ ബുൾഡോഗ് തുടങ്ങിയ പരിചിത ഇനങ്ങൾ ഉൾപ്പെടെ ഇരുപതിലധികം നായകളുടെ ഇറക്കുമതിയും വിൽപനയും നിരോധിക്കാൻ കേന്ദ്ര സർക്കാർ നിർദേശം നൽകിയതായിരുന്നു വാർത്ത. ഈ വിഭാഗത്തിൽപ്പെട്ട നായകൾക്കു തദ്ദേശ സ്ഥാപനങ്ങൾ ലൈസൻസ് നൽകരുതെന്നും നിർദേശിച്ചിട്ടുണ്ട്. ഇതു സംബന്ധിച്ച് സംസ്ഥാനങ്ങൾക്ക് കത്തും അയച്ചു കേന്ദ്രം. എന്തുകൊണ്ടാണ് ഇത്തരത്തിലൊരു തീരുമാനം? അതന്വേഷിച്ചു പോയാൽ സംഭവം ‘കോടതി കയറും’. മനുഷ്യജീവന് അപകടമാകുന്ന നായകളെ നിരോധിക്കണമെന്ന ആവശ്യത്തിൽ തീരുമാനം എടുക്കാൻ കേന്ദ്ര സർക്കാരിനോട് ഡൽഹി ഹൈക്കോടതി നിർദേശിച്ചിരുന്നു. തുടർന്ന് കേന്ദ്ര മൃഗപരിപാലന കമ്മിഷണർ അധ്യക്ഷനായി ഒരു വിദഗ്ധ സമിതി രൂപീകരിച്ചു. ആ സമിതിയുടെ ശുപാർശ പ്രകാരമാണ് ഇപ്പോഴത്തെ നടപടി. നായകളുടെ ആക്രമണത്താൽ പൊതുജനങ്ങൾക്ക് പരുക്കേൽക്കുന്നതും മനുഷ്യർ മരിക്കുന്നതും വർധിച്ചതായി കണക്കിലെടുത്താണ് തീരുമാനമെന്നും കേന്ദ്രം സംസ്ഥാനങ്ങൾക്കയച്ച കത്തിൽ വ്യക്തമാക്കുന്നു. ഈ വാർത്ത പുറത്തുവന്നതോടെ മാനസിക പിരിമുറുക്കത്തിലായത് നായകളെ മക്കളെപ്പോലെ കരുതുന്ന അരുമപ്രേമികളാണ്. ഇവരിൽ ഭൂരിപക്ഷവും പ്രായമായവരുമാണ്. നാട്ടിൽ ഒറ്റയ്ക്ക് താമസിക്കുന്ന മുതിർന്ന പൗരന്മാരുടെ സുരക്ഷയ്ക്കും കവലിനും മിക്കവാറും വീടുകളിൽ ഉണ്ടാവുക റോട്ട്‌വെയ്‌ലർ ആയിരിക്കും. അതുകൊണ്ടുതന്നെ റോട്ട്‌വെയ്‌ലറിന്റെ നിരോധനം അക്ഷരാർഥത്തിൽ ഞെട്ടിച്ചത് അത്തരക്കാരെയാണ്. ‘എന്റെ കൊച്ചിനെ ഉപേക്ഷിക്കേണ്ടി വരുമോ’ എന്നു വേവലാതിപ്പെട്ട് നായ പരിപാലന മേഖലയുമായി ബന്ധപ്പെട്ടവരെ വിളിക്കുന്നവരുടെ എണ്ണവും ഏറുകയാണ്. യഥാർഥത്തിൽ ഇത്തരമൊരു നിരോധനം ഇന്ത്യയിൽ പ്രായോഗികമാണോ? സംസ്ഥാനങ്ങൾക്ക് ഇക്കാര്യത്തിൽ ഒന്നും ചെയ്യാനാകില്ലേ? എന്തെല്ലാമാണ് മറ്റു നിരോധനങ്ങൾ? വിശദമായറിയാം.
നരബലി തടയാമായിരുന്നു: എങ്ങനെ മറക്കും ആ കുഞ്ഞ് എഴുതിയത്: ലൈംഗിക കുറ്റവാളികളെ ‘തുറന്നു വിട്ടത്’ ആരാണ്?

കോഴിക്കോട് പേരാമ്പ്രയിൽ അനു എന്ന ഇരുപത്തിയാറുകാരിയെ മുട്ടറ്റംമാത്രം വെള്ളമുള്ള തോട്ടിൽ മരിച്ചനിലയിൽ കണ്ടത്തിയത് 2024 മാർച്ച് 11നാണ്. സംഭവം കൊലപാതകമാണെന്ന് സ്ഥിരീകരിച്ച പൊലീസ് ഒരാഴ്ചയ്ക്കുള്ളിൽ പ്രതിയെ പിടികൂടി. മലപ്പുറം വാഴക്കാട് സ്വദേശി മുജീബ് റഹ്മാൻ. ലിഫ്റ്റ് വാഗ്ദാനം ചെയ്ത് അനുവിനെ ബൈക്കിൽ കയറ്റിയ പ്രതി വഴിയിൽവച്ച് തോട്ടിലേയ്ക്ക് തള്ളിയിട്ട് വെള്ളത്തിൽ ചവിട്ടിത്താഴ്ത്തുകയായിരുന്നു. മരിച്ചെന്നുറപ്പിച്ചശേഷം അനുവിന്റെ ആഭരണങ്ങളുമായി പ്രതി കടന്നു. ഇയാളെ അറസ്റ്റുചെയ്ത ശേഷം മറ്റൊരു കാര്യം കൂടി പ‌ൊലീസ് പറഞ്ഞു. കൊലപാതകമുൾപ്പെടെ അൻപതിലേറെ കേസുകളിൽ പ്രതിയാണ് മുജീബ് റഹ്മാൻ. സ്ഥിരം കുറ്റവാളി! മുജീബ് റഹ്മാനിൽ തീർന്നില്ല, 2023ൽ ആലുവയിൽ അഞ്ചുവയസ്സുള്ള കുഞ്ഞിനെ ക്രൂരമായി പീഡിപ്പിച്ച് കൊലപ്പെടുത്തിയ കേസിലെ പ്രതി അസ്‌ഫാക് ആലം, തിരുവനന്തപുരം പേട്ടയിൽനിന്ന് രണ്ടുവയസ്സുകാരിയെ തട്ടിക്കൊണ്ടുപോയ ഹസൻകുട്ടി, ഇലന്തൂർ നരബലിക്കേസ് പ്രതി മുഹമ്മദ് ഷാഫി, 2023ൽ ആലുവയിൽ എട്ടുവയസ്സുകാരിയെ പീഡിപ്പിച്ച കേസിലെ പ്രതി തിരുവനന്തപുരം സ്വദേശി ക്രിസ്റ്റിൽ രാജ് തുടങ്ങിയ ഒട്ടേറെപ്പേർ പതിവ് കുറ്റവാളികളാണെന്ന് പൊലീസ് തന്നെ സാക്ഷ്യപ്പെടുത്തുന്നു. ഗുരുതര സ്വഭാവമുള്ള കുറ്റകൃത്യങ്ങൾ പതിവാക്കിയ ഇവർ വീണ്ടും വീണ്ടും തെറ്റുചെയ്യുന്നത് എന്തുകൊണ്ട് നമുക്ക് തടയാനാവുന്നില്ല? ഉത്തരം ലളിതമാണ്.
തിയറ്ററില്‍ ആടുജീവിതം, പുറത്ത് പൊള്ളുന്ന 'വോട്ടുജീവിതം'; ഫലം കണ്ട അഗ്നിയും 'സമരാഗ്നിയും'

ഏറെ കാത്തിരിപ്പിനൊടുവിൽ ചുട്ടുപൊള്ളിക്കുന്ന മണൽക്കാഴ്ചകളിലെ നജീബിന്റെ ജീവിതം സിനിമയായി തിയറ്ററിൽ നിറഞ്ഞോടുമ്പോൾ, സംവിധായകൻ ബ്ലസിയുടെ ഷൂട്ടിങ് ഓർമകൾ മനോരമ ഓൺലൈൻ പ്രീമിയം പ്രിയ വായനക്കാർക്ക് മുന്നിലെത്തിച്ചു. ആടുജീവിതം റിലീസ് ചെയ്ത ദിവസമാണ് ദൃശ്യവിരുന്നിന് പൂർണതയേകാനുള്ള ബ്ലസിയുെട പരിശ്രമങ്ങൾ പറഞ്ഞ പ്രീമിയം റിപ്പോർട്ട് പതിനായിരങ്ങളെ ആകർഷിച്ചത്. തിയറ്ററിനുള്ളിൽ ആടുജീവിതം പ്രേക്ഷകരെ കരയിപ്പിക്കുമ്പോൾ പുറത്ത് വിവിധ രാഷ്ട്രീയ പാർട്ടികളിലെ പ്രവർത്തകരും സ്ഥാനാർഥികളും വേനൽ ചൂടിൽ വിയർക്കുകയാണ്. പോയവാരം ഇന്ത്യൻ രാഷ്ട്രീയത്തിലേയും കേരള രാഷ്ട്രീയത്തിലും പ്രധാന സംഭവങ്ങൾ പ്രീമിയത്തിൽ സ്ഥാനം പിടിച്ചു. ഇവയിൽ ഏറ്റവും പ്രധാനം കേജ്‌രിവാളിന്റെ അറസ്റ്റിനെ തുടർന്നുണ്ടായ സംഭവങ്ങളാണ്. ഡൽഹിയിലെ രാഷ്ട്രീയം അറിയാൻ മലയാളികൾക്ക് താൽപ്പര്യം ഏറെയുണ്ടെന്ന് തെളിയിക്കുന്നതായിരുന്നു പ്രീമിയത്തിലെ റിപ്പോർട്ടുകൾക്ക് ലഭിച്ച സ്വീകാര്യത.
സുനിതയ്ക്കു പിന്നിലെ ചിത്രങ്ങളിൽ ‌നിർണായക സൂചന; കേജ്‌രിവാളിന് വീട്ടുതടങ്കൽ? ‘239എബി’ ആയുധമാക്കുമോ ബിജെപി?

അഴിമതിക്കെതിരെ രംഗത്തുവന്ന ആം ആദ്മി പാർട്ടിയുടെ (എഎപി) വളർച്ച അതിവേഗത്തിലായിരുന്നു. 2013 ഡിസംബറിൽ ആദ്യമായി അധികാരത്തിലെത്തിയ എഎപി 10 വർഷത്തിനുള്ളിലാണ് ദേശീയപാർട്ടി പദവി നേടിയെടുത്തത്. ഇന്നു ഡൽഹിയിലും പഞ്ചാബിലും ഭരണത്തിൽ. ഗോവ, ഗുജറാത്ത് തുടങ്ങിയ സംസ്ഥാനങ്ങളിൽ ശക്തമായ സാന്നിധ്യം. പക്ഷേ, അതികഠിനമായ ഒരു പ്രതിസന്ധിക്കു മുന്നിൽ പകച്ചു നിൽക്കുകയാണ് പാർട്ടി ഇന്ന്. നേതൃനിരയിലെ പ്രധാനപ്പെട്ട 3 പേരാണ് ജയിലിൽ. ജനങ്ങൾക്കിടയിൽ ആവേശം ജനിപ്പിക്കാൻതക്ക കരുത്തുറ്റ നേതാവ് ഇപ്പോൾ പാർട്ടിയിലില്ല. മദ്യനയക്കേസിൽ അകപ്പെട്ട മുഖ്യമന്ത്രി അരവിന്ദ് കേജ്‌രിവാളിന്റെ കസ്റ്റഡി ഏപ്രിൽ ഒന്നു വരെ നീട്ടിയിരിക്കുകയാണ് കോടതി. നിലവിൽ ജയിലിൽനിന്നാണ് അദ്ദേഹത്തിന്റെ ‘ഭരണം’. എന്നാൽ അതു സമ്മതിക്കില്ലെന്നും ഡല്‍ഹിയിൽ രാഷ്ട്രപതി ഭരണം ഏർപ്പെടുത്തുമെന്നുമുള്ള സൂചന നല്‍കിക്കഴിഞ്ഞു ലഫ്. ഗവർണർ വിനയ് കുമാർ സക്‌സേന. മുഖ്യമന്ത്രി സ്ഥാനവും കേജ്‌രിവാളിന്റെ ആവേശപ്രസംഗങ്ങളുമില്ലാതെ ലോക്സഭാ തിരഞ്ഞെടുപ്പുകാലത്ത് എഎപി എങ്ങനെ മുന്നോട്ടു പോകും? ഈ പ്രതിസന്ധിയെ മറികടക്കാൻ പാർട്ടിക്കു സാധിക്കുമോ?
നടപ്പാകില്ലെന്നറിഞ്ഞിട്ടും ബിജെപി എന്തിന് വ്യാജ വാഗ്ദാനം നൽകി? ത്രീ ഇഡിയറ്റ്സ് ‘നായകന്‍’ പറയുന്നു: അമിത് ഷായും സഹായിച്ചില്ല

താപനില മൈനസ് പത്തിലും താഴ്ന്നിട്ടും ലഡാക്കിന്റെ അന്തരീക്ഷത്തിൽ പ്രസരിക്കുന്നത് പ്രതിഷേധത്തിന്റെ ചൂടാണ്. കടുത്ത തണുപ്പിലും വിറയ്ക്കാതെ, ലഡാക്കിന്റെ നഷ്ടപ്പെട്ട ജനാധിപത്യവും പരിസ്ഥിതിയും തിരിച്ചുപിടിക്കാനായി മാര്‍ച്ച് ആറുമുതല്‍ 21 ദിവസത്തെ ‘കാലാവസ്ഥാ നിരാഹാര’ സമരത്തിലായിരുന്നു മഗ്‌സസേ പുരസ്‌കാര ജേതാവും കാലാവസ്ഥാ, വിദ്യാഭ്യാസ, സാമൂഹിക പ്രവര്‍ത്തകനുമായ സോനം വാങ്ചുക്. ‘ത്രീ ഇഡിയറ്റ്‌സെ’ന്ന ബോളിവുഡ് സിനിമയില്‍ ആമിര്‍ ഖാന്‍ അവതരിപ്പിച്ച ഫുന്‍സുക് വാങ്ഡു, തമിഴിലെ നന്‍പന്‍ സിനിമയിലെ വിജയുടെ കൊസാക്കി പസപുഗള്‍ എന്നീ കഥാപാത്രങ്ങള്‍ക്ക് പ്രചോദനമായ ഈ അന്‍പത്തിയേഴുകാരൻ നടത്തിയ നിരാഹാര സമരത്തിന് ലഡാക്കിൽ മാത്രമല്ല രാജ്യത്തുടനീളം പിന്തുണയുണ്ട്. സമുദ്രനിരപ്പിന് 3500 അടി ഉയരത്തില്‍... ഈ എല്ലു മരവിപ്പിക്കുന്ന തണുപ്പില്‍ എന്തിനുവേണ്ടിയാണ് വാങ്ചുക് നിരാഹാരമനുഷ്ഠിച്ചത്? പ്രധാനമായും രണ്ട് കാര്യങ്ങളാണ് വാങ്ചുക്കും ലഡാക്ക് ജനതയും കേന്ദ്രസര്‍ക്കാരിനോടും ലോകത്തോടും ആവശ്യപ്പെടുന്നത്. ഒന്ന് ലഡാക്ക് ജനതയുടെ ജനാധിപത്യ അവകാശങ്ങള്‍ സംരക്ഷിക്കുക. രണ്ട്, ലഡാക്കിന്റെ ദുർബലമായ പരിസ്ഥിതി സംരക്ഷിക്കുക. 2019ല്‍ ജമ്മുകശ്മീരിന്റെ പ്രത്യേകപദവി റദ്ദാക്കി കശ്മീരിനെയും ലഡാക്കിനെയും രണ്ട് കേന്ദ്രഭരണപ്രദേശങ്ങളാക്കി വിഭജിച്ചതിനുശേഷം തങ്ങളുടെ ജനാധിപത്യ അവകാശങ്ങള്‍ ഹനിക്കപ്പെട്ടതായി ലഡാക്ക് ജനത ആരോപിക്കുന്നു. ജനാധിപത്യ സംരക്ഷണത്തിനായി നാല് ആവശ്യങ്ങളാണ് വാങ്ചുക്കും കൂട്ടരും മുന്നോട്ടുവയ്ക്കുന്നത്.
‘ആപ്’ എംഎൽഎമാരെ മറുകണ്ടം ചാടിക്കാൻ ബിജെപി? കേജ്‌രിവാളിന്റെ പ്രതിച്ഛായ തകർത്ത ‘പ്രതികാരം’

ആദർശ രാഷ്ട്രീയത്തിന്റെ ബിംബമായി തിളങ്ങിയ ഡൽഹി മുഖ്യമന്ത്രി അരവിന്ദ് കേ‌ജ്‌രിവാളിനെ എൻഫോഴ്സ്മെന്റ് ഡയറക്ടറേറ്റ് (ഇഡി) അഴിമതിക്കേസിൽ അറസ്റ്റ് ചെയ്ത് ജയിലിലടച്ചിരിക്കുന്നു. പാർലമെന്റ് തിരഞ്ഞെടുപ്പു നടപടികൾ ആരംഭിച്ചതിനു ശേഷവും കേ‌ജ്‌രിവാളിനെ വേട്ടയാടാൻ കേന്ദ്ര കുറ്റാന്വേഷണ ഏജൻസികൾ കാട്ടിയ ഈ അത്യുത്സാഹം സാധാരണക്കാരെപ്പോലും അമ്പരപ്പിക്കുന്നതാണ്. ബിജെപിയുമായി താരതമ്യം ചെയ്യുമ്പോൾ ‘കുഞ്ഞൻ’ പാർട്ടിയായ ‘ആപി’നെ ഈ വിധം ചവിട്ടി കൂമ്പൊടിക്കാൻ ശ്രമിക്കുന്നതിനു പിന്നിലെ ദീർഘകാല ലക്ഷ്യം മനസ്സിലാക്കിയാലേ ഇതുമായി ബന്ധപ്പെട്ട ചോദ്യങ്ങൾക്ക് ഉത്തരം കിട്ടൂ. രാജ്യതലസ്ഥാനമായ ഡൽഹിയും അയൽസംസ്ഥാനമായ പഞ്ചാബും ഭരിക്കുന്ന ആം ആദ്മി പാർട്ടി (എഎപി) ബിജെപിയും കോൺഗ്രസും കഴിഞ്ഞാൽ ഇന്ത്യയിൽ ഒന്നിലേറെ സംസ്ഥാനങ്ങളിൽ ഭരണംനടത്തുന്ന ഒരേയൊരു കക്ഷിയാണ്. അതിനു പുറമേ ഗുജറാത്തിലും ഗോവയിലും സാന്നിധ്യമറിയിച്ചിട്ടുള്ള എഎപിയെ ഇന്ത്യയിലെ മൂന്നാമത്തെ പ്രധാന രാഷ്ട്രീയ പാർട്ടി എന്നു വിശേഷിപ്പിക്കുന്നതിൽ തെറ്റില്ല. മമത ബാനർജിയും ഇടതുപാർട്ടികളും ഹിന്ദി മേഖലയിലെ യാദവ സോഷ്യലിസ്റ്റുകളുമെല്ലാം ഒരൊറ്റ സംസ്ഥാനത്തു മാത്രം ഒതുങ്ങിനിൽക്കുന്നു. അഥവാ, അടിത്തറ വിപുലമാക്കി ദേശീയ പാർട്ടിയായി വളരണമെന്ന ഇവയുടെ മോഹം സഫലമായില്ല.
രാഹുലിന് കിട്ടിയത് 21ന്റെ ശാപം? ‘പ്രിയങ്കതന്നെ വേണം’: ആ 2 മണ്ഡലം കൈവിട്ടാൽ കോൺഗ്രസിന് നഷ്ടം എന്നന്നേയ്ക്കും

ലോക്സഭാ തിരഞ്ഞെടുപ്പിനുള്ള സ്ഥാനാർഥികളെ നിശ്ചയിക്കാനുള്ള യോഗങ്ങൾ കോൺഗ്രസ് ദേശീയ ആസ്ഥാനത്ത് തുടരുമ്പോൾ, പാർട്ടിക്കുള്ളിൽ ഏറ്റവും ചർച്ചയാകുന്ന ചോദ്യമിതാണ് – ഉത്തർ പ്രദേശിലെ അമേഠിയിലും റായ്ബറേലിയിലും ആരു മത്സരിക്കും? കഴിഞ്ഞ തിരഞ്ഞെടുപ്പ് വരെ കോൺഗ്രസ് ഏറ്റവുമാദ്യം സ്ഥാനാർഥികളെ നിശ്ചയിച്ചിരുന്ന മണ്ഡലങ്ങളാണിവ; അമേഠിയിൽ രാഹുൽ ഗാന്ധിയും റായ്ബറേലിയിൽ സോണിയ ഗാന്ധിയും. ഗാന്ധി കുടുംബത്തിന്റെ പരമ്പരാഗത സീറ്റുകളിൽ ആരു മത്സരിക്കണമെന്നു തീരുമാനിക്കാൻ മുൻപ് ചർച്ചയുടെ ആവശ്യം പോലുമില്ലാതിരുന്ന കോൺഗ്രസ്, ഇക്കുറി ഇരു മണ്ഡലങ്ങളെയും കുറിച്ച് തലപുകയ്ക്കുകയാണ്.
നമ്മുടെ നാട് സ്വർഗമല്ലേ! അഞ്ചിരട്ടിയായി വോട്ടർമാർ; ജെസ്ന കൊണ്ടുപോയ ആ പുസ്തകം; തുടങ്ങി ഐപിഎൽ പൂരം

നാട്ടിലെങ്ങും ഉത്സവമാണ്. ആഘോഷത്തിന്റെ നാളുകളിൽ നമ്മൾ ഒത്തുകൂടുമ്പോൾ ചർച്ചചെയ്യുന്ന വിശേഷങ്ങൾ എന്തൊക്കെയാണ്. ലോക്സഭ തിരഞ്ഞെടുപ്പും ഐപിഎലും– പോയ വാരം രാജ്യത്ത് ഈ രണ്ട് വലിയ പൂരങ്ങൾക്കാണ് കൊടിയേറിയത്. കുറച്ച് കാത്തിരുന്ന ശേഷമാണ് ഇക്കുറി തിരഞ്ഞെടുപ്പ് തീയതി വന്നത്. ഇൻഫോഗ്രാഫിക്സിലൂടെ രാജ്യത്തെ തിരഞ്ഞെടുപ്പിന്റെ 73 വർഷത്തെ പ്രത്യേകതകൾ വോട്ടു കണക്കുകളിലൂടെ അവതരിപ്പിച്ച പ്രീമിയം വാർത്ത വലിയ ശ്രദ്ധ നേടി. ഇന്ത്യയിൽ ഇതുവരെ മത്സരിച്ച പാർട്ടികൾ, സ്ഥാനാർഥികൾ, പോളിങ് സ്റ്റേഷനുകൾ, പോളിങ് ശതമാനം ഈ വിവരങ്ങളെല്ലാം ഈ റിപ്പോർട്ടിൽ സമഗ്രമായി ഉൾപ്പെടുത്തിയിരുന്നു.
ആ ‘സർവേ’ ഫലിച്ചു; കേജ്‌രിവാൾ അന്നേ അറിഞ്ഞു‌ ഇഡി നീക്കം; ഭാര്യയോ അതിഷിയോ സൗരഭോ... ആരു ‌വരും ‘തലവന്’ പകരം?

എഎപി ദേശീയ കൺവീനറും ഡൽഹി മുഖ്യമന്ത്രിയുമായ അരവിന്ദ് കേജ്‌രിവാൾ മദ്യനയവുമായി ബന്ധപ്പെട്ട അഴിമതിക്കേസിൽ അറസ്റ്റിലായതോടെ ബാക്കിയാകുന്ന ഒരു വലിയ ചോദ്യമുണ്ട്. ഇനി ആരു നയിക്കും ആം ആദ്മി പാർട്ടിയെ (എഎപി). പല പേരുകളും ഉയരുന്നുണ്ട്; അവരാരും കേജ്‌രിവാളിനോളമെത്തില്ലെങ്കിലും. എഎപിയുടെ ഓരോ പ്രവർത്തകനും അരവിന്ദ് കേജ്‌രിവാളാണെന്നു കരുതി പ്രവർത്തിക്കണമെന്നാണ് അറസ്റ്റിനു പിന്നാലെ നേതാക്കൾ അണികളെ ആശ്വസിപ്പിക്കുന്നത്. പക്ഷേ അന്തിമമായ ഒരുത്തരം ആരും നൽകുന്നില്ല. അതുകൊണ്ടുതന്നെയാകണം, അറസ്റ്റ് ചെയ്തതിനു തൊട്ടുപിന്നാലെ ‘ജയിലിൽ കിടന്ന് കേജ്‌രിവാൾ ഭരിക്കും’ എന്ന് എഎപി നേതാക്കൾക്കു പ്രഖ്യാപിക്കേണ്ടി വന്നതും. പക്ഷേ, ഭരണം മാത്രമല്ല കേജ്‌രിവാളിനു മുന്നിലുള്ളത്. എഎപിയുടെ താരപ്രചാരകനായി ജനങ്ങൾക്കിടയിലേക്ക് ഇനി അദ്ദേഹത്തിനു പകരം ആരിറങ്ങും? സജീവ രാഷ്ട്രീയത്തിലില്ലെങ്കിലും കേജ്‌രിവാളിന്റെ ഭാര്യ സുനിത, മന്ത്രിമാരായ അതിഷി സിങ്, സൗരഭ് ഭരദ്വാജ്, എഎപി വക്താവും രാജ്യസഭാംഗവുമായ രാഘവ് ചദ്ദ എന്നിവരുടെ പേരുകളാണ് ഏറ്റവും സാധ്യതയുള്ളതായി ഉയർന്നു കേൾക്കുന്നത്. വരുന്നത് ആരാണെങ്കിലും കാത്തിരിക്കുന്നത് വലിയ വെല്ലുവിളിയാണ്. ഒന്നാമത് ഡൽഹി ഭരണംതന്നെ, രണ്ടാമതായി, തൊട്ടടുത്തെത്തിയിരിക്കുന്ന ലോക്സഭാ തിരഞ്ഞെടുപ്പും. കോൺഗ്രസിനൊപ്പം സഖ്യമായാണ് ഇത്തവണ എഎപി ഡൽഹിയിൽ ബിജെപിയെ നേരിടുന്നത്. 2019ൽ ഡൽഹിയിലെ ഏഴ് ലോക്സഭാ മണ്ഡലങ്ങളും ബിജെപി സ്വന്തമാക്കിയെങ്കിലും ഇത്തവണ ആഞ്ഞുപിടിച്ചാൽ ഡൽഹി സ്വന്തമാക്കാമെന്ന ‘ഇന്ത്യ’ സഖ്യത്തിന്റെ കണക്കുകൂട്ടൽ കൂടിയാണ് കേജ്‌രിവാളിന്റെ അറസ്റ്റോടെ പാളം തെറ്റിയിരിക്കുന്നത്.
‘ഇന്ത്യ’യുമായി ചേർന്നത് കേജ്‌രി‌വാളിന്റെ തന്ത്രം? ഡൽഹി മുഖ്യനെ പത്തിൽ പൂട്ടി ഇഡി, രാജ്യത്ത് ആദ്യം; ഇനിയെന്ത്?

എന്നുമുതലാണ് അരവിന്ദ് കേജ്‍രിവാളിനെ ആദ്യമായി കാണുകയോ ആ പേര് കേൾക്കുകയോ ചെയ്തത്? 2011ൽ ന്യൂഡൽഹിയിൽ നടന്ന ജൻ ലോക്പാൽ ബില്ലിനു വേണ്ടിയുള്ള സമരത്തെ കുറിച്ചുള്ള റിപ്പോർട്ടുകളിലാകും കൂടുതൽ പേരും ഇദ്ദേഹത്തെ ആദ്യമായി കാണുന്നത്. അന്ന് അഴിമതി വിരുദ്ധ സമരനായകൻ എന്ന വിശേഷണം സ്വന്തമാക്കിയ അണ്ണാ ഹസാരെയെ ചുറ്റിപ്പറ്റിയുള്ള അനേകം പേരിൽ ഒരാൾ മാത്രമായിരുന്നു കേജ്‍രിവാൾ. സമരം കഴിഞ്ഞപ്പോൾ അന്ന് ഒത്തുകൂടിയവർ പലവഴിക്ക് പോയി. പക്ഷേ, കേജ്‍രിവാൾ അവിടെത്തന്നെ നിന്നു. കയ്യിൽ ഒരു ചൂലെടുത്ത് അഴിമതി തുടച്ചു നീക്കാനായി ആം ആദ്മി പാർട്ടി (എഎപി) രൂപീകരിച്ചു, അതിവേഗം, രാജ്യതലസ്ഥാനം സ്ഥിതി ചെയ്യുന്ന ഡൽഹിയുടെ അധികാരം തിരഞ്ഞെടുപ്പിലൂടെ നേടി, ഒന്നല്ല മൂന്ന് വട്ടം. എന്തിനെതിരെയാണോ കേജ്‍രിവാൾ ചൂൽ പടവാളാക്കിയത് അതേ അഴിമതി കാരണമാണ് ഡൽഹി മുഖ്യമന്ത്രി ഇപ്പോൾ അറസ്റ്റിലായിരിക്കുന്നത്. ലോക്സഭാ തിരഞ്ഞെടുപ്പിന്റെ പടിവാതിൽക്കൽ വച്ച് കേജ്‍രിവാൾ അറസ്റ്റിലാകുമ്പോൾ അതിലെ രാഷ്ട്രീയം ആർക്കാവും അനുകൂലമാവുക? ഒൻപത് വട്ടം സമൻസ് അയച്ചിട്ടും ഹാജരാകാതിരുന്ന ഡൽഹി മുഖ്യനെ പത്താം സമൻസിൽ കയ്യോടെ കൊണ്ടുപോയതിലൂടെ ഇഡി നേടിയ പുതിയ ‘അധികാരം’ എന്തായിരിക്കും? ഡൽഹിയിലെ അറസ്റ്റ് സ്വതന്ത്ര ഇന്ത്യയിൽ ഇതുവരെ സംഭവിക്കാത്തതാണ്. അതിന്റെ അലയൊലികൾ ഇഡി അന്വേഷണം നേരിടുന്ന, ഇനി നേരിടാൻ സാധ്യതയുള്ള വിവിധ സംസ്ഥാനങ്ങളിലെ നേതാക്കൾക്ക് നല്‍കുന്ന പാഠമെന്താണ്? വിശദമായി പരിശോധിക്കാം.
അന്ന് ആകാശത്ത് ഭയന്നു നിലവിളിച്ച ‘മരുമകൾ’: സോണിയ പറഞ്ഞു, ഇവൾ ബാധ്യതയാകും: പകയുടെ, പോരാട്ടത്തിന്റെ മേനക

മാർച്ച് രണ്ടിനാണ് ഉത്തർ പ്രദേശിലേയ്ക്കുള്ള 80 ലോക്സഭാ സ്ഥാനാർഥികളിൽ 51 പേരുടെയും പേര് ബിജെപി പുറത്തുവിട്ടത്. പ്രധാനമന്ത്രി നരേന്ദ്രമോദി വീണ്ടും വാരാണസിയിൽനിന്ന് മത്സരിക്കുമെന്ന് അതോടെ വ്യക്തമായി. പക്ഷേ, അതിനേക്കാളുമേറെ ആകാംക്ഷയോടെ ബിജെപി പ്രവർത്തകരും പ്രതിപക്ഷവും കാത്തിരുന്ന രണ്ടു പേരുകൾ ആ പട്ടികയിൽ ഇല്ല. ഒരാൾ മേനക ഗാന്ധി, രണ്ടാമത്തെയാൾ മകൻ വരുൺ ഗാന്ധി. വരുണിന്റെ മണ്ഡലമായ പിലിബിത്തിൽ ഒന്നാം ഘട്ടത്തിൽ, ഏപ്രിൽ 19നാണ് തിരഞ്ഞെടുപ്പ്. മേനകയുടെ സുൽത്താൻപുരിൽ ആറാം ഘട്ടമായ മേയ് 25നും. സ്ഥാനാർഥികൾ വരും, വൈകില്ല എന്ന് ബിജെപി പറയുമ്പോഴും എന്തുകൊണ്ടാണ് മേനകയുടെയും വരുണിന്റെ കാര്യത്തിൽ മുൻപെങ്ങുമില്ലാത്ത ഈ അനിശ്ചിതാവസ്ഥ? 2019ൽ സുൽത്താൻപുരിൽ നിന്ന് പതിനായിരത്തിലേറെ വോട്ടുകളുടെ ഭൂരിപക്ഷത്തിനാണ് ബിഎസ്പി സ്ഥാനാർഥിയെ മേനക തോൽപിച്ചത്. പക്ഷേ രണ്ടാം മോദി സർക്കാരിൽ മേനകയെയോ വരുണിനെയോ മന്ത്രിസഭയിലേയ്ക്കു പരിഗണിച്ചില്ല. അതോടെ കേന്ദ്രത്തെയും യുപിയിലെ യോഗി സർക്കാരിനെയും വിമർശിക്കുന്നവരുടെ മുൻനിരയിലേയ്ക്ക് പ്രതിപക്ഷത്തോടൊപ്പം പലപ്പോഴും ഇരുവരും കയറിവന്നു. അതു പലപ്പോഴും അതിരുവിടുകയും ചെയ്തു. അതോടെ പാർട്ടിയുടെ കണ്ണിലെ കരടായും അമ്മയും മകനും മാറി. 1984ൽ രാജീവ് ഗാന്ധിക്കെതിരെ സ്വതന്ത്രയായി മത്സരിച്ചാണ് മേനക ഗാന്ധിയുടെ തിരഞ്ഞെടുപ്പ് പോരാട്ട ചരിത്രം ആരംഭിക്കുന്നത്. അന്ന് അമേഠിയിൽ തോറ്റെങ്കിലും സ്വതന്ത്ര സ്ഥാനാർഥിയായി മത്സരിച്ച് വിജയിച്ച പിലിബിത്ത് പിന്നീട് മൂന്നു പതിറ്റാണ്ട് മേനകയുടെ വിലാസമായി. സഞ്ജയ് ഗാന്ധിയുടെ പിൻഗാമി താനാവണം എന്ന നിശ്ചയത്തിൽ പ്രധാനമന്ത്രി ഇന്ദിരയുടെ വസതിയിൽ നിന്ന് വഴക്കിട്ടിറങ്ങുമ്പോൾ മേനകയ്ക്ക് 25 വയസ്സാണ് പ്രായം. ഇന്ന്, അറുപത്തിയേഴാം വയസ്സിലെത്തി നിൽക്കുമ്പോൾ, ഒരേസമയം ഇന്ത്യയുടെയും ഗാന്ധി കുടുംബത്തിന്റെയും തിരഞ്ഞെടുപ്പ് ചരിത്രത്തോടൊപ്പം ചേർത്തു വയ്ക്കാവുന്ന പേരായി മാറിയിരിക്കുന്നു മേനകയുടേത്. വെല്ലുവിളികളും വിവാദങ്ങളും വിജയങ്ങളും പരാജയങ്ങളും പകയുമെല്ലാമായി സംഭവബഹുലമാണ് ആ രാഷ്ട്രീയ ജീവിതം.
ജെസ്നയെടുത്ത പുസ്തകത്തിൽ എന്തായിരുന്നു? ‘ആ സുഹൃത്തുക്കളിൽ ഒരാൾക്കെതിരെ കേസ്’: വെളിപ്പെടുത്തി കെ.ജി.സൈമൺ

‘ആ സുഹൃത്തുക്കളിൽ ഒരാൾക്ക് കേസുണ്ടായിരുന്നു’. ജെസ്ന കേസ് അന്വേഷണത്തിന് നേതൃത്വം നൽകിയ സംഘങ്ങളിൽ ഒന്നിന്റെ തലവനായിരുന്ന മുൻ എസ്പി കെ.ജി.സൈമൺ ഓർത്തെടുത്തു. ‘‘ജെസ്നയുടെ സുഹൃത്തുക്കളെ മാത്രമല്ല സുഹൃത്തുക്കളുടെ സുഹൃത്തുക്കളെയും അവരുടെ സുഹൃത്തുക്കളെയും ഞങ്ങൾ അന്വേഷിച്ചിരുന്നു. ജെസ്നയെ കാണാതായത് സംബന്ധിച്ച് ഞങ്ങൾക്ക് ചില സംശയങ്ങളുണ്ടായിരുന്നു. ആ സംശയങ്ങൾ ദുരീകരിക്കുന്നതിനാണ് നാലഞ്ച് തട്ടിലുള്ള സുഹൃത്തുക്കൾ, അവരുടെ ഫോൺ കോളുകൾ എന്നിവ അന്ന് ഞങ്ങൾ അന്വേഷിച്ചത്.’’ ഷെർലക് ഹോംസിന്റെ കുറ്റാന്വേഷണ കഥകൾ വായിച്ചു വളർന്ന മലയാളികൾ ഹോംസിന്റെ കേരള പൊലീസ് പതിപ്പുകൾക്കായി ചുറ്റും അന്വേഷണം നടത്തുന്നത് പതിവായിരുന്നു. അവരുടെ മുന്നിലേക്കാണ് പോളക്കുളം കൊലക്കേസ് അന്വേഷണവുമായി രാധാ വിനോദ് രാജു എന്ന സിബിഐ ഉദ്യോഗസ്ഥൻ പ്രത്യക്ഷപ്പെട്ടത്. സിബിഐ ഡയറിക്കുറിപ്പിലെ മമ്മൂട്ടിയുടെ സേതുരാമയ്യർ എന്ന കഥാപാത്രം രാധാ വിനോദ് രാജുവിന്റെ പ്രവർത്തന രീതി സിനിമയിൽ പകർത്തി. തെളിയാത്ത കേസുകൾ സിബിഐയെ അന്വേഷിക്കണമെന്ന് ജനം ആവശ്യപ്പെട്ട കാലം. സിബിഐക്ക് വെല്ലുവിളി ഉയർത്തി കേരള പൊലീസിലെ ഏതാനും ഉദ്യോഗസ്ഥർ കുറ്റാന്വേഷണ രംഗത്ത് മികവ് തെളിയിച്ചു.
അൾട്രാ വയലറ്റ് വെളിച്ചത്തിൽ തെളിഞ്ഞു കേന്ദ്രം ഒളിപ്പിച്ച 'ബോണ്ട്‌ രഹസ്യം': പൂനം ചോദിച്ചു, ഇത് ആരെ നിരീക്ഷിക്കാൻ?

"The only compromise made in the [Electoral bond] scheme was that companies/their sponsors would not be required to disclose which party they had made contributions to. This would, he [Arun Jaitley] argued, build confidence in companies as no one would know whom they had given donations to." 2017ൽ ധനമന്ത്രി അരുൺ ജെയ്റ്റ്‍ലിയുടെ കേന്ദ്ര ബജറ്റിലാണ് 'ഇലക്ടറൽ ബോണ്ട്' എന്ന പദ്ധതിയുടെ ജനനം. പ്രതീക്ഷിച്ചതുപോലെ തന്നെ പ്രഖ്യാപനം വൻവിവാദമായി. കൃത്യം 5 മാസം കഴിഞ്ഞ് നടന്ന ഒരു യോഗത്തിൽ പദ്ധതിയെ ന്യായീകരിച്ചുള്ള ജെയ്റ്റിലിയുടെ വാചകങ്ങളാണ് മുകളിൽ. അന്നത്തെ ധനസെക്രട്ടറി സുഭാഷ് ചന്ദ്ര ഗാർഗിന്റെ 'We Also Make Policy' എന്ന പുസ്തകത്തിലെ 'Untrustworthy Electoral Bonds' എന്ന അധ്യായത്തിലാണിത് പരാമർശിക്കുന്നത്. തങ്ങൾ പണം കൊടുത്തത് ഏത് പാർട്ടിക്കാണെന്ന കാര്യം ആരും അറിയില്ലെന്നത്, കമ്പനികൾക്ക് സ്കീമിനോടുള്ള വിശ്വാസം വർധിപ്പിക്കുമെന്നായിരുന്നു ജെയ്റ്റ്‍ലിയുടെ ആത്മവിശ്വാസം. നിലവിലുണ്ടായിരുന്ന സംഭാവനാ മാർഗങ്ങളേക്കാൾ ഭേദമാണെങ്കിലും, ഇതാണ് ഏറ്റവും മികച്ച മാർഗമെന്ന് ജെയ്‍റ്റ്ലിയും കരുതിയിരുന്നില്ലെന്ന് സുഭാഷ് ഗാർഗ് പുസ്തകത്തിൽ പറയുന്നു. സംഭാവനകളുടെ വിവരങ്ങൾ സ്വകാര്യമായിരിക്കുമെന്ന വിശ്വാസത്തിൽ കെട്ടിപ്പടുത്ത ഇലക്ടറൽ ബോണ്ട് സ്കീമിനെ വിശ്വസിച്ചാണ് കോർപറേറ്റുകളും വ്യക്തികളും 2018 മുതൽ ഇലക്ടറൽ ബോണ്ടുകളിലേക്ക് കോടികൾ ഒഴുക്കിയത്.
അദാനിയെ ലങ്കന്‍ ‘വിമാനത്താവളത്തിൽ’ ഇറക്കി കേന്ദ്ര നീക്കം? ചൈനയുടെ ‘സ്ട്രിങ് ഓഫ് പേൾസ്’ തകരും; കണ്ണുവച്ച് റഷ്യയും

വിവാദങ്ങളും ആരോപണങ്ങളും ഒരു ഭാഗത്ത് നടക്കുമ്പോഴും ഇന്ത്യയുടെ വ്യവസായ സമ്രാട്ട് ഗൗതം അദാനി ഉയരങ്ങളിലേക്ക് കുതിക്കുകയാണ്. ഇന്ത്യയ്ക്ക് പുറത്ത് കൂടുതൽ സജീവമാകാനാണ് അദാനി ഗ്രൂപ്പിന്റെ ലക്ഷ്യം. ചൈനീസ് നീക്കങ്ങളെ പ്രതിരോധിക്കാൻ ശ്രീലങ്കയിൽ കടലും ആകാശവും കീഴടക്കി കൂടുതൽ പദ്ധതികളുമായി മുന്നോട്ടുപോകാനാണ് അദാനി ഗ്രൂപ്പിന്റെ നീക്കം. ഇന്ത്യയിലെ മുൻനിര വിമാനത്താവളങ്ങളെല്ലാം ഏറ്റെടുത്തു നടത്തുന്ന അദാനി ഗ്രൂപ്പ് ഇന്ത്യയ്ക്ക് പുറത്തുള്ള രാജ്യാന്തര വിമാനങ്ങളും ഏറ്റെടുത്ത് നടത്താൻ പോകുകയാണ്. ഇതിന്റെ തുടക്കമെന്നോണം ശ്രീലങ്കയിൽ മൂന്ന് വിമാനത്താവളങ്ങളാണ് അദാനി ഗ്രൂപ്പ് ഏറ്റെടുത്ത് നടത്താൻ പോകുന്നത്. ലങ്കയിൽ ശക്തമായ പ്രതിഷേധങ്ങൾക്കിടെയാണ് അദാനി ഗ്രൂപ്പ് പുതിയ പദ്ധതികളുമായി മുന്നോട്ട് പോകുന്നത്. ശ്രീലങ്കയ്ക്ക് പുറമെ ബംഗ്ലദേശ്, ഇന്തൊനീഷ്യ എന്നിവിടങ്ങളിലും ചില ആഫ്രിക്കൻ രാജ്യങ്ങളിലും കൂടുതൽ പദ്ധതികൾ ഏറ്റെടുക്കാൻ നീക്കം നടക്കുന്നുണ്ട്. ചൈനയുടെ ബെൽറ്റ് ആൻഡ് റോഡ് പദ്ധതികളുടെ സുതാര്യത ചോദ്യം ചെയ്യപ്പെട്ടുക്കൊണ്ടിരിക്കുന്ന സമയത്താണ് അദാനി ഗ്രൂപ്പ് വ്യാമയാന മേഖലയിലും ചുവടറുപ്പിക്കുന്നത്. എന്തു ലക്ഷ്യമിട്ടാണ് ശ്രീലങ്കയിലെ മൂന്ന് വിമാനത്താവളങ്ങൾ അദാനി ഗ്രൂപ്പ് ഏറ്റെടുക്കുന്നത്? ഇതുകൊണ്ട് ഇന്ത്യയ്ക്ക് എന്താണു നേട്ടം?
ഇന്ധനവില കൂട്ടുന്നത് എണ്ണക്കമ്പനി, ‘കുറയ്ക്കുന്നത്’ മോദി സർക്കാർ! 22 മാസം അനങ്ങിയില്ല; കേരളത്തിലും ഇല്ല ‘ആശ്വാസം’

തിരഞ്ഞെടുപ്പ് വരുമ്പോൾ ജനത്തെ കയ്യിലെടുക്കാൻ ഇന്ധന വിലയെ കൂട്ടുപിടിക്കുന്ന തന്ത്രം കഴിഞ്ഞ കുറേ വർഷങ്ങളായി കേന്ദ്രം ഭരിക്കുന്ന ബിജെപി സർക്കാർ പയറ്റിക്കൊണ്ടിരിക്കുകയാണ്. ഏകദേശം രണ്ടു വർഷത്തോളം, കൃത്യമായി പറഞ്ഞാൽ‌ 22 മാസം മാറ്റമില്ലാതെ നിന്ന ഇന്ധന വില ലോക്സഭാ തിരഞ്ഞെടുപ്പ് പടിവാതിക്കൽ നിൽക്കേ കുറച്ചുകൊണ്ട് ഇത്തവണയും സർക്കാർ പതിവു തെറ്റിച്ചിട്ടില്ല. ഇന്ധനവില കൂട്ടുമ്പോൾ എണ്ണക്കമ്പനികളുടെ തീരുമാനം എന്നു പറഞ്ഞു മാറി നിൽക്കുന്ന കേന്ദ്രം വില കുറയ്ക്കുമ്പോൾ അതിനെ സർക്കാരിന്റെ നേട്ടമായി എടുത്തു കാട്ടാനും മടിക്കാറില്ല. തിരഞ്ഞെടുപ്പ് പ്രഖ്യാപനം പടിവാതിക്കൽ വന്നുനിന്ന സമയത്ത്, മാർച്ച് 8ന് വനിതാദിനത്തിൽ, വീട്ടമ്മമാർക്കുള്ള സമ്മാനമായാണ് എൽപിജി ഗാർഹിക സിലിണ്ടറിന്റെ വിലയിൽ 100 രൂപയുടെ കുറവു വരുത്തുമെന്നു പ്രധാനമന്ത്രി നരേന്ദ്ര മോദി പ്രഖ്യാപിച്ചത്. തൊട്ടടുത്ത ദിവസം വില പ്രാബല്യത്തിൽ വന്നു. അങ്ങനെ ആറു മാസമായി മാറ്റമില്ലാതെ തുടർന്നിരുന്ന ഗാർഹിക സിലിണ്ടർ നിരക്ക് തിരഞ്ഞെടുപ്പിനു തൊട്ടു മുൻപായി കുറഞ്ഞു. 2023 ഓഗസ്റ്റ് 30ന് ആണ് ഇതിനു മുൻപ് ഗാർഹിക സിലിണ്ടർ നിരക്കു കുറയ്ക്കുന്നത്. രക്ഷാബന്ധൻ, ഓണസമ്മാനമായി എൽപിജി പാചകവാതക ഗാർഹിക സിലിണ്ടറിന് അന്ന് ഒറ്റയടിക്ക് 200 രൂപ കുറച്ചപ്പോൾ രണ്ടു വർഷങ്ങൾക്കു ശേഷമുണ്ടായ വിലക്കുറവ് ആയിരുന്നു അത്. പിന്നെയും ആറുമാസം കാക്കേണ്ടി വന്നു അടുത്ത വിലക്കുറവിനായി.
‘ഭാവി’ പറഞ്ഞ് പുട്ടിൻ; അഭിനന്ദിച്ചവരിൽ മോദി, ഷി, ‌കിം...; ബാലറ്റില്‍ ഭർത്താവിന്റെ പേരെഴുതി യൂലിയ; ഇനിയും വരുമോ യുദ്ധം?

‘പ്രതീക്ഷിച്ചതു’ പോലെത്തന്നെ എല്ലാം സംഭവിച്ചു. റഷ്യയുടെ പ്രസിഡന്റായി വീണ്ടും വ്ളാഡിമിർ പുട്ടിൻ തിരഞ്ഞെടുക്കപ്പെട്ടിരിക്കുന്നു. പുട്ടിനു ലഭിച്ചത് 87 ശതമാനത്തോളം വോട്ട്. ആകെ വോട്ട് ചെയ്തവരിൽ 7.6 കോടി പേരും പിന്തുണച്ചത് പുട്ടിനെ. ഇന്നേവരെ അദ്ദേഹത്തിനു ലഭിച്ചതിൽവച്ച് ഏറ്റവും വലിയ വോട്ടുനില. പ്രതിപക്ഷവും മിക്ക പാശ്ചാത്യ രാജ്യങ്ങളും പുട്ടിന്റെ വിജയത്തെ അപലപിക്കുകയാണുണ്ടായത്. ‌രാജ്യത്ത് തനിക്കെതിരെ ഉയരുന്ന ശബ്ദങ്ങളെല്ലാം, പ്രതിപക്ഷ നേതാവിനെ വരെ, അടിച്ചമർത്തിയ പുട്ടിന് വിജയം ഉറപ്പാണെന്നത് വ്യക്തമായിരുന്നു. എന്നാൽ ഇത്രയേറെ വലിയ വിജയമുണ്ടായത് അദ്ദേഹത്തിന്റെ ജനപിന്തുണ വ്യക്തമാക്കുന്നുവെന്നാണ് ചൈനീസ് പ്രസിഡന്റ് ഷി ചിൻപിങ് പറഞ്ഞത്. ഉത്തര കൊറിയൻ ഏകാധിപതി കിം ജോങ് ഉന്നും പുട്ടിനെ പ്രശംസിച്ചു, ആശംസകളറിയിച്ചു. ഇരു രാജ്യങ്ങളും തമ്മിൽ വരാനിരിക്കുന്ന, ദീർഘകാലത്തേയ്ക്കുള്ള നയതന്ത്രപരമായ ബന്ധത്തിൽ പ്രതീക്ഷ അർപ്പിക്കുന്നെന്നാണ് പ്രധാനമന്ത്രി നരേന്ദ്ര മോദി പറഞ്ഞത്. പുട്ടിനെ അദ്ദേഹം ‘എക്സി’ലെ പോസ്റ്റിൽ അഭിനന്ദിക്കുകയും ചെയ്തു. മാർച്ച് 15,16,17 തീയതികളിലായി നടന്ന തിരഞ്ഞെടുപ്പിന്റെ പ്രാഥമിക ഫലം പുറത്തുവന്നപ്പോൾ 87.28 ശതമാനം വോട്ടു നേടിയാണ് പുട്ടിൻ പ്രസിഡന്റ് സ്ഥാനം നിലനിർത്തിയത്. പുട്ടിൻ തന്നെ കൊണ്ടുവന്ന ഭരണഘടനാ ഭേദഗതി അനുസരിച്ച് ഇനി ആറു വർഷം കൂടി അധികാരത്തിൽ തുടരാം. അതോടെ ജോസഫ് സ്റ്റാലിനു ശേഷം ഏറ്റവും കൂടുതൽ കാലം റഷ്യയുടെ ഭരണാധികാരിയായ വ്യക്തി എന്ന ബഹുമതിയും പുട്ടിനു സ്വന്തമാകും. ഇത് അഞ്ചാം തവണയാണ് എഴുപത്തിയൊന്നുകാരനായ പുട്ടിൻ അധികാരത്തിലെത്തുന്നത്.
തമിഴ്‌നാട്ടിലേക്ക് മോദി കണ്ണെറിയുന്നത് വെറുതെയല്ല; ആരു ഭരിക്കണമെന്ന് ഈ 5 സംസ്ഥാനങ്ങൾ തീരുമാനിക്കും; ലക്ഷ്യം ‘ 249’

പതിനെട്ടാം ലോക്‌സഭാ തിരഞ്ഞെടുപ്പിൽ രാജ്യത്ത് വോട്ടു ചെയ്യുക 98 കോടി വോട്ടർമാരാണെന്നാണ് കണക്ക്. ആദ്യ തിരഞ്ഞെടുപ്പിന് ഏഴ് പതിറ്റാണ്ട് പിന്നിടുമ്പോൾ അഞ്ചിരട്ടിയാണ് വോട്ടർമാരുടെ എണ്ണത്തിലെ വർധന. എല്ലാ പൗരന്മാർക്കും വോട്ടവകാശത്തിൽ തുല്യ പ്രാധാന്യമെന്നത് ശരിയാണെങ്കിലും ഇന്ത്യ ആരാണ് ഭരിക്കേണ്ടത് എന്ന ചോദ്യത്തിന് ഉത്തരം നൽകുന്ന ചില നിർണായക സംസ്ഥാനങ്ങളുണ്ട്. ഏറ്റവും അധികം ലോക്‌സഭാ സീറ്റുകളുള്ള രാജ്യത്തെ അഞ്ചു സംസ്ഥാനങ്ങൾ. ആകെ സീറ്റിൽ 45.8 ശതമാനവും (249 എണ്ണം) ഈ അഞ്ചിടത്താണ്. ബിജെപിയാണെങ്കിലും ‘ഇന്ത്യ’ മുന്നണിയാണെങ്കിലും ഈ അഞ്ചു സംസ്ഥാനങ്ങളിലെ സീറ്റുകൾ ഭദ്രമാണെന്ന് ഉറപ്പാക്കിയതിനു ശേഷം മാത്രമേ മറ്റിടങ്ങളെപ്പറ്റി ആലോചിക്കുക പോലുമുള്ളൂവെന്നതാണു യാഥാർഥ്യം. ദക്ഷിണേന്ത്യയിലേയ്ക്ക് വഴിയടഞ്ഞിട്ടും രാജ്യം ഭരിക്കാൻ ബിജെപിക്ക് എന്തുകൊണ്ടു കഴിഞ്ഞു എന്ന ചോദ്യത്തിന്റെ കൂടി ഉത്തരമാണ് ഈ അഞ്ച് സംസ്ഥാനങ്ങളിൽ നാലെണ്ണവും. രാജ്യത്തിന് ഇതേവരെ 8 പ്രധാനമന്ത്രിമാരെ സമ്മാനിച്ച ഉത്തർപ്രദേശാണ് നിർണായക സംസ്ഥാനങ്ങളിൽ ആദ്യത്തേത്. 80 ലോക്സഭാ സീറ്റുകളാണ് ഉത്തർപ്രദേശിലുള്ളത്. തൊട്ടുപിന്നാലെ മഹാരാഷ്ട്ര, പശ്ചിമ ബംഗാൾ, ബിഹാർ, തമിഴ്നാട് എന്നീ സംസ്ഥാനങ്ങളും. തമിഴ്‌നാട് മാത്രമാണ് ഇക്കൂട്ടത്തിൽ ദക്ഷിണേന്ത്യയിൽനിന്നുള്ളത്. തമിഴ്‌നാടും തൊട്ടടുത്ത കേരളവും ഇത്തവണ ബിജെപിയുടെ ഉൾപ്പെടെ നിർണായക ലക്ഷ്യമാകുന്നതും വെറുതെയല്ല. ജാതിസമവാക്യങ്ങളും തൊഴിലില്ലായ്മയും അഴിമതിയും വിഷയമാകുന്ന തിരഞ്ഞെടുപ്പിൽ ഈ അഞ്ച് സംസ്ഥാനങ്ങളിലെ സീറ്റ് നില ബിജെപിക്കും ഇന്ത്യ മുന്നണിക്കും നിർണായകമാകും. എന്താണ് ഓരോ സംസ്ഥാനങ്ങളിലെയും രാഷ്ട്രീയ ചിത്രം? വിശദമായി പരിശോധിക്കാം...
ഇന്ദിര അന്ന് ക്ഷുഭിതയായി: 'നിങ്ങളും കള്ളം പറഞ്ഞു തുടങ്ങിയോ': കോൺഗ്രസിന് 'അനുഗ്രഹമായ' കൈപ്പത്തി

മലയാളത്തിലെ പ്രശസ്തമായ ‘സ്ഥാനാർഥി സാറാമ്മ’ എന്ന ചിത്രത്തിൽ ഒരു ഗാന രംഗമുണ്ട്. പ്രേം നസീറിന്റെയും ഷീലയുടെയും കഥാപാത്രങ്ങൾ തമ്മിൽ മത്സരിക്കുന്ന തിരഞ്ഞെടുപ്പിൽ പ്രചാരകനായി എത്തുന്ന അടൂർ ഭാസിയുടെ ഗായക കഥാപാത്രമാണു പാടുന്നത്. സ്ഥാനാർഥി സാറാമ്മയുടെ ചിഹ്നം കുരുവിയും പ്രേംനസീറിന്റെ കഥാപാത്രം മത്സരിക്കുന്നത് കടുവ ചിഹ്നത്തിലുമായതിനാലാണ് ഇങ്ങനെ ഒരു പാട്ട്. ഇന്ത്യയ്ക്കു സ്വാതന്ത്ര്യം ലഭിച്ച ശേഷം 1951 ഒക്ടോബർ 25 മുതൽ 1952 ഫെബ്രുവരി 21വരെയുള്ള കാലഘട്ടത്തിലാണ് ലോക്സഭയിലേക്കുള്ള ആദ്യ തിരഞ്ഞെടുപ്പു നടന്നത്. തിരഞ്ഞെടുപ്പിനു മുന്നോടിയായി എല്ലാ രാഷ്ട്രീയ പാർട്ടികൾക്കും തിരഞ്ഞെടുപ്പു കമ്മിഷൻ പ്രത്യേകം ചിഹ്നങ്ങൾ അനുവദിച്ചിരുന്നു. ചിഹ്നത്തിനനുസരിച്ച് ബാലറ്റ് പെട്ടികളും ഏർപ്പെടുത്തിയിരുന്നു. ഏതു പാർട്ടിക്കാണോ വോട്ട് ചെയ്യുന്നത് അതിന്റെ ചിഹ്നത്തിന്റെ പടം പതിച്ച പെട്ടിയിലായിരുന്നു ബാലറ്റ് പേപ്പർ ഇടേണ്ടിയിരുന്നത്. അങ്ങനെ വോട്ടു ചെയ്യാനാണ് ആളുകളെ പരിശീലിപ്പിച്ചിരുന്നത്. ‌‌‌ഉദാഹരണത്തിന് ഒരു പാർട്ടിയുടെ ചിഹ്നം ആനയാണെങ്കിൽ ബാലറ്റ് പേപ്പർ ഇടേണ്ടത് ആ ചിഹ്നം പതിച്ച പെട്ടിയിലാണ്. ഇപ്പോഴും അത്തരം രീതികൾ നിലവിലുണ്ട്. ചിഹ്നം ആളുകളുടെ മനസ്സിൽ‌ പതിപ്പിക്കുകയാണു പ്രധാനം. അതിനെക്കുറിച്ചു സൂചന തരുന്നതാണ് സ്ഥാനാർഥി സാറാമ്മയിലെ ഈ ഗാനം. ബാലറ്റ് പെട്ടികൾ അനുവദിച്ചതിനു പിന്നിലെ കാരണം ജനങ്ങളുടെ സാക്ഷരതാ നിലവാരമായിരുന്നു.
73 വർഷത്തിനു ശേഷം വീണ്ടും ലോക്‌സഭാ വോട്ടെടുപ്പിൽ വമ്പൻ ദൈർഘ്യം, ‘44ന്’ രണ്ടാം സ്ഥാനം; അന്ന് 17 കോടി, ഇന്ന് അഞ്ചിരട്ടി

കണക്കുകൾ എങ്ങനെയെല്ലാം കൂട്ടിയാലും കുറച്ചാലും ലോക്സഭാ തിരഞ്ഞെടുപ്പിന് ഒരൊറ്റ ലക്ഷ്യമേയുള്ളൂ; എന്തു വില കൊടുത്തും ഇന്ത്യയിലെ അധികാരം പിടിക്കുക. അതിനു വേണ്ടിയുള്ള അതിശക്തമായ കണക്കുകൂട്ടലിലാണ് രാഷ്ട്രീയ പാർട്ടികൾ. അതിനിടെ, ലോകത്തിലെ ഏറ്റവും വലിയ ജനാധിപത്യ രാജ്യത്തിലെ തിരഞ്ഞെടുപ്പു മഹോത്സവത്തിന് വിളംബരമായിരിക്കുന്നു. 2024 ഏപ്രിൽ 19 മുതൽ ജൂൺ ഒന്നു വരെ ഏഴു ഘട്ടങ്ങളിലായിട്ടാണ് ഇത്തവണ വോട്ടെടുപ്പ്; ഏപ്രിൽ 19ന് ഒന്നാം ഘട്ടം, 26ന് 2, മേയ് 7ന് 3, മേയ് 13ന് 4, മേയ് 20ന് 5, മേയ് 25ന് 6, ജൂൺ 1ന് ഏഴാം ഘട്ടം എന്നിങ്ങനെ. കേരളത്തിൽ രണ്ടാം ഘട്ടത്തിലാണ് വോട്ടെടുപ്പ്– ഏപ്രിൽ 26ന്. ജൂൺ നാലിന് ഫലപ്രഖ്യാപനം. 1951ൽ ആരംഭിച്ചതാണ് ഇന്ത്യയുടെ ലോക്സഭാ മാമാങ്കം. അതായത് ഇന്ത്യയുടെ നിലവിലെ പ്രധാനമന്ത്രി നരേന്ദ്ര മോദിക്ക് ഒരു വയസ്സുള്ളപ്പോൾ. 1950 സെപ്റ്റംബർ 17നാണ് മോദിയുടെ ജനനം. ആദ്യ ലോക്സഭാ തിരഞ്ഞെടുപ്പു നടക്കുന്നതാകട്ടെ 1951 ഒക്ടോബർ മുതൽ 1952 ഫെബ്രുവരി വരെയും. പിന്നെയും 20 വർഷം കഴിഞ്ഞാണ് കോൺഗ്രസ് നേതാവ് രാഹുൽ ഗാന്ധി ജനിക്കുന്നത്. 1970 ജൂൺ 19ന്. അദ്ദേഹത്തിന് ഒരു വയസ്സാകാൻ ഏതാനും മാസങ്ങൾ ബാക്കി നില്‍ക്കെയായിരുന്നു ഇന്ത്യയുടെ അഞ്ചാമത്തെ പൊതു തിരഞ്ഞെടുപ്പ്. 1971 മാർച്ചിൽ! മോദിയുടെ പതിനൊന്നാം പിറന്നാളിനും രാഹുലിന്റെ ഒന്നാം പിറന്നാളിനും ഇന്ത്യയിൽ എത്ര ലോക്സഭാ വോട്ടർമാരുണ്ടായിരുന്നെന്ന് അറിയാമോ? അവിടെയും തീരുന്നില്ല കണക്കിലെ കൗതുകം. ലോക്‌സഭാ തിരഞ്ഞെടുപ്പിലെ ആ വോട്ടുകൗതുകങ്ങളിലേക്കാണിനി...
Top Five

മൃതദേഹം മടക്കി പെട്ടിയിലാക്കി; ആ ആന ആക്രമിക്കും; ‘ഐടി കമ്പനി ഫ്രം ജംഗിൾസ്!’ മോദിയുടെ ‘മാസ്റ്റർ പ്ലാൻ’

ഒന്നിന് പിന്നാലെ മറ്റൊന്നായി ബ്രേക്കിങ് ന്യൂസുകൾ വരുമ്പോൾ അത് എങ്ങനെ സംഭവിച്ചുവെന്നും, നാട്ടിൽ എന്ത് മാറ്റമാണ് വരുന്നതെന്നും അറിയാൻ മലയാളികൾക്ക് താൽപര്യമേറെയാണ്. പക്ഷം ചേരാത്ത വിശകലനങ്ങൾ വാർത്തകൾക്കപ്പുറത്തേക്ക് യാത്ര ചെയ്യാനും ചിന്തിപ്പിക്കാനും മനോരമ ഓൺലൈൻ പ്രീമിയം വായനക്കാരെ സഹായിക്കുന്നു. ലോക്സഭാ തിരഞ്ഞെടുപ്പ് അടുത്തിരിക്കെ കേന്ദ്ര സർക്കാർ കൊണ്ടുവന്ന പൗരത്വ ഭേദഗതി നിയമം എങ്ങനെയാണ് കേരളത്തെ ബാധിക്കുക. ഇവിടെ ഉയർന്നുനിന്ന വിവാദങ്ങളെയും മറ്റ് വിഷയങ്ങളെയും തിരശ്ശീലയ്ക്കു പിന്നിലേയ്ക്കു മറയ്ക്കാനുള്ള ശക്തി ഇതിനുണ്ടോ എന്ന് പരിശോധിച്ച പോഡ്കാസ്റ്റ് മികച്ച പ്രതികരണമാണ് നേടിയത്. കട്ടപ്പനയിൽ നാടിനെ ഞെട്ടിച്ച ഇരട്ടക്കൊലപാതകം കേരളം ഒന്നായി ചർച്ച ചെയ്ത വിഷയമായിരുന്നു.
നിഷ പറയുന്നു: ‘റാങ്ക് ലിസ്റ്റിൽ പേരുണ്ടായിട്ടും കാര്യമില്ല, പിഎസ്‌സി ജോലി വേണ്ടവർ മറക്കരുത് ഇക്കാര്യം’

2014 ജനുവരിയിലാണ് കൊല്ലം ചവറ സ്വദേശി നിഷ ബാലകൃഷ്ണൻ തന്റെ ജീവിതത്തിലെ മൂന്നാമത്തെയും അവസാനത്തെയും എൽഡി ക്ലാർക്ക് പരീക്ഷ എഴുതിയത്. 2015 ഏപ്രിലിൽ റാങ്ക് ലിസ്റ്റ് വന്നു. നിഷയുടെ പേരുണ്ട്. റാങ്ക് 696. സന്തോഷംകൊണ്ട് മതിമറന്ന നിമിഷം. പക്ഷേ മൂന്നു വർഷം അതിവേഗം കടന്നു പോയി. 2018 മാർച്ച് 31ന് ലിസ്റ്റിന്റെ കാലാവധി തീരുമെന്ന അവസ്ഥ. ഇതുവരെ നിയമനമായിട്ടില്ല. ഇനിയെന്തു ചെയ്യുമെന്ന ചോദ്യം നിഷയുടെ കണ്ണുകളിൽ വേദനയുടെ നീർച്ചാലുകൾ തീർത്ത നാളുകൾ. എറണാകുളം ജില്ലയിലെ എൽഡി ക്ലാർക്ക് റാങ്ക് ലിസ്റ്റിലായിരുന്നു നിഷ. റാങ്ക് ലിസ്റ്റിൽ പേരു വന്നെന്നു പറഞ്ഞ് വീട്ടിൽ വെറുതെ ഇരിക്കുകയല്ല അവർ ചെയ്തത്. ലിസ്റ്റിലുള്ളവരുമായി ചേർന്ന് ഒരു ഗ്രൂപ്പുണ്ടാക്കി. അതിലെ അംഗങ്ങൾക്കൊപ്പം ആഴ്ചയിലൊരിക്കലോ രണ്ടാഴ്ച കൂടുമ്പോഴോ തിരുവനന്തപുരത്തേയ്ക്കു യാത്ര ചെയ്തു. ഓരോ വകുപ്പിലെയും ഒഴിവുകൾ ഓഫിസുകൾ കയറിയിറങ്ങി കണ്ടെത്തി അത് നഗര വികസന ഡയറക്ടറേറ്റിൽ എത്തിച്ചു. അവിടെനിന്ന് പിഎസ്‌സിക്ക് കൃത്യമായി റിപ്പോർട്ട് ചെയ്യുന്നുണ്ടെന്ന് ഉറപ്പാക്കുകയും ചെയ്തു. അങ്ങനെയാണ് കൊച്ചി കോർപറേഷൻ ഓഫിസിലുണ്ടായിരുന്ന ഒരൊഴിവ് കണ്ടെത്തിയത്. 2018 മാർച്ച് 28നുതന്നെ ആ ഒഴിവ് നഗര വികസന ഡയറക്ടറേറ്റിലേയ്ക്ക് അറിയിച്ചു. പിഎസ്‌സിക്ക് അത് റിപ്പോർട്ട് ചെയ്യണമെന്ന് ഡയറക്ടറേറ്റിലെ ഒരുദ്യോഗസ്ഥനോട് അഭ്യർഥിക്കുകയും ചെയ്തു. പല തവണ വിളിച്ചും പറഞ്ഞു. എന്നാൽ ആ ഉദ്യോഗസ്ഥൻ ഒഴിവ് റിപ്പോർട്ട് ചെയ്തത് 2018 മാർച്ച് 31ന് അർധരാത്രി 12ന്. ആ ഇ–മെയിൽ പിഎസ്‌സി ഓഫിസിൽ എത്തിയതാകട്ടെ 12.04നും! ആ നാലു സെക്കൻഡിന്റെ പേരിൽ നിഷയ്ക്ക് നഷ്ടമായത് ആറു വർഷങ്ങൾ!
വർധന 300%: ഒരു ‘കോയിന്‍’ കയ്യിലുണ്ടെങ്കില്‍ മൂല്യം 60 ലക്ഷം രൂപയ്ക്കും മുകളിൽ; ഇന്ത്യയ്ക്കും സന്തോഷിക്കാം

അനിശ്ചിതത്വത്തിന്റെയും തിരസ്കാരത്തിന്റെയും എണ്ണപ്പെട്ട ദിനങ്ങൾ. പൊളിഞ്ഞുപോകുമെന്നു ലോകരാജ്യങ്ങളും സാമ്പത്തിക വിദഗ്ധരും കാര്യകാരണസഹിതം വിധിയെഴുതിയ സമയം. നിയമങ്ങളും ചട്ടക്കൂടുകളും നിർമിച്ച് ചങ്ങലയ്ക്കിടാൻ ശ്രമിച്ചിട്ടും, ഇടപാടുകൾക്ക് ഉയർന്ന നികുതി ചുമത്തിയിട്ടും ക്രിപ്റ്റോ വിപണി അതിശയിപ്പിച്ചുകൊണ്ട് തേരോട്ടം നടത്തുകയാണ്. പൊളിഞ്ഞു പാളീസായ നിക്ഷേപകർ ഒരു വശത്ത്. 300 ശതമാനത്തിലേറെ നേട്ടമുണ്ടാക്കിയവർ മറ്റൊരു ഭാഗത്ത്. ശരിക്കും സാമ്പത്തിക ലോകം ക്രിപ്റ്റോ വിപണിയെ നോക്കി അതിശയപ്പെടുകയാണ്: ‘‘എനിക്കു ശരിക്കും മനസ്സിലാകുന്നില്ല മിസ്റ്റർ നിങ്ങളെ...’’ ക്രിപ്റ്റോ വിപണിയിലെ രാജാവെന്നു വിളിക്കുന്ന ബിറ്റ്‌കോയിന്റെ മൂല്യം കഴിഞ്ഞ ദിവസം റെക്കോർഡ് നിലവാരമായ 73,000 ഡോളർ (ഏകദേശം 60.47 ലക്ഷം രൂപ) കടന്നിരിക്കുന്നു. ഈ ബുൾ റൺ തുടരുമോ എന്ന സംശയം വ്യാപകമായുണ്ടെങ്കിലും നിക്ഷേപകർ മടിച്ചു മാറിനിൽക്കുന്നില്ല. വ്യാപകമായി വാങ്ങിക്കൂട്ടുകയാണ്. യുഎസിൽ ബിറ്റ്‌കോയിൻ അധിഷ്ഠിത എക്സ്ചേഞ്ച്- ട്രേഡഡ് ഫണ്ടിന് (ഇടിഎഫ്) പച്ചക്കൊടി ലഭിച്ചതാണ് ഈ തേരോട്ടത്തിന്റെ മുഖ്യകാരണമായി വിലയിരുത്തുന്നത്.
സംഘർഷം, പ്രതിഷേധം, നിരാശ, കണ്ണുനീർ; കലയിൽ കലങ്ങിയത് ലക്ഷങ്ങൾ; കലോത്സവ വേദിയിലെ ‘കലയല്ലാ’ കാഴ്ചകൾ

കേരള സർവകലാശാല യുവജനോത്സവത്തിന്റെ പ്രാരംഭ മത്സരമായിരുന്ന തിരുവാതിരയുടെ ഫലം മുതൽ തുടങ്ങിയ തമ്മിൽത്തല്ല് സമാപന ഇനമായിരുന്ന സംഘനൃത്ത വേദി വരെ തുടർന്നു. ഒടുവിൽ പരിഹാരമാർഗമെന്ന നിലയിൽ, വൈസ് ചാൻസലർ കലോത്സവംതന്നെ പിരിച്ചുവിട്ടു. അതും എസ്എഫ്ഐ നേതൃത്വം നൽകുന്ന സംഘാടക സമിതിയുടെ ഒത്താശയോടെ. ഇതിനിടയിൽ പൊലീസുകാർക്ക് പണിയുണ്ടാക്കിയവരിൽ വിദ്യാർഥികൾ മാത്രമല്ല, വിധികർത്താക്കളുമുണ്ട്. കേരള സർവകലാശാലയുടെ ചരിത്രത്തിലെ ഏറ്റവും വലിയ നാണക്കേടും പേറിയാണ് കലോത്സവത്തിന് തിരശ്ശീലവീണത്. അതും അവസാന ഇനം അരങ്ങിലെത്തുന്നതിന് തൊട്ടുമുൻപ്. മാസങ്ങൾ നീണ്ട തയാറെടുപ്പ്, ലക്ഷങ്ങൾ ചെലവഴിച്ചുള്ള വസ്ത്രങ്ങളും ആടയാഭരണങ്ങളും, അവസരംകാത്തുനിന്ന മണിക്കൂറുകൾ... കലോത്സവത്തിലെ അവസാന ഇനമായി നിശ്ചയിച്ചിരുന്ന സംഘനൃത്തത്തിൽ പങ്കെടുക്കാൻ വിവിധ ജില്ലകളിൽ നിന്നെത്തിയ വിദ്യാർഥികൾക്ക് നഷ്ടമായത് ഇതെല്ലാമാണ്. വൈസ് ചാൻസലറിന്റെ ഒറ്റ കത്തിന്റെ പേരിൽ പാതിവഴിയിൽ ‘കനലടങ്ങിയ’ കലോത്സവ വേദികളിൽ നിന്നുള്ള കാഴ്ചകളിലേയ്ക്ക്...
ആരുമറിയാതെ കൊന്നു മുങ്ങുന്ന ‘ടൂറിസ്റ്റ്’; മരിക്കാതെ പ്രിഗോഷിന്റെ ചെകുത്താൻ സേന; ഉഗ്രരൂപത്തിൽ റഷ്യൻ ചാരസംഘം

ചാര ഏജൻസികളുടെ പലവിധ പ്രശ്നങ്ങളിലൊന്ന്, എത്ര വലിയ വിജയം രാജ്യത്തിനായി നേടിയാലും മിണ്ടാനോ ആഘോഷിക്കാനോ മേനി നടിക്കാനോ സാധിക്കില്ല എന്നതാണ്. ‘അ‍ത് ഞാനാണ്’ അഥവാ ‘ഞങ്ങളാണ് ചെയ്തത്’ എന്ന് എങ്ങും പറയാനൊക്കില്ല; ചാരപ്പണിയുടെ അകത്തേത്തളങ്ങളിൽ പോലും. അതിന് ഒരു ഗുണപരമായ വശവുമുണ്ട്; ചാര ഓപറേഷനുകൾ പാളീസായാലും മിണ്ടണ്ട, ആരും അറിയില്ല എന്നതുതന്നെ. റഷ്യയുടെ യുക്രെയ്ൻ ഓപറേഷൻ പൊളിഞ്ഞതും രണ്ടു കൊല്ലമായി ഊരാൻ പറ്റാത്തവിധം കുടുക്കിലായതും എന്തുകൊണ്ടാണ്? റഷ്യയുടെ മൃഗീയ ശക്തിയുടെ ഏഴയലത്തു വരാത്ത ചെറിയ രാജ്യമാണ് ആ വമ്പന്‍ സൈന്യത്തോട് ‘അടിച്ചു’ നിൽക്കുന്നത്. റഷ്യ പൊളിഞ്ഞതിനു പിന്നിൽ ഇന്റലി‍ജൻസ് പരാജയമായിരുന്നു. ഇസ്രയേൽ രണ്ടാം ലോകമഹായുദ്ധത്തിനു ശേഷം നേരിട്ട ഏറ്റവും വലിയ ആക്രമണത്തിനു പിന്നിലും ചാര ഏജൻസികളുടെ പരാജയം തന്നെ. യുക്രെയ്നിൽ പക്ഷേ റഷ്യയുടെ എഫ്എസ്ബി, എസ്‌വിആർ, ജിആർയു എന്നീ ഏജൻസികളെല്ലാം ഒരു ഘട്ടത്തിൽ പരാജയപ്പെട്ടു പോയി. പിന്നീട് ഇവർക്ക് തിരിച്ചു വരാൻ സാധിച്ചോ? എന്താണ് യഥാർ‌ഥത്തിൽ ഈ ചാരസംഘടനകൾ ചെയ്യുന്നത്?
‘മകൾക്ക് പ്രത്യേക ശക്തി’: മൃതദേഹം മടക്കി പെട്ടിയിലാക്കി: നാട്ടുകാർ സംശയിച്ചു, വാടകവീട്ടിൽ എന്തിന് ഇത്രയേറെ കർട്ടൻ?

രണ്ടുപേർ ചേർന്ന് കളവിനിറങ്ങുന്നു, പിടിക്കപ്പെടുന്നു... തുടർന്ന് ചുരുളഴിയുന്നത് നാടിനെ ഞെട്ടിച്ച ഇരട്ടക്കൊലപാതകത്തിന്റെ കഥ. മോഷണക്കേസിൽ പിടിയിലായ 2 പ്രതികളെ ചോദ്യം ചെയ്തപ്പോഴാണ് നിഗൂഢമായ ഇരട്ടക്കൊലപാതകങ്ങളുടെ വിവരം പുറംലോകം അറിയുന്നത്. മാർച്ച് 2ന് പുലർച്ചെ കട്ടപ്പന ഓക്സീലിയം സ്കൂൾ ജംക്‌ഷനു സമീപത്തെ വർക്‌ഷോപ്പിൽ നിന്ന് ഇരുമ്പ് – ഉരുക്ക് സാധനങ്ങൾ കവർച്ച നടത്താൻ ശ്രമിക്കുന്നതിനിടെയാണ് കാഞ്ചിയാർ കക്കാട്ടുകട നെല്ലാനിക്കൽ വിഷ്ണു വിജയൻ(27), സഹായി പുത്തൻപുരയ്ക്കൽ നിതീഷ് (രാജേഷ്-31) എന്നിവർ പൊലീസിന്റെ പിടിയിലാകുന്നത്. ഇവർ മോഷണം നടത്താൻ എത്തിയ സമയത്ത് അവിടെ യാദൃച്ഛികമായി എത്തിയ സ്ഥാപന ഉടമ വേലായുധന്റെ മകൻ പ്രവീണും സുഹൃത്ത് തോംസണും ഇവരെ കാണാൻ ഇടയായതോടെയാണ് നാടിനെ ‍ഞെട്ടിച്ച സംഭവങ്ങളുടെ തുടക്കം. വർക്‌ഷോപ്പിലെ ഇരുമ്പ് സാധനങ്ങൾ മോഷ്ടിച്ചു കടത്താൻ ശ്രമിച്ച പ്രതികളെ പ്രവീണും തോംസണും ചേർന്നു തടഞ്ഞു. എന്നാൽ, പ്രതികൾ ഇവരെ ആക്രമിച്ച് രക്ഷപ്പെടാൻ ശ്രമിച്ചതോടെ അടിപിടിയുണ്ടായി.
ടോൾ പ്ലാസകളെ പൂട്ടിക്കാൻ ജിപിഎസ്, വാഹന മോഷ്ടാക്കളെ കുടുക്കും, തുടങ്ങി പരീക്ഷണം

ഒരു വഴിക്കു പുറപ്പെടുമ്പോൾ എല്ലാവരുടെയും ആഗ്രഹം ലക്ഷ്യസ്ഥാനം വരെ തടസ്സമില്ലാത്ത യാത്രയാവും. ദൂരയാത്ര പുറപ്പെടുമ്പോൾ വഴിയിലെ ഒരു ചെറിയ തടസ്സം മതി നമ്മൾ അസ്വസ്ഥരാവാൻ. തടസ്സങ്ങൾ മാറ്റി യാത്രകൾ സുഗമമാക്കാനാണ് ഇന്ന് രാജ്യത്താകമാനം മികച്ച രീതിയിൽ ദീർഘദൂര റോഡുകൾ നിർമിക്കുന്നത്. റോഡ് നിർമാണം ചെലവേറിയതായതോടെ അതിനുള്ള ഫണ്ട് കണ്ടെത്താൻ തുടങ്ങിയ ‘ടോൾ പിരിവി’ന് മൂന്ന് പതിറ്റാണ്ട് തികയുമ്പോൾ പുതിയ രീതിയിലേക്ക് മാറാൻ ഒരുങ്ങുകയാണ് രാജ്യം. ടോൾ പിരിവിനൊപ്പം യാത്രികർക്ക് സുരക്ഷയും ഉറപ്പാക്കുന്ന മാറ്റമാണ് ഇനി വരുന്നത്.
അന്ന് അബോർഷന് വധശിക്ഷ; ഇന്ന് ഫ്രാന്‍സ് ലോകത്തിന് മാതൃക; ‘ഭേദഗതി’ വന്നിട്ടും ഇന്ത്യ മാറിയോ?

അബോർഷൻ‌ സ്ത്രീകളുടെ ഭരണഘടനാപരമായ അവകാശമാക്കി പ്രഖ്യാപിക്കുന്ന ലോകത്തെ ആദ്യ രാജ്യമെന്ന നിലയിൽ ഫ്രാൻസ് ചരിത്രം സൃഷ്ടിച്ചത് 2024 മാർച്ചിലാണ്. രാജ്യാന്തര വനിതാ ദിനത്തിന് ദിവസങ്ങൾ മാത്രം ശേഷിക്കെയായിരുന്നു ആ പ്രഖ്യാപനം. പക്ഷേ, ആ വഴിയിലേക്ക് ഫ്രാൻസ് നടന്നെത്തിയത് ഒരുപാട് സ്ത്രീകളുടെ പോരാട്ടവും മരണവും ചേരുന്ന ഓർമ്മകളിൽ ചവിട്ടിയാണെന്നതും ചരിത്രം. അബോർഷനും ഗർഭനിരോധന മാർഗങ്ങളും ക്രിമിനൽവൽക്കരിച്ചു കൊണ്ട് ഫ്രാൻസ് ആദ്യത്തെ നിയമം പാസാക്കിയത് 1920ലാണ്. ജീവനെതിരെയാണ് അത്തരം ചെയ്തികൾ എന്നായിരുന്നു വാദം. രണ്ടാം ലോക മഹായുദ്ധത്തിന്റെ കാലമായമായപ്പോഴേക്കും ഫ്രാൻ‌സിൽ വധശിക്ഷ വരെ കിട്ടാവുന്ന കുറ്റമായി അബോർഷൻ മാറിയിരുന്നു. അൻപതുകളിലും അറുപതുകളിലും ഈ വിഷയങ്ങൾ സംബന്ധിച്ച് വലിയ ചർച്ചകളും സമരങ്ങളും നടന്നു. ഒടുവിൽ 1967ലാണ് ഗർഭനിരോധനം എന്നത് ഫ്രാൻസിൽ നിയമവിധേയമാകുന്നത്. എപ്പോൾ പ്രസവിക്കണം എന്ന് സ്വയം തീരുമാനമെടുക്കാൻ കുറച്ചു പേർക്കെങ്കിലും അത് അവസരമൊരുക്കി. പക്ഷേ, അബോർഷൻ നിയമവിധേയമാക്കണം എന്നാവശ്യപ്പെട്ടുള്ള സമരങ്ങൾ തുടർന്നു. 1971ൽ വിവിധ മേഖലകളിൽപ്പെട്ട സ്ത്രീകളുടെ സമരം ഫ്രാൻസിനെ പിടിച്ചു കുലുക്കി.
30-ാം വയസ്സിൽ എംപി; 2.95 ലക്ഷം ഭൂരിപക്ഷം; എന്നിട്ടും മമതയ്ക്ക് മിമിയെ മതിയായി; താരത്തെ ജയിപ്പിച്ച ജനത്തിന് കിട്ടിയത്

വോട്ട് അഭ്യർഥിച്ച് നേതാവ് എത്തിയപ്പോൾ കാണാനെത്തിയ വോട്ടർമാരെ പിരിച്ചുവിട്ടത് പൊലീസിന്റെ ലാത്തിച്ചാർജിലൂടെ. ഇങ്ങനെ ഒരു സംഭവം കേട്ടിട്ടുണ്ടോ? 2017 യുപി അസംബ്ലി തിരഞ്ഞെടുപ്പിലാണ് ഇതുണ്ടായത് . ബിജെപിയുടെ എംപിയും ബോളിവുഡിലെ താരറാണിയുമായ ഹേമമാലിനിയെ കാണാനാണ് യുപിയിലെ ബാഗ്പത്തിൽ ജനം തിക്കും തിരക്കും കൂട്ടിയത്. വോട്ടവകാശത്തിന്റെ മൂല്യം പോലും താരത്തിന് മുന്നില്‍ അടിയറ പറയുന്ന പൗരൻമാരെ വിരട്ടിയോടിക്കാൻ പൊലീസിന് ലാത്തിപ്രയോഗം മാത്രമേ അന്ന് മുന്നിലുണ്ടായിരുന്നുള്ളു. രാഷ്ട്രീയത്തിൽ താരങ്ങളെ ഇറക്കിയാൽ പാർട്ടികൾക്കുള്ള ഗുണം എന്താണെന്ന് പറയാൻ വേണ്ടി മാത്രമാണ് ഈ സംഭവം സൂചിപ്പിച്ചത്. കേരളത്തിലടക്കം തിരഞ്ഞെടുപ്പിൽ സിനിമാതാരങ്ങളെ രാഷ്ട്രീയ പാർട്ടികൾ മത്സര രംഗത്ത് ഇറക്കുന്നത് പിന്നിലും താരങ്ങൾക്ക് ലഭിക്കുന്ന ജനകീയ പിന്തുണയാവും കാരണം. 2019ലെ ലോക്സഭ തിരഞ്ഞെടുപ്പിലും ഒട്ടേറെ രാഷ്ട്രീയ പാർട്ടികൾ സിനിമ, കായിക താരങ്ങളെ മത്സര രംഗത്തേയ്ക്ക് കൊണ്ടുവന്നു. താരങ്ങളിൽ പത്തിലധികം പേർ വിജയിച്ച് എംപിമാരാവുകയും ചെയ്തു.
ഫോണില്‍ പോലും കേജ്‍രിവാളുമായി സംസാരമില്ല, കേരള സർക്കാർ അഴിമതിയുടെ ചെളിക്കുണ്ടിൽ: പ്രശാന്ത് ഭൂഷൺ

ഭരണകൂടത്തിനെതിരെയും കോർപ്പറേറ്റുകൾക്കെതിരെയും പടവെട്ടി വിജയം നേടിയ ചരിത്രമാണ് മുതിർന്ന അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷന്റേത്. യുപിഎ സർക്കാരിന്റെ അവസാനകാലത്ത് മൻമോഹൻസിങ്ങിന്റെ മന്ത്രിസഭയെ വെള്ളംകുടിപ്പിച്ച പ്രശാന്ത് ഭൂഷൺ ഇലക്ട്രൽ ബോണ്ട് വിഷയത്തിൽ മോദി സർക്കാരിനു നൽകിയതും കനത്തപ്രഹരം. ആക്ഷേപങ്ങൾക്കു മുന്നിൽ തലകുനിക്കാതെ സ്വന്തം അഭിപ്രായം ഉച്ചത്തിൽ വിളിച്ചുപറയുന്ന പ്രശാന്ത് ഭൂഷൺ പൊതുതിരഞ്ഞെടുപ്പ് അടുത്തുനിൽക്കെ മനോരമ ഓൺലൈൻ പ്രീമിയത്തിൽ സംസാരിക്കുന്നു...
ആ പെൺകുട്ടി മുഖ്യപ്രതി, അധ്യാപകരെങ്ങനെ നിശബ്ദരായി; 90 ദിവസം 9129 കോടി നിക്ഷേപം, പേയ്ടിഎമ്മിൽ പേടിക്കണോ?

മനോരമ ഓൺലൈൻ പ്രീമിയത്തിൽ കഴിഞ്ഞ ഒരാഴ്ച പ്രധാനമായും ചർച്ച ചെയ്യപ്പെട്ടത് പൂക്കോട് ക്യാംപസിലെ ദാരുണ സംഭവവുമായി ബന്ധപ്പെട്ട വാർത്തകളാണ്. മലയാളികളുടെ മനസ്സിൽ ആഴത്തിൽ മുറിവേൽപ്പിച്ച സിഥാർഥന്റെ മരണം. സിഥാർഥൻ അവശേഷിപ്പിച്ച ചോദ്യങ്ങൾക്ക് ഉത്തരം തേടി മനോരമ ഓൺലൈൻ പ്രീമിയം പ്രതിനിധികൾ പൂക്കോട് ക്യാംപസിലും സിഥാർഥന്റെ അച്ഛന്റെ അരികിലും ചെന്നു. പൂക്കോട് ക്യാംപസിൽ കണ്ട കാഴ്ചകളും ചിത്രങ്ങളും ഞെട്ടിപ്പിക്കുന്നതായിരുന്നു. മകൻ നഷ്ടപ്പെട്ട വേദനയോടെ സിഥാർഥന്റെ അച്ഛൻ പറഞ്ഞ വാക്കുകൾ ഹൃദയത്തിൽ തൊടുന്നതും. ഈ രണ്ടു വാർത്തകളും വായിച്ച വായനക്കാരിൽ ഒട്ടേറെപ്പേർ തങ്ങളുടെ ആശങ്കകളും ദുഃഖവും രോഷവും അഭിപ്രായമായി രേഖപ്പെടുത്തി.
വയനാട് യാത്ര വേറെ ലെവൽ, ഇനി ഒരു ചുരത്തിലും കുടുങ്ങില്ല; കരാറിന് അടൽ ടണൽ നിർമിച്ചവരും

ഒരു പഞ്ചായത്ത് റോഡുപോലും മര്യാദയ്ക്ക് പണിയാൻ സാധിക്കാത്തവർ എങ്ങനെ തുരങ്കപാത ഉണ്ടാക്കും? വയനാടിനെ ബന്ധിപ്പിക്കാനുള്ള തുരങ്കപാതയെ കുറിച്ച് കേൾക്കുമ്പോൾ ഇങ്ങനെ ചോദിക്കുന്നവർ ധാരാളമുണ്ടായിരുന്നു. അവരെ കുറ്റം പറയാൻ കഴിയില്ല, താഴെ നിന്നു നോക്കിയാൽ ആകാശം മുട്ടി നിൽക്കുന്ന മല എങ്ങനെ തുരക്കാനാണ്? പക്ഷേ ഒരു ബദൽ റോഡ് ആവശ്യമാണ് താനും. കാരണം 14 കിലോമീറ്റര്‍ നീളമുള്ള അടിവാരം മുതൽ ലക്കിടി വരെയുള്ള പാതയിലൂടെ ദിവസവും കടന്നുപോകുന്നത് നാൽപ്പതിനായിരത്തോളം വാഹനങ്ങൾ. ഒരുവശം പാറക്കെട്ടും മറുവശം കൊക്കയുമായ രണ്ടുവരിപ്പാതയിലൂടെ പോകുമ്പോൾ ഡ്രൈവർമാരുടെ നെഞ്ചിടിപ്പ് വല്ലാതെ ഉയരും. യാത്രയിൽ ഒരു ഓട്ടോറിക്ഷ കേടായാൽ മതി മണിക്കൂറുകളോളം ഗതാഗതം സ്തംഭിക്കാൻ. അടിവാരത്തെത്തിക്കഴിഞ്ഞാൽ വയനാട്ടിലേക്ക് പോകാൻ വള്ളിയിൽ തൂങ്ങിക്കയറണം എന്ന് പറഞ്ഞ് വയനാട്ടുകാരെ മറ്റു ജില്ലക്കാർ ഇപ്പോഴും കളിയാക്കാറുണ്ട്. തമാശയായിട്ടാണ് ഇതു പറയുന്നതെങ്കിലും അതിൽ യാഥാർഥ്യമുണ്ട്.
'കൈ'യ്യിൽ കിട്ടി ആവോളം; എന്നിട്ടും ഈ മുഖ്യന്മാർ 'പദ്മം' തേടിയതെന്തിന്? കൂടുമാറ്റം ആരെ തുണയ്ക്കും?

അടുത്തത് ആര്? കോൺഗ്രസ് പാർട്ടിക്കുള്ളിലും രാഷ്ട്രീയ നിരീക്ഷകർക്കിടയിലും ഇപ്പോൾ ഏറ്റവും സജീവമായ ചോദ്യമാണിത്. ഓരോ ദിവസം പിന്നിടുമ്പോഴും രാജ്യത്തിന്റെ ഏതെങ്കിലും ഒരു ഭാഗത്തുനിന്ന് കോൺഗ്രസ് പാർട്ടിയിലെ പ്രമുഖ നേതാക്കളിൽ ആരെങ്കിലും ബിജെപി പാളയത്തിലേക്ക് ചേക്കേറി എന്ന വാർത്തയാണ് പുറത്തുവന്നുകൊണ്ടിരിക്കുന്നത്. മറ്റ് സംസ്ഥാനങ്ങളിൽ ഈ പ്രവണത ആരംഭിച്ചിട്ട് പലവർഷങ്ങളായെങ്കിലും കേരളത്തിന്റെ ഇതിന്റെ അലകൾ വീശിത്തുടങ്ങിയത് അടുത്തകാലം മുതലാണ്. ഒരുകാലത്ത് കേരളത്തിലെ കോൺഗ്രസ് പാർട്ടിയുടെ മുഖങ്ങളും സംസ്ഥാന മുഖ്യമന്ത്രിമാരും ആയിരുന്ന കെ.കരുണാകരന്റെയും എ.കെ.ആന്റണിയുടെയും മക്കളാണ് ഇവിടെ നിന്ന് ബിജെപിയിലേക്ക് ചേക്കേറിയവരിൽ പ്രമുഖർ. ആന്റണിയുടെ മകൻ അനിൽ കുറച്ചു മുന്നേ പേയപ്പോൾ കരുണാകരന്റെ മകൾ പത്മജയുടെ കൂടുമാറ്റം ലോക്സഭ തിരഞ്ഞെടുപ്പിന് ആഴ്ചകൾമാത്രം അവശേഷിക്കുകയാണെന്ന വ്യത്യാസം മാത്രമാണുണ്ടായത്. കേരളത്തിൽ നിന്ന് മുൻ മുഖ്യമന്ത്രിമാരുടെ മക്കളാണ് ബിജെപി പാളയത്തിലേക്ക് ചേക്കേറിയതെങ്കിൽ, മറ്റ് പല സംസ്ഥാനങ്ങളിൽ നിന്നും മുൻ കോൺഗ്രസ് മുഖ്യമന്ത്രിമാർ തന്നെയാണ് ബിജെപിയിലേക്ക് ചുവടുമാറ്റിയത്. അഞ്ച് പതിറ്റാണ്ടിലേറെ നീണ്ട പാർട്ടിപ്രവർത്തനം അവസാനിപ്പിച്ച് അധികാരത്തിനായി പാർട്ടിയെ പിന്നിൽ നിന്നു കുത്തിയവർ മുതൽ, സിബിഐയെയും ഇഡിയെയും വിട്ട് ബിജെപി വിലയ്ക്ക് വാങ്ങിയവർ വരെയുണ്ട് അക്കൂട്ടത്തിൽ. ഈ കൂറുമാറ്റങ്ങളിൽ കോൺഗ്രസിന് നഷ്ടപ്പെട്ടത് ആ നേതാക്കളെ മാത്രമല്ല, ചിലയിടങ്ങളിൾ ആ സംസ്ഥാനം ഒട്ടാകെയാണ്. ബിജെപിക്കൊപ്പം പോയ മുഖ്യമന്ത്രിമാർ ആരൊക്കെയാണ്? പരിശോധിക്കാം, വിശദമായി...
നീറ്റ് 2024: റജിസ്ട്രേഷൻ അവസാനിക്കാന്‍ മണിക്കൂറുകൾ മാത്രം; വിദ്യാർഥികളെ വലച്ച് ഒടിപി, വിദേശത്തും പ്രശ്നം

എംബിബിഎസ് പ്രവേശനത്തിനുള്ള ദേശീയ മെഡിക്കൽ പ്രവേശനപരീക്ഷയായ നീറ്റിന് അപേക്ഷ നൽകാൻ കഴിയാതെ ഉദ്യോഗാർഥികൾ. പരീക്ഷയ്ക്ക് റജിസ്റ്റർ ചെയ്യാനുള്ള സമയപരിധി മാർച്ച് 9ന് വൈകിട്ട് 5ന് അവസാനിക്കാനിരിക്കെയാണ് വെബ്സൈറ്റിലെ സാങ്കേതിക തകരാർ തിരിച്ചടിയാകുന്നത്. മേയ് 5ന് നടക്കുന്ന പരീക്ഷയുടെ റജിസ്ട്രേഷന്റെ അവസാന മണിക്കൂറുകൾ ആയതിനാൽ തന്നെ രാജ്യത്തിനകത്തും പുറത്തും നിന്നുള്ള ആയിരങ്ങളാണ് ഇപ്പോൾ അപേക്ഷിക്കാൻ ശ്രമിക്കുന്നത്. എന്നാൽ, ഒടിപി ലഭിക്കാത്തത് ഉൾപ്പെടെയുള്ള ഒട്ടേറെ സാങ്കേതിക പ്രശ്നങ്ങളാണ് മിക്കവർക്കും ഇപ്പോൾ നേരിടേണ്ടി വരുന്നത്. കഴിഞ്ഞ വർഷം വരെ നീറ്റ്–യുജി റജിസ്ട്രേഷന് ഉപയോഗിച്ചിരുന്ന വെബ്സൈറ്റ് അല്ല (https://neet.ntaonline.in/) ദേശീയ പരീക്ഷാ ഏജൻസി (എൻടിഎ) ഇത്തവണ ക്രമീകരിച്ചിരിക്കുന്നത്. ഇത് തന്നെയാണ് പ്രശ്നങ്ങൾക്ക് പിന്നിലെ പ്രധാന കാരണവും. നീറ്റ് 2024 റജിസ്ട്രേഷന് സംഭവിച്ചതെന്ത്? വിദ്യാർഥികൾ നേരിടുന്ന പ്രധാന പ്രശ്നങ്ങളെന്തെല്ലാം? പരിശോധിക്കാം, വിശദമായി...
ഒന്നേ ഉണ്ടായിരുന്നുള്ളു! റോഡിലിറങ്ങിയ 'അനക്കോണ്ടയെ' ചുട്ടുകൊന്നതാര്? ചാരമായത് പരീക്ഷണത്തിന് അയച്ച വെസ്‌റ്റിബ്യൂൾ

മ്യൂസിയത്തില്‍ വച്ചാല്‍ ജനലക്ഷങ്ങള്‍ കാണാന്‍ വരും! മുഖ്യമന്ത്രിയെയും മന്ത്രിമാരെയും വഹിച്ചു കേരള പര്യടനം നടത്തിയ ബസ് വാർത്തകളിൽ നിറഞ്ഞപ്പോൾ സിപിഎം നേതാവ് എ.കെ.ബാലൻ പറഞ്ഞ വാക്കുകൾ. ബസിലെ ശുചിമുറിയും ലിഫ്റ്റും വാർത്തകളിൽ നിറഞ്ഞ സമയമായിരുന്നു അദ്ദേഹത്തിന്റെ ഈ പ്രതികരണം. നവകേരള ബസ് മ്യൂസിയത്തിൽ പ്രദർശിപ്പിച്ചിരുന്നെങ്കിൽ അതിനൊപ്പം സ്ഥാനം പിടിക്കേണ്ട ഒരു ബസ് കൂടിയുണ്ടായിരുന്നു. കേരളത്തിലെ ഒരേയൊരു 'വെസ്‌റ്റിബ്യൂൾ ബസ്'. എന്നാൽ അത്തരമൊരു ആദരത്തിനു കാത്തുനിൽക്കാതെ ഡ്യൂട്ടിക്കിടയിൽ കത്തിച്ചാരമായി മാറിയിരിക്കുകായാണ് കെഎസ്ആർടിസിയുടെ അമൂല്യമായ 'നീളൻ ഇരട്ടബസ്'. കാഴ്ചക്കാരിൽ പാളങ്ങളില്ലാതെ റോഡിലൂടെ ഓടുന്ന ചെറു ട്രെയിനിനെപ്പോലെ തോന്നിക്കുമായിരുന്ന 'വെസ്‌റ്റിബ്യൂൾ ബസ്' വിഎസ് സർക്കാരിന്റെ കാലത്താണ് തിരുവനന്തപുരത്ത് അവതരിപ്പിച്ചത്. എന്നാൽ തലസ്ഥാനത്തിന്റെ അഭിമാനമായ നീളൻ ബസിനെ പിന്നീട് മറ്റു ജില്ലകളിലേക്കു മാറ്റി, ക്രമേണ പട്ടണങ്ങളിലേക്ക് കൈമാറി അധികാരികൾ കൈയ്യൊഴിഞ്ഞു. ഇതിനിടെയാണ് കായംകുളത്ത് വച്ച് ഫെബ്രുവരി 23ന് വെസ്‌റ്റിബ്യൂൾ ബസ് കത്തിയമർന്നത്. കെഎസ്ആർടിസി ബസുകളെ ആനവണ്ടി എന്നു വിളിച്ച് സ്നേഹിക്കുന്നവരുടെ വികാരമായിരുന്ന 'വെസ്‌റ്റിബ്യൂൾ ബസ്'.
സ്കൂൾ പ്രവേശനത്തിന് ‘ബ്ലൂ ആധാർ കാർഡ്’ വേണോ? കാർഡുണ്ടെങ്കിൽ ഈ ഗുണങ്ങൾ; അറിയേണ്ടതെല്ലാം

ജനന തീയതിയോ പൗരത്വമോ തെളിയിക്കുന്ന രേഖയായി ആധാറിനെ സ്വീകരിക്കേണ്ടതില്ലെന്ന് കേന്ദ്ര സർക്കാർ വ്യക്തമാക്കിയത് 2024 ജനുവരിയിലാണ്. പുതുതായി നൽകുന്ന ആധാർ കാർഡുകളിൽ, ‘‘ഇത് തിരിച്ചറിയൽ രേഖ മാത്രമാണ്. പൗരത്വമോ ജനന തീയതിയോ തെളിയിക്കുന്ന രേഖ’’യല്ലെന്ന് ഒരു വരി കൂടി വ്യക്തമായി എഴുതിച്ചേർക്കുകയും ചെയ്യും. ആധാറിന്റെ ആധികാരികത സംബന്ധിച്ച് ആധാറിന്റെ തുടക്കകാലം മുതൽ തന്നെ നിലവിലുള്ള കേസുകൾക്കാവട്ടെ, അവസാനവുമായിട്ടില്ല. ആധാർ വീണ്ടും ചർച്ചയിൽ വന്നപ്പോൾ, 5 വയസ്സിൽ താഴെയുള്ള കുട്ടികളുടെ ‘ബ്ലൂ ആധാർ കാർഡ്’ സംബന്ധിച്ച ചർച്ചകൾ സർക്കാർ വീണ്ടും സജീവമാക്കുകയാണ്. നവജാതശിശുക്കൾക്ക് മുതൽ ബ്ലൂ ആധാർ കാർഡ് എടുക്കാം. എത്ര വയസ്സ് വരെയാണ് ഈ കാർഡിന് സാധുത? സ്കൂൾ പ്രവേശനത്തിനുൾപ്പെടെ ഈ കാർഡ് നിർബന്ധമാക്കുമോ? എങ്ങനെയാണ് ബ്ലൂ ആധാർ കാർഡ് എടുക്കുക? എന്തൊക്കെയാണ് നടപടി ക്രമങ്ങൾ? വിശദമായി അറിയാം.
ജ്യേഷ്ഠന്റെ നിഴലായി വന്നു; വീടിന്‌ ഇന്ത്യയിലെ പേര്; പ്രധാനമന്ത്രിയായി ഷഹബാസിനെ 'പട്ടാളം' തിരഞ്ഞെടുത്തതെന്തിന്?

തിരഞ്ഞെടുപ്പ് ചിഹ്നമായ ബാറ്റില്ലാതെ മത്സരത്തിന് ഇറങ്ങിയിട്ടും ഇമ്രാൻ ഖാന്റെ പാർട്ടി അടിച്ചെടുത്തത് 93 സീറ്റുകൾ. ഇതോടെ പതിവുപോലെ കളികണ്ടിരുന്ന പട്ടാളത്തിന് കളത്തിലിറങ്ങി വിയർക്കേണ്ടി വന്നു. പ്രതീക്ഷിച്ചതുപോലെ നവാസ് ഷെരീഫിന് പാക്കിസ്ഥാൻ പ്രധാനമന്ത്രി ആകാൻ കഴിഞ്ഞില്ലെങ്കിലും അദ്ദേഹത്തിന്റെ കുടുംബത്തിന് പ്രധാനമന്ത്രിയെ ലഭിച്ചു. പാക്കിസ്ഥാന്റെ പ്രധാനമന്ത്രി സ്ഥാനത്ത് വീണ്ടും ഷഹബാസ് ഷെരീഫ് എത്തി. മൂന്നു വട്ടം പ്രധാനമന്ത്രിയായിരുന്ന നവാസ് ഷെരീഫിന്റെ ഇളയ സഹോദരനും പിഎംഎൽ (എൻ) പ്രസിഡന്റുമായ ഷഹബാസ് നാഷനൽ അസംബ്ലിയിൽ നിന്നു 201 വോട്ടിന്റെ ഭൂരിപക്ഷത്തോടെയാണു പ്രധാനമന്ത്രി പദത്തിലേക്കെത്തിയത്.
TOP FIVE

മരണക്കിടക്കയിൽ നിന്ന് ബ്ലാസ്റ്റേഴ്സിന്റെ മടങ്ങിവരവ്; ‘കെണി’ വച്ചത് പ്രതിഭയും മകനും?; കാട്ടാനയും പന്നിയും ‘പറപറക്കും’

വാർത്തകൾ അറിയുക എന്നതിലുപരി, വാർത്തകൾക്കപ്പുറത്തേക്ക് യാത്ര ചെയ്യുക എന്നത് മലയാളിയുടെ ശീലമാക്കിമാറ്റിയ മനോരമ ഓൺലൈൻ പ്രീമിയത്തിൽ കഴിഞ്ഞ ഒരാഴ്ചയിൽ ചർച്ച ചെയ്തത് ഒട്ടേറെ വാർത്തകൾ. തുടർതോൽവികളുടെ മരണക്കയത്തിൽ നിന്ന് കരകയറിയ കേരള ബ്ലാസ്റ്റേഴ്സിന്റെ തന്ത്രങ്ങൾ അറിയാനും പിന്തുണ അറിയിക്കാനും പതിനായിരക്കണക്കിന് ആരാധകർ മനോരമ ഓൺലൈൻ പ്രീമിയത്തിൽ സമയം ചെലവഴിച്ചു. ഗുജറാത്തിന്റെയും കേരളത്തിന്റെയും സാമ്പത്തിക മോഡലുകൾ ചർച്ച ചെയ്യാനും കലങ്ങിമറിയുന്ന ഹിമാചൽ പ്രദേശ് രാഷ്ട്രീയത്തിന്റെ ഉള്ളുകള്ളികൾ തേടിയും ഒട്ടേറെപ്പേർ പ്രീമിയത്തിലേക്കെത്തി. വന്യമൃഗ ശല്യത്തിൽ പൊറുതിമുട്ടിയ കർഷക പ്രശ്നങ്ങളും അവയുടെ പരിഹാരമാർഗങ്ങളും തേടുന്നതിനൊപ്പം കേരളത്തിലെ ക്യാംപസുകളിലെ അക്രമ രാഷ്ട്രീയത്തിന്റെ കാണാപ്പുറങ്ങൾ തേടിയും പ്രീമിയം വായനക്കാർ മനോരമ ഓൺലൈനിലേക്കെത്തി.
സ്ഥാനമോഹം അധ്യാപകരെ നിശബ്ദരാക്കി; പൂക്കോട് ‘എല്ലാവരും’ എസ്എഫ്ഐക്കാർ! 'സോഷ്യലിസം' മദ്യപാനത്തിൽ

കെജിഎഫ് സിനിമയില്‍ കാണിക്കുന്നതു പോലെ മറ്റൊരു ലോകമാണ് പൂക്കോട് ക്യാംപസ്. ഇതു വെറുതെ പറയുന്നതല്ല. ഇവിടെ എന്തു നടക്കണമെന്നത് ഒരുകൂട്ടം വിദ്യാര്‍ഥികളാണു തീരുമാനിക്കുന്നത്. അധ്യാപകരും അധികൃതരും നിസ്സഹായര്‍. ഭൂരിപക്ഷം പേര്‍ക്കും പാര്‍ട്ടിയോടുള്ള വിധേയത്വം കുട്ടികളോടുള്ള നിലപാടിലും പ്രതിഫലിക്കും. മറ്റുള്ളവര്‍ക്കു ഭയമോ കരിയറില്‍ ഉയര്‍ച്ചയുണ്ടാകില്ലെന്ന ആശങ്കയോ ആണ്. അതിനാൽ ഒരു കൂട്ടം വിദ്യാർഥികളുടെ തേർവാഴ്ചയാണ് ഈ ക്യാംപസ്. വാസ്തവത്തിൽ സിദ്ധാര്‍ഥന് ക്രൂരപീഡനമേല്‍ക്കുന്ന ദിവസം ക്യാംപസില്‍ സ്ഥാനക്കയറ്റത്തെക്കുറിച്ചുള്ള ചര്‍ച്ചയായിരുന്നു ചില അധ്യാപകര്‍ക്കിടയില്‍. സ്ഥാനക്കയറ്റം തീരുമാനിക്കുന്ന ദിവസങ്ങളില്‍ വിമതസ്വരം ഉയര്‍ത്തുന്നതു കരിയറിനെ ബാധിക്കുമെന്നതിനാല്‍ ചിലതെല്ലാം അവര്‍ കണ്ടില്ലെന്നു നടിച്ചുകാണണം- പേരു വെളിപ്പെടുത്തരുതെന്ന മുഖവുരയോടെ പൂക്കോട് വെറ്ററിനറി സര്‍വകലാശാലയിലെ ഒരു അധ്യാപകന്‍ പറഞ്ഞു.
കൈയിലെ കാശ് പോകാതെ നോക്കാം: മാർച്ച് 15ന് ശേഷം വൻ മാറ്റം: ശ്രദ്ധിക്കണം ഈ 6 കാര്യങ്ങൾ

കടയിൽനിന്നു സാധനം വാങ്ങി ഇറങ്ങുമ്പോൾ നമ്മളിൽ പലരും ചോദിച്ചിരുന്ന ഒരു ചോദ്യമുണ്ട്. 'ചേട്ടാ, പേയ്ടിഎം ഉണ്ടോ?' യുപിഐ ഉണ്ടോയെന്നാണ് ചോദ്യമെങ്കിലും, പലരും ഉപയോഗിച്ചിരുന്ന വാക്ക് പേയ്ടിഎം തന്നെ. ഗൂഗിൾ പേയും ഫോൺപേയും നാട്ടിൽ വ്യാപകമാകുന്നതിനു മുൻപ് ഓൺലൈൻ പേയ്മെന്റ് എന്നാൽ എല്ലാവർക്കും പേയ്ടിഎം ആയിരുന്നു. അത്രമേൽ ചിരപരിചിതമായൊരു ബ്രാൻഡ്. നെറ്റ്‌ബാങ്കിങ് ശക്തമായതിനു പിന്നാലെ, ഏതെങ്കിലുമൊരു തരത്തിൽ ഈ ബ്രാൻഡുമായി ആഴ്ചയിൽ ഒരിക്കലെങ്കിലും ഇടപെടാത്തവർ അപൂർവമായിരിക്കും. യുപിഐ, വോലറ്റ്, ബാങ്ക്, എൻസിഎംസി കാർഡ്, പിഒഎസ് മെഷീൻ, ക്യുആർ, പേയ്മെന്റ് ഗേറ്റ്‍വേ അങ്ങനെ എന്തിലുമേതിലും പേയ്ടിഎം ഉണ്ട്. ഗൂഗിൾപേ ഉപയോഗിക്കുന്നവർ പോലും കടകളിൽ പണമടച്ചിരുന്നത് പേയ്ടിഎം ക്യുആർ സൗണ്ട്ബോക്സ് വഴിയായിരിക്കാം. അല്ലെങ്കിൽ, ഓൺലൈൻ പേയ്മെന്റിനായി ഉപയോഗിച്ചിരുന്നത് പേയ്ടിഎം പേയ്മെന്റ്സ് ഗേറ്റ്‍വേ ആകാം. അതുമല്ലെങ്കിൽ, കാർഡ് സ്വൈപ് ചെയ്തത് പേയ്ടിഎമിന്റെ പിഒഎസ് മെഷീനിലാകാം! എന്നാൽ കുറച്ചുനാളുകളായി പേയ്ടിഎമിനെക്കുറിച്ചുള്ള വാർത്തകൾ ഭൂരിഭാഗവും നെഗറ്റീവാണ്. ഒടുവിലത് 2024 ജനുവരിയിലെ റിസർ‌വ് ബാങ്കിന്റെ കർശന നടപടിയിൽ വരെ എത്തിനിൽക്കുന്നു.
‘കെണി’ വച്ചത് പ്രതിഭയും മകനും? ഹിമാചലിലെ ആ ‘ചതി’ കോൺഗ്രസ് അറിഞ്ഞില്ലേ; പാളയത്തിൽ പട തകർത്തത് ‘ഡികെ സംഘം’

രണ്ടു പകലും ഒരു രാത്രിയും കോൺഗ്രസിനെ മുൾമുനയിൽ നിർത്തിയ ശേഷമാണ് ഹിമാചൽ പ്രദേശിലെ രാഷ്ട്രീയ നാടകങ്ങൾക്ക് താൽക്കാലികമായെങ്കിലും തിരശ്ശീല വീണത്. കോൺഗ്രസിന്റെ ആറ് എംഎൽഎമാർ മറുകണ്ടം ചാടി രാജ്യസഭാ തിരഞ്ഞെടുപ്പിൽ ബിജെപി സ്ഥാനാർഥിക്ക് വോട്ടുചെയ്ത് ജയിപ്പിച്ചു. ഉത്തരേന്ത്യയിൽ കൈപ്പിടിയിലുള്ള അവസാന തരി മണ്ണും ‘കൈ’ വിട്ടുപോകാൻ തുടങ്ങുന്നുവെന്ന് തോന്നിപ്പിച്ച മണിക്കൂറുകൾ. സുഖ്‌വിന്ദർ സിങ് സുഖു സർക്കാർ രാജിവെച്ചൊഴിയുന്നുവെന്ന അഭ്യൂഹം. തൊട്ടുപിന്നാലെയെത്തിയ നിഷേധക്കുറിപ്പ്. ഏറ്റവുമൊടുവിൽ അട്ടിമറി നീക്കം പരാജയപ്പെടുത്തി സഭ ബജറ്റ് പാസാക്കി പിരിഞ്ഞുവെന്ന പ്രഖ്യാപനത്തോടെ കോൺഗ്രസിന് താൽക്കാലിക ആശ്വാസം. ‌ പാർട്ടി വിപ് ലംഘിച്ച് ബിജെപിക്കു വോട്ടു ചെയ്ത ആറ് എംഎല്‍എമാരെയും സ്പീക്കര്‍ കുൽദീപ് സിങ് പഥാനിയ അയോഗ്യരാക്കി. തങ്ങളുടെ ഭാഗം വിശദീകരിക്കാൻ സ്പീക്കറോട് 7 ദിവസം സമയം തേടിയിരുന്നെങ്കിലും ആറു പേരെയും അയോഗ്യരാക്കുകയായിരുന്നു. അതിനിടെ, പ്രതിസന്ധി തീർക്കാൻ കർണാടക ഉപമുഖ്യമന്ത്രി ഡി.കെ.ശിവകുമാർ, ഹരിയാന മുൻ മുഖ്യമന്ത്രി ഭൂപീന്ദർ സിങ് ഹൂഡ, ഛത്തീസ്ഗഡ് മുൻ മുഖ്യമന്ത്രി ഭൂപേഷ് ബാഗേൽ എന്നിവർ ഷിംലയിലെത്തി എംഎൽഎമാരുമായി കൂടിക്കാഴ്ച നടത്തിയിരുന്നു. എന്താണ് ഇത്തരമൊരു രാഷ്ട്രീയ ആശങ്കയിലേക്ക് ഹിമാചലിന് എത്തിച്ചത്? എന്താണ് ഹിമാചൽ പ്രദേശിൽ സംഭവിച്ചത്? ആത്മവിശ്വാസത്തോടെ തുടരാൻ വേണ്ട ഭൂരിപക്ഷമുണ്ടായിട്ടും കോൺഗ്രസിന് പിഴച്ചതെവിടെയാണ്‌? ഉത്തരേന്ത്യയിലെ ഏക തുരുത്തായിരുന്നു കോൺഗ്രസിന് ഹിമാചൽ പ്രദേശ്.
പല്ലില്ലാത്ത ‘ഭീകരന്‍’ ആദ്യം ‘സ്ക്യൂസ് കേജിൽ’; വയ‘നാടിളക്കിയ’ കടുവയ്ക്ക് ഇനി തൃശൂരിൽ സുഖവാസം

നാടിളക്കിയ കടുവയ്ക്ക് ഇനി മൃഗശാലയിൽ സുഖവാസം. വയനാട് ജില്ലയിലെ ജനവാസ മേഖലയിൽ ഇറങ്ങുകയും വളർത്തുമൃഗങ്ങളെ കെ‍ാല്ലുകയും ചെയ്യ്ത കടുവ വനംവകുപ്പ് ഉദ്യോഗസ്ഥരുടെ പിടിയിലായെങ്കിലും ആരോഗ്യ സ്ഥിതി അത്ര മികച്ചതായിരുന്നില്ല. അതിനാൽ, രണ്ടു ദിവസമായി കടുവ സുൽത്താൻ ബത്തേരി കുപ്പാടിക്കു സമീപമുള്ള വനം വകുപ്പിന്റെ അനിമൽ പാലിയേറ്റീവ് കെയർ യൂണിറ്റിലായിരുന്നു. പരിപാലന കേന്ദ്രത്തിൽ ചികിത്സയിലിരിക്കെ പ്രത്യേകം സജ്ജീകരിച്ച വാഹനത്തിലാണു തൃശൂരിലെത്തിച്ചത്. ആദ്യം ‘സ്ക്യൂസ് കേജിൽ’ പാർപ്പിച്ച കടുവയെ പിന്നീട് അനിമൽ ഹൗസിലേക്കു മാറ്റി. പിടികൂടുന്ന കടുവകളെയും പുലികളെയും പ്രാഥമിക ചികിത്സയ്ക്കായി ആദ്യം പാർപ്പിക്കുന്നതു സ്ക്യൂസ് കേജ് എന്നറിയപ്പെടുന്ന പ്രത്യേക തരം കൂടുകളിലാണ്. പല്ലുകൾ നഷ്ടപ്പെട്ട കടുവയ്ക്ക് ഇര പിടിക്കാൻ ബുദ്ധിമുട്ടുണ്ടെന്നു വയനാട്ടിലെ പ്രാഥമിക പരിശോധനയിൽ കണ്ടെത്തിയിരുന്നു. ശരീരത്തിൽ മുറിവുകളുണ്ടെങ്കിലും ഇവ സാരമുള്ളതല്ല. കടുവയെ തിരികെ കാട്ടിലേക്കു വിട്ടാലും ഇരപിടിക്കാൻ സമയമെടുക്കുമെന്നാണു കണ്ടെത്തൽ. എന്നാൽ നൽകുന്ന ഭക്ഷണം കഴിക്കുന്നതിനു ബുദ്ധിമുട്ടില്ല. ആറിനും എട്ടിനും ഇടയിലാണ് ആൺ കടുവയുടെ ഏകദേശ പ്രായം കണക്കാക്കിയിരിക്കുന്നത്. പേര് തീരുമാനിച്ചിട്ടില്ല. വയനാട്ടിൽ നിന്നു തൃശൂരിലെത്തിക്കുന്ന മൂന്നാമത്തെ കടുവയാണിത്.
ജൂണിൽ ‘ദളപതി’ക്ക് 50; ലക്ഷ്യം ആ 20–30% വോട്ട്? പരാജയമാകുമോ വിജയ്? രാഷ്ട്രീയത്തിൽ ‘തിരക്കഥ’ മുഖ്യം ബിഗിലേ!

തമിഴ്നാട്ടിലെ ചലച്ചിത്ര–രാഷ്ട്രീയ ബന്ധം ഒരു സിനിമയാക്കിയാൽ അതൊരു മൾട്ടി സ്റ്റാർ ചിത്രമായിരിക്കും. എംജിആർ മുതൽ ശിവാജി ഗണേശൻ വരെയും ജയലളിത മുതൽ ഖുഷ്ബുവരെയും അതിൽ കഥാപാത്രങ്ങളായി വരും. അതിൽ ചിലർ വെള്ളിത്തിരയിലെ സൂപ്പർ പരിവേഷം രാഷ്ട്രീയ തട്ടകത്തിലും നിലനിർത്തിയപ്പോൾ മറ്റു ചിലർ സഹ നടന്മാരുടെ റോളിലേക്ക് ഒതുങ്ങി. ജൂനിയർ ആർട്ടിസ്റ്റ് വേഷംകൊണ്ട് തൃപ്തിപ്പെടേണ്ടി വന്നവരുമുണ്ട്. തമിഴകത്ത് സിനിമയും രാഷ്ട്രീയവും തമ്മിലുള്ള ഈ പാമ്പും കോണിയും കളിയിലേക്കാണ് ജോസഫ് ചന്ദ്രശേഖർ വിജയ് എന്ന ആരാധകരുടെ ദളപതി റിലീസാകുന്നത്. തമിഴക വെട്രി കഴകം എന്ന പാർട്ടി പ്രഖ്യാപിച്ച് വിജയ് രാഷ്ട്രീയ പ്രവേശനം പ്രഖ്യാപിച്ച് ആഴ്ചകൾ കഴിഞ്ഞിട്ടും അതുമായി ബന്ധപ്പെട്ട തുടർ ചലനങ്ങൾ തമിഴ്നാട്ടിൽ നിലച്ചിട്ടില്ല. മരുതൂർ ഗോപാലൻ രാമചന്ദ്രൻ എന്ന എംജിആറിനെപ്പോലെ രാഷ്ട്രീയത്തിരയിലും സൂപ്പർ നായകനാകാൻ വിജയ്‌ക്കു കഴിയുമോ? അതോ രാഷ്ട്രീയ പരീക്ഷണത്തിനിറങ്ങിയ നൂറായിരം സിനിമാക്കാരിലൊരാളായി മാത്രം ദളപതിയുടെ ശ്രമവും അവസാനിക്കുമോ?. തമിഴക രാഷ്ട്രീയം ഫ്ലാഷ് ബാക്കടിക്കുമ്പോൾ രണ്ടിനുമുള്ള സാധ്യതകളും തെളിഞ്ഞുവരുന്നുണ്ട്.
അമ്മയുടെയും കുഞ്ഞിന്റെയും ജീവനെടുക്കുന്ന ‘യുട്യൂബ് ഡോക്ടർ’: ആ 4 മിനിറ്റ് നിർണായകം: ഷമീറ നമ്മോട് പറയുന്നത്...

മൂന്നു തവണ സിസേറിയൻ കഴിഞ്ഞ സ്ത്രീക്ക് വീട്ടിൽ പ്രസവിക്കാമോ? തീർച്ചയായും സാധിക്കുമെന്ന അക്യുപംക്ചർ ചികിത്സകന്റെ വാക്കു വിശ്വസിച്ചതാണ് തിരുവനന്തപുരം നേമത്ത് മുപ്പത്തിയാറുകാരിയായ ഷമീറ ബീവിയുടെയും നവജാത ശിശുവിന്റെയും മരണത്തിൽ കലാശിച്ചത്. മാതൃമരണനിരക്ക് പിടിച്ചു നിർത്തുന്നതിൽ പാശ്ചാത്യ രാജ്യങ്ങളോടു കിടപിടിക്കുന്ന കേരളത്തിൽ ഇത്തരം മരണങ്ങൾ ഒറ്റപ്പെട്ട സംഭവങ്ങളല്ലാതായി മാറുകയാണ്. ആശാവർക്കർമാരുടെയും ആരോഗ്യപ്രവർത്തകരുടെയും നിരന്തര ബോധവൽക്കരണം ഉണ്ടായിട്ടു പോലും അശാസ്ത്രീയമായ ചികിത്സാ രീതികളിൽപ്പെട്ട് മരണപ്പെടുന്ന കേരളത്തിലെ അവസാനത്തെയാളാണ് ഷമീറ. യുട്യൂബ് നോക്കിയായിരുന്നു ഷമീറയുടെ പ്രസവം. ഇത്തരം പ്രസവം എടുക്കലുകൾ വ്യാപകമാകുന്നത് അത്യന്തം ആശങ്കയോടെ കാണേണ്ടതുണ്ടെന്ന് ആരോഗ്യപ്രവർത്തകർ പറയുന്നു. പ്രസവത്തിൽ ഏത് നിമിഷവും സങ്കീർണതകൾ പ്രതീക്ഷിക്കേണ്ടതുണ്ട് എന്നതുതന്നെ കാരണം. അശാസ്ത്രീയ ചികിത്സാ രീതികൾക്കു പിന്നാലെ പോകുന്നവർ അറിയേണ്ട ആ സങ്കീർണതകൾ എന്തൊക്കെയാണ്? വൈദ്യസഹായം ഉറപ്പുവരുത്താതെ നടക്കുന്ന പ്രസവങ്ങളിൽ അമ്മയ്ക്കൊപ്പം കുഞ്ഞിനെയും കാത്തിരിക്കുന്നത് എന്തെല്ലാം അപകടങ്ങളാണ്?
പിണറായിയുടെ ‘നികൃഷ്ട ജീവി’ സുധാകരന്റെ ‘ചെത്തുകാരനിൽ’ മുങ്ങിയോ? ‘വിശ്വവിഖ്യാത’മായി മൈക്ക്!

‘വാ വിട്ട വാക്കും കൈ വിട്ട ആയുധവും പിന്നെ തിരിച്ചെടുക്കാനാകില്ല’– ആറാം തമ്പുരാൻ സിനിമയിൽ വലിയ കയ്യടി കിട്ടിയ ജഗന്നാഥന്റെ (മോഹൻലാൽ) ഡയലോഗ്. രാഷ്ട്രീയത്തിൽ നേതാക്കളുടെ വാ വിട്ട വാക്കുകൾക്ക് അണികളുടെ കയ്യടി ചിലപ്പോഴെങ്കിലും കിട്ടാറുണ്ട്. എന്നാൽ പ്രതിപക്ഷ നേതാവ് വി.ഡി.സതീശനെതിരെ കെപിസിസി പ്രസിഡന്റ് കെ.സുധാകരൻ ആലപ്പുഴയിലെ വാർത്താ സമ്മേളന വേദിയിൽ നടത്തിയ വാക് പ്രയോഗത്തിന് അണികളുടെയും കയ്യടിയില്ല. ഇരുവരും ഒരുമിച്ചു ചേർന്നു ജാഥ നയിക്കുകയെന്ന തീരുമാനമെടുത്തതു തന്നെ ഇരുവരും ഒരുമിച്ചാണെന്ന് അണികളെ ബോധ്യപ്പെടുത്താനായിരുന്നു. എന്നാൽ ഇഴച്ചു കെട്ടിയ ആ കൂട്ടുകെട്ട് പൊട്ടിച്ചെറിയുന്നതിനു തുല്യമായി സുധാകരന്റെ വാ വിട്ട വാക്ക് വടക്കുനിന്നുള്ള പല നേതാക്കളും നാടൻ ശൈലിയിൽ പ്രസംഗിക്കുന്നവരാണ്. ഇ.കെ.നായനാരെപ്പോലെ ചിലർ ആ ശൈലികൊണ്ട് ആരാധകരെയുണ്ടാക്കിയിട്ടുണ്ട്. എന്നാൽ വടക്കൻ ശൈലിയെന്ന പേരു പറഞ്ഞു നടത്തുന്ന വാക് പ്രയോഗങ്ങൾകൊണ്ടു വിവാദമുണ്ടാക്കിയവരാണു പുതിയതലമുറയിലെ പല നേതാക്കളും. അസഭ്യ പ്രയോഗങ്ങൾക്കു വടക്കിനു മാത്രമായി ഒരു ശൈലിയുമില്ല. പ്രയോഗത്തിന്റെ വ്യാകരണമോ രീതിശാസ്ത്രമോ അതുണ്ടാക്കുന്ന ഫലമോ ചിന്തിക്കാതെ വാക്കുകൾ തൊടുത്തുവിടുന്നതിൽ മുൻപിലാണു സുധാകരൻ. മനസ്സിൽ ഒന്നും വയ്ക്കാതെ തുറന്നു പറയുന്നതു ഗുണമായി കാണുന്ന സുധാകരന്, ഈ ഗുണം പലതവണ ദോഷമായി മാറിയിട്ടുണ്ട്.
ബിജെപി വീണ്ടും അധികാരത്തിലെത്തിയാൽ ആശങ്ക; ഇന്ത്യയെ നോക്കി ലോകം അദ്ഭുതപ്പെട്ട നിമിഷം; വന്ദേ ഭാരത് ‘കുതിപ്പിൽ’ നിക്ഷേപകർക്കും ലാഭം

മനോരമ ഓൺലൈൻ പ്രീമിയത്തിൽ കഴിഞ്ഞ ഒരാഴ്ചയിൽ ചർച്ചചെയ്യപ്പെട്ട വാർത്തകളിൽ ഏറ്റവും മുന്നിൽ നിന്നത് ‘ബിജെപി വീണ്ടും അധികാരത്തിലെത്തിയാൽ ആശങ്ക; മോദി പോപ്പുലർ അല്ല; 80% പണവും പരസ്യത്തിന്’ തുടങ്ങി നിരീക്ഷണങ്ങൾ നടത്തിയ പ്രമുഖ സാമ്പത്തിക ശാസ്ത്രജ്ഞനും രാഷ്ട്രീയ ചിന്തകനുമായ ഡോ. പറകാല പ്രഭാകറുമായുള്ള അഭിമുഖമായിരുന്നു. ഒന്നര നൂറ്റാണ്ടു പിന്നിട്ട കേന്ദ്ര കാലാവസ്ഥാ വകുപ്പിന്റെ ചരിത്രത്തിൽ ഒട്ടേറെ കൗതുകങ്ങളുണ്ട്. ഒപ്പം കഠിനാധ്വാനത്തിന്റെ കഥകളും. ഈ വിവരങ്ങളെല്ലാം തേടി ഒട്ടേറെപ്പേർ പ്രീമിയത്തിലേക്ക് എത്തി. രണ്ടു പതിറ്റാണ്ട് തനിക്കൊപ്പം നിന്ന ലോക്സഭാ മണ്ഡലം, റായ്ബറേലിയോട് യാത്ര പറയുന്ന സോണിയ ഗാന്ധിയുമായി ബന്ധപ്പെട്ട രാഷ്ട്രീയ വിശകലനം പ്രീമിയതത്തിൽ ട്രന്റിങ് ആയിരുന്നു. ഇതിനു പുറമെ ബ്രിട്ടിഷ് അക്കാദമി ഓഫ് ഫിലിം ആൻഡ് ടെലിവിഷൻ ആർട്സിലെ (ബാഫ്റ്റ) വർണവെറി, പ്രധാനപ്പെട്ട റെയിൽവേ ഓഹരികളുടെ വിശകലനം, മിസ് വേൾഡ് മത്സരത്തിന്റെ ഭാഗമായി തയാറാക്കിയ ഫോട്ടോ സ്റ്റോറി, സെർവിക്കൽ കാൻസറിന്റെ ലക്ഷണങ്ങളുടെ വിശകലന റിപ്പോർട്ട് എന്നിവയും പോയവാരം മനോരമ ഓൺലൈൻ പ്രീമിയത്തിൽ ഏറ്റവും കൂടുതൽ വായനക്കാരുടെ പങ്കാളിത്തമുണ്ടാക്കിയ വാർത്തകളാണ്.
രഹസ്യ വഴിയിലൂടെ സർവനാശം, ‘നെടുങ്കോട്ട’ വീണു: ചരിത്രത്തിലെ വലിയ സൈനികാഭ്യാസത്തിന് നാറ്റോ, മഴ കഴിഞ്ഞാൽ മഹായുദ്ധം?

ഒടുവിൽ അവ്ദിവ്കയും വീണു, യുക്രെയ്ൻ ആസന്നമായ തോൽവിയിലേക്ക്. യുക്രെയ്നിന്റെ പ്രതിരോധ നിരയിൽ ഏറ്റവും ശക്തമെന്നു വിലയിരുത്തപ്പെട്ടിരുന്ന ഡോണെറ്റ്സ്ക് മേഖലയിലെ അവ്ദിവ്ക എന്ന ചെറുവ്യവസായ നഗരം കടുത്ത പോരാട്ടത്തിനൊടുവിൽ റഷ്യ പിടിച്ചെടുത്തു. അതിനിടെ യുക്രെയ്ൻ സൈന്യവും പ്രസിഡന്റ് വ്ളാഡിമിർ സെലെൻസ്കിയും തമ്മിലുള്ള ഭിന്നതയും അതിരൂക്ഷമായി. സൈനിക മേധാവിയായ വലേറി സലൂഷ്നിയെ പുറത്താക്കി ഫെബ്രുവരി 8ന് വ്ളാഡിമിർ സെലെൻസ്കി ഉത്തരവുമിറക്കി. പകരം തന്റെ വിശ്വസ്തനായ ജനറൽ ഓലെസ്കാൻഡർ സിർക്സിയെ പുതിയ കമാൻഡറായി നിയമിക്കുകയും ചെയ്തു. അമേരിക്കൻ സാമ്പത്തിക സഹായം മാസങ്ങളായി നിലച്ചതോടെ കടുത്ത പ്രതിസന്ധിയിലായിരുന്ന യുക്രെയ്നിനു താൽ‌ക്കാലിക ആശ്വാസമായി യൂറോപ്യൻ യൂണിയന്റെയും മറ്റും സാമ്പത്തിക സഹായ പാക്കേജും എത്തി. എന്നാൽ, യുദ്ധം രണ്ടു വർഷം പിന്നിടുമ്പോൾ ആൾബലത്തിലും ആയുധബലത്തിലും ഒരുപാടു മുന്നിൽ നിൽക്കുന്ന റഷ്യൻ സേന, യുക്രെയ്നിന്റെ പ്രതിരോധക്കോട്ടകളെ ഒന്നൊന്നായി തകർത്തു മുന്നേറ്റം തുടരുകയാണ്. ഈ മഞ്ഞുകാലത്തിനു പിന്നാലെ മേയ്, ജൂൺ മാസത്തോടെ റഷ്യൻ സേന നടത്തിയേക്കാവുന്ന വൻ സൈനിക കുതിപ്പു ഭയന്ന് നാറ്റോ സൈനിക സഖ്യം തങ്ങളുടെ ചരിത്രത്തിലെ തന്നെ ഏറ്റവും വലിയ സൈനിക അഭ്യാസത്തിനും തുടക്കം കുറിച്ചു കഴിഞ്ഞു.
സോണിയയും ‘ഉപേക്ഷിച്ചു’ ആ ഒരു സീറ്റ്; യുപി കോൺഗ്രസ് മുക്തമാക്കാൻ ബിജെപിയുടെ ‘അദിതി’; വയനാട് വിടുമോ രാഹുൽ?

‘‘ഭർതൃ മാതാവിനെയും ഭർത്താവിനെയും നഷ്ടപ്പെട്ടതിന് ശേഷമാണ് ഞാൻ നിങ്ങളുടെ അടുക്കൽവന്നത്. നിങ്ങൾ എന്നെ ഇരുകൈകളുംനീട്ടി സ്വീകരിച്ചു. ഈ തിളങ്ങുന്ന പാതയിലൂടെ ഒപ്പം നടക്കാൻ അനുവദിച്ചു. കഴിഞ്ഞ രണ്ടു തിരഞ്ഞെടുപ്പുകളിൽ കടുത്ത വെല്ലുവിളികൾക്കിടയിലും നിങ്ങൾ എനിക്കൊപ്പം നിന്നത് ഞാനൊരിക്കലും മറക്കില്ല’’. രണ്ട് പതിറ്റാണ്ട് കാലം തന്നെ തിരഞ്ഞെടുത്ത റായ്ബറേലിയിലെ വോട്ടർമാർക്ക് സോണിയ ഗാന്ധി എഴുതിയ വൈകാരികമായ കത്തിലെ വരികളാണിത്. 2004 മുതൽ 2024 വരെ സോണിയ ഗാന്ധിയുടെ വിലാസമായിരുന്നു, ഉത്തർപ്രദേശിലെ റായ്ബറേലി മണ്ഡലം. 2019ൽ ഉത്തർപ്രദേശിലെ 62 ലോക്സഭ മണ്ഡലങ്ങളിലും ബിജെപി വിജയം നേടിയപ്പോഴും അണുവിട മാറാതെ റായ്ബറേലി സോണിയയ്ക്ക് വോട്ടു കുത്തി. നെഹ്റു കുടുംബത്തിന്റെ മണ്ഡലം എന്ന് വിളിപ്പേരുള്ള റായ്ബറേലിക്ക് പറയാൻ ചരിത്രമേറെയുണ്ട്. ഇന്ദിരാഗാന്ധി ആദ്യ മത്സരത്തിന് തിരഞ്ഞെടുത്ത മണ്ഡലവും ഇന്ദിരയെ തോൽപ്പിച്ച ഒരേയൊരു മണ്ഡലവും റായ്ബറേലിയാണ്. വിടപറഞ്ഞു കൊണ്ടുള്ള കത്തിൽ, കുടുംബത്തിന് പിന്തുണയുണ്ടാവണമെന്നാണ് സോണിയയുടെ അഭ്യർഥന. റായ്ബറേലി നിലനിർത്താൻ നറുക്ക് വീഴുന്നത് ആർക്കായാലും മത്സരം അത്ര എളുപ്പമായേക്കില്ല എന്നാണ് നിലവിലെ കണക്കുകൾ പറയുന്നത്. തിരഞ്ഞെടുപ്പ് ചരിത്രത്തിലെ വെറുമൊരു മണ്ഡലം മാത്രമല്ല, കോൺഗ്രസിന് റായ്ബറേലി. വീണും ഉയർന്നും കണക്കു തീർത്തുമാണ് റായ്ബറേലിക്കൊപ്പം കോൺഗ്രസും വളർന്നത്. ഇനി റായ്ബറേലിയിൽ ചരിത്രമെഴുതുന്നത് ആരാകും?
മോദിയുടെ വിരുന്നില്‍ പ്രേമചന്ദ്രനൊപ്പമെത്തിയ 4 പാർട്ടിയിലെ 7 എംപിമാർ: എന്തിന് ഇവർക്ക് മാത്രം ആ സർപ്രൈസ്!

സർപ്രൈസുകളുടെ മാസമാണ് ഫെബ്രുവരി. ഇഷ്ടമുള്ളവർക്ക് സർപ്രൈസ് സമ്മാനങ്ങൾ നൽകി സന്തോഷിപ്പിക്കാൻ പറ്റിയ മാസം. രാഷ്ട്രീയത്തിലും സർപ്രൈസുകൾക്ക് പഞ്ഞമില്ല. ന്യൂഡൽഹിയിൽ ഒരു ‘സർപ്രൈസ് പാർട്ടി’യിൽ പങ്കെടുത്തതു പക്ഷേ, ഇത്രയും വലിയ വിഷയമാകുമെന്ന് കൊല്ലം എംപി എൻ.കെ.പ്രേമചന്ദ്രൻ ഓർത്തുകാണില്ല. ഉച്ചയൂണു നേരത്ത് പ്രധാനമന്ത്രിയുടെ ഓഫിസിൽനിന്നൊരു ഫോൺവിളി; ഉടനെത്തണം. എത്തിയപ്പോൾ കൊല്ലം എംപിയെ പോലെ കാര്യമറിയാതെ എത്തിയ വിവിധ പാർട്ടികളിലെ മറ്റ് 7 എംപിമാർ. ഒടുവിൽ പ്രധാനമന്ത്രി എത്തി. ‘‘നിങ്ങളെ ശിക്ഷിക്കുവാൻ പോകുന്നു’’ എന്നുും പറഞ്ഞ് കൊണ്ടുപോയത് പാർലമെന്റിലെ കന്റീനിലേക്ക്. വിഭവസമൃദ്ധമായ ആഹാരത്തിനൊപ്പം മണിക്കൂറുകൾ നീണ്ട, രാഷ്ട്രീയം ഒഴിച്ചു നിർത്തിയ സംഭാഷണം. പ്രധാനമന്ത്രിയുടെ വിരുന്ന് കഴിഞ്ഞ് എംപിമാർ തിരികെ വസതിയിൽ എത്തുന്നതിന് മുൻപ് വിരുന്നിന്റെ ചിത്രങ്ങളും വിഡിയോയും നാട്ടിലാകെ പാട്ടായി. അതോടെ 'ശിക്ഷിക്കാൻ പോകുന്നു' എന്ന് പ്രധാനമന്ത്രി പറഞ്ഞ കളിവാക്ക് സത്യമായ അവസ്ഥയിലായിരുന്നു എൻ.കെ. പ്രേമചന്ദ്രൻ. എംപിയുടെ 'ബിജെപി' ബന്ധത്തിന്റെ തെളിവ് സമൂഹ മാധ്യമങ്ങളിലൂടെ പുറത്തുവിട്ടാണ് രാഷ്ട്രീയ എതിരാളികൾ പ്രചാരണം കൊഴുപ്പിച്ചത്.
വിദേശ നിക്ഷേപകർ മടങ്ങിയെത്തി, സഞ്ചാരികൾ ഒഴുകുന്നു; കരകയറുന്ന ലങ്കയെ വീണ്ടും കടത്തിൽ മുക്കാൻ ചൈന; രക്ഷകരാകുമോ ഇന്ത്യ?

കൊളംബോയിൽ ഒരു ലീറ്റർ പെട്രോൾ കിട്ടാൻ 390 രൂപ (ശ്രീലങ്കൻ രൂപ) കൊടുക്കണം, ഒരു സാദാ ഊണ് കഴിച്ചിറങ്ങുമ്പോൾ 1000– 1500 രൂപ പോക്കറ്റിൽ നിന്നിറങ്ങും. എന്നിരുന്നാലും കാര്യങ്ങൾ ഒരു വർഷം മുൻപുണ്ടായിരുന്നതിലും എത്രയോ ഭേദം. ഒരു വർഷം മുൻപുണ്ടായിരുന്ന അരക്ഷിതാവസ്ഥയുടെ സൂചനപോലും ശ്രീലങ്കൻ തലസ്ഥാനത്തെ തെരുവുകളിൽ കാണാനില്ലെന്ന് അടുത്തയിടെ അവിടം സന്ദർശിച്ച സുഹൃത്ത് പറഞ്ഞു. വിനോദ സഞ്ചാരികളുടെ ഒഴുക്കാണ് എങ്ങും. പ്രധാനമായും ഇന്ത്യക്കാർ. കൊറിയ, ജപ്പാൻ, ചൈന, യുഎസ്, യൂറോപ്പ്... എന്നിവിടങ്ങളിൽനിന്നും ധാരാളം സഞ്ചാരികളെത്തുന്നു. പ്രകൃതിഭംഗിയും ഗ്രാമീണ ജീവിതവും അതിഥികൾക്കു മുന്നിൽ അണിനിരത്തി വിനോദസഞ്ചാരത്തെ രാജ്യത്തിന്റെ ഉയിർത്തെഴുന്നേൽപ്പിന്റെ പതാകവാഹക സ്ഥാനത്ത് പ്രതിഷ്ഠിച്ചിരിക്കുകയാണ് അധികൃതരും ജനവും.
കപ്പ് ഓസീസിന് കരുത്ത് ഇന്ത്യയ്ക്ക്; അണ്ടർ 19 ലോകകപ്പ് രാജ്യത്തിന് സമ്മാനിച്ചത് 3 സൂപ്പർ സ്റ്റാറുകളെ

പ്രതിസന്ധിഘട്ടങ്ങളിൽ ടീമിനു വിജയത്തിലേക്കുള്ള വഴിതുറന്നുകൊടുക്കുന്ന ക്യാപ്റ്റൻ ഉദയ് സഹറാൻ, സാങ്കേതികത്തികവും പ്രതിഭാ തിളക്കവുമായി ബാറ്റു വീശിയ മുഷീർ ഖാൻ, വിരലുകളിൽ വിസ്മയമുണ്ടെന്നു തെളിയിച്ച സ്പിന്നർ സൗമി പാണ്ഡെ. അണ്ടർ 19 ലോകകപ്പിൽ ഇന്ത്യൻ ടീമിന്റെ അദ്ഭുത മുന്നേറ്റം കണ്ട കമന്റേറ്റർമാരിൽ പലരും കൗതുകത്തോടെ ചോദിച്ചത് ഇവരൊന്നും ഇതുവരെ സീനിയർ ടീമിലെത്തിയില്ലേ എന്നാണ്. ഓസ്ട്രേലിയ കിരീട ജേതാക്കളായ ഇത്തവണത്തെ അണ്ടർ 19 ലോകകപ്പ് ടൂർണമെന്റ് ഇന്ത്യയ്ക്കു സമ്മാനിച്ച വലിയ നേട്ടം ഈ 3 സൂപ്പർ സ്റ്റാറുകളാണ്. ക്രിക്കറ്റ് ആവനാഴിയിലെ മികച്ച ആയുധങ്ങൾക്ക് അടുത്ത പതിറ്റാണ്ടിലും ഇന്ത്യയിൽ ക്ഷാമമുണ്ടാകില്ലെന്ന് ഓർമിപ്പിക്കുന്നതാണ് ലോകകപ്പിലെ ഇവരുടെ പ്രകടനങ്ങൾ.
യുപിഐയും ആനിയും കൂട്ടായി! രാജ്യാന്തര പണമിടപാടുകൾ ഞൊടിയിടയിൽ; ഇന്ത്യൻ ‘റുപേക്ക് ’ ഇനി യുഎഇയിലും പവർ

ലോകത്തിന്റെ ഏതുകോണിൽ ചെന്നാലും അവിടെ ഒരു മലയാളി ഉണ്ടെന്ന് പറയുമെങ്കിലും പ്രവാസലോകം എന്ന് കേട്ടാൽ മലയാളിയുടെ മനസ്സിലേക്ക് ആദ്യം എത്തുന്നത് ഗൾഫ് രാജ്യങ്ങൾ തന്നെയാവും. കേരളത്തിന്റെ സാമ്പത്തിക പുരോഗതിയിൽ ഗൾഫിൽ നിന്ന് ഒഴുകിയെത്തിയ പണം വഹിച്ചിട്ടുള്ള പങ്ക് നിസ്സാരമല്ല. ബാങ്ക് അക്കൗണ്ടുകൾ എല്ലാ പൗരന്മാർക്കും സാർവത്രികമാക്കാൻ കേന്ദ്ര സർക്കാർ പദ്ധതി പ്രഖ്യാപിക്കുന്നതിനും വർഷങ്ങൾക്ക് മുൻപേ കേരളത്തിലെ പ്രവാസി കുടുംബാംഗങ്ങൾക്ക് ബാങ്കിങ് നടപടികൾ മനഃപാഠമായിരുന്നു. ഗൾഫിൽ നിന്ന് ഉറ്റവർ മാസാമാസം അയയ്ക്കുന്ന പണം എടുക്കാൻ ബാങ്കുകളിലേക്ക് നേരിട്ടെത്തിയിരുന്ന അനുഭവമായിരുന്നു അവർക്ക് തുണ. പിന്നീട് വന്ന മണി ട്രാൻസ്ഫർ എക്സ്ചേഞ്ചുകൾ വിദേശത്തുനിന്നുള്ള പണമിടപാടുകളുടെ കാലാതാമസം കുറച്ചു. ഇപ്പോഴിതാ പ്രവാസ ലോകത്ത് നിന്ന് മൊബൈലിലൂടെ നാട്ടിലേക്ക് പണം അയയ്ക്കാൻ കഴിയുന്ന സംവിധാനങ്ങളും വന്നുകഴിഞ്ഞു. ഇത്തരം ഒരു സംവിധാനത്തിനാണ് ഇന്ത്യൻ പ്രധാനമന്ത്രിയുടെ യുഎഇ സന്ദർശനത്തിനിടെ കഴിഞ്ഞ ദിവസം തുടക്കം കുറിച്ചത്. ഇതിനൊപ്പം യുഎഇയുടെ സ്വന്തം ഡിജിറ്റൽ പണമിടപാട് സംവിധാനവും നിലവിൽ വന്നു. ഇന്ത്യ സംഭാവന ചെയ്ത സാങ്കേതിക വിദ്യയിലാണ് യുഎഇ ജെയ്‌വാൻ എന്നറിയപ്പെടുന്ന ഡിജിറ്റൽ പണമിടപാട് സംവിധാനത്തെ നിർമിച്ചത് എന്നത് ഓരോ ഇന്ത്യക്കാരനും അഭിമാനം നൽകുന്ന കാര്യമാണ്. എന്താണ് ജെയ്‌വാൻ എന്നതും യുഎഇയിൽ നിന്ന് നാട്ടിലേക്ക് പണം അയയ്ക്കുന്നതിൽ നിലവിൽ വന്ന പുതിയ മാറ്റത്തെ കുറിച്ചും വിശദമായി അറിയാം.
മോദിയുടെ ഉറ്റദൂതൻ; തൊഴിൽ നൽകുന്നത് 7000 പേർക്ക്; വളഞ്ഞിട്ടാക്രമണം എന്തിന്?; അവസരങ്ങള്‍ ഇല്ലാതാക്കി...

മനോരമ ഓൺലൈൻ പ്രീമിയത്തിൽ കഴിഞ്ഞ ഒരാഴ്ചയിൽ ചർച്ചചെയ്യപ്പെട്ട വാർത്തകളിൽ ഏറ്റവും മുന്നിൽ നിന്നത് വ്യത്യസ്തങ്ങളായ അഭിമുഖങ്ങളും വ്യക്തിത്വ വിവരണ സ്വഭാവമുള്ള വാർത്തകളുമായിരുന്നു. ലോക്സഭാ തിര‍ഞ്ഞെടുപ്പ് മുന്നിൽ നിൽക്കെ കോൺഗ്രസ് എംപി കൊടിക്കുന്നിൽ സുരേഷ് മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരുമായി നടത്തിയ ക്രോസ് ഫയർ അഭിമുഖം വായിക്കാനായി പതിനായിരക്കണക്കിന് പേർ പ്രീമിയം സന്ദർശിച്ചു. സംഗീത സംവിധായകൻ ശരത്തിന്റെ വ്യക്തി, സിനിമ ജീവിതത്തിന്റെ അറിയാക്കാഴ്ചകള്‍ തേടിയും മനോരമ ഓൺലൈനിലേക്ക് ഒട്ടേറെ പ്രീമിയം വായനക്കാരെത്തി. ഇതിന് പുറമേ സാഹിത്യകാരൻ ബാലചന്ദ്രൻ ചുള്ളിക്കാട്, നയതന്ത്രജ്ഞൻ ഡോ.എസ്. ജയശങ്കർ, വിദേശ മലയാളിയും സംരഭകനും സാമൂഹിക പ്രവർത്തകനുമായ സി.പി.സാലിഹ് എന്നിവരെപ്പറ്റിയുടെ വ്യക്തിത്വ വിവരണങ്ങളും പോയവാരം മനോരമ ഓൺലൈൻ പ്രീമിയത്തിൽ ഏറ്റവും കൂടുതൽ വായനക്കാരുടെ പങ്കാളിത്തമുണ്ടാക്കിയ വാർത്തകളാണ്.
വേനലിൽ വീടാകെ തണുപ്പ് നിറയ്ക്കാൻ ഈ വഴികൾ; ശരീരവും ‘കൂളാക്കാം’; പുറത്തിറങ്ങുമ്പോള്‍ സൂക്ഷിച്ചില്ലെങ്കിൽ ‘ഹീറ്റ് എക്സോഷൻ’

മീനമാസം: സൂര്യൻ മീനം രാശിയിലൂടെ സഞ്ചരിക്കുന്ന സമയം. കേരളത്തിലെ വേനൽക്കാലം. ശക്തമായ ചൂടു പതിക്കുന്ന മാസം. മീനമാസത്തിലേക്ക് ഇനിയും ഒരു മാസത്തിന്റെ ദൂരമുണ്ട്. കുംഭമായപ്പോഴേക്കും പക്ഷേ ചൂടുകൊണ്ട് ഇരിക്കാനും നടക്കാനും കിടക്കാനും പറ്റാത്ത അവസ്ഥ. ‘എന്തൊരു ചൂട്’ എന്നു പറയാത്ത ഒരു മലയാളി പോലും നിലവിൽ കേരളത്തിൽ ഉണ്ടാകാതിരിക്കാൻ ഇടയില്ല. രാജ്യത്തിലെ തന്നെ ഏറ്റവും കൂടിയ ചൂട് കേരളത്തിലാണെന്നു പറയുമ്പോൾ അതിശയം തോന്നുന്നുണ്ടോ? ‘ഏയ് അതിനു വഴിയില്ല’ എന്ന് നിലവിലെ സാഹചര്യത്തിൽ ആരും പറയില്ല. രാവിലെ എഴുന്നേൽക്കുമ്പോൾ മുതൽ വിയർത്തൊഴുകുന്ന, എപ്പോഴും ഫാനിനെയും എസിയെയും കുടയെയും കൂട്ടുപിടിക്കേണ്ടി വരുന്ന അവസ്ഥയിലേക്ക് എത്തിയിരിക്കുന്നു നമ്മൾ. ഫെബ്രുവരി 17ലേക്കുള്ള കാലാവസ്ഥാ പ്രവചനം പ്രകാരം കേരളത്തിലെ നാലു ജില്ലകളിൽ താപനില കുതിച്ചുയരുമെന്നാണ്. കണ്ണൂരിൽ ഉയർന്ന താപനില 38 ഡിഗ്രി സെൽഷ്യസ് വരെയും കോട്ടയത്ത് 37 ഡിഗ്രി വരെയും ആലപ്പുഴ, കോഴിക്കോട് ജില്ലകളിൽ 36 ഡിഗ്രി വരെയും എത്തുമെന്നാണ് അറിയിപ്പ്. അതായത്, സാധാരണയേക്കാൾ 3 മുതൽ 4 നാല് ഡിഗ്രി സെൽഷ്യസ് വരെ കൂടുതൽ. ഇപ്പോഴത്തെ ചൂട് തന്നെ താങ്ങാനാകുന്നില്ല, അതിനോടൊപ്പം ചൂട് ഇനിയും കൂടുമെന്നുകൂടി പറയുമ്പോള്‍ കിടുങ്ങിപ്പോകുന്നത് മലയാളി മനസ്സാണ്.
ഐഎസ്ആർഒയുടെ പുത്തൻ തന്ത്രങ്ങൾ; കാലാവസ്ഥാ പ്രവചനത്തിൽ അദ്ഭുതമാകാൻ ഇന്ത്യയുടെ ഇൻസാറ്റ്–3ഡിഎസ്

‘‌ഇന്ത്യ സ്വന്തമായി വികസിപ്പിച്ച ഒരു കൃത്രിമോപഗ്രഹ സംവിധാനം വേണം’– 1960കളിൽ രണ്ട് ഗവേഷകരുടെ സ്വപ്നം അതായിരുന്നു. ഇന്ത്യൻ ആണവ ശാസ്ത്രത്തിന്റെ പിതാവ് ഹോമി ജഹാംഗീർ ഭാബയും ഇന്ത്യൻ ബഹിരാകാശ പദ്ധതിയുടെ തലതൊട്ടപ്പൻ വിക്രം സാരാഭായിയും. 1960കളിൽതന്നെ ഇതിനായുള്ള ശ്രമങ്ങൾ ഇരുവരും നടത്തിയിരുന്നു. ഭാഭയാകട്ടെ ഒരു പടി കൂടി കടന്ന് സഹായം തേടി അമേരിക്കൻ ബഹിരാകാശ ഗവേഷണ സംഘടനയായ നാസയിലുമെത്തി. സാറ്റലൈറ്റ് നിർമാണം പഠിപ്പിച്ചു തരുമോയെന്നതായിരുന്നു അദ്ദേഹത്തിന്റെ ആവശ്യം. എന്നാൽ 1965ൽ നാസ ഡപ്യൂട്ടി ഡയറക്ടറായിരുന്ന അർണോൾഡ് ഫ്രുട്കിൻ ആ ആവശ്യം തള്ളി. ഇന്ത്യയെ സഹായിച്ചാൽ ബഹിരാകാശ ഗവേഷണത്തിൽ തിരിച്ചു സഹായമൊന്നും ലഭിക്കില്ലെന്നായിരുന്നു ഫ്രുട്സിന്റെ ന്യായം. ലാഭമില്ലാത്ത ഒരേർപ്പാടിനും നാസയില്ലെന്നും പറഞ്ഞുവച്ചു. ഇത്തരത്തിൽ യുഎസിന്റെയും ബ്രിട്ടന്റെയും ഉൾപ്പെടെ നിരന്തര എതിർപ്പുകൾ മറികടന്നായിരുന്നു ഇന്ത്യ ആദ്യത്തെ തനത് സാറ്റലൈറ്റ് സംവിധാനം വികസിപ്പിച്ചെടുത്തത്. 1982ലായിരുന്നു അതിന്റെ ആദ്യ വിക്ഷേപം. പക്ഷേ, അതു കാണാൻ ഹോമി ജഹാംഗീർ ഭാഭയോ വിക്രം സാരാഭായിയോ ഉണ്ടായിരുന്നില്ല.
വരവ് യൂറോപ്പിൽനിന്ന്! ബിജെപിയുടെ ഉറക്കം കെടുത്തി 12 ആവശ്യങ്ങൾ; ‘ദില്ലി ചലോ’യിൽ എഎപിയേയും കുരുക്കി കേന്ദ്രം

ഹരിയാനയിലെ കർണാലിൽ 2021ൽ രൂപീകൃതമായൊരു കമ്പനി. പേര് ഡ്രോൺ ഇമേജിങ് ആൻഡ് ഇൻഫർമേഷൻ സർവീസ് ഓഫ് ഹരിയാന ലിമിറ്റഡ് (ദൃശ്യ). കാർഷിക വിളകളും കൃഷിസ്ഥലങ്ങളും നിരീക്ഷിക്കുക, അടിസ്ഥാന വികസന പദ്ധതികളുമായി ബന്ധപ്പെട്ട സർവേ ജോലികൾ പൂർത്തിയാക്കുക, സുരക്ഷാ മേഖലകളിൽ നിരീക്ഷണം നടത്തുക എന്നിവയ്ക്കു വേണ്ടി ഡ്രോണുകൾ നിർമിക്കാൻ രൂപീകരിച്ചതായിരുന്നു കമ്പനി. കർഷകരെ സഹായിക്കാനുള്ളതാണെങ്കിലും ഇവരുടെ ഡ്രോണുകൾക്കു കഴിഞ്ഞ ഏതാനും ദിവസമായി മറ്റൊരു ജോലിയും ലഭിച്ചു. ‘ദില്ലി ചലോ’ മാർച്ചിനു വേണ്ടി പഞ്ചാബിൽനിന്നും മറ്റും യാത്ര ചെയ്തെത്തുന്ന കർഷകർക്കു നേരെ ടിയർ ഗ്യാസുകൾ (കണ്ണീർ വാതക ഷെല്ലുകൾ) വർഷിക്കുക. ആളില്ലാ ആകാശവാഹനങ്ങളെ (അൺമാൻഡ് ഏരിയൽ വെഹിക്കിൾ–യുഎവി) ടിയർ ഗ്യാസുകൾ വിതറാൻ ഉപയോഗിച്ച രാജ്യത്തെ ആദ്യ പൊലീസ് സംഘവുമായി അങ്ങനെ ഹരിയാന പൊലീസ്!
കേന്ദ്രം പറഞ്ഞു, ഇത് കള്ളപ്പണം തടയും: 75% ഇലക്ടറൽ ബോണ്ട്‌ പണവും ബിജെപിയിൽ: തിരിച്ചടിയാകുമോ തിരഞ്ഞെടുപ്പിൽ?

2017ൽ നിന്ന് 2023ൽ എത്തുമ്പോൾ രാജ്യത്ത് പുതുതായി രംഗത്തുവന്നത് ആയിരത്തിലധികം രാഷ്ട്രീയ പാർട്ടികള്‍! രണ്ടാമതാരും കേട്ടിട്ടു കൂടിയില്ലാത്ത ഇത്രയും പാർട്ടികളുടെ ഉദയത്തിനു പിന്നിൽ ഒരുത്തരമുണ്ട്; ഇലക്ടറൽ ബോണ്ട്. രാജ്യം തിരഞ്ഞെടുപ്പ് ചൂടിലേക്ക് കടക്കുമ്പോൾ ഇലക്ടറൽ ബോണ്ടിന്റെ കടയ്ക്കൽ കത്തിവച്ചുകൊണ്ടാണ്
ആ പാറ്റേണ്‍ വോട്ടിങ്ങിൽ ബിജെപി പ്രതീക്ഷ, സുരേഷ് ഗോപിയിൽ ആകാംക്ഷ, മോദിയും ‘റിസ്ക് ഫാക്ടർ’; പതറാതെ കോൺഗ്രസ്

പ്രധാനമന്ത്രി നരേന്ദ്ര മോദിയുടെ പ്രിയപ്പെട്ട വാക്കാണ് ‘ഗാരന്റി’. 2023 ഡിസംബറിൽ മൂന്നു സംസ്ഥാനങ്ങളിൽ നിയമസഭാ തിരഞ്ഞെടുപ്പ് ബിജെപി ജയിച്ചപ്പോൾ ‘ഹാട്രിക് 2024 ഗാരന്റി ചെയ്യുന്നു’ എന്നാണ് മോദി പറഞ്ഞത്. ജനങ്ങൾ വീണ്ടും താൻ അധികാരത്തിലെത്തണമെന്ന് അഭിലഷിക്കുന്നു എന്നാണ് മോദി അർഥമാക്കിയത്. ലോക്സഭയിൽ മോദി പ്രഖ്യാപിച്ചത് 370 സീറ്റ് സുനിശ്ചിതം എന്നാണ്. ആ ആത്മവിശ്വാസത്തിന്റെ ബലത്തിൽ പ്രതിപക്ഷത്തെ പരിഹസിക്കാനും അദ്ദേഹം തയാറായി. ദീർഘകാലം പ്രതിപക്ഷത്തിരിക്കാൻ സന്നദ്ധരായവരെന്ന് അഭിനന്ദിച്ചു. ബിജെപിയുടെ മൂന്നാം വിജയം സുനിശ്ചിതമെന്നും സീറ്റിന്റെ എണ്ണം മാത്രം നോക്കിയാൽ മതിയെന്നും പ്രവചിക്കുന്നവരുടെ എണ്ണത്തിന് പഞ്ഞമില്ല. 2014ൽ യുപിഎ സർക്കാരിനെതിരായ ഭരണവിരുദ്ധ വികാരം ബിജെപിയുടെ വിജയത്തിന് സഹായകമായെങ്കിൽ പിന്നീട് മോദിയുടെ നേതൃത്വത്തിൽ വ്യാപിപ്പിച്ച രാഷ്ട്രീയമാണ് വിജയങ്ങൾക്ക് അടിത്തറയായത്. രാജ്യം പരിചയിച്ചുപോന്നതിൽനിന്ന് വ്യത്യസ്തമായ രാഷ്ട്രീയം ബിജെപിയുടെ മൂന്നാംവരവിനും കളമൊരുക്കുമെന്ന് വിലയിരുത്തുന്നവർ കുറവല്ല. അതേസമയം ഏറ്റവും ഒടുവിലുണ്ടായ മൂന്നു സംസ്ഥാനങ്ങളിലെ നിയമസഭാ വിജയമല്ല, ബിജെപിയുടെ ഭാവി വിജയത്തിന്റെ സൂചകമായി താൻ കാണുന്നതെന്ന് തിരഞ്ഞെടുപ്പു വിദഗ്ധൻ പ്രശാന്ത് കിഷോർ വിലയിരുത്തുന്നു.
അള്ളും മുള്ളും വച്ച് കർഷകരെ തടയാൻ കേന്ദ്രം; അതിവിചിത്രം ഈ ‘പ്രതിരോധ’ കാഴ്ചകൾ!

ആറു മാസമെങ്കിലും കഴിഞ്ഞുകൂടാനുള്ള ഭക്ഷ്യവസ്തുക്കളും മറ്റു സാധന സാമഗ്രികളുമായാണ് ഡൽഹിയിലേക്ക് പഞ്ചാബിൽനിന്ന് കർഷകർ സമരത്തിനായി എത്തുന്നത്. എന്നാൽ ഒരു നിമിഷം പോലും ഡൽഹിയിൽ തങ്ങാൻ അനുവദിക്കാത്ത വിധമുള്ള പ്രതിരോധമാണ് കേന്ദ്ര സർക്കാർ ഡൽഹി–ഹരിയാന അതിർത്തിയിൽ ഒരുക്കിയിരിക്കുന്നത്. അതിൽ പലതും അതിവിചിത്രങ്ങളുമാണ്. സമരത്തെ സർക്കാർ ഭയക്കുന്നുണ്ടെന്നു വ്യക്തമാക്കുന്നതാണ് പ്രതിരോധ സംവിധാനങ്ങളെല്ലാം. അതിർത്തിയിലെ ദേശീയപാത 44ൽ ഫലത്തിൽ ഗതാഗതം സ്തംഭിച്ച മട്ടാണ്. കോൺക്രീറ്റ് ബ്ലോക്കുകൾ വരെ ഉപയോഗിച്ചാണ് ഗതാഗതം തടഞ്ഞിരിക്കുന്നത്. രണ്ടുംകൽപിച്ചാണ് പൊലീസും ദ്രുതകർമസേനയും എന്നതിന് ഇനിയുമുണ്ട് തെളിവുകൾ. വമ്പൻ കണ്ടെയ്നറുകൾ ദേശീയപാതയിൽ നിരത്തിയിട്ടുണ്ട്. അത് മറികടക്കാൻ ശ്രമിച്ചാൽ ഒരടി അനങ്ങില്ല. കണ്ടെയ്നർ നിറയെ മണ്ണുനിറച്ചതാണ് കാരണം. ഇതോടൊപ്പം നീളത്തിൽ മുള്ളുവേലിയുമുണ്ട്. കാവലിനു ദ്രുതകർമ സേനാംഗങ്ങളും.
മോദിക്ക് ‘താക്കീത്’ നൽകിയ ‘പറക്കും ചാരൻ’: കുരുക്കിയത് ആ മോതിരം, ഒപ്പം കോഡ് നമ്പർ: തടവിൽ 8 മാസം!

ഗേറ്റ് വേ ഓഫ് ഇന്ത്യയിൽനിന്ന് പറന്നുയർന്ന് താജ് ഹോട്ടലിനു മുകളിലൂടെ വട്ടമിട്ട് മറയുന്ന പ്രാവുകൾ ബോളിവുഡ് സിനിമകളിലെയും മുംബൈ പ്രമേയമാകുന്ന ചിത്രങ്ങളിലെയും പതിവുകാഴ്ചയാണ്. പ്രാവുകളെയും അവയ്ക്ക് തീറ്റകൊടുക്കുന്നവരെയും മഹാനഗരത്തിന്റെ എല്ലാ കോണുകളിലും കാണാം. അതിനിടയിൽനിന്ന് ‘ചാരപ്പക്ഷി’യെന്ന് സംശയിച്ച് ഒരു പ്രാവിനെ കസ്റ്റഡിയിലെടുക്കുക, മാസങ്ങളെടുത്ത് വിശദമായ അന്വേഷണം നടത്തുക, ഒടുവിൽ വിട്ടയയ്ക്കുക... കഥയായി തോന്നുന്നുണ്ടോ? എന്നാൽ, കഥയല്ല. 2024 ജനുവരി അവസാനവാരം പരേലിലെ ദിൻഷാ പെറ്റിറ്റ് മൃഗാശുപത്രിയിലെ പൊലീസ് കസ്റ്റഡിയിൽ നിന്ന് മോചിപ്പിച്ച പ്രാവ് ഉൾപ്പെട്ട വിചിത്രമായ കേസാണിത്. ചൈനീസ് ചാരപ്പക്ഷിയെന്ന സംശയത്തിൽ ചെമ്പൂർ പൊലീസ് 2023 മേയിലാണ് പ്രാവിനെ കസ്റ്റഡിയിലെടുക്കുന്നത്. രഹസ്യം ചോർത്താനെത്തിയ ‘ചാരനെ’ന്ന സംശയത്തിൽ തടവിൽ പാർപ്പിച്ചു. മാസങ്ങൾ നീണ്ട അന്വേഷണത്തിലാണ് പ്രാവ് ‘നിരപരാധി’യാണെന്നു കണ്ടെത്തിയത്. നാമെല്ലാം കൗതുകത്തോടെ നോക്കുന്ന പ്രാവിന്റെയുള്ളിൽ ഒരു ‘ചാരൻ’ ഒളിച്ചിരിപ്പുണ്ടോ? അത് നമ്മുടെ രാജ്യത്തുനിന്ന് എന്തു രഹസ്യമാണു ചോർത്തുന്നത്?
ഗുജറാത്ത് നേടിയെടുത്തു ഓസ്ട്രേലിയൻ ‘ഗിഫ്റ്റ്’, ദുബായിലും ഹിറ്റ്, കേരളം കൈവിട്ടു; വിദേശ സർവകലാശാലകളെ ആർക്കാണ് പേടി!

സംസ്ഥാനത്ത് സ്വകാര്യ–വിദേശ സർവകലാശാലകളുടെ ക്യാംപസുകൾ തുറക്കാനുള്ള സാധ്യത പരിശോധിക്കുമെന്ന സംസ്ഥാന ബജറ്റിലെ നിർദേശം സൃഷ്ടിച്ച വിവാദങ്ങൾ ചില്ലറയൊന്നുമല്ല. ഈ നിർദേശത്തിന്റെ പേരിൽ ഇടതു മുന്നണിയിലെ ഘടകകകക്ഷികൾ വരെ ഇടഞ്ഞു. ലോക്സഭാ തിരഞ്ഞെടുപ്പു കഴിയുന്നതു വരെയെങ്കിലും ഇത്തരമൊരു നീക്കത്തിൽനിന്നു വിട്ടുനിൽക്കാനാണ് നിലവിൽ സിപിഎമ്മിന്റെ ‘അനൗദ്യോഗിക’ തീരുമാനമെന്നാണു വിവരം. അപ്പോഴും ഒരു സംശയം ബാക്കി. ഇത്രയും കാലം എതിർത്തിട്ടും എന്തുകൊണ്ടാണ് പെട്ടെന്നൊരു നാളിൽ സിപിഎമ്മിന് വിദേശ സർവകലാശാല സംബന്ധിച്ചു വീണ്ടുവിചാരമുണ്ടായത്? അതിന് ഉത്തരമായി ഒരു കണക്കു പറയാം. ഇന്ത്യയിൽനിന്ന് പഠനത്തിനായി വിദേശത്തേക്കു പോകുന്ന വിദ്യാർഥികളുടെ എണ്ണത്തിൽ ഗണ്യമായ വർധനയുണ്ടായിട്ടുണ്ടെന്നും ഇതിൽ ഭൂരിഭാഗവും കേരളത്തിൽനിന്നുള്ളവരാണെന്നുമാണ് ബജറ്റിൽ ധനമന്ത്രി കെ. ബാലഗോപാൽ വ്യക്തമാക്കിയത്. 2022ൽ മാത്രം ഇന്ത്യയിൽനിന്ന് വിദേശത്തേക്ക് പഠനത്തിനായി പോയത് 13.2 ലക്ഷം കുട്ടികൾ; ഇതിൽ നാലു ശതമാനം പേരും കേരളത്തിൽനിന്നായിരുന്നു. ഇതേത്തുടർന്നാണ് രാജ്യാന്തര നിലവാരത്തിലുള്ള ഉന്നതവിദ്യാഭ്യാസം കേരളത്തിൽ ലഭ്യമാക്കാനുള്ള ലക്ഷ്യത്തിലൂന്നിയ പുതിയ ബജറ്റ് നിർദേശം. സർക്കാർ എന്തു തീരുമാനിച്ചാലും ചില ചോദ്യങ്ങൾ ബാക്കിയാണ്. എത്രത്തോളം എളുപ്പമാണ് വിദേശ സർവകലാശാലകളെ കേരളത്തിൽ എത്തിക്കുകയെന്നത്? അതിനുള്ള മാനദണ്ഡങ്ങളും നിയമങ്ങളും എന്തെല്ലാമാണ്? സംസ്ഥാനത്തിന് തനിച്ച് ഇക്കാര്യത്തിൽ തീരുമാനമെടുക്കാനാകുമോ? എന്താണ് ഇക്കാര്യത്തിൽ ഇന്ത്യയിലെ, ലോകത്തിലെ മറ്റു മികച്ച മാതൃകകൾ?
ഒബാമയെ ഇന്ത്യയിലെത്തിച്ച നയതന്ത്രജ്ഞൻ; മോദിയുടെ ഉറ്റദൂതൻ; താരസ്ഥാനാർഥിയായി വരുമോ എസ്.ജയശങ്കര്‍?

ആയുധങ്ങളെല്ലാം തേച്ചുമിനുക്കി പൊതുതിരഞ്ഞെടുപ്പിന്റെ അങ്കത്തട്ടിലിറങ്ങാൻ ഒരുങ്ങിയിരിക്കുകയാണ് ബിജെപി. മൂന്നാമതും ഭരണത്തുടർച്ച മോഹിക്കുമ്പോൾ കൺവെട്ടത്തുണ്ട് കേരളവും. ഡല്‍ഹിയില്‍ കേരളത്തിന്റെ പ്രാതിനിധ്യം അനിവാര്യമാണെന്ന് എറണാകുളത്തു ബൂത്ത് ശക്തികേന്ദ്ര ഇന്‍–ചാര്‍ജുമാരുടെ യോഗത്തിൽ പ്രധാനമന്ത്രി നരേന്ദ്ര മോദി ഓർമിപ്പിച്ചു. പ്രതീക്ഷകൾ കണക്കുകൂട്ടിയ ബിജെപി, സംസ്ഥാന തലസ്ഥാനമായ തിരുവനന്തപുരത്തെ എ ക്ലാസ് മണ്ഡലമായി കണക്കാക്കി. സിറ്റിങ് എംപിയും മുതിർന്ന കോൺഗ്രസ് നേതാവുമായ ശശി തരൂരിനെ നേരിടാൻ രംഗത്തിറക്കുന്ന ആ ‘താരസ്ഥാനാർഥി’ ആരായിരിക്കും? കേന്ദ്രമന്ത്രിമാരും ദക്ഷിണേന്ത്യന്‍ ബന്ധമുള്ളവരുമായ എസ്.ജയശങ്കര്‍, രാജീവ് ചന്ദ്രശേഖര്‍, നിര്‍മല സീതാരാമന്‍ എന്നിവരുടെയും മോദിയുടെയും പേര് അന്തരീക്ഷത്തിലുണ്ട്. ഇവിടെ എ ക്ലാസ് മണ്ഡലങ്ങളില്ലെന്നും 20 മണ്ഡലങ്ങളിലും ഒരു പോലെ പ്രതീക്ഷയുണ്ടെന്നുമാണു സംസ്ഥാന അധ്യക്ഷൻ കെ.സുരേന്ദ്രന്റെ അഭിപ്രായം. മോദി തിരുവനന്തപുരത്തു മത്സരിച്ചേക്കുമെന്നത് ഊഹാപോഹം മാത്രമാണെന്നു കേരള പ്രഭാരി പ്രകാശ് ജാവഡേക്കറും പറയുന്നു. കൂടുതൽ ചെറുപ്പക്കാർ വരണം, രണ്ടു തവണ രാജ്യസഭാംഗങ്ങളായിരുന്നവർ തിരഞ്ഞെടുപ്പുകളിൽ മത്സരിക്കണം എന്നാണു മോദിയുടെ തീരുമാനം. അക്കൂട്ടത്തിൽ ആദ്യത്തെ പേരുകാരനാണ് എസ്.ജയശങ്കർ. ‘മോദിയുടെ ദൂതൻ’ എന്നു വിശേഷണമുള്ള നേതാവ്.
100 ദിനം നിർത്താതെ ചുമ: പതിയിരിക്കുന്നത് ‘മിസ്റ്ററി വൈറസ്? ആശങ്കയിലേക്ക് വൈറ്റ് ലങ് സിൻഡ്രോമും

മഴക്കാലവും മഞ്ഞുകാലവും കഴിഞ്ഞ് വേനൽ പിടിമുറുക്കിത്തുടങ്ങിയതോടെ ചുമ വീണ്ടും വില്ലനായി മാറിയിട്ടുണ്ട്. സാധാരണ ജലദോഷപ്പനിയോടെ തുടങ്ങുന്ന ചുമ, പനിയും ജലദോഷവും മാറിക്കഴിയുന്നതോടെയാണ് തനിനിറം പുറത്തെടുക്കുക. വരണ്ട ചുമയുടെ അതിഭീകരമായ പല അവസ്ഥാന്തരങ്ങളിലേക്കും കടന്ന് ആളെ വട്ടംചുറ്റിക്കുന്ന ചുമ പിന്നെ വിട്ടുമാറാൻ ചിലപ്പോൾ ആഴ്ചകൾതന്നെ വേണ്ടിവന്നേക്കാം. ‘100 ദിന ചുമ’ (100 Day Cough) എന്നു മെഡിക്കൽ വിദഗ്ധർ വിളിക്കുന്നതുവെറുതെയല്ല, പലർക്കും ഈ ചുമ മാസങ്ങളോളം നീണ്ടുനിൽക്കാറുണ്ടെന്നാണ് ഡോക്ടർമാർ പറയുന്നത്. ഈ ‘കുത്തിക്കുത്തിയുള്ള’ വരണ്ട ചുമ മറ്റേതെങ്കിലും പകർച്ചവ്യാധിയാണോ എന്നുപോലും സംശയിക്കുന്നുണ്ട് ജനം. കോവിഡിന്റെ ഭീതിയൊഴിഞ്ഞ് ലോകം വീണ്ടും സാധാരണ ജീവിത സാഹചര്യങ്ങളിലേക്കു മടങ്ങിയെത്തിക്കഴിഞ്ഞെങ്കിലും ഇപ്പോഴും പകർച്ചവ്യാധിയെന്നു കേൾക്കുമ്പോൾ ഉള്ളൊന്നു കിടുങ്ങും. ചൈനയിലും യൂറോപ്പിന്റെ വിവിധയിടങ്ങളിലുമായി കഴിഞ്ഞ മാസം വ്യാപിച്ച അജ്ഞാത വൈറസ് രോഗമായ വൈറ്റ് ലങ് സിൻഡ്രോമിന്റെ പ്രത്യാഘാതമാണോ കേരളത്തിൽ പടർന്നുപിടിക്കുന്ന ചുമയും ശ്വാസകോശരോഗങ്ങളും എന്നും ചിലർക്ക് ആശങ്കയുണ്ട്.
5 ലക്ഷം അക്കൗണ്ടിലിട്ടാൽ ആ നടി വരും; കമൽഹാസന് വരവേൽപ്, പത്മനാഭന് കാത്തിരിപ്പ്; ‘പാഠം പഠിപ്പിച്ച’ ചുള്ളിക്കാട്

‘ആയതിന് നിലവിലുള്ള ചട്ടം അനുവദിക്കുന്നില്ലെങ്കിൽ പാലക്കാട്ടുനിന്നും തൃശൂരിലേക്കുള്ള ദൂരം കുറച്ചുതന്നാലും മതി’. യാത്രാബത്ത കൂട്ടിത്തരണമെന്നു കാണിച്ച് വികെഎൻ സാഹിത്യഅക്കാദമിക്ക് അയച്ച കത്ത് അവസാനിപ്പിക്കുന്നത് ഇങ്ങനെയാണ്. ഇങ്ങനെയൊരു സാഹസം കാണിക്കാൻ വികെഎന്നിനു മാത്രമേ സാധിക്കൂ എന്നു പ്രത്യേകം പറയേണ്ടതില്ലല്ലോ. കേരള സാഹിത്യ അക്കാദമിയുടെ സാഹിത്യോത്സവത്തിൽ കുമാരനാശാന്റെ ‘കരുണ’യെക്കുറിച്ചു നടത്തിയ രണ്ടു മണിക്കൂർ പ്രസംഗത്തിനു തനിക്കു ലഭിച്ച പ്രതിഫലത്തെക്കുറിച്ച് പ്രശസ്ത കവി ബാലചന്ദ്രൻ ചുള്ളിക്കാട് നടത്തിയ പരാമർശം വിവാദമായപ്പോഴാണ്, ഹാസ്യസാഹിത്യകാരനായ വികെഎന്നിന്റെ ഇങ്ങനെയൊരു കുറിക്കുകൊള്ളുന്ന ഉപസംഹാരം ചർച്ചയായത്. ഒരു സിനിമാ–സീരിയൽ അഭിനേതാവിന് ഒരു ചടങ്ങിൽ വിശിഷ്ടാതിഥിയായി പങ്കെടുക്കാൻ എത്ര രൂപ വേണമെങ്കിലും നൽകാൻ ആളുകൾ തയാറാണ്. അത് സർക്കാർ സ്ഥാപനങ്ങളാണെങ്കിലും സ്വകാര്യ സ്ഥാപനങ്ങളാണെങ്കിലും. എന്നാൽ ഒരു സാഹിത്യകാരനോ സാംസ്കാരിക പ്രവർത്തകനോ ആണെങ്കിൽ സംഘാടകർ ഉന്നയിക്കുന്ന ആദ്യ ചോദ്യം സാഹിത്യകാരനും സാംസ്കാരികപ്രവർത്തകനും സമൂഹത്തിന്റെ പൊതുസ്വത്തല്ലേ. അവർ ഇങ്ങനെ പ്രതിഫലം ചോദിക്കാൻ പാടുണ്ടോ എന്നാണ്?
പാക്കിസ്ഥാനിൽ ഇനിയെന്ത്? ഒരു വീസയിൽ 6 ഗൾഫ് രാജ്യങ്ങൾ; ശ്രദ്ധിച്ചിരുന്നോ, ഈ സംഭവങ്ങൾ?

മനോരമ ഓൺലൈൻ പ്രീമിയത്തിൽ കഴിഞ്ഞ ഒരാഴ്ചയിൽ ചർച്ചചെയ്യപ്പെട്ട വാർത്തകളിൽ ഏറ്റവും മുന്നിൽ നിന്നത് പ്രവാസ ലോകത്ത് സംഭവിക്കുന്ന പുതിയ മാറ്റങ്ങളെ കുറിച്ചുള്ള വാർത്തയായിരുന്നു. സന്ദർശക വീസയിൽ അടുത്തിടെ വരുത്തിയ മാറ്റങ്ങൾ തൊഴിൽ വീസയിലും പ്രതിഫലിക്കുമോ എന്നതും നാട്ടിലേക്ക് അയയ്ക്കുന്ന പണത്തിന്മേൽ അധിക നികുതി ഏർപ്പെടുത്തുന്നതിനെ കുറിച്ച് ബഹ്റൈൻ പാർലമെന്റിൽ ഉയർന്ന ചർച്ചകളും, ഈ നിർദേശം ബഹ്‌റൈൻ ശൂറ കൗൺസിൽ തള്ളിയതും ആഴത്തിൽ വിശകലനം ചെയ്ത റിപ്പോർട്ടുകളായിരുന്നു അത്. ഇതിന് പുറമെ അയൽരാജ്യമായ പാക്കിസ്ഥാനിൽ നടന്ന തിരഞ്ഞെടുപ്പിനെ കുറിച്ചുള്ള വിശകലനം, നിർമിത ബുദ്ധിയുടെ ബലത്തിൽ നേട്ടങ്ങളുടെ നെറുകയിൽ തിരികെ എത്തിയ മെറ്റ മേധാവി മാർക്ക് സക്കർബർഗിനെ കുറിച്ചുള്ള വാർത്ത, ഒരു ഇന്നിങ്സിൽ 10 വിക്കറ്റുകൾ സ്വന്തമാക്കിയ കുംബ്ലെയുടെ നേട്ടത്തിന്റെ രജത ജൂബിലി ആഘോഷം എന്നിവയും പോയവാരം മനോരമ ഓൺലൈൻ പ്രീമിയത്തിൽ ഏറ്റവും കൂടുതൽ വായനക്കാരുടെ പങ്കാളിത്തമുണ്ടാക്കിയ വാർത്തകളാണ്.
മഴുകൊണ്ട് വെട്ടിയും കഴുത്തുഞെരിച്ചും മക്കളെ കൊല്ലുന്ന ‘ഫിലിസൈഡ്’: സുചനയുടേത് ‘സൈക്കോട്ടിക്’ കൊല?

സുചന സേത്. കോവിഡ് മഹാമാരിക്കാലത്ത് സ്വന്തം കമ്പനി തുടങ്ങി, ഏറ്റവും മിടുക്കരായ 100 വനിതകളുടെ പട്ടികയിൽ ഇടം പിടിച്ച ഡേറ്റ സയന്റിസ്റ്റ്. പക്ഷേ അടുത്തിടെ സുചന സേതിന്റെ പേര് രാജ്യത്തെ ഞെട്ടിച്ചത് ഏറ്റവും നിഷ്ഠൂരമായ ഒരു കൊലപാതകത്തിന്റെ പേരിലാണ്. ഗോവയിലെ ഹോട്ടലിൽ നാലു വയസ്സുകാരനായ സ്വന്തം മകനെ കൊല ചെയ്ത് മൃതദേഹം പെട്ടിയിലാക്കി രക്ഷപ്പെടാൻ ശ്രമിച്ച സുചനയെ ഹോട്ടൽ ജീവനക്കാർക്ക് തോന്നിയ സംശയത്തിന്റെ പേരിൽ പൊലീസ് പിന്തുടർന്ന് അറസ്റ്റ് ചെയ്യുകയായിരുന്നു. പിന്നാലെ അതിക്രൂരമായ കൊലയുടെ വിവരങ്ങൾ ലോകമറിഞ്ഞു. വിവാഹമോചിതയായിരുന്നു സുചന. മകനെ കാണാൻ സുചനയുടെ ഭർത്താവിന് കോടതി അനുമതി നൽകിയതിനു പിന്നാലെയായിരുന്നു ആ നാലു വയസ്സുകാരനെ കൊലപ്പെടുത്തിയത്. പിന്നാലെ സുചന ആത്മഹത്യയ്ക്ക് ശ്രമിച്ചെന്നും റിപ്പോർട്ടുകളുണ്ടായിരുന്നു. മക്കളെ കൊലപ്പെടുത്തി പിന്നാലെ ആത്മഹത്യ ചെയ്യുന്ന മാതാപിതാക്കളുടെ വാർത്തകൾ കേരളത്തിനും പുതുമയല്ലാതായി മാറുകയാണ്. മുൻപെങ്ങുമില്ലാത്ത വിധത്തിൽ ‘അലാമിങ് ട്രെൻഡ്’ ആയി ഇത്തരം കൊലപാതകങ്ങൾ മാറുന്നുണ്ടെന്ന് മനഃശാസ്ത്രവിദഗ്ധരും പറയുന്നു. സ്വയം ജീവനെടുക്കുന്നതിനൊപ്പം, ഈ ലോകത്തിന്റെ ഭംഗിയിലേക്ക് കൗതുകം നിറഞ്ഞ കണ്ണുകളും കുഞ്ഞുകാലുകളുമെടുത്തു വച്ചു തുടങ്ങിയ പിഞ്ചു കുഞ്ഞുങ്ങളെയും കൊല്ലുന്ന ക്രൂരത. എന്താണ് സംഭവിക്കുന്നതെന്നു പോലും മനസ്സിലാകാതെയാണ് ആ കുരുന്നുകൾ എന്നന്നേക്കുമായി കണ്ണുകളടയ്ക്കുന്നത്. നമ്മുടെ സമൂഹം ഇത്രയ്ക്ക് ക്രൂരമായോ? സ്വന്തം കുഞ്ഞുങ്ങളുടെ വരെ കൊലപാതകങ്ങളിലേക്ക് ഇത്തരക്കാരെ നയിക്കുന്ന ചേതോവികാരം എന്താകും? വിദഗ്ധർ പറയും അതിന്റെ ഉത്തരം.
ഇത് കേരളത്തിന്റെ ചുവപ്പൻ പ്രതിഷേധം; കൈകോർത്ത് വിവിധ സംസ്ഥാനങ്ങൾ

കേരളത്തോടുള്ള കേന്ദ്രസർക്കാരിന്റെ അവഗണനയ്ക്കെതിരെ ഇടതുമുന്നണിയുടെ നേതൃത്വത്തിൽ ഡൽഹിയിലെ കേരള ഹൗസിനു സമീപത്ത് ജന്തർ മന്തറിൽ നടന്ന പ്രതിഷേധ സംഗമത്തിൽ അണിനിരന്നത് ഒട്ടേറെ നേതാക്കൾ. സിപിഎം ജനറൽ സെക്രട്ടറി സീതാറാം യച്ചൂരി, സിപിഐ ജനറൽ സെക്രട്ടറി ഡി.രാജ, കേരള മുഖ്യമന്ത്രി പിണറായി വിജയൻ, സംസ്ഥാന മന്ത്രിമാർ, എംപിമാർ, എംഎൽഎമാർ എന്നിവർക്ക് പുറമേ പഞ്ചാബ് മുഖ്യമന്ത്രി മുഖ്യമന്ത്രി ഭഗവന്ത് മാൻ, ഡൽഹി മുഖ്യമന്ത്രി അരവിന്ദ് കേജ്‌രിവാൾ, കപിൽ സിബൽ എംപി തുടങ്ങി ഒട്ടേറെ നേതാക്കൾ അണിനിരന്നു. തമിഴ്നാട് മുഖ്യമന്ത്രി എം.കെ.സ്റ്റാലിൻ പരിപാടിക്ക് ഐക്യദാർഢ്യം പ്രകടിപ്പിക്കുകയും ചെയ്തു. കേരളത്തിന്റെ അതിജീവനത്തിനും മുന്നോട്ടുപോക്കിനും അനിവാര്യമായ മാർഗം എന്ന നിലയിലാണ്, ചരിത്രത്തിൽ അധികം കീഴ്‌വഴക്കങ്ങളില്ലാത്ത ഈ പ്രക്ഷോഭത്തിന്റെ മാർഗം വേണ്ടിവന്നതെന്നും സംസ്ഥാനങ്ങളുടെ ഭരണഘടനാപരമായ അവകാശങ്ങൾ സംരക്ഷിക്കാനുള്ള പ്രക്ഷോഭമാണിതെന്നും മുഖ്യമന്ത്രി പിണറായി വിജയൻ പറഞ്ഞു.
നാട്ടിലേക്ക് അയയ്ക്കുന്ന പണത്തിന്മേൽ അധിക നികുതി: പ്രവാസികളെ ഞെട്ടിച്ച നിർദേശം: സംഭവിച്ചതെന്ത്?

പ്രവാസികളുടെ നെഞ്ചത്തടിച്ചു കൊണ്ടു വന്ന ഒരു പുതിയ നികുതി നിർദേശത്തിന്റെ ഞെട്ടലില്‍നിന്ന് പ്രവാസ ലോകം മുക്തമായിട്ടില്ല. ബഹ്റൈൻ പാർലമെന്റിന്റെ അധോസഭയിലെ ചില അംഗങ്ങളായിരുന്നു ജനുവരിയിൽ പുതിയ നികുതി നിർദേശം ഉയർത്തിയത്. പ്രവാസികൾ നാട്ടിലേക്ക് അയയ്ക്കുന്ന പണത്തിന് രണ്ടു ശതമാനം നികുതി ചുമത്തണമെന്നായിരുന്നു നിർദേശം. ഇതിന്റെ കരടും പാർലമെന്റിൽ അവതരിപ്പിച്ചു. എന്നാൽ ബഹ്‌റൈൻ ശൂറ കൗൺസിൽ നിർദേശം തള്ളിയതോടെ തൽക്കാലത്തേക്കെങ്കിലും മലയാളികൾ ഉൾപ്പെടെയുള്ള പ്രവാസികൾക്ക് ആശ്വസിക്കാം. അപ്പോഴും ഒരു ചോദ്യം ബാക്കി. നാട്ടിലേക്ക് അയയ്ക്കുന്ന പണത്തിന് അധിക നികുതി ചുമത്തണമെന്ന നിര്‍ദേശം എന്തുകൊണ്ടായിരിക്കാം വന്നത്? ഇനി ഒരിക്കലും അത്തരമൊരു നീക്കം ബഹ്റൈനിൽ വരില്ലെന്നു പറയാനാകുമോ? പ്രവാസികളുടെ മേൽ അധിക ഭാരമായേക്കുമായിരുന്ന നികുതി നിർദേശത്തെ എന്തുകൊണ്ടാണ് ശൂറ കൗൺസിൽ തള്ളിയത്? ഇതിനോടുള്ള സർക്കാർ നിലപാട് എന്തായിരുന്നു? വിശദമായി പരിശോധിക്കാം.
ഭാര്യയുടെ അഴിമതി സൃഷ്ടിച്ച ‘ശത്രു’: കൊടി പോലും കാണാത്ത ജനം; സൈന്യം എല്ലാം തീരുമാനിച്ചു, ‌ കണ്ണിൽ പൊടിയിടാനൊരു പാക്ക് തിരഞ്ഞെടുപ്പ്?

നീലക്കണ്ണുള്ള രാജകുമാരനായിരുന്നു ഒരിക്കല്‍ പാക്കിസ്ഥാന്‍ പട്ടാളത്തിന് ഇമ്രാന്‍ ഖാന്‍. അത്രയേറെ പ്രിയപ്പെട്ടവന്‍. എന്നാൽ ഇന്ന് റാവല്‍പിണ്ടി അഡ്യാല ജയിലിലെ വെറും 804-ാം നമ്പര്‍ തടവുകാരന്‍ മാത്രമാണ് അവർക്കദ്ദേഹം. നവാസ് ഷെരീഫിനെ കസേരയില്‍നിന്നു പുറത്താക്കി 2018ല്‍ പാക്കിസ്ഥാന്‍ പ്രധാനമന്ത്രി പദത്തിലേക്ക് ഇമ്രാനെയെത്തിച്ച അതേ പട്ടാളം തന്നെ നൂറ്റി എഴുപതോളം കേസുകളുടെ ഭാരം ചുമത്തി അദ്ദേഹത്തെ തുറുങ്കിലടച്ചിരിക്കുന്നു. ആറുവര്‍ഷം കഴിഞ്ഞ് രാജ്യത്ത് വീണ്ടും തിരഞ്ഞെടുപ്പ് നടക്കുമ്പോള്‍ മത്സരരംഗത്ത് ഇമ്രാനില്ല. രാജ്യദ്രോഹവും അഴിമതിയുമൊന്നുമല്ല, പട്ടാളത്തെ മറികടന്ന് സര്‍ക്കാര്‍ അധികാരം കൈയിലെടുക്കാന്‍ തുടങ്ങിയെന്നതാണ് ഇമ്രാന്‍ ചെയ്ത ഗുരുതര തെറ്റായി പട്ടാളം കാണുന്നത്. അങ്ങനെയുള്ളവരെ വെച്ചുപൊറുപ്പിച്ച ചരിത്രമില്ല പാക്ക് സൈന്യത്തിന്. തങ്ങള്‍ക്ക് സ്വീകാര്യനെങ്കില്‍ ഭരണത്തില്‍ തുടരാം അല്ലാത്തവര്‍ക്ക് പുറത്തുപോകാം. ഇതാണ് രീതി. എന്താകും ഇന്ത്യയുടെ അയല്‍നാട്ടിലെ തിരഞ്ഞെടുപ്പ്? ആരെയാകും ഇമ്രാന് പകരക്കാരനായി പാക്ക് സൈന്യം കണ്ടെത്തിയിരിക്കുക? ഫെബ്രുവരി എട്ടിനാണ് പാകിസ്ഥാനില്‍ പൊതുതിരഞ്ഞെടുപ്പ്. എന്നാല്‍ തിരഞ്ഞെടുപ്പിന്റേതായ ബഹളങ്ങളൊന്നും രാജ്യത്തില്ലെന്നാണ് സർവേ & റിസർച് കമ്പനിയായ ‘ഗാലപ് ആന്‍ഡ് ഗിലാനി’ നടത്തിയ സർവേയില്‍ കണ്ടെത്തിയത്. പാക്കിസ്ഥാനിലെ 44% പേരും തിരഞ്ഞെടുപ്പ് ബാനറുകളോ കൊടികളോ പോസ്റ്ററുകളോ കണ്ടിട്ടില്ലെന്ന് സര്‍വേ പറയുന്നു. ആരാകണം വിജയിയെന്ന് നേരത്തേത്തന്നെ സൈന്യം തീരുമാനിച്ചുറപ്പിച്ചിട്ടുണ്ടെന്നു ചുരുക്കം.
വനംവകുപ്പിന്റെ സംശയം സത്യമായി ! ആ കൊമ്പനും മോഴയും എവിടെ? തുരത്താൻ എയർഗൺ; ആനക്കലിക്ക് കാരണം ഇതോ?

മാനന്തവാടി നഗരത്തില്‍നിന്ന് മയക്കുവെടിവച്ച് പിടികൂടി ബന്ദിപ്പൂര്‍ വനത്തിനുള്ളില്‍ എത്തിച്ചപ്പോള്‍ ചരിഞ്ഞ തണ്ണീര്‍ക്കൊമ്പന്റെ ജഡം കര്‍ണാടക വനംവകുപ്പ് എന്തു ചെയ്തു? സംസ്കരിച്ചെന്നോ കത്തിച്ചുകളഞ്ഞെന്നോ പലരും കരുതുന്നുണ്ടാകും. എന്നാല്‍, ഒരു പകല്‍ മുഴുവന്‍ മാനന്തവാടി നഗരത്തെ ഭീതിയിലാഴ്ത്തിയ കൊമ്പന്‍ കഴിഞ്ഞദിവസം ബന്ദിപ്പൂര്‍ വനത്തിലെ കഴുകന്മാരുടെ ഫുഡ് മെനുവിലെ വിഭവമായി എന്നറിയുക! പോസ്റ്റ്മോര്‍ട്ടത്തിനു ശേഷം വനപാലകര്‍ തണ്ണീര്‍ക്കൊമ്പന്റെ ജഡം കഴുകന്മാര്‍ക്കു തീറ്റയായി നല്‍കുകയാണു ചെയ്തത്. ബന്ദിപ്പൂരിലെ കഴുകന്‍ റസ്റ്ററന്റില്‍ 3 ദിവസത്തിനുള്ളില്‍ കഴുകന്മാര്‍ക്കു തണ്ണീര്‍ക്കൊമ്പനെ തിന്നുതീര്‍ക്കാനാകും. പുതിയ മൃതദേഹങ്ങളെത്തിയാല്‍ വയനാട്ടില്‍നിന്നു പോലും കഴുകന്മാര്‍ ഇവിടെ പറന്നെത്തും. നൂറുകണക്കിനു കഴുകന്മാര്‍ ഒന്നിച്ചെത്തിയാല്‍ തണ്ണീര്‍ക്കൊമ്പന്റെ അസ്ഥികൂടം മാത്രം ബാക്കിയാകാന്‍ വിരലിലെണ്ണാവുന്ന ദിവസങ്ങള്‍ മതി.
ഓരോ തവണയും വില കൂടുന്ന മരം; കയ്യില്‍ വരും 40 ലക്ഷം വരെ! ഭൂമിയുടെ ജീവനെടുക്കുമോ അതോ നിധി സമ്മാനിക്കുമോ?

വേരു മുതൽ ചില്ല വരെ പണം കായ്ക്കുന്ന മരം. കാർഷിക മേഖലയ്ക്ക് 1698 കോടി രൂപ പ്രഖ്യാപിച്ച സംസ്ഥാന ബജറ്റിൽ ആ മരം വളർത്താനുമുണ്ട് പദ്ധതി. സംസ്ഥാനത്ത് ചന്ദനക്കൃഷി വളർത്താൻ സർക്കാർ സഹായിക്കുമെന്നും ചന്ദനവുമായി ബന്ധപ്പെട്ട നിയമങ്ങളിലും ചട്ടങ്ങളിലും കാലാനുസൃതമായ മാറ്റങ്ങൾ വരുത്തുമെന്നുമാണ് ബജറ്റ് പ്രസംഗത്തിൽ ധനമന്ത്രി കെ.എൻ.ബാലഗോപാൽ പ്രഖ്യാപിച്ചത്. സംസ്ഥാനത്ത് നിലനിൽക്കുന്ന മരസംരക്ഷണ നിയമപ്രകാരം സ്വകാര്യ ഭൂമിയിൽ ചന്ദനം കൃഷി ചെയ്യാമെങ്കിലും വെട്ടാനും വിൽക്കാനുമുള്ള അധികാരം വനംവകുപ്പിനാണ്. ചന്ദനം വിറ്റുകിട്ടുന്നതിന്റെ ഒരു വിഹിതമാണ് ഉടമയ്ക്ക് ലഭിക്കുക. ഇനി മുതൽ 50 ശതമാനം ആദ്യംതന്നെ നൽകാന്‍ പ്രത്യേകം റിവോൾവിങ് ഫണ്ട് രൂപീകരിക്കുമെന്നും മന്ത്രി പറയുന്നു. സംസ്ഥാനത്ത് കൂടുതൽ വനംഡിപ്പോകളിൽ ചന്ദനം ശേഖരിക്കുമെന്നും പ്രഖ്യാപനത്തിലുണ്ട്. ചന്ദനം തൊട്ടാൽ പൊള്ളുന്ന വിലയുള്ള മരമെന്നതു ശരിതന്നെ. പക്ഷേ, ചന്ദനക്കൃഷി വ്യാപിപ്പിക്കുക എന്നത് പ്രായോഗികമാണോ? ആണെന്നും അല്ലെന്നും വാദങ്ങൾ ഉയരുന്നുണ്ട്. മറയൂർ ചന്ദനത്തെ പറിച്ചു നടാനാകുമോ? ഇതുമായി ബന്ധപ്പെട്ട നിയമം ഭേഗദതി ചെയ്താൽ ആർക്കാണ് പ്രയോജനം?
10 പൈസയെന്ന് പറഞ്ഞ് 10 രൂപ കൂട്ടി; പ്ലാൻ ബി എന്നാൽ പ്ലാൻ ബവ്കോ എന്നാണോ? ‘ഗാലനേജിന്റെ’ ലക്ഷ്യം ഇത്

നാടിന്റെ വികസനത്തിനാണ് ഞങ്ങൾ മദ്യപിക്കുന്നതെന്ന മദ്യപരുടെ വിശദീകരണം ട്രോളായി മാറിയിട്ട് അധിക കാലം ആയിട്ടില്ല. മദ്യപാനത്തിന് ഒരു തത്വാധിഷ്ഠിത വിശദീകരണവും സർക്കാരുമായുള്ള ഒരു ‘അന്തർധാര’യും തങ്ങൾക്കുണ്ടെന്ന് മദ്യപാനികൾ പറഞ്ഞാൽ എങ്ങനെ നിഷേധിക്കും! ഓരോ ബജറ്റ് കഴിയുമ്പോഴും മദ്യത്തിനു വില കൂട്ടും. ഓരോ വട്ടവും ഓരോ പേരിലാണെന്നു മാത്രം. ബജറ്റിലെ ഈ ‘മദ്യാസക്തി’ തുടങ്ങിയിട്ട് കാലം കുറച്ചുമായി. ഇത്തവണ മദ്യാസക്തിക്കു പേരു വേറെയാണ്. ഗാൽവനേജ് ഫീസ്. ഗാൽവനേജിന്റെ വരവിനും ചരിത്രമുണ്ട്. മദ്യം അളക്കാൻ പണ്ട് കാലത്ത് ഉപയോഗിച്ചിരുന്നത് ‘ഗാലൻ’ എന്ന അളവ് സമ്പ്രദായത്തിൽനിന്നാണ് ‘ഗാൽവനേജ് ഫീ’ എന്ന പ്രയോഗം നിലവിൽ വന്നത്. എക്സൈസ് തീരുവ കണക്കാക്കുന്നത് മദ്യത്തിൽ അടങ്ങിയിരിക്കുന്ന ആൽക്കഹോളിന്റെ അളവിനെ അടിസ്ഥാനപ്പെടുത്തിയാണെങ്കിൽ ‘ഗാൽവനേജ് ഫീ’ നിർണയിക്കുന്നത് മദ്യത്തിന്റെ അളവിനെ മാത്രം അടിസ്ഥാനപ്പെടുത്തിയാണ്. ഇതിനാൽതന്നെ എല്ലാത്തരത്തിലുള്ള മദ്യത്തിനും ഇത് ഒരുപോലെ ബാധകവുമാണ്. എല്ലാവർക്കും അറിയേണ്ടത് ഗാൽവനേജ് വന്നാൽ വില കൂടുമോ എന്നാണ്. മദ്യത്തിന് ലീറ്ററിന് 10 രൂപ കൂട്ടിയെന്ന് ബജറ്റ് പ്രസംഗത്തിൽ മന്ത്രി ബാലഗോപാൽ പറഞ്ഞു. എന്നാൽ മദ്യ വില ഉയരില്ലെന്ന് ബവ്റിജസ് കോർപറേഷനും പറയുന്നു. ഇതെങ്ങനെയെന്ന് ചിന്തിച്ചാൽ മദ്യം കഴിച്ച പോലെ ആകെ കിറുങ്ങിപ്പോവില്ലേ!
കേന്ദ്രം ‘ചതിച്ചു’, ഇനി ഇടതിനും രക്ഷ ‘സ്വകാര്യം’, ‌ഗ്രീന്‍ ‌‌സിഗ്നൽ നൽകി ധനമന്ത്രി: പ്ലാൻ ബിയും പാളിപ്പോയ കുറേ സമരങ്ങളും!

ഇതാണോ കെ.എൻ. ബാലഗോപാലിന്റെ പ്ലാൻ ബി? ബജറ്റ് പ്രസംഗം കേട്ടു കഴിയുമ്പോൾ ഇങ്ങനെ ഒരു സംശയം തോന്നുന്നത് ന്യായം. സ്വകാര്യ മേഖലയെയും സ്വകാര്യ മൂലധന നിക്ഷേപത്തെയും മുന്‍പെങ്ങുമില്ലാത്ത വിധത്തില്‍ ഇരുകൈകളും നീട്ടി സ്വീകരിക്കുന്നതാണ്‌ ധന മന്ത്രി കെ.എന്‍. ബാലഗോപാല്‍ അവതരിപ്പിച്ച കേരള ബജറ്റ്‌. സ്വകാര്യ മേഖലയോടുള്ള നയപരമായ ‘അയിത്തം’ ഇടതു സര്‍ക്കാരുകള്‍ നേരത്തേ തന്നെ അവസാനിപ്പിച്ചതാണെങ്കിലും, സ്വകാര്യ മേഖലയെ ഭാവികേരളത്തിന്റെ പ്രധാന മൂലധന സ്രോതസ്സായി കാണുന്ന രീതിയിലുള്ള മാറ്റത്തെ സാമ്പത്തിക രംഗത്തെ രാഷ്ട്രീയ നയംമാറ്റമായിത്തന്നെ കാണണം. ഒളിച്ചുവച്ച വാക്കുകള്‍ കൊണ്ടല്ല, ബജറ്റ്‌ പ്രസംഗത്തിലുടനീളം സ്വകാര്യ നിക്ഷേപത്തെ പരസ്യമായി ശ്ലാഘിച്ചുകൊണ്ടാണ്‌ ധനമന്ത്രി നവകേരള സൃഷ്ടിക്കായി അവരെ സ്വാഗതം ചെയ്യുന്നതെന്നതും ശ്രദ്ധിക്കണം. എന്തുകൊണ്ടാണ് സ്വകാര്യ മേഖലയെ ഇരുകൈയും നീട്ടി ക്ഷണിക്കാൻ ധനമന്ത്രി തയാറായത്? സ്വകാര്യ പങ്കാളിത്തം വരുന്നതോടെ സംസ്ഥാനത്തിന്റെ വികസന രംഗത്ത് ഏതൊക്കെ തരത്തിലാണ് മാറ്റം വരിക? അതു മാത്രമല്ല, ബജറ്റ്‌ പ്രസംഗത്തിന്റെ ഉപസംഹാരത്തില്‍ പ്രവാസി മലയാളികളെ കേരളത്തിന്റെ സവിശേഷ സമ്പത്തായാണ്‌ മന്ത്രി വിശേഷിപ്പിച്ചത്. അവരെയടക്കം ഉപയോഗപ്പെടുത്തി വിവിധ രംഗങ്ങളില്‍ മൂലധന നിക്ഷേപം നടത്തി വികസന രംഗത്ത്‌ വന്‍ കുതിച്ചുചാട്ടം നടത്താനാവുമെന്നാണ്‌ മന്ത്രി പ്രതീക്ഷ പ്രകടിപ്പിക്കുന്നത്‌. ഇക്കാര്യങ്ങൾ വിശദമായി പരിശോധിക്കാം.
പങ്കാളിത്ത പെൻഷൻ: ആ ‘ഇടത്’ നിലപാട് മാറുമോ? എന്താണ് ധനമന്ത്രിയുടെ മനസ്സിലെ പ്ലാൻ ബി?

ജീവനക്കാരുടെ പങ്കാളിത്ത പെൻഷൻ പദ്ധതി ഉപേക്ഷിച്ചു! എന്നാൽ പഴയ പെൻഷൻ പദ്ധതിയിലേക്കു മടങ്ങുകയുമില്ല. എന്താകും ധനമന്ത്രി കെ.എൻ. ബാലഗോപാലിന്റെ മനസ്സിലെ ആ പ്ലാൻ ബി? ബജറ്റ് പ്രസംഗം കഴിഞ്ഞപ്പോൾ ജീവനക്കാരുടെ മനസ്സിൽ ഉയർന്ന പ്രധാന ചോദ്യങ്ങളിലൊന്ന് ഇതാണ്. ജീവനക്കാരുടെ ഏറെക്കാലത്തെ ആവശ്യവും മുറവിളിയും പരിഗണിച്ചാണ് പങ്കാളിത്ത പെൻഷൻ പദ്ധതി പിൻവലിക്കാൻ തീരുമാനിച്ചത്. പങ്കാളിത്ത പെന്‍ഷന്‍ പദ്ധതി പിന്‍വലിക്കുക, സ്റ്റാറ്റ്യൂട്ടറി പെന്‍ഷന്‍ തിരികെകൊണ്ടു വരിക; വലിയൊരു വിഭാഗം സംസ്ഥാന സര്‍ക്കാര്‍ ജീവനക്കാരുടെ ഏറെ നാളായുള്ള ആവശ്യത്തിന് ഈ ബജറ്റില്‍ പച്ചക്കൊടി കാട്ടിയിരിക്കുകയാണ് സംസ്ഥാന സര്‍ക്കാരും ധനമന്ത്രിയും.
'കടുവയെ' വരുത്തി കലഹം തീർത്തു; 2010ൽ ബിജെപി മന്ത്രിസഭയിൽ; സഖ്യം വിട്ടപ്പോൾ മുഖ്യമന്ത്രി; ആരാണ് ചംപയ്‌ സോറൻ?

ഏറെ കോലാഹലങ്ങൾക്ക് ശേഷമാണ് ചംപയ് സോറൻ ജാർഖണ്ഡിലെന്റെ പന്ത്രണ്ടാമത് മുഖ്യമന്ത്രിയായി സത്യപ്രതിഞ്ജ ചെയ്തത്. 67 കാരനായി ചംപയ് സോറൻ ഇൗസ്റ്റ് സിങ്ബും, വെസ്റ്റ് സിങ്ബും സൈറൈക്കല– കർസ ജില്ലകൾ ഉൾപ്പെടുന്ന ജാർഖണ്ഡിലെ കോൽഹാൻ മേഖലയിൽ നിന്നുള്ള ആറാമത്തെ മുഖ്യമന്ത്രിയാണ്. അനധികൃത സ്വത്ത് സമ്പാദനക്കേസിൽ ഹേമന്ത് സോറനെ ഇ.ഡി കസ്റ്റഡിയിലെടുത്തതോടെയാണ് ചംപയ് സോറന് മുഖ്യമന്ത്രിക്കസേരയിലേക്ക് വഴിതുറന്നത്. സോറൻ കുടുംബത്തിൽ അടിപിടി മൂത്തതോടെ ഹേമന്ത് തന്നെ ചംപയുടെ പേർ നിർദേശിച്ചു. മുഖ്യമന്ത്രിയെ ക്ഷണിക്കാതെ ഒളിച്ചുകളിച്ച ഗവർണർ പി.രാധാകൃഷ്ണൻ രാഷ്ട്രീയ കൂറുമാറ്റത്തിനു വഴിയൊരുക്കുകയാണെന്ന ആശങ്കൾക്കൊടുവിലാണ് സത്യപ്രതിഞ്ജയ്ക്ക് ക്ഷണിച്ചത്.

Results 1-100 of 488

Today's Epaper

MANORAMA APP

News +

our sites

about

QUICK LINKS

EXPERIENCE MANORAMA ONLINE PREMIUM

Our Sites